宜家家居餐廳及咖啡室

营业中

休息中

實在太好食😋太好味道😋完全係唔識得形容呢個榴槤嘅味道，因為實在太好味啦！呢個係叫超級超級好食嘅特濃D101柔佛黃金榴槤燕麥奶新地👍👍👍繼續支持，期待ikea新嘅另一個味道。我所知D101榴槤新地做到6月28日，29日有新另一款味道，超級期待呀！我相信ikea每一隻款都好好味😋因為我愛榴槤。我全家都唔食榴槤，只係得我一個食榴槤，我一食親榴槤全部人即時彈開，但…我喺IKEA見到好多人食，我相信都有好多人鍾意食呀！

很久沒到過宜家傢俬的餐廳。所以便去試一試。見有大大碟的菠蘿雞肉沙律，顏色甚為吸引，雞肉不「鞋」味道甚佳，蔬菜極新鮮，菠蘿多而且甜，只售$36，簡直超值👍🏻完全是健康之選！朋友叫了小腸拼盤，薯塊剛好賣完換了薯條腸仔有多種全部都不會過鹹煎得非常香，薯條稍為遜色，完全不脆汽水$8免費添飲，這部汽水機款式新穎又搶眼，有多種不同味道的汽水例如紅莓梳打、紅果子配可樂。見餐廳還有很多其他菜式，下次必定要試一試

小妹去開ikea 買家庭用品，順便梗係塊埋佢地既餐廳食吓野啦～果然不出所料人⛰人🌊，排隊等咗15分鐘，終於擇野食啦🥳 因疫情關係而家坐得隔開左，小妹反而覺得好似冇咁迫，坐得舒服啲，相對較好😎👍🏻🥦蔬菜薯餅小妹絕對推介必食😍😋薯餅入面有粒粒薯仔及蔬菜🤩 粉得來又食到蔬菜既咬口，超級正😚🇸🇪🥧瑞典蛋卷小妹排隊時，眼尾‘稍’到呢嚿藍色嘅物體，望真d原來係瑞士卷🤣 藍襯黃又幾養眼🤩 反正一場黎到就試吓伏唔伏🙂 懷著試伏心態，普通蛋糕甜味，味道正常，藍色係色素野冇味，黃色蛋味幾重，甜甜地，但衰在色素好勁吓😅🐒小妹到最後先知原來呢個蛋糕係以瑞典國旗🇸🇪藍+黃色黎做左個甜品，幾有心思🤗👍🏻以呢個價錢，呢個份量，小妹唔會要求好好食，又或者坐得舒服；因為呢度真係又平又抵食～係香港真係好難搵了🙈

呢間歐陸式餐廳其實黎過好多次， 今日一試， 仍然維持高cp 值。 首先是頭盤三文魚沙律， 將隨碟附送既醬料倒入三文魚同生菜中， 別有一番歐式風味。第二道菜係薯條腸仔拼盤， 食材味道不算特別， 但餐廳可任加芥未醬同蕃茄醬， 都算滋味。 第三道菜係瑞典肉丸， 本人覺得呢道菜可以講係呢間餐廳既王牌產品， 肉丸本身鬆軟， 加入己調制好既醬料， 十分之夾， 所以出左咁多年黎都仲係大受歡迎。最後係今期限定推出既海陸空牛扒餐， 因為價錢只係$83, 對呢塊扒本身期望不大， 但食第一啖與友人都一致認同味道好有驚喜， 成塊扒充滿牛既味道，以呢個價錢黎講真係唔差。 是次晚餐與友人點了4 道菜， 2 個飲品， $200 左右己可埋單， cp 值高。

去完ikea食野下一站一定落樓下美食站睇下有咩新野食，未入去已經聞到好香榴連味。　入到去基本上都見到一人一杯榴連雪糕拎係手。　特濃D101柔佛黃金榴連燕麥奶新地 $19 因為職員應該預先擠定所以一拎到手已經有少少溶🙈但係味道無影響～榴連蓉加埋榴連雪糕嘅味道非常濃郁😍雙重享受！真係唔洗2分鐘就KO💛　+$9可以多一份榴連蓉，但係太飽無加到🥺有啲後悔啊　希望之後出更加多榴連嘅食物滿足下我呢個榴連控啦💛💛

