寶蓮素食

营业中

休息中

因為有朋友食素，所以間中都會同佢一齊食唔同嘅素餐廳同埋素自助餐,今日就是呢間寶蓮素食，佢係荃灣老字號嘅素食，之前有食過後期執咗笠，而家重新開咗做素食自助餐, 之前嘅素食自助餐係比較中式嘅，同埋採取點單一碟碟形式，而家變咗同其他素食自助餐一樣自己出去夾, 今次係星期六去食，餐廳11:30開門，我哋準時去到大概有一半位已經有人入坐了，我哋入坐就可以即刻出去攞嘢食啦，食過好多間素食自助餐我覺得呢間都幾款式都幾多，例如呢個熱的辣炒芽菜，我喺出面就少見啲，雖然係好平的菜式，但係少機會係素食自助餐食到，味道亦都唔錯，熱食、沙律、各款甜酸齋咖喱齋、涼拌菜、炸物都有，都幾齊全。我覺得唯一比較弱的係甜品，只有類似砵仔糕同埋少少中式糕點，少左西式嘅蛋糕類或者甜品。星期六日，公眾假期和齋期係$98一位，我覺得同朋友傾吓計食吓嘢又有唔同嘅款都唔錯。

之前聽講荃灣既寶蓮素食新裝修完成，變身成新式素食自助餐，已經想去一試，最近有機會就去左食自助晚餐，新店同以前既風格截然不同，較為明亮簡約🤣自助晚餐款選擇都比較多，特別係炸物～而且fill得好快😄一到6點餐廳就即刻安排入座，轉左個圈分成熱食、湯水、沙律前菜、炸物甜品區～😛熱食味道都唔錯，而且款式多樣，有新式既素咕嚕肉、魚香茄子、紅燒豆腐、涼瓜炒蛋、炒翠肉瓜、炒腸粉等等等，亦有炒麵、炒飯等主食選擇。湯品就有粟米粥同碗仔翅🤣熱食係比較傳統既味道但都煮得好味～😆炸物區一樣吸引，有各款天婦羅😉，包括椒鹽炸豆腐、炸紅青椒、炸蓮藕片、炸饅頭、炸菇、咸水角、海鮮卷、春卷等；仲有K好鐘意既芋頭魚，外酥脆內綿密，K都忍唔住食左2件～錦鹵雲吞好香口😋同埋炸蜜瓜奶都幾特別～沙律區有涼拌小食，有胡麻手拍青瓜、涼拌麻辣大豆芽；仲有醃蘿蔔同雜果沙律，較得意既有秘製珊瑚草～另外都有傳統齋滷味，eg. 咖哩齋、酸齋、豉油齋咁，傳統齋店出品，質素唔會太差😀甜品則有紅豆糕、馬豆糕、西米糕、煎堆同埋西米角（蓮蓉&豆沙）😚💫 自助晚餐 (90分鐘) $128 (星期一至四)$138 (星期五至日、公眾假期、齋期）

順應現時趨勢潮流，荃灣屹立40多年老字號素菜，最近重開轉型 素菜自助餐～星期一至四收費 $128/90mins 假日會收多$10必食菜式推介：5款齋滷味：口感同買一盒細細就$30幾一樣好味碗仔翅：無肉都足料夠味炸物區芋頭魚酥脆，咬落芋蓉香炸蜜瓜鮮奶好味蘿蔔糕有一絲絲嘅蘿蔔清甜咕嚕肉用密度較高嘅豆類製物吸汁炒麵炒飯都夠味且有鑊氣飲品：提供熱夏枯草及熱普洱茶 沙律及涼菜另有粥：粟米粥甜品：綠豆沙食物款式大多偏傳統，但味道有驚喜仲食得出鑊氣

