定食8 (已結業)

定食8分店唔多，未必咁多人認識，但其實有啲時段會好抵食，又有唔少選擇，仲有任飲任食嘅三文魚味噌湯+椰菜絲，白飯任裝，包你一定食得飽之餘又比較健康不過今次放工夜咗，食唔到最抵嘅輕食餐，天氣又凍，就決定豪一次，試試佢個火鍋可能因為人唔算太多，食物好快上枱個爐同個煲都同平時食開其他快餐店嘅一人火鍋唔太一樣食材睇落都幾豐富，海鮮唔止有蝦有魚仲有幾粒蜆，加埋一，價錢會貴過一般快餐店少少不過可惜佢湯底太鹹，令整體食用感覺打咗折扣好在，坐得舒適又唔限時嘅寬闊環境，再加上無限量添食嘅三文魚味噌湯+爽口椰菜絲食到飽，總算勉強值回票價ANYWAY，會幫襯定食8，好主要原因係因為佢價廉物美又可以多菜少肉，慳錢得嚟又健康啲，所以我都係食返輕食餐好啲~

好難食既火鍋， 今日本身打算去吉野家打邊爐，點知所有火鍋售罄，咁就上一層試下定食8。由於天氣好凍所以好想食火鍋，之後就試食佢哋嘅牛肉鍋叫咗個魚湯， 本身滿懷期望因為 佢有自助區都好似幾OK啦， 終於等到火鍋過嚟啦， 上面有嘅食材比吉野家少 其實有少少失望因為價錢同吉野家都 差唔多， 咁終於等到個火鍋熟喇， 立即試下佢個湯啦冇諗過魚湯變咗一個菜湯味， 係超級青草味超級難食， 但係佢嘅牛肉都ok嘅 只係個湯底好伏同埋食咗好少，早知自己喺屋企打邊爐

今天一個人去到慈雲山中心，想食日本嘢就選了《定食8》，看了餐牌好我選了$58 的海景丼再加了$10 特價的三文魚刺身，雖然餐廳的牆上有一個15分鐘未送餐免費，但下單的單上並沒有顯示下單時間，好似有寫等於無寫！講返魚生飯，以$58 來說真的不是太差，另外餐牌上其他的定食也不算太貴。

以前佢哋下晝下午茶時段 有啲 輕型嘅下午茶餐 有細細碗嘅魚生飯 或者烏冬配幾嚿壽司之類， 雖然要收加一都算係平。 唔知係咪生意難做 最近佢哋連平日 食晏時間 都有埋呢啲輕盈餐。 佢有個 凍烏冬 23蚊 跟住 另外湯同埋 海帶 白飯之類自己任添。 咁嘅價錢我唔會太多要求 況且啲嘢都唔差， 地方乾淨企理 可以接受。 飲品係另外加錢 不過普普通通。 坐喺度慢慢食店員又唔會趕我走 用嚟消磨時間或者等人呢度真係唔錯。 如果對日本嘢好多挑剔嘅呢度當然唔會啱， 但都係嗰句 咁嘅價錢 我覺得係絕對可以接受啦。

咁岩同男朋友經過，又想食啲有湯既熱食，見到餐牌又唔貴所以就入嚟試一試。是日優惠$1甜薯：雖然知道係一蚊，唔會有咩期望，但係佢哋連翻熱都冇，就咁樣凍上，令我哋有啲O嘴。芝士吉列豬扒湯烏冬：賣相唔錯，但炸粉比較厚，不過一分錢一分貨，湯烏冬熱辣辣食都令人幾滿足，仲要有埋中華沙律做配菜，都算幾似樣。海膽魚生飯：幾十蚊就有魚生食，仲要擺碟幾靚又夠豐富，唔可以要求有幾新鮮，有幾鮮甜，但係勝在餐牌有嘅材料佢都有比足又夠飽肚，都ok!日式炸餃子：餃子炸得好脆好香口，不過食落裏面有啲乾。醬燒鯖魚：甜甜地好普通冇咩特別。乳酸特飲及蘋果特飲：前者好淡冇咩味。後者好普通，中規中矩。環境坐得幾舒服，出邊仲要有自助湯同沙律吧，真係包你食到飽。如果對食唔係好有要求，其實係一間唔錯又實惠嘅飯堂。

