家嫂

营业中

休息中

之前初九星期六去食完。。。覺得水準唔錯。。。前兩日又約老公去食下。。。但係今次感覺好唔同囉。。。🙁我哋今次食五點至7:30呢個時段。。。時間上係足夠嘅。。。不過就欠缺彈性囉。。。只係分五點同7:30時段。。。人哋好多場係已入座計任食兩個鐘或者2.5小時。。。即係佢寧願有吉枱都唔放你入去開始👎一開始上刺身。。依家就冇乜問題都冇乜改變。。。整體食物都係差唔多啦。。。但係食客唔多加單就時有漏單🤦🏻‍♀️。。而且都係同我之前一樣咁講啦加單係比較小家嘅。。。有啲款式特別想食希望可以加多兩粒點知都係唔得。。。兩個人每次每款只係出兩粒。。我覺得驚客人浪費冇問題但係唔係咁小鬼囉👎。。。例如兩個人想加牛肉就只係得出來是兩片。。。想加墨魚丸就係得兩粒。。幸好海鮮都算新鮮。。。今次食仲多咗好多唔同嘅貝殼類。。但係食到最後就真係有點失望。。。。試過好多次黎都係芝士蛋糕🍰。。。。但係今次竟然係求其比兩舊雪糕打發你。。。呢點我覺得。。。。Cut cost cut 到咁? 短期內應該唔會再食下一次。。。由於今次係7:30前要走所以價錢係298 +1。。。

打電話去book答我話有位，冇問題，結果去到話冇record仲俾職員challenge我冇打過，俾返個記錄佢睇就死狗咁，搞錯左冇位唔緊要，當日晏晝打返俾我都唔會咁嬲，去到仲要俾你個員工咁樣質我？有冇搞錯

入到去第一感覺望落環境唔錯 空間感好足夠唔會好似一般出邊打邊爐 舖頭坐到密質質 背貼背咁枱面都好夠大 啲嘢食嚟齊晒都仲有位剩坐低之後 店員會放低當日唔同嘅餐前小食麻辣皮蛋👍🏼牛油果蕃茄沙律👍🏼醃蘿蔔👍🏼木耳腐皮👍🏼黑松露蝦多士👍🏼酸菜魚 👍🏼 ((係呀！你冇睇錯酸菜魚都係小食嘅一種))以上所有小食都可以任食 每次每款可以點一份每一款都好好味😋食完小食之後 可以同店員講上刺身大約有八款唔同種類嘅刺身 全部都好新鮮海膽望落好靚 食落口唔會腥 但唔夠鮮甜 北寄貝同赤蝦👍🏼都食得出鮮甜味道 可惜刺身係冇得任食㗎食完刺身之後隔一陣就會上埋個雞煲同平時雞煲一樣都有大中小辣揀 我地就揀咗小辣啲雞好滑！😍雞煲入面仲有花膠同埋雞腎 花膠比較腍 雞腎就好好爽口👍🏼另外仲有豬皮同埋響鈴俾你浸落雞煲入面一齊食同樣地雞煲係可以refill既💪🏻食到呢度其實已經飽咗七成😂不過重頭戲依家先開始 記得有五至六款唔同嘅湯底俾你揀我哋見呢個 漁民艇家鍋 幾特別就試試佢問咗店員 原來呢款係魚湯湯底 (魚湯湯底煲內左會太腥)湯底到咗之後 店員會自動波送上環遊海鮮船😮船上面有 生蠔 帆立貝 鮑魚 大蜆 青口 墨魚滑釀冬菇 脆玉