平時搭車， 經過寶石大厦， 都會見到間齋舖， 原來 這間" 寶蓮素食 "有自助餐食的, 所以今日放工就約埋朋友仔 來清一清腸胃。自助餐, 每晚六點開始,九十分鐘 任食, 餐廳環境闊落, 空間十足, 坐得舒服.熱葷 多達 1 4款之多， 款款都少油少鹽 ,十分適合老少咸宜， 蔬菜種類 ,有炒椰菜, 四季豆, 炒芽菜, 南瓜 v,菜心,白蘿蔔, 苦瓜 ,豆腐 菜玉瓜等等.炸物區嘅很多嘢食炸脆 口金針菇， 茄子天婦羅， 番薯天婦羅 ，香酥炸藕片， 炸手作饅頭， 南瓜天婦羅， 秋葵天婦羅， 酥炸冬菇， 錦鹵炸雲吞，炸 芋頭魚點埋酸汁，十分好味齋類有甜酸齋蠔油齋 咖哩齋 齋x鴨腎 都好好食醃漬物有酸瓜，酸蘿蔔， 蓮藕片甜品類有紅豆沙砵仔糕 糯米糍椰絲糕飲品類有羅漢果茶，同埋普洱茶，

近期小2公婆成日大魚大肉，決定今晚食番清小小，又知道屋企附近有間新開嘅齋舖，一於去試一試,去到原來係以前舊舖搬過嚟,而家新舖，地方大，亦都比較以前坐得舒適，一問之下，太子承父業，用返以前嘅班底，想當年已經食過好幾次，已經係信心嘅保證。我哋2公婆，人到去，職員態度服務周到，有問必答，換碟速度非常之快，絕對唔會食完嘅碟喺枱面唔理，感覺好似有五星級酒店服務嘅質素，但係價錢非常之親民,都係百零蚊左右,絕對係小店價錢酒店嘅享受，值得一試再試。

得閒食下素菜都係一個健康嘅選擇! 位於荃灣沙咀道寶蓮素食重開啦。寶蓮素食由舊式齋舖轉型做自助餐, 主打中式素食, 菜式無五辛類但部分含蛋🥚類。今日唔係初一/十五嘅日子, 我地約7:00到, 但都有數十枱客食緊。晚餐推出咗自助餐素食性價比高咗, 有超過30-40款美食, 仲要經常轉換款式保證有新鮮感。 前菜/沙律🥬有沙律菜, 雜果沙律, 羽衣甘藍, 秘製珊瑚草, 醃蘿蔔, 粟米🌽粒, 車厘茄🍅, 涼拌蓮藕片, 陳醋雲耳, 紅腰豆, 涼拌大豆芽, 橙,🍊 仲有我最愛嘅酸齋, 咖哩齋, 滷味齋, 齋叉燒, 齋雞粒, 炸物有炸蜜瓜奶, 炸羽衣甘藍, 秋葵天婦羅, 香酥炸藕片, 南瓜天婦羅, 茄子🍆天婦羅, 蕃薯天婦羅, 椒鹽豆腐, 炸海鮮卷, 炸蓮藕片, 炸金針菇, 炸饅頭....每款好睇又好食, 真係令人食不停呀! 芋頭魚都係我最愛呀, 配埋佢嘅甜酸汁, 又係好食到唔停得口呀! 小菜主食類都有好多, 魚香茄子🍆, 蘿蔔炆支竹 素咕嚕肉, 炒椰菜, 炒蓮藕片, 豉椒牛肉炒涼瓜, 翠玉瓜炒素蝦,大豆芽炒本菇, 紅燒豆腐, 炒飯, 雪菜炒米, 炒麵, 粟米🌽粥, 綠豆沙, 喜出望外嘅仲有好好食嘅碗