大鄉里嚟到慈雲山發現原來都好多野食架喎呢間 定食8 之前喺新蒲崗經過過都好多人排隊下今晚唔知係咪平日定地點關係 無乜人排隊好 就試下你先叫咗一個烏冬set 同鯖魚set 再貪得意加咗粒芝士年糕呢度飯同湯同椰菜沙律係自助同任添嘅柴魚湯底烏冬set跟餃子雖然個烏冬唔係d咩靚稻庭烏冬 但都幾好味 清清地足料彈牙隻糖心蛋仲真係糖心 唔係交行貨要讚嘅仲有炸餃子望落好似好乾但其實火喉控制得幾好 入面d餡仲keep到個口感同d汁 濕濕地又夠味 good鯖魚都ok入味但唔腥 個醬亦惹味 甜甜地而且同張相差不多 無伏到唔錯唔錯成餐最伏係粒炸芝士年糕奇怪味 年糕勁粉 一d都唔chewy🤦🏿‍♂️不過都係加4粒算

今次黎左定食8食晚飯，成日經過新蒲崗間定食8鬼咁多人排隊，反而上到慈雲山完全吾洗排隊喎3個人叫左3個吾同既餐一齊食白飯，椰菜，麵豉湯都飲食先講講個牛扒定食，48蚊黎講算幾好，牛扒9成熟都仲好淋既，有肉味，吾差買第一份定食，如果第2份叫芝士豬扒既話，就有7折， 所以咁大塊既豬扒定食都只係38蚊。。。。抵食之選， 好香豬扒味。。。。但粉厚左d第3份就係最貴既鰻魚定食，68蚊，個鰻魚汁好正，夠甜。。。比我想像中既好食任食個d 野都refill得好快我地仲叫左個刺身三個人share, 但吾記得左影相。。。但刺身就普通左d ，但40蚊有差不多10件都抵既

Met boyfriend near his home and he decided we go have dinner in the neighbourhood that was just 10 minute walk away. That place I discovered was Tsz Wan Shan and that was more like a 15 minute walk in the extreme heat. I was not a happy camper.Perhaps in my desperation for air conditioning, we came to The Tsz Wan Shan Shopping Center where I said i wanted something cold to eat. As Genki Sushi was packed, we chose the next place and that was Teishoku 8.Boyfriend and I ate at another branch of Tei

小秘書最享受星期日可以自然醒、慢活一吓。因為天氣太熱，只好喺屋企附近活動... 無無聊聊搭小巴去到慈雲山中心，人生路不熟，搵食就只可以憑外表去決定😝 路過「定食8」見佢門面靚靚仔仔，價錢又經濟就走入去試吓🍱 好可惜剛剛過咗下午茶時間，幸好午餐定食到18:00，拿拿臨叫個芝士豬扒定食頂吓肚。落單時順口叫侍應俾杯水，不過原來「訂單8」屬於自助式餐廳，要飲水嘅就唯有自己出去裝😅 芝士豬扒定食好快就嚟到， 芝士豬扒大大件又出哂煙咁，小秘書仲以為味道會唔錯！事實味道係OK嘅，但係豬扒上嘅炸漿就太厚，口感唔得鬆脆，仲有啲似餅乾表層咁硬😏 至於免費嘅沙律菜、湯味道都非常一般👀 唯一可取就係平囉！

第一次黎呢間 “定食8” 日本料理餐廳 由於我系夜晚黎 呢個店既 座位五算好多 所以都見到有啲人排隊架 ！！ 未入去前先睇睇 餐牌先呀 ！！呢間以定食為主 。 晚餐 : 牛排定食 醬油雞腿定食 芝士豬排定食 雞唐揚拉麵 🍜 特上盛海景丼 牛肉壽喜燒 炸蝦天婦羅拼盤 🍤 鰻魚飯 激盛海鮮丼 ☝🏻☝🏻全部系晚餐定食 仲可以加小食 架！！！！ 特上盛海景丼 $58 定食都幾多嘢食架 湯，沙律🥗，飯 可以無限添加 。仲有配 漬物同甜品 🍮 飯既刺身 都幾新鮮既 系為獨個海蝦有小小腥姐 多春魚籽蝦球 呢個好食 岩岩炸起 仲熱辣辣 好脆呀！！

