寶蓮素食

营业中

休息中

下午茶任食2位收$154，衹有食淨嘅飯菜一樣，每款都見底了，無添加食才，太不像樣，垃圾一樣，真是很差的體驗！ 如果要做下午茶時一定要有 足夠嘅食材畀顧客 唔可以求其就畀啲垃圾人哋食

今日同朋友去荃灣寶蓮食tea buffet， 下午2:15開始，我地2:30入座，只係差15分鐘，野食好似唔剩好多，而且冇refill, 問職員點解咁少野食，佢答我：可能人多啦！人多唔係答案，我覺得係野食唔夠就真啦，假日已收貴咗，但食物又唔夠，想點呢？算了吧！受過教訓，未必有下次啦！快快食完就say good bye!

「寶蓮素食」呢個老字號始於1975年，歷史悠久，一直於指定日子派飯比長者，心得民心。其素食自助餐已推行多年，高質素食品驘得口碑，決意大快朵頤。雖然是素食自助餐，但有齊粉面飯、炸物、甜品，多款精美蔬菜配搭小菜等等，仲有普洱茶和夏枯草任添，絕對值回票價同夠飽。夏枯草自家製，清新回甘，無糖絕對值得多飲等杯下火，清熱解毒。普洱茶茶香悠長，解膩一流。主菜方面，酸齋和齋鵝味道好夠濃郁，喜歡其煙韌口感，最出色係咕嚕汁的素齋，甜酸得宜，估不到竟然係用爆汁菇整成，絕對欺騙到大腦似食緊真咕嚕肉。仲提供齋鴨腎、齋叉燒，咖喱齋、素雞、素鴨、車厘茄粟米粒、紅腰豆🫘等等。欖角四季豆真心好香夠曬鑊氣，口感爽脆，保留蔬菜汁水。魚香茄子調味好濃，佐飯一流，調味恰到好處。最驚艷係欖角炒飯，香氣十足，飯粒夠乾爽，配搭三色豆，忍唔住食多幾啖。竟然仲有涼拌配菜醃蘿蔔、酸辣木耳、紅燒雞絲翅有胡蘿蔔絲、木耳絲素雞香菇，調味好好加入白胡椒，素翅好有口感。炸物方面：有我最愛嘅鹹水角完全唔油膩，Soda金菇炸茄子🍆香甜又保持汁水，仲有軟焾炸芋頭魚，外脆內軟。甜品方面：點少得紅豆沙同連蓉西米糕、紅豆沙棉軟細滑，西米糕好彈牙，配合唔算太甜的

走到門口看到點心櫃里整整齊齊的各種齊品已經好吸引人了。餐廳環境不錯，提供自助餐或散點菜式，選了自助餐，冷盤有各式沙律，各樣的涼菜如醃青瓜，蓮藕，而且居然有珊瑚草！前菜有齋滷味有炸物如炸茄子，炸南瓜，炸金針菇，還有炸春卷炸芋角，芋頭魚，想讚下條芋頭魚！多層酥脆，芋頭蓉入口軟糯，熟食有飯麵，炒菜，豆腐，椰汁南瓜，整體都清淡健康，仲有碗仔翅，粟米粥，甜品有水晶餅，馬蹄糕等，絕對可以食到好飽，間唔中來一餐素食，清清腸胃認真不錯。老實講今時今日仲可以食到不超過100元一位的素食自助餐，我個人覺得滿足

夏枯草的清香令人耳目一新，搭配普洱茶，成為完美的開胃組合。兩者的搭配不僅解膩，還能讓人感受到茶香的悠長。接下來的主菜中，咖喱齋的味道非常濃郁，香料的運用恰到好處，讓人一試成主顧。孫齋和素鵝也各具特色，前者口感滑嫩，後者則有著令人驚艷的嚼勁。在配菜方面，四季豆炒肉碎的口感爽脆，完美地保留了蔬菜的原汁原味。魚香茄子的調味恰到好處，甜酸的口感讓人回味無窮。此外，欖角炒飯更是令我驚艷，飯粒乾爽，搭配炒菜的風味，十分誘人。甜品甜品方面，紅豆沙和蓮蓉西米糕都是不容錯過的佳品。紅豆沙綿密細膩，而蓮蓉西米糕的口感則彈牙，甜而不膩，讓人吃得過癮。這家素食自助餐不僅選材講究，還兼顧了味道的多樣性。無論是前菜、主菜還是甜品，都表現得相當出色。對於素食者或想要嘗試健康飲食的人士來說，這裡無疑是一個理想的選擇。我期待著再次光臨，繼續探索更多美味！

