家嫂

营业中

休息中

真係好激氣！即日6:00打去問有冇位，佢話8:30有位，咁唯有等2.5個鐘啦，當行吓街，點知8:15先打嚟話無位，話啲客唔走，同埋啲客嚟緊，咁我同我朋友夠嚟緊啦！我哋都勁肚餓等佢，出面仲要落勁大雨，行晒雷，然後啲食店勁多人排隊囉，搞到我哋好無奈咁等咗半個鐘去食另一間快食餐廳。咁我打去時應該直接講無位，我哋咪去第二間食，等到8:15先同我講話無位，係咪太過份呀？或者可以同我講，我而家係waiting list,到時候未必一定會有位，咁我都無咁嬲！之前食過呢間，啲嘢都算好，多選擇，所以先諗住帶朋友再嚟幫襯，點知⋯太失望啦！完全不能接受！安排太差！

多款前菜，最好食嘅係黑松露蝦多士，蜜糖雞翼，皮魚蛋同秘制田螺。雞煲就麻麻哋，今次邊爐湯底係養生湯味道比較淡。下次都係要返老火湯。除咗刺身其他食物都係任點任食。仲紅白酒任飲。下次可以直接唔食雞煲食多啲其他嘢。一定會重複幫襯切記先打電話去book枱

我太太、媽媽和外母四人去試，老人家不能夜食飯，所以選5點場，有小食、新鮮的刺身、雞煲、火煱，對女仕的話，份量太多，因為食物是按人數不停的送上，有些也吃不下，在放上枱時已經叫服務員拿回去，飲品都是自家製的清熱飲品，不太甜，非常好，服務員都很友善，整體都非常滿意，會介紹朋友的。

入食已經火滾，去了幾次都是5-10pm, 當天book了6:00， 我同媽咪早到了5:20佢唔比我入，佢餐廳好少人，大把位， 要我帶住個老人家周圍行，又熱，仲要話得兩個半鐘，我話一直都冇講，我電話book位時亦冇講，態度超衰話： 不嬲都係！😡😡😡😡 但我食過幾次都冇咁既事😡😡😡食物更好食抵食都冇用，我早一天打去加多一位，聽電話個位話冇問題，仲有張8折券比我用，即係每位只需要$31x, 但當埋單時又唔係，計$348/位，我同佢講話電話訂位講有8折，佢又態度超差話： 我唔知，冇呢回事！我同家人朋友即刻著火😡😡😡😡😡唔會再介紹朋友去食，兩三個侍應態度都超差...😡💪🏻💪🏻

朋友約飯聚揀「家嫂」話可以一次食矖刺身、雞煲、火鍋！咁就緊係啱矖我尼D眼闊肚窄嘅人，可以咩都試少少！「家嫂」環境同大多數放題/ 火鍋店錯不多，未至於坐得好迫👌🏻 一坐低會放低一轉四五款嘅餐前小食，小食係任食，蝦多士、雞亦同炸翠玉瓜我哋都有反叫👍🏽我覺得值得加分嘅地方係火鍋醬料選擇十分多，任飲飮品除咗罐裝汽水、烏龍茶果D仲有十分足料嘅養生茶，有成五、六款，不過上網見到有人話食夜啲果轉咩都冇，我建議大家都係去食6:00-7:30 入坐好啲，因為我去果晚7:00 入坐，到八點令確係有兩種左右養生茶所剩無幾！之後唔見有人加返，可能真係好早會清貨剌身：擺盤幾靚，我見隔離枱甚至有成張六人枱長嘅刺身船😨 問過姐姐份量其實一樣，遇唔遇到睇彩數😂 刺身質素幾好，甚至好過一D日本放題店，特別係海膽，可惜所有刺身唔係任食雞煲：雞份量多，我哋食唔晒啲雞，我哋叫小辣，雞煲都做得幾好，夠味夠熱，上枱果下仲吱吱聲！如果可以多啲配料枝竹、豬皮仲好火鍋：其實食完雞煲已經七八成飽😅火鍋一開頭佢會有一set 海鮮拼盆同火鍋料上齊俾你，火鍋料同大部分海鮮係任食👍🏽海鮮就一般般，蜆有沙同有幾多唔開口！丸同餃都差，反而肥牛同豬肉

