定食8 (已結業)

今日同最愛收工去食，之前已經想食但勁多人排隊，今日難得少人排隊所以就去左食啦！我們點左兩個小食，炸蠔油左d,不過$20/5隻真心好平，算係唔錯了。另外明太子雞翼，我覺得ok,不過男朋友一般般，起初食唔到入面係明太子，冇咩好重明太子味，我男朋友建議如果外皮係蜜糖就好啦！另外個牛排飯，我覺得牛好好食至於個炸雞烏冬，炸雞冇咩特別，普通正常啦！係油左少少！不過個烏冬少左d囉！個甜品係奶油味的果凍，其實唔好食的。整體來說一分錢 一分貨，當然唔期望佢超班質素，但呢個價錢算係交到貨

每日放工經過都會大多會見到排隊的人龍，好奇之下見今日沒有人排隊，就進去試一試有什麼特別。餐廳所供應的食品種類不多，除8款$48的定食外，只有一些小食供應 ; 飲品除了無限量添飲的免費麥茶外，就只有罐裝汽水供應。餐廳門口寫明如15分鐘內不上餐就免費，所以不用擔心會等上餐等得太耐，今次叫了岩燒牛排定食及芝士豬排定食。牛排本身味道偏淡，但有一定厚度，抵食 ; 芝士豬排有點油，一個人很難食完一份。另外點的醬燒魷魚頗大條，附上七味粉，點一點，有點辣，惹味。但無限量添飲的味噌湯同麥茶份量不夠，中段想添飲第二杯已經沒有了另外，雖然餐廳表明用餐時間為50分鐘，但見坐角落的人坐得很久都沒有人會理，所以如果想坐耐啲，建議坐角落位。

話說我家兩老話呢間幾好食同唔錯,咁就去試下快餐模式,都排左廿分鐘左右啦 咁就每人叫個餐。都係5,6十蚊一個, 其實都算大件夾抵食。賣樣其實靚仔,不過我就覺得唔係話好好食。普通啦... 湯同茶都可以出去再REFILL的仲有佢係承諾有時間一定上到個飯俾你,如果唔係就會俾番錢你咁話..大家可以留意張單個時間呀生薑豚肉....就係我叫既..我就覺得麻麻地,我期望係薄肉,佢好厚實,應該會有人欣賞,但不是我芝士吉烈豬扒..OK 唔錯呀我覺得,呢個係有小驚喜!可以試下, 但唔會再試我諗我

採用類快餐店形式的日本定食餐廳，所有定食48元，外賣免加一，白飯、湯任盛不能算是高價的店舖，2個人的話也剛好100元多點但食物質素相當不錯，員工手腳挺快，是跟朋友約會的絕佳餐廳之一

屯門開左2間定食8都一直都冇去試，今日見得閒就去，等左大約15分鐘就入到去，叫完野食自已再去收銀比錢，如果遲過15分鐘就會比優惠券，當然即時計時啦，我地叫左咁多野都超快到，講真由入去至離開都不用45分鐘勁快，每人$108價錢都吾貴但食品質素就麻麻，始終價錢平冇計啦。每個定食都係$48，堅抵喎，仲要有湯（正常味又多配，紫菜可以出面自取），主菜和飯和甜品（食左一口就吾食，超難食）...試下就OK啦。岩鹽牛排...樣靚但食落吾熱又多根，吾似食緊牛扒咁，醬汁吾錯，飯份量都吾少。豪華海景丼...味道係爭鮮質素所以可以接受啦，始終咁平，但原來飯份量不多。綜合刺身...爭鮮質素，可能雪得比較耐，味道不太新鮮，但食落起碼冇梅的感覺，可以接受。明太子雞翼...最熱同味道最好又抵食，入面明太子又多而雞肉都嫩同入味，推介！～鮮醬鮑魚..鮑魚好淋身冇咩味道，醬汁一般啦，以$40即每隻$10可以一試。茶碗蒸...以$10碗都OK啦，份量似出面日本店一半，味道吾差夠熱有冬菇都吾錯。