政府話年初七開始就可以有晚飯六點至10點。。。我哋就初三四急急腳打電話去預早訂定星期六晚六點。。實在太耐冇晚餐啦好期待😍基本上未夠六點已經仆咗上去。。。原本諗住食特價嘅298餐7:30前埋單。。。不過後來問咗職員原來348暫時係唔限時間。。即係可以坐到收檔10點。。。所以我哋立即要求轉返食正價唔使趕頭趕命慢慢食。。。😋😋首先環境真係唔錯。。。唔似出邊啲火鍋店背脊貼背脊。。。枱面又夠大。。。好快職員已經上咗刺身同埋好幾碟小食。。。出邊仲有得免費任飲飲料🥤。。。不過唔包啤酒🍻就唔夠過癮囉。。。但係7:30之後不定時會有餐酒車（紅白酒）免費享用刺身方面雖然冇得任食但係都很滿意。。。之後就開始想雞煲🐔。。我哋選擇咗中辣🌶雞煲入邊仲有少少花膠。。。雞煲可以任意添食。。。不過我哋食一煲已經好足夠因為我哋要留肚食海鮮🦐🦑🦀🐟。。。原來海鮮都可以任食㗎。。當然仲有手打丸同埋雲吞烏冬炸魚皮同響鈴啦。。。不過佢refill我就唔太鍾意佢嘅方法。。。例如我淨係想添加多啲墨魚丸又唔得。。海鮮方面我淨係想添加帶子串和蝦膠釀冬菇🦐🍄卻只能夠兩個人添兩粒兩串。。。有時想爽快啲淨係想要六粒墨魚丸都話唔得。。只能夠二人

朋友話試過大埔分店好得, 海鮮控一定要試下, 咁我就搵機會要試下家嫂! 終於book到旺角分店, 食完後, 朋友話大埔分店好好多! 不過我就不能咁講, 因我未食過大埔分店, 我只能對旺角分店作出評價! 咁評價係唔錯, 唔難食, 又無咩特別好食, 分量一定夠同多, 合大食人仕幫襯! 由於當時未諗過寫食評可能相片不多呀! 講番今次用餐, 環境係OK 唔太迫, 一坐下就即時上前菜小食, 速度好快! 豬血同蝦多士好食, 再上雞煲, 但雞煲味道一般! 食完之後, 叫可上刺身, 等左好耐先到, 心諗係咪唔夠刺身船呢? 刺身有海膽唔太腥, 其它都好新鮮! 之前就到火鍋, 老火湯湯底, 飲了一口唔錯, 但媽媽煲得好飲D, 哈哈! 幾款海鮮上場, 算新鮮, 但我唔like D 蟹咁切, 偏偏出面好多都係咁切法, 聽聞唔會日日一樣, 咩新鮮就入咩貨! 再黎火鍋配料, 牛肉都好食, 全部都可 refill (刺身除外) ! 不過其實都已經好飽 refill 不到! 之後未食完, 家嫂已好急不及待地上甜品 芝士蛋榚 (本人唔食芝士所以唔知好唔好食), 但客人根本未打完邊爐就上甜品, 而且仲要無野包住就咁放係我

由最初$398，到近日加價至$468，第三次幫襯盆菜。加咗價，但以4-6人頭計，依然超值。到底貴在邊？相信係用料。第一次係細隻蠔皇鮑魚，之後改為稍大嘅新鮮鮑，其實綜合整體質數嚟講，性價畀十足。最驚喜莫過於今次，竟然隻隻4r相咁大，唔韌兼溏心！媽子對zenses紙巾咁大咁厚肉嘅花菇讚不絕口，話菇味足有夠軟身。其餘食材保持一貫水準- 厚花膠同鵝件勁多，豬手一件1/8 A4咁大，軟到一夾就離骨，膠質極重。皇帝蝦鮮甜爽彈。蘿蔔從來冇渣，芋頭粉糯到加熱後變形。不過最正係鯪魚球- 彈牙過星馬魚蛋，且陳皮香極為濃郁。唯一改進空間係湯頭：鮮係鮮，但第一次過淡，之後汲取意見，點知最近兩次又少許過鹹。冬至翌日，餐廳打嚟問我哋意見，足證其重視食物品質，咁用心實屬可貴。可惜家父吝於讚賞，只冷冷拋下句「OK」，唯有以呢篇食評補過...... 另外，前兩次食物爆多，盆菜未能完全蓋上，見你哋用雙層保鮮紙另外密封。今次改用高身透明膠蓋，抵讚！都係嗰句，希望你哋睇到啦。