朋友好介紹。三人聚會早2日先想訂。都諗住無位。點知話可以有5點場。7點半交枱。最鍾意食早鳥晚餐侍應態度唔算友善。但又唔算好差。麻麻地啦裝修得環境幾靚。餐具有特色。除左 筷子。無匙羹。有啲唔方便好多自家飲品。 柑桔檸檬薄荷葉茶。 蘋果雪梨茶等等。好足料唔似其他放題。大多數係汽水。刺身新鮮。帶子好厚呀。正！6小碟。除左咸菜豬肚麻麻地。其他都好食。蝦多士。雞翼 正爆😋😋refill左一次食到咁上下。麻辣雞煲嚟啦。可揀大中小辣。我要左中辣。岩岩好。唔算搶味。refill左一次個石鍋面唔熱架喎。唔了佢都唔痴底火鍋湯底 花膠猴頭菇無花果。濃湯底。每人飲左2碗先再加水🤣火鍋 跟一碟牛。。一入口。勁牛呀💕仲有魚。魚皮。響鈴。烏冬。餃子。手打丸連個鍋都靚過人。好想買個番屋企甜品係new York cheesecake但唔比甜品叉或 匙羹。侍應話。主張用手食喎😒最後用 筷子食

第一次寫食評 差到野食再好味都唔會再食父親節10:30pm宵夜時段入座 坐滿左一半枱1.餐廳衛生麻麻 圍住枱底成地都係d殻同骨 店員無主動掃走🙅🏻‍♀️2.坐低左 無店員會理你架 無人介紹點食法 乾等左十分鐘終於上小食🙅🏻‍♀️3.想試養生果茶 一款都見唔到 現場只有道地三款飲品 同熱茶🙅🏻‍♀️4.問店員fill養生果茶 佢話今日太好生意賣哂😣5.問店員拿紙巾抹咀 佢地話無紙巾供應 比錢都無得買 餐廳連基本紙巾都無好搞笑🤔🤔🤔6.食刺身拼盤 無比到海膽我地 話宵夜時段無😿7.食雞煲 睇其他食評話有鮑魚 我果個一粒都無😮8.食火鍋 海鮮拼盤 我見到隔離枱比我地多左一串串既帶子 我無問點解但我地差不多時間入座的 🧐9.海鮮任點任食 但店員話只可以加點蟹/鮑魚/蠔。 龍躉/貴妃蚌/魚/花膠都賣哂啦喎🤷🏻‍♀️ 所謂任點任食原來乜都無貨🧐10.食左一個鐘都無見過有店員補過飲品櫃 道地都係得返甜既茶11.11pm我問店員可唔可以加下道地解茶 佢地話無啊無得加 賣哂架啦 WTF🧐🧐🧐 餐廳營業時間到2am的 仲有三個鐘都無人做野 個個係度傾計玩手機 🤷🏻‍♀️🤷🏻‍♀️🤷🏻‍♀️12.由於我唔太鐘意飲甜野 我

生日飯局 - 一行十一人緊係打邊爐，朋友選擇了這間餐廳，由於沒有試過，所以覺得很surprise。由於限制令關係，我哋分左兩張枱，首先就去攞飲品，選擇很多，還有已沖好的手調杯裝飲品，我選擇了金橘芒果汁，芒果味濃郁又不太甜，還有白酒紅酒任飲，但要等他的手推酒車出來才可refill。先來的餐前小食，種類很多，味道不馬虎，認真製作，黑松露多士👍🏻👍🏻👍🏻五人份量的刺身船，氣勢十足，材料新鮮，份量足夠，而且刺身厚度算大份，我們見到刺身船，就不停影相，淨係呢個，已經值回票價再來一個鮑魚雞煲，我們選擇了小辣，味道足夠，雞肉嫩滑，可惜搵唔到鮑魚再來一個海鮮火鍋，還有飲食材料，因為我哋掛住傾偈，食唔切，所以冇再order，但每一樣材料都很新鮮，肉味夠，手打丸彈牙，響鈴一般，炸魚皮鬆脆...食完以上食物， 個肚已經冇位，但仲有甜品，芝士蛋糕🍰芝士味道剛好，不太甜，雖然很飽，但朋友極力推介，最後食左一件，仲想食多舊買單大約每人$400 ，但係呢個價錢可以食到咁多野，已經很超值，而且食物水準偏高，值得一試

