宜家家居餐廳及咖啡室

营业中

休息中

宜家的肉丸很出名，可是地點太吊腳。今次試了肉丸與咖啡$10 有5粒，還可以配飯/意粉/薯條/薯蓉，真係超抵食d gravy 又好味，夠杰，配薯蓉一流還有那一點的藍莓汁真係神來之筆，酸酸甜甜，正至於肉丸，雖然係平但好好食，有彈性之餘有肉味...咖啡$7可以任添，只屬一般，不過夠平~另外，要遊遍全店才能出去，(明明是速食...) 趕時間的話不要試了

老實講，琴晚食完，無想像之中咁好味 ，可能之前抱幾大期望去食啦，肉丸都幾鹼，兩個人去叫左十五粒都仲有剩，反而薯蓉就ok，加埋肉丸既汁就very gd ，仲有三文魚又係一流，三文魚同d菜加埋汁重一流下次會試下其他唔同既野

Being a Shatiner, I have no reservation in recommending this restaurant (except perhaps its slightly awkward location). Just look at what I got for just $38 at lunchtime (YES, I mean $38) - 10 delicious meat balls with gravy sauce, a tomato salad (fresh vegetables), and a bottle of freshly squeezed watermelon juice ! In this day and age with inflation and all that, I must say this is truly unbeatable !!! The meat balls are really good - you need to try it yourself before you can appreciate what

星期日(8月31日)去o左呢度試下,個肉丸真係好好食, 薯蓉又滑又香. 蝦沙律o的蝦都幾新鮮, 果汁都OKo既, 不過個雞扒就爭o的o勒. 兩個人唔駛一百蚊可以食到呢個質素o既食物, 真係可以用"超抵"o黎形容.不過重點係呢度就o黎裝修, 好似係10月6 日咁上下, 仲要2009年下旬先再開幕, 試過覺得好味同未試過o既就要趁早食多幾次o勒!

順路係沙田 見宜家O既IKEA係openrice評級不錯..就去一試個肉丸。點佐個大家都贊好味O既十粒肉丸配薯蓉+可樂講真，D肉丸的確係好味，但就無人地講得甘夸囖... 可能係我配薯蓉O既原因，果D薯蓉既味道一般般，軟得制，飼落無咩口感，飼完粒肉丸，再一啖薯蓉，反而有少少鞋O既感覺...好彩點佐杯可樂。 但D肉丸汁就好好味啦！坦白講，間店D野認真係好抵飼！D可樂仲可以任飲添！下次再去飼 要試下肉丸配薯條好D，脆D 好飼D。

果日去沙田睇舞台劇..睇之前同 朋友就去左宜家食d野先去去到都唔係好多人...就叫左...香草檸檬汁雞脾...d汁都幾好食..不過如果係熱就會仲好...肉丸....真係好好食..而且仲好抵...白湯..真係好普通....冇咩特別不過除左個肉丸比較出色之外...其他都不太特別...所以只是可以一試

肉丸: HKD 29 / 15粒 去沙田搵食, 諗起ＩＫＥＡ　近期好ｈｉｔ既肉丸 唔知係咪肚餓ｄ肉丸好好味, 薯蓉又唔流,granvy 汁都ok 好想食煙三文魚不過買哂 下次會再試其他食物,呢度又平又抵食

私家傢私俾我一種好休閒..好舒適既感覺..可以不俾騷擾咁同朋友傾下計..所以我同朋友都連去左2日..叫左個肉丸配薯蓉..肉丸大大粒..配左D汁..食落去唔會太乾..十分可口薯蓉都好大份...而家好滑..入口就好快溶晒..野飲就係任倒的..可以不停地轉換野飲仲有個芒果慕絲蛋糕都好好味..食上去唔會膩..味道岩岩好..值得一試..另外個到仲有個特色..就係希望客人可能自己汁枱..可以體驗到外國人的飲食文化哦.!!

價錢好抵.19蚊 10粒肉丸意粉都係12蚊一碟:味道肉丸好多汁. 好有味道不過茄汁意粉比較酸= = 如果唔開胃的話食完包你開胃 . 酸到我打冷震龍蝦沙律點左檸檬汁仲正~~~~ 個沙律都係 20幾蚊, 幾多蝦, 仲有一隻原隻龍蝦仔.真係幾抵~~~~~連我老公都話呢度好抵食 ^_^行完宜家家俬行到累上黎食返餐, 真係好正

肉丸5粒10蚊,10粒19蚊,15粒29蚊真係好抵食呢個價錢既講真係無得頂,味道又唔差,仲可以配飯,意粉,薯菜難怪IKEA餐廳入面人山人海而熱狗套餐.熱狗+汽水亦都只係9蚊....雖然熱狗只係普通貨仔,唔係話特別好食,但係勝在價錢平,d醬又係任加一定會再黎!!!