基本食序係前菜小食>刺身盤>蝦多士>雞煲>湯底>海鮮>肥牛>火鍋配料>菜>芝士蛋糕刺身盤冇得refill，其他都係任食。🖋刺身盤可以打卡，有海膽、赤蝦、帶子等，海膽不錯，個人對海膽都有要求，至少佢唔會腥，算是合格🖋個人覺得佢咁多環節入面，最吸引係前菜、蝦多士、湯同蛋糕。前菜多款式，encore左烤夫同皮蛋，其他都唔錯。蝦多士夠鬆脆，不過我唔鍾意個沙律醬，太甜蓋過晒蝦多士既味道。湯足料夠味，沒有味精。芝士蛋糕係硬身個種，同元氣個款一樣。欣賞佢有多種唔同既醬料同埋清熱飲品。👍🏻🖋雞煲唔夠味，唔夠辣。火鍋配料太少，海鮮又不是太新鮮，食完一round都不會再refill，可能我都係岩食cheap野，例如丸、午餐肉呢啲。🤣總結 - 不過不失，如果呢個價錢你食得多海鮮可能抵，但係個人覺得呢個價錢可以有更好既選擇。

一家四口好耐都無出動食飯，適逢小朋友生日，佢想打邊爐，最近同事又推介呢間家嫂，一於試試整體都好滿意，食物總類多，夠晒飽，覺得幾抵食我係預先電話預約，因為聽同事講訂位好啲。當日中午店員會打電話比我確定預約，又問我洗唔洗留定個粉葛老火湯一黎到坐底，張枱好大，坐得落12人，因為限聚令關係4人都有得坐大枱之後就出去拎飲品同醬料，呢度嘅飲品好多選擇，而且所有都係獨立包裝，真材實料，醬料方面都好多選擇，有成十幾款，唔少都係秘製嘅拎完嘢飲同埋醬料，前菜就上枱啦，有成六至七款既前菜，而且係無限添食，我地一家最like黑松路蝦多士&皮蛋，分別再叫2-3次。然後刺身就上枱啦！幾欣賞佢嘅刺身冇三文魚但係就有吞拿魚，普遍刺身都算新鮮，最估唔到呢就係有海膽。之後就到雞煲，雞煲嘅評分就不過不失，所以我哋冇再encore留肚食下一轉火鍋海鮮。（雞煲都係任添）今次邊爐湯底係今日電話已經預留嘅粉葛老火湯，連阿媽都話冇咩味精飲得過，最好味係加埋海鮮之後熬製果啖湯特別鮮甜。由於佢嘅鍋係蒸氣鍋，我哋打火鍋嘅時候都冇加過水。海鮮嘅種類都算多，食埋其他火鍋配料，成家人個肚呢都脹卜卜。驚喜仲未完，職員仲推車出嚟紅白酒任飲，最後仲要

同朋友搵打邊爐嘅舖頭，亂衝亂撞就嚟咗呢一間啦！前菜有一大盤刺身，包括帶子、油甘魚、魷魚、海膽等等，質素就一般啦，唔算有好大驚喜🤓然後就到雞煲啦，我哋揀咗小辣，雞嘅質素都OK嘅，但係雞煲底就冇咩味道，冇咩調味咁！最後終於食到主菜，就係海鮮加火鍋啦！海鮮選擇頗多！有帶子、鮑魚、蝦、蜆等等，如果鍾意食海鮮嘅朋友，呢度都幾啱你食嘅。佢飲品方面，有好多佢哋自家製嘅飲品，例如蘋果雪梨水、紅棗桂圓等🤓🤓😎

係網上見到58蚊起任食火鍋套餐(一只包一碟肉類) 抱住無野食都係俾58蚊姐的心態去試 一去到見到個場好乾淨企理 d用具都幾有宮廷特色 留意番佢只包一碟肉(豬or雞) 果日我就兩樣都有試哂 兩樣的質素都係中上 另外佢設有自助吧 一些基本的火鍋配料都有 (例如: 菜, 丸類, 豆皮, 腸仔, 豬皮。。。) 所以基本上你一定會食到飽飽 而飲品方面 真係一個加分位 佢有好多的自製飲品供客人選擇 (例如: 竹庶水,雪梨蘋果茶,羅漢果水。。。) 總而言之 一個字: 抵