推薦指數：🤩🤩🤩🤩🤩私心推介！超高CP值性價比爆曬燈⭐️呢間家嫂真係好正，佢係放題任飲任食，但水準極高，連飲品都係自家製，天然低糖多款任揀😵醬料都勁多選擇，樣樣齊，重點，每人加一後都係三百幾😇💜由前菜、小食、刺身、雞煲、海鮮火鍋、再黎甜品！一個價食哂以上所講嘅所有嘢，除左刺身盤之外，其餘可以隨時refill 🤗前菜小食都有幾款，款式不定期更新，今次必食推介嘅係黑松露蝦多士🥰超級好食！蝦多士出面唔多地方有得食，呢到新刺炸起啖啖蝦肉🍤另外蜜餞雞翼都超正，基本上所有前菜小食都好高質 絕不馬虎🤣再黎刺身盤，嘩你估佢唔到嘅咁高質素，根據人數安排份量，起碼有6-7款刺身，海膽！大帶子！油甘魚，全部份量足料新鮮💜💋再黎雞煲，呢個就中規中矩，我建議留肚食海鮮火鍋😇嚟啦戲肉！火鍋湯底有多款，我地訂位時預留左花膠老火湯湯底，真心唔錯 無味精老火湯，足料花膠🤗不過我下次會想想嗌椰子湯底，相信會更match海鮮💪🏻火鍋料真係嚇一嚇 海鮮拼盤蟹、花甲、青口、龍躉、蝦滑、鮮魚！超大假蟹，爆哂膏架！其他海鮮全部都係新鮮，肯定唔係冰鮮果種🥳真心好有驚喜，另外仲有其他火鍋配料！重點全部都係可以任嗌😮😮😮😮無錯連海鮮都可以

因為特別的日子要慶祝，所以想搵間氣氛，食物，價錢都合適的餐廳，上網睇到好轉人介紹家嫂，但因為臨時臨急趕唔切book 枱所以膽粗粗walk-in，去到真係好好彩有最後一張枱，入到去已經坐滿晒人，氣氛非常熱鬧，今次食火鍋放題，一上枱就已經放滿好多唔同的小食，細細碗全部都可以任食，最印象深刻係黑松露蝦多士，真係又脆又香又有蝦味，我食左幾輪刺身方面新鮮，帶子，甜蝦鮮甜，海膽回甘，非常好之後就上雞煲，去到e 個位，我已有些小飽，好後悔冇餓左一朝先黎食火鍋配料非常新鮮，真係誠心推介朋友黎食，價錢絕對非常實惠，一間非常有質素的餐廳，一定會再幫襯

第一次嚟呢間火鍋店😊 一入到去 感覺唔錯、乾淨、環境有啲特色 佢嘅食具都比較特色一坐低就攞飲品係自助式，有驚喜 終於都唔使飲罐裝飲品，養生飲品有好多種類又唔太甜食火鍋比較濃味健康清甜飲品簡直一流（我飲咗竹蔗茅根同埋薏米水）正之後就有好多餐前小食 麻醬沙律 內容好豐富唔會只得菜皮蛋係流心的、松露蝦多士香脆， 雖然好味建議唔好食太多 之後仲有好多好嘢食 刺身拼盤 海膽金香 帶子鮮甜肥大 八爪魚新鮮 全部新鮮 接著就係麻辣雞煲，有不同嘅辣度選擇 雞塊好滑 非常野味（ 雞可以不停添食）火鍋係花膠湯底香噴噴（訂枱嘅時候留定）先飲碗湯 正火鍋海鮮種類都多，特別蟹又大隻又多膏 蟹鉗有我手掌咁大 鮑魚仲喐下喐下，蜆咩都算大隻冇沙、 魷魚好鮮甜 最愛嘅蝦滑食咗三碟😋 花膠都唔算迷你、對於我嚟講青口 就麻麻，原條小桂花魚好鮮甜， 餃子皮薄好正到到尾聲仲有芝士蛋糕，雖然已經很飽 但都食曬 整體食物好有誠意嘅 上次飲品下次調味料 都感覺有個心去做的 好滿意 一定會再encore

Gathering最好食咩？打邊爐係最先popup ge想法～💡同事極力推介lee間打邊爐～話勁多嘢食！仲要好好味！！佢係有d似放題～分3個section😂😂1️⃣刺身2️⃣雞煲3️⃣火鍋某部分嘢食係可以無限refill飲品refill～每台一開始會俾d小食你食～（d小食可以refill嫁）🌟單骨雞翼lee碟小食大家都好評如潮！話好好味！encore左兩次我個人覺得太濃味～所以還好😂😂😂其餘小食仲有手拍青瓜、東風螺～以任食黎講，質素好5錯！！😍🌟刺身船一黎到真係俾佢嚇親⋯好大碟⋯如果你多d人（我地5個）仲會俾架船你但質素真係麻麻⋯海膽好「腥」⋯蝦有d5新鮮⋯「梅梅」地😵😵5好有太大期望⋯🤢🤢🤢🌟雞煲又係超多雞件～味道5錯～入味雞就還好～5太滑好彩d調味可以掩蓋d雪味～值得一提佢有花膠好足料～俾個讚佢！🌟火鍋入面包左海鮮、餃、肉丸、菜、魚皮留意番d肉只可以牛or豬冇得兩樣要嫁d海鮮好新鮮大家睇下d蟹膏wow！！好吸引係咪？😂😂肉都5錯係d丸麻麻地～🌟芝士蛋糕仲有甜品！5會太甜剛剛好！仲以為會好頹🌟養生飲品佢d飲品好特別～係自己裝ge飲品有柚子密啊杞子農眼水等等好impressive！！真係好足料嫁我