因為早排返馬術義工，有幾餐都係宜家Cafe解決。見到呢度咁多評語，忍唔住都要寫番篇。首先係地點，中央廣場其實唔「隔涉」。火車站行5分鐘就到，不過食完走既話佢會逼你行一次IKEA迷官，個度就算你開Turbo都要行3分鐘先出到去，當飯後飯動咁啦。服務，全自助，除左食野係人起「畢」俾你之外，冷盤、甜品、飲野、仲有執檯都係自己落手。就小弟幾次所見，食客都幾有手尾，檯面無乜杯碟擺響度。收銀姐姐都算快手，不過個人覺得佢好鐘意心算，所以大家俾錢之前真係要自己計一次先好。食物。見到咁多人講過都唔想重複啦，補充少少1. 肉丸：重點係$19/10粒實在好抵，同一個水準係出面沙田D餐廳起碼要$30+加一啦。配菜方面，佢D薯條係唔錯，不過佢一批炸完，有時你拎著D擺耐左既淋身薯條就......想健康D可以要個水煮薯仔。2. 茄汁意粉：佢個酸度o唔ok就見人見知啦，但的確係酸過平時食開既茄汁。個人就唔太鐘食呢碟意，事關$12買碟齋意令我覺得自己食緊大學D頹飯......3. 燒汁焗酥皮煙豬柳：其實除左肉丸/茄汁意粉，其他食落口既野其實都係正常+普通，係呢個燒汁焗酥皮煙豬柳，值得我寫多兩句。個次一叫上黎，嘩，成個M

上個月去朋友屋企打麻雀就順便去食燒牛肉 四十幾蚊個又唔錯 2大塊牛肉連個薯仔牛肉有少少鞋 不過咁平同咁大塊都算返咁上下1個人食左成個都好飽用塊牛肉點我朋友既肉丸既果醬汁幾MATCH 幾好味 下次可以試下不過好多人排隊都等左幾耐下~之前響九龍灣果間食過肉丸 好好味 不過果度得茄汁點

我睇個個網友都話呢間野點好食點好食..我好相估你地咁去左一試..重要帶左兩個女仔一齊去食...去到果度個feel好似幾好咁...買左d野睇落都good 啦咁點鬼知一食落口果d肉丸比大家既評分差好遠什麼一試再試,第一口食完又想食, 佢一定前世未食過肉丸咁,果d咁既薯蓉既味道, , 薯蓉太軟身根本唔係太好食,真係唔好話我食得厭尖 5分最多得3分半, 比個果薯蓉拉低哂上面呢個19蚊我都可以接受到但下面呢個成22蚊係呢個禁既白汁集菌意粉, 真係搞到我反胃, 點解呢?就係果d咁 粉還粉, 芝士還芝士, 水還水, 重有d菌臭味....我食到一半真係頂佢唔順唔鬼食...我好記得果d咁既芝士, 食落口好似無味咁, 但係就係我個胃到停左成日, 過左十個鐘都頂住 搞到我食唔到宵夜, 都唔知咩芝士黎架總之一個結語, 入去食下午茶就good , 其他野算喇

次次嚟到...都人山人海...等位等好耐...但係冇計啦,真係好好味每次都必叫十粒瑞典肉丸+薯蓉,同凍蝦,今次食白汁火腿蘑菇通粉,見到女朋友至愛嘅藍莓芝士餅...緊係即刻拎啦...總共叫咗四樣嘢瑞典肉丸保持一貫水準,但今次d凍蝦唔知點解好多一粒粒好似"蟹子"嘅物體喺蝦腳位置...我諗應該係蝦嘅卵...唯有剝殼果陣殼曬d卵出嚟...但係真係極度核突,食到起雞皮...白汁火腿蘑菇通粉不過不失...藍莓芝士餅女朋友激讚,當食完想叫多個嘅時候...出面已經冇曬lu...呢餐食咗大約八十蚊左右...

記得好耐前屋企人係呢度開左無耐時帶我黎食過幾次﹐當時燒牛仔肉同肉丸係我地每次必叫﹐食完有驚艷既感覺﹕“點解0甘好食又0甘平既﹖”。事隔好多年﹐今日再食返﹐牛仔肉已經無左了.. 加左好多新野食。由於岩岩食完野﹐2個人只叫左10粒肉丸配薯蓉($19)。比起以前﹐好似無0甘好味.. 味似豬柳漢堡既豬柳。個汁好似係GRAVY汁﹐都唔錯﹐幾CREAMY﹐肉丸要點埋JAM好味D。個人覺得D薯蓉麻麻地.. 男友第一次試﹐亦覺得普普通通.. 不過以價錢黎講﹐有呢個質數其實已經唔錯..