宜家家居餐廳及咖啡室

营业中

休息中

這裡的食物性價比很高。以前都不用排隊的，現在竟然要等位但都只是等了5-10分鐘就入座了。這個素丸竟然像真到令我以為真的是肉丸。但是口感不夠肉汁，所以我都知道不是真的肉丸。個薯蓉很好吃。青豆要溝汁，感覺不錯的這個63元的西冷真的要推薦雖然是近乎全熟的，但是是剛剛好的。只是沒有平時3成熟的血水。口感和味道都是不錯的。那些薯粒都很好吃，很有口感。服務方面，這裡是沒有的，因為是自助形式的。顧客需要自行取餐及完餐後清理桌面。但是，我是看到有職員在僱客來之前有消毒檯面。很有責任心。

星期五經過九龍灣mega box，趁下午茶時間去食Ikea，都唔算太多人，好快就搵到位。Ikea係要自己攞托盤，然後一路排隊，見到啱嘅野食就攞，去到最後就係cashier畀錢。今次叫左個酥皮龍蝦湯（$33），見到都幾多人買，應該係呢排新出嘅。被佢嘅酥皮吸引左，個酥皮好拱，但係見到有啲酥皮好塌，龍蝦湯好濃，入面仲有d龍蝦肉添，可以媲美其他西餐廳。仲叫左個小食拼盤，有4隻雞翼，4條腸仔同埋一啲薯格。兩個人share岩岩好，味道不過不失。環境可以，都幾乾淨。提提大家食完記得自己執檯。

疫情下的平安夜晚市都要暫停，只好來個平安夜午餐慶祝吧~ 首次來到Megabox的Ikea餐廳，先取餐車及托盤，沿路自行將心水食物放落餐車，推住滿載食物的餐車到收銀處付款，好有機場feel呢~ 龍蝦濃湯$13雖然無蝦肉湯料，但味道濃郁，完全對得住呢個價錢。 小食併盤$43有薯格、雞翼、香腸及粟米粒，另有茄汁及芥末醬自行添加，味道唔算有驚喜，但見每台都有點一碟。 酥炸咸豬手併酸菜$66剛好岩岩出爐，份量仲好有睇頭，個皮脆卜卜，咬落啖啖肉，可以用外脆內軟來形容，伴碟的酸菜又可消滯，極度推薦。 香烤三文魚併薯蓉$49三文魚烤得剛好，不會過熟令魚肉質變得鞋，伴碟有不少薯蓉及紅蘿蔔。 有機洛神花茶$15冰凍洛神花茶，酸酸甜甜，幫助消滯。

疫情肆虐香港，除咗夜晚冇得堂食之外，晏晝食飯人數都有限制，呢度亦都唔例外。今日一個人準備入去嘅時候見到入邊冇咩人，但竟然要排隊。入到去嘅時候係坐四人位，我諗疫情之前都唔會有咁嘅情況出現，坐得好舒服我叫左香烤三文魚柳($49)，再熱狗腸($10)芝士薯波($10)同蔬菜薯餅($8)好似叫得有啲多不過天氣咁凍食多啲冇所謂個三文魚柳整得幾好食唔會太老，但熱狗腸同埋芝士薯波就唔係幾夠熱，有改善空間，整體OK，話晒都幫襯左咁多年，可能因為咁樣所以先有higher expectation

黎左咁多次宜家傢俬第一次試食佢個素肉丸果然冇失望素肉丸都仍然保持到平時肉丸既水準肉丸係用素肉整但都冇感覺有奇怪既感覺可以一試，仲健康d tim😉素肉會陪上綠豆一齊不過本人都係掛住平時普通個隻果醬唯一無變 - 同樣會配薯蓉食～😉果然好夾🥰另外再試埋「龍蝦湯」相對上比較清淡了小小😣如果湯濃點，味道會更佳😉

好耐冇食宜家傢俬嘅餐廳呀，真係好口痕。就忍唔住去咗食一餐，懷緬下瑞典美食嘅回憶。咁呢佢最好食嘅今次就係個豬手啦，焗得外面呢都幾脆㗎，咁我最鍾意食嘅部份呢就係豬皮附近嘅部位㗎，因為比較滑啦肥啦，同埋好重骨膠原。咁呢個係幾出色嘅，但係除此之外呢其他呢都麻麻好食啦。例如個小食拼盤啦，就非常之唔脆啦，林晒啦，同埋都唔係好熱嗰個溫度。唔知係咪關因為餐廳入面一半以上嘅座位呢都唔俾坐，所以呢其實好少客人可以享用到啲食物啦，所以啲食物都冇咁新鮮啦。咁呢方面我真係比較可惜啦。同埋呢佢想飲佢嘅湯啦，但係就好早就賣晒啦。都幾可惜

去咗九龍灣宜家傢俬食飯，明天開始六點後沒有堂食，🤴🏻就決定今晚食多啲！真係食多啲！😆😆叫左7款菜色+飲品😍😍1.酥炸鹹豬手伴酸菜$66🤴🏻幾鍾意食鹹豬手，呢隻都幾大件而且炸過好脆口，肉質鮮嫩😁😁2.小食拼盤$43拼盤內有4款小食：薯格、雞翼（兩款比較乾，特別係雞翼）粟米粒（幾甜）香腸仔（好飽滿，‘吉’落去肉汁會噴出嚟😂😂）3.香烤三文魚柳伴薯蓉$49魚柳幾大件好‘淋’身，幾滑有魚味🐟4.蔬菜薯餅$8細細件有少少燶邊，正正常常5.美式熱狗$10炸麵包衣酥酥脆脆略帶甜味，腸身有彈性，好味🤗🤗6.龍蝦仔濃湯$13好重龍蝦味，但略嫌鹹咗少少7.脆朱古力杏仁餅$16個味道同以前舊版Kinder 出奇蛋一樣,只係多左杏仁碎增加咬口，全餐最有驚喜😍😍飲品$7可以無限添飲🥤🥤 希望疫情快啲過去，大家身體健康，可以再自由自在出街食飯😌😌