定食8係爭鮮旗下品牌，主打平價定食 喺新蒲崗、荃灣早有分店，近日開埋黎屯門（舊日自家烏冬嘅位置）新開業時送優惠券，人龍太長，所以到最近先一試~由於限時50分鐘製，即使要等位，時間都心中有數。首先揀好定食，客人自行去櫃位結賬，再由店員送餐，並實施15分鐘內送餐，堂食設加一。定食8，顧明思義有8款定食，均一定價$48，小食同樣地有8款，定價$20-$40 有刺身、雞翼等。簡單而言，最低消費，如果唔點其他小食，53蚊埋單~定食附味噌湯、漬物、甜點；另設自助區內白飯、湯、椰菜絲、麥茶任添！岩鹽牛排定食 $48賣相唔錯喎~50蚊份牛排千祈唔好講係咩靚牛…食落雖然有少少硬身，鬆軟講唔上，但唔會有鬆肉粉味~加埋大大碗飯，唔添都飽一飽~附送嘅味噌湯唔係開粉，都有少少誠意。炸蝦天婦羅定食 $48天婦羅雖然有少少厚粉，但3隻蝦都算幾大隻！另外有兩件秋葵、一件茄子~平時日本料理，天婦羅乜乜都要3、40蚊啦，仲要唔一定好食，所以呢48蚊都算過得去！前菜有3款，海哲、中華沙律都係爭鮮質素，不過我留意到好多客人都食剩第一款 (唔知乜)。店家可能要換一換款式，或者even 取消呢款，無謂浪費吖。煙燻三文魚沙律 $2

「定食8」主打均一價日式定食。價錢相對「貼地」，外賣免加一。店內設自助區讓顧客免費無限量添茶、添湯、添飯及日式沙律。可能是星期六，在店外排隊約10分鐘便有店員安排入座。是次，點了岩鹽牛排定食。先到收銀處付費點餐，然後再回座位等店員送上定食。等待期間，先來一杯自助熱麥茶。麥茶清香，佳！惜部份杯子不太乾淨⋯⋯一心打算先吃點日式沙律，但一直找不到碟或碗盛裝。及後，向店員查詢才知道顧客只會從訂餐中獲得碟或碗。那只有待用餐後再吃沙律，實是有點美中不足！沙津可因應個人口味配上海帶及沙津汁。由下單開始計起，等了15分鐘便由店員送上定食。整個定食份量合宜。牛排煎至八成熟左右，嫩滑且油脂充足。若配上青檸味道比單純沾上岩鹽口感更佳，味帶青新卻不失燒牛排該有的炭烤味道。附上之岩鹽不知是否遇潮，混成一小堆，質素有待加強⋯⋯白飯屬珍珠米，飯味合乎基本要求！味噌湯只有蘿蔔和豆腐，較單調。甜品是略帶椰香燉奶，屬一般水準！整體表現不過不失，也為食客提供一個另類選擇。

呢間餐廳係新開，襯今日早收工，黎試下。要排隊入場，人齊先入得，用餐時間五十分鐘，佢係半快餐既形式，先去收銀處點菜，侍應再為你送餐。茶，湯，飯同前菜都係任食，但最得意係要你上左定食，有餐具先開始拎到任食既野。所有定食都$48，其他有小食，我地叫左炸蝦同芝士豬扒定食，加個鮑魚，埋單都係$150。食物質素唔錯，tempura好脆，粉漿好薄，芝士豬扒就好大份，鮑魚係冷盤,但都唔錯！另外，侍應服務好好，好有禮貌，又會主動幫客人。枱同枱之間好近，肥d都行唔過😆，但都無計，地產霸權，用最少空間放最多枱櫈，這就是香港!

看戲前在附近揾食， 見到尼間唔洗排隊就入去試試啦我叫了個雞件揚烏冬一個set 來看滿多款， 但作女生的我感覺份量似乎少左D， 味道是可以的，雞件不會炸得太油、烏冬沒有驚喜， 不過不失吧！同座叫左咖喱炸蠔豬排這個份量終於見得人， 炸蠔細細但入口有鮮味 不錯； 炸豬排夾左微量芝士，令口感多一重， 整體好味又大份埋單其實不太貴， 但除了送餐外， 基本上自己出去落單、自己出去倒茶、添湯及飯... 加一服務費， 其實服務左係邊呢？！

今天好像是定食8嘅第二日開幕，我真係急不及待到訪。知道每個餐都係$48就更加速我來這裡嘅決心！原來新張期內惠顧滿$100就送$100優惠券。為了兩個人叫到$100，我地加多左小食。酥炸蠔原來都好味喎，起初我以為都係一貫來貨嘅炸物，點知咬第一口就發現唔知佢係未熟定夠juicy呢....隻蠔勁好味囉....再來芝士豬排，又ok喎⋯⋯，以呢個價錢計，做到有流心芝士喺豬排裡面，我唔會太高要求囉....但我唔會再叫，因為我鍾意食勁爆溶岩芝士。再來不斷無限loop嘅麵豉湯...再吃下刺身丼，感覺好似爭鮮咁...我唔會order囉....因為爭鮮都食到而用餐時間限制50分鐘...都咪話唔chur...如果仲要loop麵豉湯/沙律同白飯，認真要速食總的來說，我都會再來，因為以便宜做指標，佢贏哂架！而且珍珠米/麥茶/麵豉湯/椰菜絲沙律仲任添，性價比極高！

