宴 尖沙咀

原本想食任食牛加蟹，點知改左每人得3客，所以食番次一級算了，之後原來飲品都要+168 先有酒精+其他汽水，都算，最後仲要加前菜費$20, 前菜垃圾黎，根本為加而加，叫d 牛又20~30 分鐘都唔黎，再叫又話可能要等耐d, 咁你唔好set 時間，唔好last order la, 叫野飲又話飲完一杯先可以叫，我果杯當時只係所翻一啖，而且我等佢杯野等成10分鐘，吹單都吹幾次，而且我地喺房位置，唔係獨立房，好少人經過，咁當然見到人就叫定先，食物ok, 但唔係其他地方食唔到，可能平啲，服務仲好d,唔會再去

7月尾同屋企人去食飯慶祝生日。食之前打去訂位，諗住開開心心去食蟹。 去之前一日上網check下先之原來個松竹梅套餐改咗玩法。松套餐d蟹唔再任食，只可以每人食3客（即一隻半），無咗鮑魚同炸蠔，而且仲加咗價㖭。 心諗，慶祝生日唔好計較，而且想轉地方都改唔切。 一行三人去到，order咗3個松套餐。當想order同飲野package（本身屋企人唔飲酒），點知又改咗！？無酒精同有酒精free flow合併埋，統一收188。 同個伺應了解下，點解以前套餐有咁大出入。個伺應西口西臉咁好大聲答，d蟹係個供應商不斷加價，所以而家先至唔係任食。（哈哈，唔通無酒精飲品供應商都不斷加價？） 咁我地就order咗幾杯梳打飲品，梳打水多過乜，完全淨係飲到梳打水味，無其他味。（汽水都收成$40一杯） 食咗120分鐘後，伺應話夠鐘last order仲有無咩加。咁我地再加多最後4份牛。個餐寫明係宮崎特上和牛，點知佢比咗4份次級牛（超多肥膏），碌完後完全食唔到，太肥！ 最後食埋個雪糕埋單走人，計埋成9百幾一個人。下次唔會再幫襯，同埋介紹d仇人去食。

每次必點，海葡萄、魚背壽司，合符期望。是日刺身食左金目鯛，encore左一份。香甜爽脆清新，冇得輸。熱食方面，串燒是中規中矩，雖則用上地雞，仍沒太大驚喜。飲了不少酒，一碗烏東作結，暖胃窩心。服務方面，親切有禮，收碟換碟有效率但不會令人感覺催趕，對食材的問題也能迅速回應，真心覺得係飯堂。

生日冇得去旅行☹️唯有搵間日本餐廳，當去左旅行啦😭宴 好似話係香港數一數二嘅正宗日餐廳⋯有日本廚師⋯格局都好似置身於日本咁🇯🇵🇯🇵真係以為自己去左🇯🇵🇯🇵因為我生日 我就交俾男朋友發揮🤪🤪有廚師推住架車仔，有啲海產推介⋯但唔平，不過男朋友話我生日食好啲，之後叫一條魚做火炙刺身（好似叫池魚王？）😂唔記得左不過真係一般🤦🏻‍♀️我地話要爽口 但好淋⋯最後啲骨拎左去炸⋯特選刺身拼盤（6款）都ok 但就冇咩驚喜個好葡萄🍇好爽口 好食全晚啲野都算冇咩味咁，最後叫南韓炸雞 有啲味 忽然覺得呢個好好🤣🤣我生日有remark生日，所以送左呢個 😋😋😋最後埋單$1950

呢兩個嘢分別88同$98，完全係百佳嗰隻蟹柳小卷，態度唔好不特止，下下都要同你計錢，四百幾蚊嗌九款刺身每樣得兩片，之後嗌兩個卷，一嚟到真係呆咗，元氣都好食過佢，咁樣嘅質素收88同$98，另外刺身竟然冇上埋Wasabi，好唔專業，可能間舖頭係食火鍋我哋散叫所以就得到咁樣，買單都成2000頭，真心想問啲好評係咪買返嚟🤣🤣不過值得讚嘅係坐得舒服😌，座位都闊落，但係真係食物服務好失望🙃🙃如果想試嘅朋友可以試吓佢嘅火鍋千祈唔好散叫😄😄