雖然宜家傢俬嘅肉丸好出名，但係我其實比較少食。反而就比較鍾意食佢啲西餐，就好似今次嘅魚柳。雖然魚柳今次有少少失準，可以再煎耐啲香啲，但係整體來講都幾好食。而就算係魚柳餐，亦都唔怕唔夠飽，因為仲有雜菜同埋薯蓉做配菜。如果覺得口痕，仲可以食埋佢哋嘅薯格，都做得非常香口。最值得欣賞嘅係，佢哋嘅果汁無限添飲，果汁嘅味道好新鮮，亦有唔同嘅風味。雖然感覺有啲似food court，亦都要自行清理，但係環境整體來講幾舒服，亦都唔會覺得好逼夾。

15% off take away IKEA🙈take away can enjoy 15% off. IKEA food is very reasonable. I bought German style pig knuckle and snacks platter for dinner.take away box need to add $2pig knuckle skin is very crispy, has potato and sauerkraut as slide dish, the knuckle is not salty , the seasoning is well balance and not make you feel thirsty. $66 is original pricechicken wings, fried potato, sausage and sweet corn. A great party food and taste nice when serve with ketchup and honey mustard

去MegaBox行街，宜家傢俬係點都會行，就算冇嘢買點都會去下🤣，明明唔肚餓都要入去行個圈睇吓🤤，一睇就會坐低食嘢😆。過咗下午茶時間所以唔多人，但係一陣間就食飯，所以就冇叫好多嘢食，食個沙律滿足下個胃口🤣。🔻煙三文魚凱撒沙律🔻紅紅綠綠，未食顏色已經好吸引，香草薯仔🥔沙律🥗，沙律醬唔多薯仔夠淋👍🏻，加少少千島沙律醬撈勻佢。食嗰陣，沙律菜加幾粒粟米再加粒橙仔，一啖，好juicy，因為粒橙仔👍🏻。呢粒橙仔真係好正，juicy但黎酸酸甜甜好開胃🤤

我估許多人都會去過Ikea食野! 基本上Ikea 餐廳的食物來來去去都是這幾款! 不過今天去到Ikea, 就發現了2款新食品!這2款新食物分別是香辣雞槌和黑咖哩芝士豬柳飯!說實在, 這2款新食物說是驚喜之作就一定唔係! 不過香辣雞槌的味道也幾好, 而且不算太辣, 不過肉汁就唔太多, Anyway, 3隻只收$13, 算是抵食！至於黑咖哩芝士豬柳飯，自己覺醒味道較為一般, 豬排肉味不足, 當然雪藏豬扒也不夠要求太高! 雖然豬排內有芝士, 但芝士味很少!收43元, 自己就覺得今次食完唔會再有下次!

星期六11:30am到場醫吓肚由於時間尚早，店同立食區都冇咩人叫咗啲新嘢試試左上、右下：黑糖珍珠奶茶新地，$13@左下：炸蝦餅拼雞醬$13/3pcs>>>>>呢個唔錯，係有蝦喺入面，幾爽口右上：蔬菜薯餅（$8）>>>>呢個就唔係新嘢由於是珍珠控，所以一路都想試佢新出個黑糖珍珠奶茶新地$13唔算大杯，雪糕份量似麥麥嘅新地杯食落有陣超級甜嘅奶茶味茶味雖然有，但同時亦有陣砂糖嘅死甜味冇咩層次另一方面，我覺得唔係咁好係食呢個雪糕要同時間鬥快因為半分鐘已經速溶我就唔鐘意食溶得咁快嘅雪糕變成奶水咁雖然我已經一口接一口食唔停到最後都係輸比時間珍珠唔太煙un，甜到入心或者叫入味啦尚可接受$13就唔太值可一試，唔會翻兜

十分推介炸咸豬手‼️​第一次係ikea食咸豬手好有驚喜​價錢公道$66 估唔到都幾多肉下🤩​皮脆內軟 脆皮好有骨膠原感​易切易起骨 啖啖肉​仲有醬汁同酸菜 同出面啲餐廳有得揮​無諗過咁值得推介🤭​​​​

宜家傢俬其中一個最吸引之處，相信是美食部，行到攰攰地來個草莓醬肉丸、小食拼盤、脆薯格，再配無限添飲咖啡☕️啱晒港人口味之餘，亦有質素保證！可惜座位向來不夠，希望可以再裝修一下，用有限空間去放更多的座位！

尋日黎megabox行街 係ikea食下午茶發現有新菜式：香草烤雞胸伴炸薯蓉、蔬菜（$39）雞胸一啲都唔韌😻好大舊 都算入味👍🏻伴碟嘅蔬菜同埋炸薯蓉我就覺得麻麻地總括而言都幾抵食嘅🤪另外仲嗌咗芝士波（$10/5pcs), 蔬菜餅($8)同 龍蝦仔濃湯（$13)一如既往咁好食/飲🤤咖啡就淡左啲 唔係幾好飲😥