宜家家居餐廳及咖啡室

营业中

休息中

今日放假去IKEA食個lunch，未到12點出面已現人龍，由於疫情關係，我哋只好排隊等職員安排入座，但到最後都係等咗十幾分鐘就已經有得入去坐我哋嗌左一個肉丸、一個兒童餐同埋一個蟹肉意粉。呢度兒童餐真係好抵食，入邊有啲粟米、一舊薯蓉同埋四件植物肉雞塊，有啲蕃茄醬俾你撈嚟食。$19便宜又分量充足，呢度嘅雞塊即使係素嘅，但都依然好好食，係冇咗浸雞味，但係食落去口感好特別，唔會特別違和，重點係呢個餐包左瑞典特色果汁無限添飲，真係非常之抵食。之後我哋仲食咗個意粉，係呢個意粉嘅價錢唔貴，份量亦都充足，味道都好夠，唔會太淡。唯一缺點係佢啲意粉好碎，用匙羹食會方便啲總括來說，價格便宜，質素不差，食物種類多變，可以多啲去食都唔怕悶

IKEA 餐廳真係好多選擇大部份都好抵食所以成日都要排隊EVEN係平日定下午茶都好多人無論學生定家庭客雖然佢係自助形式 但都無損人流2個人其實每日食100蚊內已經好飽次次黎都會叫肉丸食始終就算買左佢個D凍PACK返屋企都整唔到佢咁好食同埋佢個小食拼盤又係好抵食 基本上次次都叫最後再叫多左個意粉 大大隻蝦同埋個SAUCE都好正性價比真係好高其實除左要等位外都無咩好挑剔下次經過一次又會過黎買肉丸食

IKEA瑞典餐廳一向係平價之選 早排推出了新產品出埋小龍蝦系列 真係必試😆😆麻辣小龍蝦 Spicy crayfish plate $69 一碟有6隻再加上少許配菜 精粹係上面林上濃濃既醬汗 味道係好中式既麻香味 隻隻都好入味😋小龍蝦松露芝士焗扭紋通心粉 Baked crayfish twister pasta in truffle mushroom sauce $49 小龍蝦比例唔多 但同松露味好合襯 加上焗芝士唔油膩 食落好舒服 仲要咁抵食👍🏻

今天一家人一起來了Ikea食晚飯。我們叫了十粒肉丸配薯蓉。肉丸十分彈牙，肉味香濃，我一口氣吃了五粒。薯蓉十分滑溜，薯味十足。最喜歡紅莓醬，和肉丸十分搭。我們再叫了一個大蝦芒果沙律，蝦的份量很多，而且很新鮮，芒果十分甜，沙律份量很大，很夠吃。我們叫了一個小食拼盤，有幾款腸仔，我是一個很喜歡吃腸仔的人，各款腸仔都喜歡，而且還有薯格，十分脆，份量也多，還有雞翼，煎得金香，很抵吃的拼盤。下次一定會再來，性價比超高。

詩有言樑上有雙燕索食聲孜孜青蟲不易捕黃口無飽期做父母真係不容易,單係辦理開學前要準備既食,用,行,已經心很累泊低架車,家姐帶埋佢個細路話想先食飯,但周末既MEGABOX實在難搵位我地行上IKEA餐廳見到有空位,自助形式,坐低霸位先,之後我就出去買餐IKEA簡直係窮人救星,係糧尾仲可以食咁豐富既一餐,感恩先來一客招牌IKEA肉丸,再黎就係一碟沙律,青醬長通粉,番茄醬意粉2客主食一份沙律一份肉丸,一百蚊有找,加錢有任飲茶水咖啡可樂想再平D就落樓下食熱狗,但我地有大有細就要坐低慢慢食肉丸夠彈牙,加埋佢既招牌醬汁同果醬食,係真係無得輸既組合沙律菜夠新鮮,配埋醬同2大片芝士同煙肉,味道不過不失長通粉係用青醬,混合水煮雜菜粒,食落濃郁既青醬味道唔錯,長通粉中間都有好醬汁長通仲有附一隻雞翼,炸得香口意粉就最平,只係煮好既意粉加番茄汁,比小朋友食,佢最鐘意食意粉平均消費$100評分7/10地址： 九龍灣宏照道38號九龍灣宏照道38號企業廣場5期, MegaBox4樓IKEA MegaBox