4月中同朋友去食dinner之後原來自己一路都唔記得咗po呢間嘅review😅 講起沖繩除咗諗起海灘之外，我就會諗到苦瓜炒蛋。以前細個好驚食苦瓜，但近呢幾年開始由抗拒變到鍾意食苦瓜，慢慢人大咗口味都真係會轉。我地試咗佢個苦瓜炒豬肉($98)，呢個菜對日本人嚟講係一種家庭料理，食落又真係有啲屋企嘅味道🤣可能因為佢冇太多嘅調味，所以可以食到苦瓜本身嘅甘甜，再加上豬肉同炒蛋，係一個唔算好複雜但食落又好味嘅菜式。最有驚喜係個特製墨魚汁炒麵($82)，出奇地好有鑊氣，啲麵好有咬口幾好味，不過食完就記得要抹乾淨個嘴同飲水整返乾淨啲牙啦😉另外仲嗌咗炸雞($90) 同沖繩AGU豬肉餃子 ($78)，不過呢兩樣就相對普通。我哋當晚去餐廳有幾枱都係日本人，聽住佢哋講日文即刻好似有種置身喺日本嘅感覺。好想飛去日本呀～～😩

結婚周年，老公選這餐廳慶祝，難得拋下女兒們，當然慎選餐廳，善用這珍貴的晚餐拍拖配額。老公之前同友人們幫襯，好評，他說散叫和任食其實差不多價錢。店舖裝修普通，但很闊落，初期店員給我們2人枱，但當我們點打邊爐，便建議我們去bar台，無所謂，做便去吧～真的又大又舒服，可放很多東西。可能是在星期一的晚上，人不多，食打邊爐更少，聊聊可數。我喜歡打邊爐的，便選這裡的火煱，既然難得出街，我們選了最高級別的《松》。食物方面，原來任食只是牛，蟹，雞，豬，菜，烏冬及飯，我以為有刺身添……我們每人一客刺身、炸蠔及鮑魚，刺身其實略嫌普通，但鮑魚很好味，入味，彈牙，很好食。到主角出場，和牛不愧和牛，超級好食，有牛味又淋又滑，真心好好味，第2日，我同老公仍回味牛的香，滑，淋。原本我為松葉蟹而點這個餐，但……極失望，普通到似普通自助餐的貨色，豬，雞更可以不理，我們只食了第一輪。不得不提那個粉絲，很好食，很滑，點了多次。我們點了3杯啤酒，大杯，很夠了，不用加錢任飲。當然，與一般任食一樣，第一回的牛是最深刻最好食，之後上的較普通，但仍算好食。我們食了4轉牛，2轉蟹，2轉菜，飽到傻，我老公話差啲飽到嘔。🤣🤣🤣原本想試烏冬

男朋友話比驚喜帶我食一間難忘嘅餐廳，晚上帶左我黎～ 一坐低望住個餐牌，男友諗都唔諗就揀左任食和牛松葉蟹火鍋🍲 $658 一位，另加$88 任飲（有梳打..汽水）首先上嘅係啲磯煮鮑魚，炸蠔，刺身 。我覺得個鮑魚都幾好食，但個汁味道好似有啲濃得濟蓋過左鮑魚味。刺身就正正常常 ，日本餐廳刺身要新鮮係常識吧 之後就上兩牛一豬一蟹...頭一碟牛真係好好好食，未到入口即溶，但實在太滑了！即刻令人好想再叫多幾碟...望下啲雪花分佈平均..唯可惜的是，除了第一碟係比呢種靚嘅牛肉之外，之後供應嘅牛肉雪花分佈、脂肪 口感都同第一碟相差甚遠..但總括黎講都係好食的 松葉蟹方面，本身就已經熟，但可以再擺落鍋度滾一陣熱食仲好食～ 同埋啲蟹肉都唔係碎果啲，係成條條蟹肉咁，呢個都值得推薦食最後，講下服務方面希望可以改善下漏單情況～明明嗌左兩碟牛，等左好耐都未有，隔離遲嗌仲早上過我...我本人係幾介意漏單的，希望會改善下

勞動節本來想吃燒肉，但冇位，改來試吓這間日本餐廳，見餐牌有火煱放题，有壽司，刺身，今晚就試吓他們8件的廚師發板$580,牛舌串燒，鰻魚壽司，赤背刺身，見到其他人多數係火煱放題，8件廚師發板好快到了，第一眼睇到覺得物有所值，所用材料上等貨，之後來的鰻魚壽司也不錯，反而赤背刺身兩隻似乎份量太少，而且不夠爽脆，串燒牛舌也有水準，整體食物質素中上，價錢也是中上，但服務員似乎不熟枱號，遞茶連續兩次錯.

