宜家家居餐廳及咖啡室

营业中

休息中

專試到沙田為了寄生日卡到美國(謝謝石頭的伴行)原來政府合署就在Ikea隔離寄完信後, 就帶石頭試試這裡的肉丸!去到應該d中學仲未lunch break, 不太多人叫了兩份10粒肉丸($19)和一份薯條($8)(唔明白點解15粒肉丸要$29?!比10粒貴d?!)肉丸依然有肉汁, 配上果醬和汁味道獨特兩個薯仔連皮吃, 薯味十足, 淡淡的中和肉丸對味雷的刺激薯條比老麥粗身, 幾飽滿, 可惜放涼了較林身, 所以味道一般這裡的飲品無限添飲, 加上環境舒適, 所以點解依度有好多人係度睇書閒談, 享受生活Ikea的商業頭腦真係幾好!

朋友係中大有作品展，同佢識左11年既我點可以唔去!呢次好好彩有阿思陪我!多謝你!成日睇OR都見到D人讚宜家既肉丸好好味，早就想黎朝拜下，可惜對於我呢個港島人又唔會真係話特登走入去試。既然今次既目的地係附近，而且阿思又無反對，就一於黎呢度食晏。係宜家兜左成個圈，終於搵到間cafe，估唔到2點都仲咁人山人海，條人龍無三十個都一定有廿個排緊，多到甚至連tray都唔夠用，要續碟續碟由counter拎返去個位。2個人要左碟10粒肉丸、凱撒沙律、蕃茄海鮮意粉同1杯汽水。肉丸幾juicy，配埋D汁酸酸甜甜好好味，但又未至於其他人所講好味到要高呼。而阿思就認為肉丸同M記既漢堡扒差唔多。凱撒沙律D菜算係幾新鮮，不過成兜都係得生菜，係咪應該叫做生菜沙律呢?至於另外2樣我無試，但睇阿思表情就應該覺得麻麻喇。哈，呢幾次同阿思出街都係由我拍板搵野食，不過次次都唔多啱佢胃口...所以，下次都係去返阿思鍾意既pokka，suzuki，Italian Tomato ...好D

下午茶時間去左試肉丸(15粒$29), 有馬鈴薯跟, 而且配以紅色的果醬十分好味. 西瓜汁一支都係$10, 我覺得價錢相宜. 下午茶時間比較少人, 如果繁忙時想搵個位都有點難!

同老豆共2人琴日去食Lunch.一共叫左:汽水任飲($7)瑞典肉丸十粒($19)茄汁意粉($12)火腿扒加薯粒($35)埋單$73.-肉丸太耐冇食唔記得左隻味,本身都幾大期望,食落有dd失望...不過都仍然係勁好味!係我要求高左d...茄汁意粉我自己覺得好好食d茄汁酸酸甜甜岩晒我!一個細食既女仔都可能夠飽(我就完全唔夠-.-)火腿扒加薯粒火腿扒得2塊仲要勁多骨!!ok幾好味薯粒都幾好食不過呢2樣野加埋$35蚊就真係太貴下次唔會再食汽水飲左3杯7蚊任飲睇落好平,不過你黎得都唔會淨係飲野啦~我諗3,4杯已經係極限下次要再黎食燒春雞!!

真係大鄉里出城, 唔係友人約係呢度午餐, 都唔知宜家有餐廳.好肚餓關係, 沖入去睇下有乜食, －行入去, 見張張枱都冇人食燒春雞.咁我都要一客燒春雞配意粉$39及奇異果汁一支$10.原隻燒春雞加埋ｄ汁賣相好吸引,但雞肉冇味, 雞皮就香口有味, 雞皮雞肉唔配埋一起食, 就一d都唔好食.

最近計劃略為裝修寒舍，週末便去沙田宜家逛逛，看看有沒有適合的傢具。中途見有這麼一處加油站，便二話不說衝入去坐低，原本只想求其要些飲品，但見價目表上各款食物的價錢頗為相宜，又見其他人桌上的食物賣相很是吸引，便要了肉丸配薯條、煙三文魚加兩枝果汁。一啖咬落粒肉丸時簡直surprise到即刻脫口而出高呼~~“嘩！好好味呀！”肉質軟熟但不鬆散，明知是急凍貨式但卻毫無雪味兼充滿肉汁，個sauce和看似“9唔搭8”的果醬又出奇地配合肉丸的味道，薯條比M記的粗身而且炸好不久仍十分熱，點住d肉丸汁吃實在美味無窮，狂風掃葉似的便食到清碟；煙三文魚都OK，伴碟醬汁亦交足功課。回家上OR見到樓上有朋友話該處亦有急凍肉丸賣，大嘆失之交臂，不過我亦都有自知之明，唔會煮得到咁好味，唯有希望好快有機會再來一個啦^_^

都好耐無來ikea食肉丸, 咁岩又要去沙田工作當然唔會錯過這次機會, 自己一個人叫左5粒肉丸加個凱撒沙津, 肉丸仍然咁好味配埋個sauce酸酸甜甜...反而d沙律既菜唔多新鮮.