今日行去咗MegaBox買傢俬行咗好耐就決定去宜家傢俬嘅餐廳到食晚飯好彩我哋5:30早少少入去食因為食完6:30出嚟見到有條龍排緊隊我哋叫咗宜家傢俬招牌肉丸好耐冇食配埋佢嘅特製醬汁真係配得好好但如果啲肉丸再煎得香啲就更加好味香烤三文魚柳味道一般可能烤得唔夠香但宜家傢俬都幾識得宣傳喺張枱隔離貼咗佢哋食品部都有得買呢個三文魚留返屋企可以自己煮和牛粒青醬意粉以呢個價錢嚟講都算幾好味啲和牛粒幾香又唔un 黑毛豬火腿烤雞胸呢個推介 好好味平時食開啲雞胸好鞋好un好乾但呢個雞胸都算滑同埋又多汁好好味呢個推介👍🏻

呢排幾乎日日係唔同地方都會見到IKEA嘅廣告，竟然呢個月都係榴槤月，有各款榴槤美食供應！｛特濃D24榴槤燕麥奶新地 $19｝佢夠膽賣我當然夠膽試，美食站就有供應，仲有榴槤球、榴槤班戟、榴槤千層蛋糕，超邪惡！個人覺得聞落比食落香，雪糕唔算好濃味，有啲榴槤果肉係旁邊，平衡返雪糕嘅甜，仲要齒頰留香，但我都係覺得其他燕麥奶新地杯更好味！聽聞IKEA係以瑞典燕麥奶作為基底，熱量會比傳統奶類低，素食者都食得，算係比較健康嘅甜品！

有冇榴連同好者係到！！🙌🏻😋😍勁開心🥳竟然趕到係榴連limited edition既最後一日食到😆😆❤️Ikea次次都捉中香港人既胃口😝榴連真係令人又愛又恨呀！趁住lunch time去megabox, 4樓餐廳就有榴槤千層蛋糕🍰$29、榴槤pancake$13😍😍價錢都相當吸引👍🏻👍🏻當然唔少得去埋3樓既小食部，買埋榴連蓉+榴槤燕麥雪糕🍦🥰🥰原本一杯就$19，加多球榴連蓉就+$9😎作為榴槤愛好者，有食唔食，罪大惡極🤤🤤🤤啲果蓉好多，勁足料，雪糕又好自然既味道🙌🏻食完榴連，我仲叫左必食既肉丸👍🏻加勁多紅莓醬👍🏻👍🏻世一呀！！蔬菜薯餅都係我至愛，入面有少少芝士咁，好惹味，推介大家😚希望Ikea快啲出返榴連啦🤩🤩意猶未盡😌

🍨D24榴槤新地 (加一球榴槤) $28軟雪糕質地偏冰感但都好絲滑奶滑雖然話雪糕用上燕麥奶但味道唔太突出主要都係榴槤嘅味道榴槤控絕對超級滿足!普通款式已經附上一球榴蓮蓉如果想有更上一層樓嘅都可以加$9加一球榴蓮蓉 最多加到四球食落係100%純榴蓮蓉 絕無添加味道甘香帶甜味同埋重重嘅榴蓮香味🥰D24榴槤肉質柔軟 熟度啱啱好酒味都唔會太重

前幾日喺網上嗰啲雪糕群組見到佢出咗榴槤雪糕作為榴槤愛好者即刻去試吓得唔得😍IKEA出咗名窮人恩物，以前細細個成日都會去食佢嗰個熱狗套餐，係咁飲可樂🤣不過今次目標好明確淨係想食佢個雪糕去到之後叫咗一個榴槤新地筒同埋乳酪雪糕杯只係$10同$9炸！抵到爆！味道方便榴槤味夠佢仲有款貴少少嘅$19就有榴槤蓉呢一個就留返quota下一次再去試😆味道: ⭐️⭐️⭐️⭐️⭐️服務: ⭐️⭐️⭐️⭐️價錢: ⭐️⭐️⭐️⭐️⭐️🦽👍🏻: ⭐️⭐️⭐️⭐️⭐️🚗: 商場有泊車，好似泊車優惠消費滿100蚊有3個鐘優惠

Megabox有好多野食但要平靚正既 IKEA一定係排頭幾位餐廳面積已經好大 但lunch hour都要排隊等安排入座好彩唔算等好耐 好快入得每次食IKEA都總係會眼闊肚窄🫣加上耐不耐又會出下啲新口味 肉丸又係啲必點既野食最後兩個人叫左四碟再加啲小食同一份甜品叫到成檯都係野食 埋單都只係$201兩個人都飽到上心口 真係好抵食腸仔拼盤最驚喜既係最左邊條肥腸係黑松露味😍牛扒比想像中好 煎得岩岩好 外熟內生雞鎚陣辣味係啲印度香料味🥲not my cup of tea....兒童餐啲魚手指放得太耐 已經唔脆.....杏仁批雖然真係好甜好甜 但又真係好好味好好味好好味😋