第一次去呢間沖繩居酒屋試左個「竹」嘅火鍋放題有一份刺身，蟹，鮑魚。另外肉類就任叫先講價錢，cover charge，兩杯細生啤同埋個餐價錢，$72X埋單刺身，鮑魚：好水準有鮮味蟹：fair，淡淡蟹味，明白嘅，都合格嘅和牛片：最失望。。。雖然佢嘅厚薄切得好好，但叫左三碟，三碟都係未溶冰，痴實嘅。咁我俾到呢個價錢，真係唔期待碟牛岀到黎我仲要等佢。個湯底好咸，食到第三四片牛肉，已經咸到要格硬食，咩牛味油花口感都食唔到咁，主打係和牛㗎嘛，咪用啲啤酒繼續配下食呢個價錢呢個質素好失望。。。

〈下篇〉依個鮑魚都係一次性嘅食物。入味得黎有咬口又彈牙，同事平時唔食鮑魚都話好食😋😋佢仲好細心咁整到個鮑魚離左殼，食落方便又可以好（扮🤪）斯文。一次性嘅食物仲有個炸蠔。上枱個陣又熱又脆，仲要小心唔好太快咬落去，如果唔係好易比d 蠔汁盪親條👅。其實味道都唔差，不過炸物易飽肚，建議如果唔係特別鐘意食蠔嘅朋友可以留肚食蟹。重頭戲終於黎🦀🦀🦀🦀一樣，解凍做得好好我鐘意佢冇其他酒店buffet d 長腳蟹咁超級鹹，瘋狂吸入都冇問題。長腳又長肉又實，帶住絲絲甜味，點埋個蟹醋簡直令人覺得人生好圓滿。蟹腳份量大大方方，食完再叫都絕對唔會比人dum 波鐘/黑面我留意到佢地後期上嘅蟹嘅份量每次都少話頭幾轉一半，一開始不解，食多幾轉就知佢應該係單純擔心我地飽左，所以少一d 咁上，食完再叫即可。之後就到任食嘅另一重點，和牛🥩🥩🥩可能我個人都係喜愛燒多過打邊爐，我覺得燒更可以食到佢個牛味，而家唔多唔少都比個湯底蓋左一d(即使佢個湯底已經好清好清。同埋送上黎嘅牛油脂分佈冇我相像中咁靚，食落味道係唔差，但冇和牛嘅驚嘆。🥦🥬另外佢都有一d 蔬菜比你食，不是太特別🍲最後仲有烏冬同飯，但我太飽了，所以只係叫左一份烏冬。烏

〈上篇〉前日網上突然見到就心痕，急急腳🏃🏻‍♂️🏃🏻‍♂️🏃🏻‍♂️約左同事放工食。場內d 座位都好寬敞，仲有少少特色✨。走個陣見到佢仲有一d 塌塌米大房，應該係比人數再多d 嘅客人。佢最尾安排左我地坐依一枱。本住咁貴嘅野食應該都唔會成日食，所以一試就試最貴個個餐。值得留意嘅係餐牌底部寫左一米下嘅小朋友免費，咁各位媽媽👨‍👩‍👦👨‍👩‍👧‍👦就算帶埋小朋友黎都唔怕心痛啦！我見本身都有人評食e 個任食套餐，咁我就講下d detail 位啦。我地6:15pm 入座 當時入面客人仲好少，所以佢好快手，都serve 得我地好好。上左各種醬又會講番邊樣打邊樣，既細心又好禮貌。下面依三個醬個for 肉的，好似有醬油同燒汁仲有黃色個碟我唔記得左咩名，不過我點黃色個個最多。泡菜依兩個都一般般，冇特別出彩有個🦞龍蝦沙律嘅小食，味道唔錯，份量唔會太多，咬落入面真係有肉粒。隔離個個好似係蟹醋，點松葉蟹的話令成個味道都豐富左好多，個下我就明人地成日話咩帶佢個鮮味出黎！個d 用品都好一應俱全。剪刀唔會太利但夠硬，剪蟹殼岩岩好（不過其實d 款都好易剪，大少少嘅小朋友都應該會獨自完成得到。） 另外佢有大量乾紙巾，仲有成大