自從睇完蘇絲黃介紹d間宜家既肉丸同燒牛肉後, 成日都心思思想黎試, 終於搵日走左去食.o個晚食左當然係"肉丸"同"燒牛肉"啦(再加多支橙汁).肉丸(我地選擇配意粉, 唔配薯仔) - 好味, 伴碟o個d紅色醬都好味, 不過肉丸d汁都幾稀; 意粉, 一般的意粉, 冇乜特別.燒牛肉(我地選擇配薯條, 唔配薯仔) - 好味, 不過生左d(下次都係叫佢比d熟d); 薯條, 凍左, 有d硬.此外, 我覺得d野食唔夠熱, 差唔多叫做凍哂.價錢方面- 都經濟實惠.整體都算中規中矩啦.....

上次NICOLE跟家人來這裡,但這次是跟WOODY來這裡的，因為他從未試嘗過這裡的瑞典肉丸啊!!另外，我們還點了蕃茄意粉，羊脾意粉。但意粉好像太酸了!!如果加些料，例如肉碎挺不錯的!另外，羊脾好像不值這價錢吧?!味道真的普通。唉，還是那句...到這裡只吃肉丸好了!

第二次o黎食了, 肉丸仍然好好味! ($19)三文魚都唔錯, 老公話d 香草汁好正! ($29)燒牛肉呢, 老公嫌唔夠嫩滑, 不過我覺得ok o丫! ($39)今次o黎先知有$7 任飲的汽水, 抵到爛啊!!!

又係睇左阿蘇介紹而黎，好彩今次都冇令人失望!餐廳裝修好有北歐風，好似去左外國大學canteen食野咁。兩個人叫左$19十粒肉丸(配煮薯仔)，個肉丸汁幾好味，但係唔知點解加左pat好似麥記提子果占既醬，不過都唔影響味道。另外叫左$39燒牛肉，雖然只有兩片，但係食埋個肉丸都幾飽架。甜品叫左兩件杏仁tart，唔算好甜，味道仲幾好添! 兩個人仲叫左咖啡，d杯就咁放係咖啡機隔離，但係我去斟咖啡既時候竟然俾個職員問我有冇俾錢! 佢話有得免費添飲，咁你好難知道邊個有俾錢邊個冇俾架喎! 最好佢放d杯係收銀處度，咁就唔駛驚有人唔俾錢喇!

拆禮物日試吃新東東，與親愛的一起吃什麼都好！四時正，人流仍然十分暢旺，不過剛好找到兩個位子。雖然人多擠迫，但人們都很有秩序地排隊，香港人其實是很自律的。說真的，食物雖然是預先造好的，但出菜不算快，單是排隊也至少要花十至十五分鐘。買了瑞典肉丸、凱撒沙律、奇異果汁。瑞典肉丸：牛丸在香港就很普遍，但這樣造的豬肉丸就很少有了，新鮮感可以取得不少印象分！一口哎下去，果然肉汁豐富，好味道啊！配有蘑菇汁和紅莓醬，一鹹一甜竟然出奇的配，我真的沒有想過可以這樣配合的呢！而且蘑菇汁裡有不少蘑菇片，令味道更加實在！凱撒沙律：雖然是預先造好的，但蔬菜是新鮮的！眼見廚房不停地造沙律，就知道人流多銷量高，是沙律中的蔬菜新鮮非常的原因！奇異果汁：這個是我最不滿意的，雖然我取最近雪櫃窗的一枝，但是竟然也是結了冰的，最後要好幾個小時才能喝完．．．．．．哈哈！我贊成以自助形式節省服務開支，用作保持食物質素真值得！

其實經過宜家通常都係買熱狗..因為方便同價廉物美..熱狗唔難買..但肉丸就好難食到啦..要去沙田或者德褔先有得食...當然你都可以自己買包返去整...宜家ge肉丸我都食過好幾次...今次去發現d薯仔唔同左..之前o個d係細細個..一啖食到..有好幾個..而家就變左得返兩大個...不過質素都係一樣...但出奇地今次去食完十粒肉丸已經包晒...d肉丸真係好味...我都要去買d留返平時夜晚宵夜或者煮麵食先得..當然仲要配埋佢d汁...

以前次次行宜家經過都唔會有意在這裡食，不過這天心血來潮想試，反而專登走上去試。幸好很快找到空桌，然後我便出去排隊買野食。看到一個杏仁撻，樣子漂亮便要了一個試試，果然味道亦不錯，個撻咬落有點像咬椰絲，成個撻都好味，推介。反而個人氣肉丸可能期望較高，吃落覺得無甚特別，汁也不是很出眾。另試了豬柳配意粉，豬柳幾好食，唔鞋而且有肉味，意粉就無咩特別，而且唔好期望可以當晚餐飽肚。食完要搵下一個目的地再開餐。

其實係幾個月之前黎食架喇~果陣聽聞IKEA 入面間餐廳唔錯，就同朋友去試下~試左招牌經典肉丸同凱撒沙律，好好味，價錢又唔太貴，食完迫你做運動，哈哈，都唔錯呀!下次再去~