影片
定食8门口张原条鳗鱼饭海报吸引左入去. 打开餐牌也有不错的选择，但最后还是先试鳗鱼饭。装修后加上疫情，无左时限出餐，幸好都唔使等太耐， 出餐时间合理，依旧自助拎热水，眼见有人无戴口罩就出去，又讲野倾计咁，真系要自求多福。原条鳗鱼芝士蛋包饭（$68）果然够吸睛， 长长一条舖在蛋包饭上，我唔客气喇。。 。。咦，条鳗鱼冻既，应该系话好微热，严重影响左口感。明太子鸡扒丼（$48）要求酱汁另上，鸡扒大大件， 煎得香口， 雪味唔重，普普通通正常。鸡粒唐扬儿童餐（$38）阿女期待已久的车车造型儿童餐，个泡芙原来内有雪糕，几特别。鸡粒有点太干太硬。玉子寿司太过松散，未能成型，食得有点狼狈。个熊本熊布甸，阿女自私食晒，我估应该好好味。
继续阅读
平时食日本野至少都要百几蚊一个set，但呢到标榜经济实惠，平均一餐可能$50-70就有交易，以平食做卖点，质素好坏要试过先知.呢到都系采用自助式服务，设有common area放置椰菜丝、味噌汤同埋白饭，只要最低消费叫一个定食，就可以无限任食以上既食物，价钱上系抵食👍🏻.明太子玉子 $20 7/10玉子烧口感系比较扎实少少，我之前以为明太子会放系玉子入面，但原来只系加层酱系上面，有点失望，不过玉子烧食落微甜，蛋味都几浓😋.海鲜天妇罗盛合 $58 7.5/10呢个set都几丰富，炸虾食落唔会太油，咬落去有酥脆既口感，乌冬偏腍身，唔系有嚼劲个款，同埋唔系太热.鳗鱼芝士蛋包饭 $68 7.5/10$68系比足一条鳗鱼份量，鳗鱼厚身同埋都几肥美，烧得唔错，蒲烧酱甜甜的，配饭好食🤤
继续阅读
服务质素不予置评！一直都好中意食定食8既套餐，但成日叫外卖，觉得唔太环保，但近日肺炎肆虐，又唔太想堂食，于是决定自己拎个食物盒，好有礼貌咁问店员可唔可以装落个盒到，点知比佢秒速拒绝左。另一件事系，我想影下个menu，买埋比屋企人食，点知佢又摆出一副不情愿的嘴脸。我觉得作为一间有分店既连镇餐厅，好应该承担一下社会责任，意思姐系要推动环保。我既要求其实好简单，唔需要你摆得靓，只系需要你塞D野食落我个饭碗就okay，我唔明点解市面上间间餐厅都做到既事，你竟然做唔到。我唔知道系门口呢位店员嫌麻烦唔肯做，定系你地公司唔比做，但作为一间有影响力既公司有责任要正视下呢个问题。弹劾完服务质素，讲番野食。野食平心而论的确唔错，平平地$58已经食到一份和风鲔鱼，同埋一份明太子玉子烧。鱼系一个set黎，有饭有菜，鱼都几大条。玉子烧劲大旧，食完超饱，味道唔浓，同明太子酱好夹。整体黎讲，价钱公道，味道良好，但服务好唔合理。
继续阅读
一直想试呢间分店，行到耐未食嘢醒起有下午茶我是但拣咗个位坐。想落单 (T9) 发现落单纸上面冇T9 拣都等咗一阵，件三文鱼好冰... 啲饭有啲散...炙烧沙律酱嘅两件寿司几特别下㖞连热饮，我叫咗蜂蜜芦荟茶 (都比较少见) 几甜几特别收加一服务费~
继续阅读
天气转冷，早几日发现原来连定食8出左火锅系列，一人火锅选择，所以就同屋企人去左食。相朴锅虽然价钱比普通海鲜锅贵少少，但相扑锅嘅份量真系好多性价都几高除咗有青口 蚬 帆立贝 蟹棒 狮子狗 蔬菜类 菇同丸之外佢嘅安格斯牛肉份量系超多！配有半磅安格斯 好似食极都唔完咁 岩晒食肉兽！另外每个餐都附送一分乌冬 男仔都一定饱!汤底就有得拣豚骨汤或者寿喜烧汤底🤞🏿佢嘅海鲜类同肉类都好新鲜好大只性价比真系几高另外仲叫左个沙律，加咗柚子汁酸酸甜甜几好食，不过整体冇乜特别
继续阅读