小編覺得IKEA 是非常成功的企業，產品有設計有特色但是價格多年都能維持相宜的價格，因此IKEA 多年來都人氣不減。九龍灣店應該是全港最大，裡面有間餐廳給客人坐下慢慢品嚐不同經典瑞典菜式。IKEA 餐廳美食種類繁多，而且價格超值，難怪午飯時間門口總是大排長龍而且都是附近上班的人士。今日小編就下午茶時段偷偷過來，以為冇乜人點知裡面都差不多坐滿客人，這個時間來的客人又以家庭為主，IKEA的顧客層面真是大。 餐廳自助形式經營，有些學校Canteen 感覺。餐廳細心預期手推車方便客人。首先有飲品區、之後有沙律及冷盤區。不過賣感覺太冷冰冰不太新鮮。之後就係熱食區，有雞翼、薯條、腸仔……等小食IKEA 最經典最受歡迎的食物必定是【瑞典肉丸】同樣是小編的至愛！ 今日下午茶就坐底食份瑞典肉丸配薯蓉、gavy及紅果子醬。有三個價錢: $13/5粒, $23/10粒, $33/15粒。Gavy sauce 夠多，伴薯及肉丸都好味！小編最鍾意這個紅果子醬，酸酸甜甜非常開胃！肉丸搭配果子醬可以增加肉丸的層次又能帶出肉丸的鹹度。自助形式非常方便，餐具、醬汁任客人自取。唯一缺點……客人多長長的人龍但是收銀姐姐只有

因應疫情嘅關係場內嘅店員限定入場嘅人數目測同時間大約容納一半嘅客人當日平日夜晚七點鬆啲去到見到都有10幾個人排隊每出一個人就放一個人入去入到去有店員幫你搵位安排埋位置所以呢個安排感覺幾好比起以前自己企喺餐枱隔離等位更好另外而家用餐環境更空曠坐得更舒服瑞士肉丸10粒（$23）：至愛嘅瑞士肉丸，口感嫩滑，淋上濃濃嘅牛油忌廉醬汁，搭配香滑creamy 薯蓉，真係食到停唔到口香烤金黃雞翼 （$29）：外皮香脆，雞肉入味嫩滑燒特級西冷牛扒（$63）：牛扒生熟程度剛剛好，牛肉軟嫩入口即化韓式甜酸醬炸雞（$49）：炸雞肉質嫩滑，醬汁酸酸甜甜好開胃，薯條外脆內軟小龍蝦芝士扭紋通心粉（$49）：小龍蝦有點鞋口overcooked，扭紋通心粉芝士味香濃一段時間冇食都仍然係平靚正雖然排隊都排左半個鐘但都好值得

每次去IKEA食嘢感覺都好似食自助餐咁，因為佢有非常非常多嘅選擇，價錢上亦都相對實惠，仲有餐湯同埋唔同款嘅餐包拎添🥖🍞🥐 每期又有唔同新嘅嘢食，成日嚟食都唔會覺得厭，不過當然都要嚟開MegaBox先喇，始終呢個商場交通不太方便~ 今次我就試咗佢嘅三文魚扒，份量非常之大，對比喺出面西餐成百幾蚊一份，IKEA真係非常抵食，唯一一樣可以再做得好啲嘅就係啲食物可以再熱啲，有時拎完嘢食比完錢行到埋位份嘢食已經冇咁熱 🥺都係一班朋友嚟食先開心，大家可以share多啲唔同嘅小食，試盡晒佢啲款式😆

搭車搭到去九龍灣站，諗住在九龍灣站吃晚餐，但是又想不到在德福廣場吃什麼好，朋友就提議不如由九龍灣站行過去MegaBox食IKEA吧。其實我們比較喜歡由九龍灣站行過去，因為搭接駁車又要等有一浸冷氣味。我最鍾意就係九龍灣這一間IKEA，比較上有服務有系統一點，多人的時候當然要在門口排隊啦，但是好的地方就是啲Staff會帶位，不用自己盲舂舂攻入去等位，或者等極嗰個人都未起身。由於係當晚餐食，所以我們叫了三碟東西，分別有牛扒，薯塊伴珍寶腸，肉丸配薯蓉。水自己攞，醬汁自己攞，必食的當然是紅莓醬加肉丸啦。

🥢 瑞士肉丸10粒 （送五粒和薯蓉） $23Signature dish，冇得輸🥢 植物素豬扒肉操 （送飯）$36豬扒炸過，好似吉列豬扒，但係食落口唔覺似食肉，似食緊芋頭魚，或薯餅咁樣。個汁有少少香料，個人唔係太識欣賞；而個飯有啲似冷飯及飯焦，相信唔係好多人識得欣賞。😂😂😂☕️熱咖啡 $7 （送糖）熱咖啡淨係無限添飲，就已經冇得輸啦！最後行完 IKEA都係忍唔住，要去買返另一個IKEA嘅signature food…… HOT DOG🤤🤤🤤