屯門原來開左定食8，以後唔洗去到咁遠食嚕。呢到既定食劃一收費$48+1成個定食有前菜，白飯，味噌湯，甜點等等都幾豐富。 重點係白飯同味噌湯都可以係自助區任添，包你一定夠飽而且佢講明15分鐘內一定能到餐，如果超過15分鐘就會全餐免費，岩晒附近番工既上班族。去到門口見到有成廿個人排緊隊好在間舖都幾大幾多位，等左半小時左右就入得今日點左呢款芝士豬扒定食， 新鮮炸起既豬扒非常跪口，咬落去d芝士微微流出黎～前菜重有海蜇同中華沙律⋯重一款食完都唔太知係咩⋯好似牛蒡咁既味道（我就唔太鍾意）味噌湯入面有小許三文魚，成個湯好甜，忍唔住飲多左碗添唔知係咪因爲新開重送佢地自家製folder都幾靚架！

MENU共8款定食SET全部都係$48,飯同味噌湯可在自助區無限添。烏冬SET烏冬雖然少左D,配料都吾少,烏冬係稻庭烏冬,湯底無味精味.鹽炸赤蝦好抵食,$10一隻,好大隻,炸得好好.三文魚沙律有共5件三文魚又新鮮 $20抵係市中心呢個價錢有呢個質素好滿意,就係排隊耐左D.

一年之首，一一一一定要訓番夠本。接近中午來到屯門市中心，已經到處都是人。屯門人當然很多，更多的是「自由行」。來到錦薈坊，更是到處都是喼😓。新開的定食8門前是長長的人龍。肚餓，等不了這麼久，又想試新野，只能外賣。先說主角牛排，熟的程度剛剛好，雖然牛肉味少了些，但調味剛好用來送飯。飯拿到回家也有和暖，外賣來說算是非常不錯。附送的漬物，作為開胃菜剛好。味噌湯有大量豆腐，濃度調得恰度好處。沒想到在現在物價高漲的時勢，不到$50元有這樣的素質的外賣，超抵食！！！！！！期待有一天能堂食。

話說放假入左黎屯門行唔知食咩好，見到好多人排隊食呢間野，心諗係咪D咩名店呢？拎個Menu一睇，所有定食只係類48蚊？咁抵，所以一於試下先！20蚊三隻的明太子雞翼，入面的明太子唔算好咸或定好辣，雞肉的肉質都幾嫩滑，味道唔錯而且好抵！20蚊有5隻炸蠔真係不得了咁抵！炸得有少少油，但係整體口感都好鬆脆，入面又多汁，性價比好高！所有定食本身有三款小菜丶湯丶豆腐甜品，而飯丶沙律菜同埋湯係可以無限Refill我就點左個芝士豬排定食，豬排大大件又厚身，芝士味唔算好濃，但係口感好鬆軟。配上我最愛的豬排醬，成功食左兩碗飯！牛排定食口感就有少少硬身，但係味道唔錯，配上海鹽沾黎食幾好送飯。牛排雖然有少少硬身，但係唔算太硬，有D口感咁！無限Refill，岩哂大食一族！

精明的你當然知道聖誕節周街都是「貴野」，當然會「捐窿捐罅」搵平野。這次來到屯門新開店的日式定食餐廳。均一價定食HK$48（每人入場最少點一份），有8款選擇，還有魚生丼‥‥但不敢試小食選擇亦有8款（HK$20-40不等），比較有趣的是堂食15分鐘內限時送餐，超時不收費！旁邊有自助區，麥茶、白飯、麵豉湯、沙律菜和醬汁任fill小食先到，酥炸生蠔（HKD20），廿蚊有五隻炸蠔小食已經無可挑剔，但炸蠔微溫，應該是因為要限時送餐所以大量炸定；但入口仍然酥脆，一口咬入去爆汁到對面位LOL！醬燒魷魚（HK$20），原條魷魚燒，夠入味，但略韌定食岩盬牛排（HKD48），還附小菜和甜品，牛排有連根部位，有點韌，只屬普通定食蒲燒鯖魚（HKD48），盬燒的做法比較常見，蒲燒倒是第一次；鯖魚太軟身肉質鬆散，配上蒲燒汁感覺怪怪的，似平價的鰻魚飯多於鯖魚，但將貨就價是完全接受的麵豉湯味道略淡，但其實亦頗足料的，魚肉、蘿白、豆腐粒，自助區有海帶芽可以加到湯內因為達到15分鐘內送餐的任務，所以埋單HKD157（先排隊安排座位，然後排隊點餐付款，入座計時50分鐘），這個價錢食到日本定食，絕對可以再deal喇！（後來知道