中伏總有時系列賣相令人十分期待的邊爐，多款前菜、魚生、雞煲、火鍋，應有盡有，還有竹蔗茅根、羅漢果茶等養生清熱飲品。可是火鍋湯底十問九無，只能叫花膠菇湯，完全吃不出味道。海鮮魚生不新鮮，蠔更有怪味，當晚吃完幾個人都有點不適。前菜黑松露多士和甜品芝士蛋糕竟是整餐最好的兩道非邊爐食物。店員服務態度一般，問多幾句都有點不耐煩。下單又有點亂。是我們要求太高嗎？其他食客都開懷大吃，飲飽吃醉，有興趣即管親身體驗吧。

＂家嫂＂我帶過很多朋友去食晚飯，今次都六位八位好朋友一齊去。在＂社會運動和限聚令期間，也會去支持這店生意。一星期前預訂7:30pm . 提前7:00pm 到達，今次不滿意有坐枱安排在廚房出入口，要求店長更換坐枱位置，在還其他空位枱情況下。店長卻不肯轉其他位置枱。所以只好離開，唔食，轉塲。所以通知我全部朋友，再不去＂家嫂＂食晚飯。

2019年開業初期，食過一次，真係做得好好，今次再去，已經變差了。（1）訂咗位，準時到，接待姐姐話冇資料，搞咗一陣，店員的態度🔥🔥🔥與開業時已有很大的差別（2）餐牌內的鮑魚花膠雞煲上枱，望吓個煲只有雞，向服務員查詢，服務員表示鮑魚花膠會另上做打邊爐， 打邊爐的食物到齊，都仲係未見，既然係打邊爐既食物，點解要追先有（3）當晚十點離開，翌日早上，不停痾嘔，發燒發冷，要到醫院睇醫生，打咗支針，診斷係急性腸胃炎，同行的朋友，翌日下午，情況跟我一樣，要去睇醫生，另一位朋友就全日搞肚痛

見價錢抵到爛(4-6人) 本身期望一般 諗住食得過就算 點知十分足料兼好食難怪去到大排長龍 要等 不過都值嘅皇帝蝦 king size! 蝦頭爆膏 爽彈鮮甜花膠又多(有六七件)又厚(約半邊手掌大)鮑魚大小適中 肉質軟帶唔韌 略帶鮮味花菇隻隻飽滿厚肉 爽滑且菇味濃厚巨型鯪魚球彈牙富陳皮香 成功令我對鯪魚改觀墨魚丸多粒粒 有咬口兼爽彈鮮味完成以為兩款丸係一般平價嘢 但觀乎口感同唔太平滑嘅表面 似係手打魚腐好多件 索湯一流 豆腐咁滑豬皮豬手媲美花膠 入味兼軟滑到離骨 食極都有鵝都唔錯 肉味濃郁 芋頭蘿蔔兩盒另上 墊埋落底大盆到就瀉倒落隻32吋鑊燜煮 堆到座山咁好震撼芋頭超綿入口即溶 蘿蔔冇渣清甜入味 仲有零星魷魚蠔豉 同一隻鵝掌 意外驚喜湯膽好特別 與傳統盆菜相比偏淡 但好鮮甜 當湯飲都唔渴 (兩杯珍奶咁多)整體而言水準平均 樣樣都好出色外叫多半隻雞 嚿嚿厚肉 OK有雞味即使髀位雞皮薄到透光 令人驚艷皮肉之間有啫喱 睇嚟有過冷河老老實實齋食盆菜已經夠飽 唔洗特別加料物超所值 遠超期望 成家人都讚好正唯一缺點係不設送貨服務 (加錢都冇)石頭咁重 要跨區自取辛苦過舉鐵必定會回頭 希望你哋堅持熱誠

真係好激氣！即日6:00打去問有冇位，佢話8:30有位，咁唯有等2.5個鐘啦，當行吓街，點知8:15先打嚟話無位，話啲客唔走，同埋啲客嚟緊，咁我同我朋友夠嚟緊啦！我哋都勁肚餓等佢，出面仲要落勁大雨，行晒雷，然後啲食店勁多人排隊囉，搞到我哋好無奈咁等咗半個鐘去食另一間快食餐廳。咁我打去時應該直接講無位，我哋咪去第二間食，等到8:15先同我講話無位，係咪太過份呀？或者可以同我講，我而家係waiting list,到時候未必一定會有位，咁我都無咁嬲！之前食過呢間，啲嘢都算好，多選擇，所以先諗住帶朋友再嚟幫襯，點知⋯太失望啦！完全不能接受！安排太差！