宜家家居餐廳及咖啡室

营业中

休息中

之前已聽聞IKEA的肉丸，但都沒甚麼機會來試。九龍灣那間則沒有肉丸暮仔賣，要吃就要跟個意粉的。由於想食多幾樣野，就和女友來吃10粒肉丸兩個薯仔再上路。肉丸沒有很誇張的肉汁，但肉丸的外層都烤得幾平均，配著醬汁吃幾好。而個醬汁都幾杰身，有一點點膩，但Cranberry醬則剛好中和了個醬汁，提升了食味呀！薯仔很有薯味，煮得諗，每人一個份量剛好。由於價錢相宜加上肉丸幾好食，得閒路過應會再Encore了。

為左粒meat ball 老遠去到沙田梗係要俱好多野啦Meat Ball 10 粒= 干左小小, 都係好味smokey tuna 沙律= 無咩特別白汁xx pasta = 唔好味, 個汁好流咖啡= 正常最後encore meat ball, 因為有耐都唔會再去啦飽飽~

減完磅，心情不佳，得友好陪同我去試我講了很久的IKEA肉丸，卻一直沒有將之記下，今天補記。叫了肉丸(10粒) ($19)，跟一個薯仔，我見佢個汁係用gravy，但又外加一點果醬，覺得奇怪。但食落，又真係好食。最好食係個汁，後來我同朋友將另一碟的薯仔都拿過來點這個汁，肉丸不會太咸，配個汁真係無令我失望。另外，燒牛肉配薯菜($43)，兩片大大的牛肉，仲要帶點生，切的時候有血水滲出來，是我喜歡的生熟程度。這個的汁就做得不倫不類，黑椒味比較重但仍然蓋不過那一點鬆肉粉味。雖然在香港的餐廳，除了最貴果幾間扒房之外，幾乎全部都有鬆肉粉味道，IKEA這一個已經算是很少了，還保留了一點牛味，這個價錢來說，要讚。得謝謝記得我說過要去食IKEA並且專程去沙田陪我吃一頓的好友。

同Honey 行完IKEA, 已經是5pm 還看見到IKEA cafe內有很多人, 我又記得openrice 的comment 很好, 於是我同Honey便坐下, 要些小食, 休息一下. 我們order 了煙三文魚+ a tart~ both taste good!我們都很喜歡那個煙三文魚的香草汁, 好香! 如果有麵包一同吃的話~ 便更好了.下次同Honey 會再來食其他食物呢!

同朋友仔第一次到沙田宜家食lunch, 正如網友的食評一樣, 好味, 好抵, 會再食.瑞士肉丸+薯仔, 肉丸汁+醬, 真係好正三文魚配香草汁, 好味, 連不太like冷食物的朋友仔都話好得, 食了一件.兒童餐個茄汁意, 汁好甜,小朋友一定like粉凱撒沙律, 一般雞比好味,d汁野味, 正熱朱古力+朱古力cheese cake 做甜品, 好正好味好full的午餐

清明節晚上，到了這裡吃晚飯。吃過這裡的燴鹹豬手，念念不忘，這一晚雖然沒有鹹豬手，但有原味火腿扒配炸著粒。除了點火腿扒以外，還要了5粒肉丸以及Tropicana蘋果汁。肉丸已有很多食家介紹過，不用多說。火腿扒似質煙韌，不比鹹豬手遜色，與伴上的紅燴汁很配合；炒薯粒混入了煙肉粒，很香口。順帶一提，還記得上次到這裡吃飯的時候，瓶裝鮮果汁是放在放熱飲杯和汽水杯旁的冷櫃，可是這一次卻只有雀巢咖啡和Tropicana，那我便選Tropicana，可是走到收銀處付款，才發現瓶裝鮮果汁放在那裡的冰箱，與蓮花杯雪糕放在一起。瓶裝鮮果汁的分量較Tropicana多一倍，但前者賣$10、後者賣$9，前者是鮮果汁，後者主要成分只是濃縮果汁。下次大家想喝瓶裝鮮果汁的話，記緊要往收銀處旁的冰箱找。

四月四日(星期五)同老公食完野又行陣,search下有咩好食!老公提議試試呢度喇!wa好多人呀,排左幾個字先買到野食叫左個10粒既瑞士肉丸有埋兩個薯仔.d肉丸加埋個汁真係好正!但係叫左個失敗之作-三文魚配香草汁,好咸,上次食好味道好多wor!下次都係叫d即叫即做o個d先!不過以佢地呢個price同埋食物,都係值得比"笑"既!

宜家D 肉丸薯仔好出名，買返去自己整又爭梗少少。可能係因為個汁整得好好，再加上用草莓醬可以黎調味，係宜家咖啡室度食真係唔同d﹗依家都仲係$19 10 粒，真係好抵食哩﹗兩個人去食，今次除左肉丸外，就叫多左個燒牛肉意粉($42)。見人地果d 就兩大塊，但可能咁岩到我果時得返細牛肉，所以佢切左三塊(好事定唔好事？)。牛肉好有嚼勁，但最好加芥茉汁，會變得好惹味﹗同埋最欣賞佢碟意粉唔會油淋淋，但d 汁就一般啦~ 冇肉丸咁好食﹗而佢意粉既份量都略嫌少左d... 題外話可能因為今日係清明，好多人，有d 搞笑野睇：1. 四個人霸三張枱，人地去坐就猛咁話有人，但自己用唔着.. 初初以為想擺野啦，又唔係架喎﹗2. 到我走果時，理應張枱應該係由等位既人坐。但隔離枱有對老公公老婆婆見我地走，便立刻伸手「搶」走我地坐既椅子，移到自己張圓枱度；等位既人轉頭望，見到有位冇椅子，真係睇到眼突突... 而我真係有d 唔好意思，同等位個人say 左句sorry，冇叫佢坐落黎。(其實本來真係想叫佢，但最後冇叫. 點知...) 果對公公婆婆之後仲死攬住張椅唔放，救命﹗話就話要敬老，但咁樣真係... 有點兒那個咯。