✳️今日同老婆去咗荃灣沙咀道呢間「寶蓮素食」試吓佢哋嘅素食自助餐，真係驚喜度爆燈！💯 每位只要$128就可以任食，性價比高到癲啊～✨必食推介：1️⃣ 素雞 - 嫩滑到震！完全還原到雞肉口感，連我老婆（平時唔太鍾意食素）都話似真雞2️⃣ 熱葷區有10款輪流上 - 今日試咗炒四季豆鑊氣十足，素咕嚕肉酸甜度啱啱好，齋豆腐吸晒汁超入味3️⃣ 炸物控必掃芋頭魚 - 外脆內軟，芋頭香爆棚4️⃣ 甜品C位炸蜜瓜奶 - 傳統素食店先有嘅懷舊口味，熱辣辣咬落去流心㗎！5️⃣ 其他仲有沙律bar、4款時令齋湯、8款甜品同即煮粉麵環境方面雖然唔算好大，但乾淨企理，服務阿姐好nice成日補貨。重點係！呢個價錢竟然有即叫即整區，性價比真心高～

寶蓮素食好耐冇食素菜了，朋友說我食得肉太多，應該多點吃素，我也想看看現在的素菜有什麼特色原來今晚吃的是素菜自助餐，我也不知道，這種自助素菜也開始流行，店舖光猛清潔乾淨，客人也很有秩序取餐先飲杯夏枯草解渴兼清熱，再巡一個圈，令我驚訝的是選擇非常之多，我首先食一碟沙律，非常醒胃，再食傳統齋鹵味，其中酸齋做得好好，齋叉燒也真的很像叉燒跟住我就吃各式各樣不同的炸物，香芋魚係最好食，酥皮不油膩，芋頭軟綿綿，真的有魚的質感然後又試吓點心先，這是我最喜愛的環節之一，芋角非常好吃，粉果皮做得好好，煙煙韌韌，花生餡料又多，蝦餃燒賣的像真度最高，並且做得大大粒好好吃，腐皮卷也做得香脆紅燒雞絲翅非常足料，粟米粥也做得香甜，每樣各吃一碗，還要留肚食其他熱葷類也有十多款選擇，其中草菇炒秋葵，西芹炒鮮淮山，魚香茄子做得好出色，每款都差不多吃了半碟，最後來一個黑松露炒飯，黑松露的香氣，炒飯也乾身爽口，非常美味。吃得素多也會肥，但是美食當前怎能忍口，提高了我吃素菜的興趣不少呢！

荃灣真是個食東西的好地方, 林林總總的食店也有, 今日選了一間荃灣的傳統齋舖~寶蓮素食, 之前是食舊店的, 原來寶蓮素食己搬到寶石大廈, 店舖新裝修, 地方比舊店大很多, 感覺光猛, 門前貼了午飯$85齋buffet任食75分鐘的海報, 相當吸引 。涼伴前菜推介 : 1. 酸脆青瓜 ~青瓜酸酸甜甜, 有些少辣味, 爽脆到不得了, 食了三轉。2. 鹿角菜 ~ 應該是我認知的海燕窩, 以麻油、醋、糖、辣粉涼伴, 爽口彈牙, 有營又美味的海藻食物。3. 雲耳/蓮藕片/蘿蔔片 ~ 也是有營爽口的開胃前菜。傳統齋推介； 1. 酸齋 ~ 傳統齋滷味拼盤中, 最愛的是酸齋, 麵筋索滿酸酸甜甜的汁液, 美味開胃。2. 芋角 ~ 芋泥幼滑粉棉, 芋頭味濃香, 外層酥香。熱食推介: 1. 咕嚕肉 ~ 咕嚕肉有點似糖醋油炸鬼, 口感脆卜卜, 酸酸甜甜。2. 肉碎四季豆~ 鹹香惹味, 四季豆爽爽的。3. 醬油炒腸粉 ~ 腸粉軟滑4. 叉燒酥 ~ 酥皮包住叉燒醬肉碎, 酥香鬆化。甜品推介: 1. 糖不甩 ~ 糖不甩堆滿芝麻花生粒, 入口香甜軟彈。2. 陳皮紅豆沙 ~ 陳皮味足夠, 紅豆也煲得夠火喉, 夠軟腍,