近排疫情好轉左 終於可以打邊爐喇 今次已經係第三次黎打邊爐 冇黎一排 食物水準依然keep到 刺身依然好鮮 值得一讚係佢既海膽好鮮甜 小食依然好好食 特別推介佢個又香又脆既松露蝦多士 雞煲依然好惹味 而湯底依然好香好濃好足料 今次揀左濃湯螺頭花膠鍋 真係好多好多花膠 滿滿既骨膠原呀 完全冇令我地失望由於近排多返人打邊爐 所以都要預早幾日book枱 價錢方面 三百幾蚊唔算係特別平 但係食到刺身邊爐雞煲 仲有紅酒白酒免費添飲 飲品種類又多 仲有大量手調飲品選擇 其實都算物超所值應該好快又會再黎喇😍

嗰日同幾個朋友行旺角，正為左諗食咩頭痛之際有個朋友係COCO DUCK個位見到大大隻家嫂呢隻字就行左上去食，一心以為又係放題(點知有驚喜) 一坐底諗住拎個餐牌叫野食，點知個mean只係得一板字寫住4-6位幾多錢，8-10位又幾多錢，同食物內容，好似酒樓叫一圍菜咁，就問呀姐，呀姐話: 唔洗點菜架，淨係叫個湯底就得架喇有椰子雞，花膠雞，我地選擇左後者而我地幾個又以為係打邊爐啦，點知一上菜係幾個小食加前菜前菜:炸蜜糖單骨雞翼🐥燒雞泡魚乾🐡冰鎮麻辣苦瓜🥒麻醬沙律🥗蝦多士🦐(由於本人不吃蝦，不能品嘗，但朋友話好好食) (食完呢5樣都填左少少個肚，但未飽既) 之後又上左個: 新鮮剌身拼盤新鮮海膽簡直冇得彈，估佢唔到又有咁上下質素( 連平時唔食海膽既我都要讚好)仲有帆立貝，紅倉魚🐟，北寄貝，八爪魚🐙剌身，胡麻冰鎮日本甜番薯🍠🧆食完就上雞煲: 麻辣雞煲🐓🐔( 我影左張相放去我啲Friend既群組，朋友問點解咁少雞，我答我朋友話你親自過來就知道點解啲雞咁少！食完後呀姐仲問我地要唔要加雞，我地話唔要喇，因為已經飽左！之後再上邊爐:🍲🥘個花膠湯底真係好正，係未落其他配料前真係要飲番碗先好，之後就再落埋2條魚

難得疫情稍稍減, 但也不可放鬆,雖然限制令未解,但也要和幾位朋友相聚一刻, 因有位老友試過介紹一間在旺角即食府名叫「阿嫂」, 所以今晚變在這一聚, 乘𨋢上到去見到大大個招牌, 門口剛猛整潔 坐低便看菜牌,價錢只需三百多元,便能有多款食物的享受, 海鮮同雞煲仲要可以（添食）咁先至吸引 座位間隔都很寬敞環境也很舒適 除咗頭盤的小食外,隨後便奉上一個刺身拼盤,有海膽． 拖羅．帶子等, 每一種刺身咬落口都不是一些雪藏淡而無味的海鮮 隨後便來一個雞煲內裏還有幾隻手板大的蝦碌, 雞煲和蝦都煮得很爽滑很入味, 不是急凍的食材 但稍為可惜的就是個湯底 火煱的配料有鮮牛肉及一些火煱海鮮, 裏面最值一提的是他活生生的鮑魚及斑塊, 斑塊很有咬感及濃烈的魚味, 肥牛肉也算不錯 飯後的甜品就是芝士餅, 可能是食完火鍋的問題感覺芝士餅味道較為淡口 整體來說以這個價錢可以算是性價比的高的食店