定食8 (已結業)

黎到慈雲山中心 梗係要試下新開既定食8 係門口等緊既人有大約15個人 等左大約20分鐘就入得 裝修無咩特別 座位都舒服的 岩鹽牛扒定食 前菜係中華沙律 味噌湯足料較多豆腐同海帶 主菜牛扒滑嫩 配上岩鹽 口感特別 係其他店少見 至於甜品泡芙 裡面冰凍忌廉 外皮稍脆 特上盛海景丼 魚生、希靈魚同蝦刺身都好新鮮 甘甜 肉質嫩滑 可比美大型連鎖壽司店 但壽司飯比較少 但現場有得比你任添飯同味噌湯 男仔添飯後都可夠飽 親子三文魚丼飯 三文魚新鮮 份量足料 粒粒魚子在口中 性價比高 總括味道很好 有得任添白飯同味噌湯 加分！

呢間開左無耐 每次行過都排長龍老婆又想試 咪下晝4-5點試下啦 見無咩人入到去 有張無人坐既檯 但未抹乾淨 仲有上手既豉油蹟 個姨姨俾餐牌時見到 搵布抹。 抹完 張檯有陣臭味既⋯⋯堅臭～算數點餐 上面得7、8個set無斯咩選擇 我叫左唐揚雞拉麵 老婆叫特盛魚生飯 叫完野食 。水、沙律菜自助嘛。好。斟水飲。拎第一隻杯 有廚餘痴左上面。 即刻囉個第二隻仲沖過幾次先敢斟水飲 都算 咦 無碗裝沙律菜既原來話要set有碗俾你裝。好。咁我等埋先裝菜。10分鐘後 d野終於到，碗呢？係無既 原來要飲完個湯 用個湯碗黎夾菜既⋯⋯食哂成個湯我仲駛食菜既好都算。 一打開餐具櫃 有條長頭髮夾左係度。 個下真係爆左。已經black硬list 但點都要食埋兩個set先。唐揚雞拉麵 雞d粉太厚。拉麵比梘水味重 湯用粉開～ 唔掂 同任食放題既頹拉麵一模一樣咁難食魚生飯。個碗好飲好大。但個碗深度得半隻手指咁淺，呃秤都有個譜掛但魚生不過不失起碼之後無肚痾埋單$128蚊 無service 要自助 仲要收我加一 真係痴線～簡直貼錢買難受，永遠blacklist 呢間野。大家想食的話，真係睇路。

嘗試呢間新餐廳前已經知道間野同爭鮮有關係，抱住平常心去試點知食完真係一肚氣，如果食魚生飯就肯定唔會再幫襯佢1. 魚生飯睇落好足料，成堆魚生蓋過飯面，查實個飯量少得好可憐，根本就唔夠食2. 魚生唔算新鮮，同爭鮮賣開既無分別，呢個可以理解3. 所謂既白飯任裝，其實並唔適合食魚生飯既客人，因為佢只會提供熱辣辣既飯，倒落魚生飯度感覺怪怪4. 麵豉湯完全無麵豉味，當佢豬肉雜菜湯就差唔多5. 明明講到係自助形式餐廳黎，但又會照收服務費坦白講句，午餐連加一$7x呢個價位，係出面已經食到正常水平既魚生飯去爭鮮買個凍魚生飯食都係$4x，可能仲好食過佢

慈雲山中心又有新屎坑見晚市排長龍試一試先餐牌一目了然點左九州白湯叉燒拉麵$68鮮蝦花蛤烏冬$58豐味雙盛$48唐揚豆腐餅$15多春魚籽蝦球$20茶碗蒸$10明太子雞翼$35好食指數:4/10拉麵原本都無乜期望但太有梘水味😒食落仲衰過食雲吞麵麵質唔彈牙叉燒係好多肥肉 瘦肉大概得一半都無塊魚蛋係無味 劣👎🏿個蛋就正正常常 驚喜係佢整到糖心蛋不過我寧願返屋企煮麵最正常係呢個烏冬有花蛤 同蝦花蛤無沙蝦正常一樣有糖心蛋(半隻)🤔你問係咪好食到非吃不可 唔係囉不過 入到黎可以叫呢個豐味雙盛係照燒雞脾飯+燒魚燒魚係勁咸！勁咸！而且好腥😞😞😞最後食都無食 放係到唐揚豆腐餅都ok係外脆內軟豆腐係溝左d魚蛋 蘿蔔但建議share 食太多會膩粉醬過厚呢個蝦球既味好有酒樓圍菜既炸蝦球味粉醬過厚雞翼就正常 不過唔值十幾蚊一隻佢係拆左骨 好方便食真係啖啖肉明太子味可以話係無既整體 可以唔洗黎食尤其個女侍應服務好差見到我地有輪椅入仲俾最入既枱我地我地話太入啦佢大聲反問咁你想坐邊呀？真心覺得呢間野唔會做得耐

去到都有幾個人排隊不過好快就有位叫左個天婦羅拼盤set$58再加一不過隻蛋陣味好怪 好似酸酸地唔知有無壞 所以無食到其他好在係即炸 都算唔錯蝦有兩條，蠔都有兩粒 有少少腥不過不失啦白飯本來就比得幾少 所以都要自己出去再添整體都OK

一直只係睇人寫食評估唔到自己會開account 寫人生第一篇食評慈雲山新開張諗住試新野1。價錢 ok好多優惠 價錢係公道既2。服務 bad估唔到咁既質素自己拎水都要收加一樓面阿姐唔見曬 突然又有幾個係廚房行出黎得一個應該係經理收銀想落單無人理 又扮睇唔到下午4點 客人唔算多等左15分鐘 旁邊比我遲入又叫同一樣野食竟然已經食緊舉手搵人追單 姐姐又扮睇唔到終於有人回應竟然係去收銀拎一疊單派行黎行去派完 發現無我張單先落返3。食物 fair魚生飯不新鮮 蝦很腥雖然是平價食店 ，不追求什麼服務，但服務和食物有待改善，否則作為附近街坊寧願食譚x /茶餐廳都不會再光顧!

中心早兩日開左間新日本餐廳，尋晚見排哂長龍所以無試。今朝就佢一開門就去食，幾個字後出面就已經開始排隊。一入去職員就同我講限50分鐘，阿媽好搞笑同我講"乜呢到係任食既咩？"可能流量要快，lunch食50分鐘其實夠哂，而且佢上野食等5分鐘左右就有。每人最底消費1個餐，另外白飯、湯、椰菜絲就任添，但就要上左餐先有野比你裝。午餐價錢喺日本野黎講唔算貴，款式唔多，不過都係大路野。我叫左個三文魚飯，碗飯都唔細，三文魚都幾有厚度，食落唔錯。阿媽就叫左個天婦羅拼盤飯，好多野食，新鮮炸出黎又好香，阿媽話特別係隻吉列蠔，好肥美。