簡直不知所謂，嬲到依家即刻出post，呢次亦係我人生第一次出post，今日我慶祝拍拖周年，訂了20:00兩位，7點52分入座，上了完全冇味的梳打飲品，小食，刺身，鮑魚，直至20:30,冇再上過任何食品，按鐘請待應嚟，按咗5次，都冇人理，直至20:33,忍唔住叫人嚟，佢同我講漏咗入單(期間係有人收枱面嘢),不過可以俾我哋食到22:00,真係多謝晒喎，雖然她有不停道歉，但已經怒火中燒，咁嘅收費俾咁既服務，完全唔值，你要用日本收費冇問題，但係你完全冇日本嘅服務，真心仲差過普通旺角放題

疫情前本來計劃好去沖繩現在也只好去沖繩居酒屋🏮 望梅止渴.《沖繩直送 海葡萄🍇》好似爆珠/爆炸糖的口感咬開爆出來的汁 鹹鹹地 充滿海洋味道 很獨特.《沖繩 AGU 豬肉餃子🥟》唔講搭唔知 AGU其實係沖繩一個豬肉名牌用黎整餃子特別鮮甜多汁搵皮厚薄均勻個底煎得較香脆 上面就似蒸餃.《家庭料理! 苦瓜炒豬肉🥒》沖繩苦瓜不嬲都是名物 呢個傳統料理名副其實係沖繩家庭日常會煮的菜有啲似港式苦瓜炒蛋但加入嫩滑的沖繩豬肉片苦瓜切得好薄好薄 味道唔會好苦.《特製墨魚汁炒麵🍝》製作麵條時入面先加入墨汁咁食起上嚟就唔會成個口黑哂炒麵炒得好乾爽 但唔係硬個隻仲配上沖繩豬肉同魷魚🦑.《南蠻炸雞🍗》好大碟 大大舊炸雞炸皮都幾薄 好香脆入面雞肉好juicy 嫩滑面頭有一大堆豆腐青瓜打成得醬既有沙律醬texture 又有豆香 清爽青瓜粒更可以去油膩 大讚👍🏻.《明太子釀雞翼》一碟有3隻雞翼 隻隻都好飽滿入面釀滿明太子內餡 好惹味.《瑞穗 梅美人🥃》《瑞泉 黑糖梅酒🥃》黑糖味明顯比原味帶甜一點 濃一點兩者酒濃度都唔算好強烈適合女孩子一邊聊天一邊喝呢

聽朋友講宴 尖沙咀近排出咗沖繩料理系列, 大食妹就心郁郁好想去, 畢竟真係好耐冇去日本呢間宴位於金龍中心嘅一樓, 一入到餐廳就發現有正宗榻榻米嘅座位同埋私隱度極高嘅卡位真係好似去咗日本呀<沖繩直送 海葡萄>呢份沖繩直送 海葡萄口感清爽, 味道鹹鹹地, 有海洋嘅味道配搭酸酸鹹鹹嘅秘製醬汁, 係必食嘅開胃菜<水雲醋物>唔好睇小呢份水雲醋物, 雖然個樣黑蚊蚊咁, 但味道清新, 酸酸地都好開胃聽講係沖繩嘅健康食品, 低卡路里之餘, 對腸道消化都好好, 大食妹推介<自家製花生豆腐>至於自家製花生豆腐, 口感結實順滑, 帶有微微嘅花生香聽講製作呢個花生豆腐, 需要用好耐時間同精心製作, 係日式餐廳都比較少見, 大家不妨一試<家庭料理! 苦瓜炒豬肉>因為朋友好鍾意食苦瓜, 我哋就嗌咗份家庭料理! 苦瓜炒豬肉熟悉沖繩嘅朋友, 都知道沖繩盛產苦瓜苦瓜炒豬肉, 作為沖繩嘅傳統料理, 用咗好好嘅方法烹調苦瓜, 帶出苦瓜嘅甘甜味道, 呢份料理裏面仲有炒滑蛋、薄切豬肉同煎豆腐呢<沖繩AGU豬肉餃子>AGU豬肉係沖繩嘅知名豬肉品牌,