我們一行6人，叫了6款不同食物，有兩款得5⭐️最高分，雙冠軍🏆🥇以下食評由高至低分排列:.👇🥇瑞典肉丸15粒 $33 ⭐️⭐️⭐️⭐️⭐️IKEA的肉丸一直是我好喜歡，永無失望，而且一啖一粒，簡直食多了都完全不自覺。其實不要個汁，單是肉丸已是夠味，要15粒還有薯蓉。這裡的薯蓉也不錯。所以全份我給⭐️⭐️⭐️⭐️⭐️冠軍之一。.👇🥇原件烤鴨胸配黑松露薯蓉$56 ⭐️⭐️⭐️⭐️⭐️雙冠軍的另一得主就是這碟，原件烤鴨保留了肉汁鮮，而且原件上，不論是賣相，還是味道、切鴨的過程都是較高的享受，加上黑松露薯蓉比普通薯蓉好吃多了，好香黑松露味。👍😋冠軍！.👇吉列植物素豬扒長通粉$46 ⭐️⭐️⭐️⭐️素豬扒都好多人叫，真心覺得煮得好，首先素豬扒本身味道與口感都可以滿足一般吃肉的食客，都似肉，當然有些朋友會不認同素食為何要像肉，同時現時的素豬扒的材料和成份都是植物，為純素，我個人覺得這樣不單為素食者帶來更多選擇，還讓其他喜歡肉食的朋女也可慢慢接受素食，我支持。.👇烤蝦串伴意粉$49 ⭐️⭐️⭐️⭐️蝦可以，不是那些雪藏膠蝦，也有頗多隻，意粉汁也足夠多。4分。.👇香腸拼盤$43 ⭐️⭐️⭐️⭐️這味夠多肉，有好幾條不同類型的腸，味道各有特色，一般除了好多小

天朗氣清☀️，一於到MegaBox嘅宜家傢俬食個午餐！去到果然人⛰人🌊，要喺出面排隊等入去，大約等咗半個鐘，終於可以入去啦！🥳因為疫情關係坐得隔開左，反而好似冇咁迫坐得舒服啲！都好！今日決定唔識最出名嘅瑞士肉丸子🧆，試吓其他野先！🌸蔬菜薯餅好食指數：🌟🌟🌟🌟🌟必食！入面有粒粒薯仔及蔬菜，粉得來又會有蔬菜的咬口！正！🌸煙鴨胸好食指數：🌟🌟🌟🌟🌟超級有驚喜！佢完全唔似出面嘅煙鴨胸咁實、咁鹹、咁乾！好友新鮮鋸扒嘅感覺！必食！🌸香腸拼盤好食指數：🌟🌟🌟🌟成碟感覺好豐富！鍾意食香腸嘅必選！🌸大蝦沙律好食指數：🌟🌟🌟食完咁多肉，梗係要食返啲蔬菜啦！碟沙律中規中矩，啲蝦都大隻嘅！

假期去宜家傢俬買野，順便喺餐廳食埋午餐，因為疫情嘅緣故都要在餐廳門外輪候位置，有工作人員幫忙安排，所有入餐廳前都要量體溫及登記安心出行，由於有限聚令所以每一台只有四人，餐廳坐得好舒服唔會好似以前咁樣有人企喺旁邊等你食完，亦因為座位少咗要輪候嘅人龍都好長，等咗大約半個鐘才入到去，一如以往到食物部取食物再到收銀處付款，醬料及餐具都是以自助形式拿取的，用膳完成後自行放到餐車上，今次我叫咗大蝦沙律，菠菜薯餅，炸魚手指，沙律好新鮮，大蝦好食，見到雪櫃都只剩幾盆，菠菜薯餅依舊保持水準，炸魚手指比較普通，下次都係食返肉丸好啲

今日去九龍灣買傢俬之後去食IKEA食品叫咗10粒肉丸加薯蓉仲有小食拼盤-薯格腸仔仲叫左個蕃茄粉飲品就揀豆漿有時平平地食下ikea 都幾好整體評分：4/5味道：4/5環境：4/5抵食：4/5

好耐無去ikea 食lunch ，估唔到疫情下嘅ikea 更令我吸引我，因為疫情下佢會安排座位比顧客入座！！唔使好似以前要自己人地食緊野嘅枱到等位！而且唔使等好耐就可以入座，大家都好自律食完野就走。 食物味道上依然keep到水準。