原來荃灣有呢間齋菜自助餐 本身冇咩期望 但係食完覺得幾好喎 抵食又多選擇 員工態度幾好 食物都refill得好快 環境都唔錯 光猛乾淨🙌🏻性價比好高前菜有多款醃製小食 例如酸青瓜 木耳 芽菜 沙律 食完好開胃當然唔少得素鴨、素雞、酸齋呢啲經典齋菜 全部都好食😋唔會太鹹太油膩煎炸物好香口 有芋頭酥、沙律卷、蛋散、蘿蔔糕等等素點心好得意🧆有燒賣粉果蝦餃熱食區起碼有10幾款中式餸菜 唔會好重口味 仲有炒粉炒飯 另外亦都有啲素翅、紅豆沙、粟米粥呢啲熱湯類 仲有夏枯草甜品好多選擇 好多傳統糕點 推介糯米糍 煙樨餅 食落幾煙靭 甜度一啲都唔高 老人家都岩食！

晚餐選擇了去食齋自助餐門面很大 有很多齋菜小食可外賣晚市自助餐價錢 可參考照片但依個價錢真係唔算平 所以唔算抵食～在香港食過唔少齋舖 依間嚟講款式唔算多 食哂都要等一陣先至換店內空間感為零 枱同枱之間 郁得誇張啲都掂到隔籬位😗不過齋粒那些小食係真係好食嘅有芋頭魚、芝麻卷仲有個羹都幾好飲其他食物呢…就真係一般般啦～仲有炸物、好多菜、冷盤、甜品（奇奇怪怪的）、粥、湯等

嚟到荃灣試下呢間寶蓮素食，原來有自助素食或炒小菜，兩種選擇。先嚟茶，普洱茶。再上小菜，鮮百合豆炒鮮淮山。紅燒雞絲翅，加些少胡椒粉和紅浙醋更加好味。福建炒飯。最後結帳，出埋張單，可用現金，電子支付，沒有信用咭支付啊🍡🍡

今日初一, 不如又過來吃素, 沒有訂位, 早上11点半左右到😗真係齋期, 坐滿晒人😜比安排左四人座位, 出去拿左杯熱夏枯草, 唔係好濃, 淡淡地好少甜😀都幾好, L型的格局擺放各款素菜, 有四季豆🫛, 炒菜心, 茄子🍆, 南乳齋, 椰汁西蘭花🥦配福花, 酸齋, 蓮藕, 山藥, 麻婆豆腐, 蕃茄🍅炒蛋, 炒飯, 炒烏冬, 炒麵, 炒莧菜, 飲品有水, 普洱茶, 夏枯草, 另一邊也有凍, 亦有沙律, 齋鹵味, 甜糕點, 炸物, 另外有紅豆沙, 粟米粥🌽, 碗仔翅, 粟米粥🌽勁熱, 煲得幾好食👍👍我個人比較喜歡四季豆, 茄子🍆, 菜心同炒麵😜都有再夾, 整體唔差😗糕點望落賣相唔太吸引, 所以無夾😅不過佢豆沙角夾左一件幾好食😋😋唔算真係好甜, 唔錯😛😛接近下午茶, 好多人入座, 太多人都係走人了, 大約坐左60分鐘😆

位櫃個男人禮貌極差，我埋單用八達通佢唔比銀碼我睇就粗聲粗氣一味叫我do啦，我話未睇到銀碼？佢竟然鬧我話啦咁咪do 唔到囉！我問返佢如果你作為消費者銀碼睇唔到就叫do卡比錢，你係咪都比？ 佢大大聲話你比完錢我會比單你，我話如果你唔覺意八達通機按多個零呢！你餐廳張單顯示到嘛？佢先死死氣氣比八達通卡銀碼我睇，發覺原來餐廳有收加一！收加一咪大大方方囉！服務好有乜所謂！但態度又差又惡死鬧人！！香港嘅餐飲業就係比依種人打跨！

午餐85蚊加一，諗住食吓佢啲點心都扺，但佢啲熱食都好多款式好啱口味，佢有啲大件點心好似咸水角芋角嗰啲會剪開一半，咁唔洗食幾件就飽，可試多幾款。飲品雖然得兩樣，不過我鍾意，係夏枯草同埋陳皮普洱，有熱有凍。之前見啲食評話服務差，我又唔係好覺，除左收銀個阿叔冇乜表情，其他阿姐都冇乜野。

身為荃灣人，一直支持區内食肆，尤其素食，覺得會健康些、干净些。所以和家人幫襯此自助素菜數次，感覺食物一般，日日如是，炸料及齋老味不够水準，乾及硬！服務態度很差，以為做素食的人會善良及有爱心，但完全看錯！可憐－些老人家任其呼喝，因冷氣吹正，想移位，便冷言冷語，還說”可以食，可以走，無得換位”。覺得衰過澳牛！下午茶時段見有人烈日當空才排隊，入以前以按那個態度極差的男人指示入去，好似來排隊等救濟！當然我們以後不會再去，只是希望此店反省一下，是否在做服務行業？要有些專業精神呢！