定食8係爭鮮期下的日式定食餐廳，而且最近係香港不同區域都開左好多分店，前排終於有機會去試下呢個連鎖式的餐廳。聽朋友講餐廳一到繁忙的午市就大排長龍，所以我們特意一早就已經到餐廳食lunch，當時人數只有兩三枱。我叫的係岩鹽牛排定食，48蚊白飯沙律任裝，聽落都幾抵食。每份Lunch都會提供麵豉湯，味道唔算太鹹，仲有唔少豆腐粒及白蘿蔔片。大家唔夠喉的話，仲可以到餐廳的自助區再添。牛排唔係好大塊,不過都夠食一碗飯的~食的時候可以點岩鹽食,令到個味道更香。朋友仔就叫左一份汁燒雞排定食，雞排唔算太肥，個汁都幾香。餐廳仲有提供天婦羅定食，款式都幾多，粉漿都唔算太厚。==============================鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)

傳說中好抵食o既日本定食終於開到黎慈雲山，已經想試好耐！但唔知係咪新店開張，未run得順，評語麻麻，加上大排長龍，拖到今日先有機會試！原本想食元x壽司，但爆多人，行行下黎到定食8，見無乜人就唔諗咁多，一於試試！一坐低，就已經感覺中伏，俾張枱我，係只執左一半（四人枱只清左兩個位）。上一手食完碗碟就咁叠係到，無收已經唔開胃落完單，終於有人得閒執，望下鐘20：26，因為定食8承諾15分鐘送餐，所以專登睇下時間！忽然旁邊女食客大罵再行去廚房投訴個餐追極未有，離哂譜！再有兩個食客，以唔滿意態度話走啦，走啦！心諗，大獲了！最後職員有免費返一個餐俾女食客，同一時間另一個職員又衝上黎問，係咪39號有野未到？個客都無佢咁好氣，答佢呢到40號，39食完走埋啦，等左半個鐘都未有！My god!咁我會點？時間黎到20：38，突然又聽到後面枱同職員理論話你張單個時間都唔o岩，一早過左15分鐘，職員好似慣左一樣話因為收銀機時間壞左，陣間俾錢free返俾你！呢個時候有人擺低張單俾我，一望，20：35，足足相差左10分鐘！即係擺明取巧！最後餐飯係食到，但見個個都投訴黑面，叫飯的因為豉油都無，個個去攞湯撈飯；唐揚雞係三

我地兩個人 嗌左牛扒定食 燒大蝦 雞翼 魚生飯,個雞翼一食落去中間係凍未熟,之後換左正常番,燒大蝦底食$40,3隻 係最好的一道,魚生飯好一般,呢個價錢一分錢一分貨,差過爭鮮,牛扒都一般,好似好多粉拿到好林,左成間餐廳連最簡單的飲品都係難飲嗌左杯巨峍梳打 未飲過咁難飲既野 飲左兩啖冇飲,衛生都差 見到waitress抺枱掃晒d飯落晒張椅到，最後兩個人食左220$，食完番到屋企仲肚痀左兩次 真係唔敢再食快d開過第二間好過

食媽老公唔番屋企食飯。。一於叫工主唔好煮飯同食寶齊齊出街食飯去！知道慈中開咗定食8～一直都想去食終於有機會啦！去到環境都幾寬敞位與位之間都好鬆動，而且今晚去到唔洗等位即刻有位安排坐！一坐低就即刻睇下有咩好食。。當然要食我最愛嘅刺身丼定食啦！只需$58一份定食，有甜品（泡芙1粒）前菜（中華沙律一撮）麵豉湯一碗！再加$10要多份厚切三文魚（有3塊），食落都幾新鮮唔會有雪味同霉嘅感覺。！抵！店內係有提供白飯同湯無限添加，亦都有椰菜絲同海帶任食架！而食寶就點咗個兒童餐$38俾佢啦！有2有兩舊飯團，芝心雞扒，有碗蒸蛋，有什菜沙律仲有甜品係熊本布甸！我見到都覺得好正！工主就揀咗個醬燒雞脾定食$48。。佢都話好味！我就加餸點咗一客燒蝦$40同工主兩份，蝦夠大隻！而且燒到蝦殼好脆口，又香口！我應咗食寶要求加咗 $8要咗一杯特飲叫。。乳酸特飲！有三色蒟蒻嘅乳酸特飲。。唔會好甜都可以架！埋單合共二百二十左右啦，都抵食嘅下次再同食爸去食！

菜式款式一成不變，完全冇嘢好食，沒有創新菜式，曾經惠顧餸菜味道淡而無味，毫無味道可言，如若堂食餐廳光線不足，黑黑暗暗陰陰沉沉。自助區指示牌不足，經常需要尋求員工協助，那算什麼自助區