在衆多負評之下，昨晚終於闖關一試，因之前舊舖食過齋滷味，係OK㗎！新舖改左做自助形式，更多選擇，但時間只有90分鐘，略嫌太短！老板安排坐近食物區，開始即試芋頭魚，炸雲吞，完全凍嘅，難食。好快又再出芋頭魚，再試，今次熱辣辣，味道返晒嚟，好好食呀！可能之前芋頭魚放左太耐，凍晒！齋滷味，味道保持過往水準。還有小菜同炒粉麵飯，特別四季豆，茄子同凉瓜，有鑊氣，粟米粥好綿，好食。係個炒油麵同炒米粉太乾，糕點同綠豆沙就吾得！收碗碟個阿姐好有禮貌，又快手。總括款式不少，自助晚餐$128+10%(星期一至四)，我與太太，两位最佳好友，四口同聲齊說小菜同炸物真的不錯

今日想吃寶蓮下午茶14:30怕人多已電話留座,入座雖遲了15分鐘，但仍然想試，坐底後即取食物，但已見底，只有取一些飯及麵，小食方面都算有，飲品是沒有凍飲的。但當我再去取另一轉時，大概15:30餸菜盤亦是空的沒有豆腐.支竹只有少少蔬菜，濕濕碎碎，唉!我都唔知點形容我當時心情，食齋竟然一件豆腐都冇，後來問經理，佢又唔答你，從來未試食齋食到唔開心，其後我冇嘢食，得閒睇張單，原來我係食人水尾，因為佢冇咗下午茶，由11:30開始食，到我3點去到，人哋已食晒，又唔加餸，打電話留枱時又唔出聲，覺得被欺騙，非常不開心，仲唸住支持齋舖叫朋友去試，但現在以後都唔去呢間齋舖

寶蓮素食由舊式齋舖轉型做自助餐，主打中式素食，菜式無五辛但部分含蛋。我哋晚上6點去到，訂咗位，先係店外排隊等候安排入座，等咗大約3分鐘。入到去部分自助區嘅食物未準備好，小菜區有一半都係吉咗，錦鹵雲吞嘅酸甜汁又未拎到出黎，不過店員好快已經陸陸續續refill緊食物。店員成日留意住自助區嘅食物，時不時補充新鮮整好嘅小菜同炸物。當我食完一碟野食，店員會幫忙收走隻碟，出去食第2輪時拎新嘅碟裝。整體食物質素正常，但小菜好快凍，所以某D菜式會冇咁好食，尤其是素咕嚕肉。我第1輪食嘅時候素咕嚕肉僅僅夠暖，麵筋整成嘅咕嚕肉好韌。之後我見店員refill返剛炒好嘅咕嚕肉，我即刻出去拎黎食，口感的確比之前鬆脆。粟米粥值得一試，煲到好綿，調味適中。錦鹵雲吞炸得好脆。素翅如果再杰身D就更好。芋頭魚太大舊，所以食完都幾飽濟。小食:錦鹵炸雲吞、炸羽衣甘藍、秋葵天婦羅、香酥炸藕片、南瓜天婦羅、茄子天婦羅、蕃薯天婦羅、芋頭魚、素點心 (燒賣、粉粿、鹹水角)、煎堆 (紅豆蓉餡)...前菜/ 沙律: 沙律菜、雜果沙律、羽衣甘藍、秘製珊瑚草、醃蘿蔔、粟米粒、車厘茄、涼拌蓮藕片、陳醋雲耳、紅腰豆、涼拌大豆芽、齋鹵味、橙小菜:

以前食開舊店，成日都會幫襯，轉左新店諗住試下，新店出面收銀同外賣部員工態度又差，變左自助形式但無晒傳統齋菜式，依家既餸感覺完全兩餸飯放題，除左仲有酸齋，芋頭魚同炸蜜瓜奶，炒飯同炒米白濛濛，去時都明明時段係下午茶，出面貼住午市直落，都諗住未試過試下，點知比$94食兩餸飯菜式😵出野又慢行左幾轉都係起碼有2，3個盤係夾晒又無出返新既出嚟，我食完都叫屋企人唔好去試，如果繼續係食呢d兩餸飯菜式，以後都唔會再去食

安排入座混亂，明明訂了位，而店內也有很多座位，卻5分鐘仍未編排到入座。最惡劣還是收銀員，囂張無禮，不停批評客人，態度惡劣！肯定不會再來，而且會廣傳叫朋友不要光顧😡