本應一心食肉丸(因為次次都食其他野,久違了肉丸)點知今次臨上電梯又比呢個{蕃茄海鮮意粉}吸引左,雖然要$29蚊,即管試下啦意大利粉唔係好多,只係多兒童餐個茄汁意粉($12)dd,意粉數量多少少但係價錢貴多多,所以對個蕃茄醬好大期望...一見到碟野就開心晒-v-有成廿隻硯呀!(不過29蚊有廿隻仲有成碟意粉,都唔會奢望係好野,抵就算啦)仲有黑橄欖(呢個我唔食)同埋3種熐似魷魚但係分別呈3種形狀既物體...好好食呀!食完都ok飽再食埋友人的炸薯條(今次炸得勁好食!)同埋薯仔(ok!)就飽晒....滿足!下次一定要食肉丸呀!

前排朋友帶我去e度食野..行左咁多次宜家傢俬都未試過係度食野..令次由朋友帶我去食...第1次黎食,感覺到e度好似好少人食..朋友介紹我食"瑞士肉丸"$19/10粒原本覺得好似咁細粒既..= ="但食落去好正!!!!點埋佢d汁+ 醬黎食..好好味lo..好正!!!估唔到e度都有咁正既野食^3^

Lunch去左食-v-唔係好餓所以淨係要左個朱古力鬆餅佢擺落個櫃度任拎,諗住一定凍冰冰點知暖到爆!7蚊1個,平過d cafe1倍個面硬硬地,有d人可能唔中意不過我中意咁-v-要外硬內軟先好味-v-佢完全做到我要求!下次再食過~

今日路經此地,諗起宜家restaurant竟然好沙田no.1 係open rice網黎說..其實未去openrice好耐之前就巳經去過食個d丸..的確好味的..但今次黎度當然試第2d!當時1點半左右..係出面見有鴨腿配忌廉xx,好吸引.仲要22$ 相對於其他扒3x~4x$就平d..都唔緊要啦..反正應該都有水準...結果到我時我話鴨腿個個+意粉(諗住+意粉要另外+錢,點知唔洗).佢話好呀..無幾耐拎左碟野行埋一邊搵叉時,竟然無哂d叉..就問收銀員拎..因為方原十里都無服務生係度..收銀員第1次敷衍話無哂叉咩?之後又唔做d動作出黎表示會跟進..之後我再搵真d的確係無哂..見d人好多都好似想要叉但又唔太方面出聲..(8成人叫意粉)到我再問收銀.佢先係佢部機下面拎支膠叉比我..我諗住佢會自動自覺拎哂d膠叉出黎..因為好多人等用..但佢不了了知咁繼續自己收銀算..好啦..d野食..首先d汁..唔可以叫汁..係無味的液體..啡色的..諗梗應該唔係出面圖片個d忌廉汁..因為完全無那種味可言..心想..可能用哂d醬佢唔出聲,又或者佢見我話鴨腿個個.無講"忌廉"呢兩隻字..就求其比d汁我..仲有個鴨腿

上完堂想去沙田hea下，想吃點東西，於是特地來吃瑞士肉丸。主要是因為口痕才來吃，於是只是兩個人share十粒肉丸和薯仔。記得有次補習學生請我吃了幾粒肉丸，雖然味道ok，但感覺太膩。但在ikea cafe食的時候會有特備的醬汁，如果只是有那種淡啡色的汁，感覺應該還是很膩，可是加上那個果醬便好好多，會一顆接一顆的吃不停~薯仔和汁也很合味，應該是自己本身也喜歡吃的關係吧。看見很多會考生在做pastpaper，這個地方也很寧靜舒適，一個不錯的hea地。很多人都吃凍蝦和薯條，下次要試試先~

學校離呢度都有一段距離.on foot 10min吧但係太掛念佢既meatballs都係忍唔住衝過黎食~12:15放,即刻衝過黎Ikea黎到12:30!見到今次有新野未試-雜菌意粉~就捨棄了親愛的meatballs~一碟完全唔算大碟,我有dd唔少喉!不過唔緊要啦~係幾好食!不過就冇encore的意欲...下次要回meatballs或試朱古力muffin好了

我呢個香港島人終於參觀左文化博物館，係入面玩得超開心。朋友仔未食過宜家肉丸，所以今次就帶佢黎呢度。試左蕃茄salad、肉丸、西梅豬柳、兒童餐既茄汁意粉、咖啡。salad有5大片蕃茄同2塊紫生菜，幾新鮮，不過嫌生菜太大塊。肉丸仍然幾好食，今次配薯條，夠粗，但就唔夠咸且稔左D。西梅豬柳唔推介，似平時阿媽煲湯既湯渣，幾鞋下，而且我覺得陣味怪怪地(不過都見幾多人叫呢款)。兒童餐既茄汁意粉幾酸下，朋友仔食幾啖就唔敢再食，不過我就覺得超醒胃，夠平兼正。咖啡只需7蚊兼任人refill，所以仲可以有咩要求呢!?講真呢度唔算多選擇，不過係度一路溫書做功課傾project一路飲coffee都真係幾好。如果香港島果邊都有得咁就好喇...題外話，今日好好彩，避過左一劫。