今日行過見到原來宜家有餐廳，咁就像試下好唔好食。咁佢係自己拿和點，想吃什麼就要排隊跟他說你想吃那個餐選完後就付錢，價格還可以不貴，點了三個餐和兩杯飲料才100多塊錢。坐下的時候還蠻會期待的應該很好吃，那個雞翅也挺好吃的不過我口感有點硬。薯條不好吃，坐下來的時候食物已經變暖了。薯仔餅並不好吃。那個薯仔蓉好難吃。還有旁邊那個芝士跟豬肉吃的我想吐。以這個100多塊的價格，同樣的分量也比這個好吃所以整體不到萬不得已，都不會再去了

宜家傢俬急凍食品引申出嚟嘅餐廳, 一個好好聽嘅餐廳名字, 瑞典餐廳, 所以marketing真係好重要的。初次入嚟餐廳食野, 如發掘咗一個寶藏般興奮, 原來都幾多嘢食, 最重要係價錢非常實惠**芝士豬肋條配薯菜 ($63)冇期望下, 食味有驚喜, 拍得住一般坊間餐廳, 燒汁惹味, 豬肋條有肉, 肉質很可以, 無雪味, 有啲餐廳好可怕, 可能溶雪過程有問題, 更濃味嘅燒汁都隱藏唔到一陣難食的雪藏味, 薯條可能係剛剛炸起, 熱的, 脆的, 有咁多菜食更是BONUS, 加上無限茄汁供應, 至於那些似硬非硬, 似溶非溶的芝士, 對我嚟講, 可有可無。**凍蝦 ($2x)忘記咗二十幾, 肉質絕對可以接受, 凍蝦雖則細小, 蝦肉是甜的, 有彈性, 肉質唔梅, 唔腥, 個人幾like, 二十多元, 高性價, 推介。

衣家來到宜家, 食個EARLY DINNER. 平日下午, 客人不多, 無需排隊, 無需爭座位, 還可以一人獨佔4人枱呢.  香草茄醬烤鱈魚配薯蓉及忌廉菠菜 TOMATO PESTO ROASTED LIND FILLET WITH MASHED POTATO AND CREAMY SPINACH   因為牙齒問題, 會避開太硬/需要多加咀嚼的食物, 所以看到牆上<海鮮派對>美食照片, 就鎖定鱈魚了. 杰撻撻一PAT PAT, 是SHOW ME YOUR LOVE的朋友呀!    魚肉纖維較明顯, 即使是魚腩位也不覺得油膩,  魚味不重, 但有海水味,  配不太酸的香草茄醬很和諧.    薯蓉  即是IKEA肉丸那個薯蓉, 無需牙力就可享用, 無阿婆都食到.  忌廉菠菜 = SHOW ME YOUR LOVE的質地, 菠菜蔬菜的纖維已軟化, 又是軟綿綿不用咬.   魚=軟綿綿  薯蓉=軟綿綿  忌廉菠菜=軟綿綿    口感全都是軟綿綿, 牙齒無需用力, 很舒服地享用了EARLY DINNER.    

IKEA 嘅Meat balls 由細食到依家都係咁抵食，味道就見仁見智，但我久唔久就心思思想食。但大家吾好將佢同手造肉丸比，佢口感較實，但$23 十粒又有薯蓉底仲想點，重點係一定要加紅莓醬、肉汁= CP 值高！一碟又點會滿足到兩條餓鬼喂，黎多十粒….吾該 ！蜜糖煙熏三文魚沙律$39三文魚鬆都吾算少，加上一球薯仔沙律、雨衣金蘭等，沙律醬要幾多自己加，成個組合系夾嘅，味道清新，ok la!鱈魚菠菜蓉$49真心吾好食，件鱈魚又凍又乾，菠菜蓉成pat 嘢咁，揀錯嘢。蔬菜薯餅 $8基本上係一個薯餅加咗少少水嘅蔬菜，因為只係微暖所以大大減低美味度，如果即炸即吃應該味道唔錯。$8 咖啡/汽水任飲，我隊二杯也不為多。