呢排食得太多好嘢 係時候清吓腸胃 俾我發現到寶蓮素食重開啦😍😍呢個大品牌應該荃灣街坊街里都會認識冇諗過而家仲越搞越好 自從推出咗自助餐素食都好多人都讚好！晚餐性價比高 有超過4-50款美食仲要經常轉換款式保證有新鮮感 小番茄、木耳、酸蘿蔔同青瓜都係開胃小食居然仲比我發現到有俗稱海底燕窩嘅海珊瑚佢有豐富嘅礦物質同埋蛋白質 可以醫治痛風關節炎 同埋女士都鍾意嘅美容作用！自助餐當然唔可以錯過啦>V<不斷 Keep住係咁食 haha 另外呢度仲有大家平時都見到嘅酸齋佢嘅醬汁係經過一日一夜去熬製而成 間中仲會有炸蜜瓜奶同埋叉燒酥出爐🤤每款好睇又好食真係令人垂涎欲滴另外仲有即蒸點心 限量限時手快有手慢冇！😳😳😳😳😳冇諗過素食都可以咁多元化 層出不窮我一口氣食咗四五碟都唔覺得飽七彩顏色嘅蔬菜望落去好吸引 增加食慾而且據說唔同顏色嘅蔬果可以比人體吸收到足夠嘅營養價值😁😁食完真係精氣神都飽滿d🤣🤣令我喜出望外呢度仲有好好食嘅碗仔翅我一口氣食咗三碗 so crazy 另外又有熱飲下枯草同埋菊花普洱 飲完之後好順口 即刻可以解膩 真不錯Ps: 提提大家唔好齋期嚟啦 真係好多人 😆

We went about a month ago in January for lunch on a Monday and it was fantastic. Not super crowded, every tray was full and staff were constantly monitoring and tidying up the buffet. Lots of interesting dishes, given that it's vegetarian. They had an especially nice broccoli and “chicken” and everything was fresh. So needless to say we were excited to go again. We did notice the negative reviews, but we decided to give them another try anyway. Unfortunately the negative reviews were right. We w

以前响荃灣都好出名，細個都成日去食，見而家新開返就去幫襯下，雖然都係食自助餐，不過佢而家就轉咗形式，由以前落柯打之後逐碟炒，而家就好似酒店自助餐咁，食大鑊飯，一次過炒好曬啲嘢，然後用個爐/燈熱住啲嘢食， 轉咗咁嘅形式好唔好就見人見智嗱🙄其實我覺得佢轉咗呢個形式之後，我覺得佢冇以前咁有hard去做，好似求其兜埋一碟畀個客食咁😂星期日大概時間係下晝2：45分左右到達現場，7成滿，但係當中都有三成嘅客人食飽準備走人，客流量唔算多，咁所以除咗沙律同炸物之外， 其他嘅熱葷都剩返好少，點心直頭無，可能佢哋覺得lunch就嚟完（ 因為星期六日嘅lunch time由11:30係去到16:00，而我地入去嘅時間比較晏，95/位再加10％），冇refill，所以剩翻係個爐上面嘅菜好少份量，有發黃嘅情況，而且款式好少，大概得十款餸左右而其中一兩個熱葷櫃係冇嘢嘅，另外佢飲嘢嘅品種亦都好少，只有熱水，夏枯草同豆漿供應 ，相比起出面同類型嘅放題（eg.銅鑼灣甘貴多十蚊左右，款式相對多好多eg.有燒賣、壽司、冷麵等同埋人哋個refill速度係真係快好多）食物款式方面相對較小由於個熱爐上面得返好少食物，所以基本上都

本人排隊等候入場進食，有位哥哥仔安排失誤，沒有理會排隊等候果條隊，比沒有排隊果啲人入咗去。 跟著與他講番這件事情況，他沒有歉意、 身為服務性行業比佢哋搞砸晒。 食物差， 供應量不足。真是很失望。