定食8 (已結業)

藍👕男經理不斷和下屬說話時粗言穢語！在舖內難睇、難聽. 很驚訝在大型地標商埸,會有這樣的服務！ 說話沒有禮貌！其他服務員像沒靈魂一樣,送歺將食物盤放在客人快子上! 不衞生、不專業!

每逢糧尾倍悲哀，係冇銀用又要欄街既困境下友人建議不如食定食8以平民價錢就可以食到一個定食而且椰菜絲、白飯同味噌湯係可以無限添定食本身已包一碟小前菜、味噌湯同栗米布甸甜品需要添飲添食就到自助吧各下自理自助吧除咗有無限量既椰菜絲、白飯、味噌湯供應外仲會有拌飯醬、用嚟拌椰菜絲既和風芝麻沙律醬同海帶芽對大食既窮拎們嚟講都可謂相當體貼左揀右揀最後揀咗特上盛海景丼定食魚生品質可以，算得上新鮮白飯濕潤度夠，唔會太乾飯量同魚生比例剛好，唔會食到最尾係到淨食飯份量對於女生嚟講係合適香港既日式食肆味噌湯經常偏咸，通常飲半碗就可以放棄但呢度既湯咸度適中，可以添飲第二碗服務方面，好明顯人手不足要求咗兩三次要隻碗都無咗蹤影但呢個價錢就唔好講啲咩今時今日咁既服務質素啦真係比少少錢當自己大爺咩幾廿蚊個定食味道唔錯已經可以過關

一到假日，周圍都勁多人！真係太累，所以就揾左呢一間定食店！門口都要等五六個左右，但都好快就有位！睇落好像都唔錯！但個人覺得麻麻地！特上盛海景丼此終係差D,可能係唔新鮮，所以食落有點怪味！我諗食爭鮮會仲好D添芝士豬排呢個反而唔錯，大大件，外脆內軟！但個麵豉湯，真係唔飲好過飲！好像雜錦湯，味道奇怪！三文魚刺生麻麻地，但都算還可以！呢到係有無限添飯，麵豉湯，椰菜絲同埋麥茶！如果唔夠食可以自行去自助吧到任添！

由於工作關係，依排都係屯市徘徊，又臨近新年，簡直people mountain people sea⛰，想搵間少人d嘅餐廳食餐安樂茶飯都有d難度，無意間遇上定食8，見無乜人又幾平咪試下囉，點知d質數吾錯wow!食左2次都係3，4點去食未試過要排隊，很好很好👍🏻試左兩個餐：1️⃣午市定食（3）岩鹽牛扒$48（有服務費）套餐包味噌湯、白飯、前菜、甜點可自行refill茶、飯、湯牛扒軟唔韌，配上粉紅岩鹽很有味道但有少量根可接受2️⃣午後限定（A)三文魚壽司配烏冬糧尾貧民精選23蚊（有服務費）有3件三文魚壽司，一碗細size烏冬，較為清淡，如男士吾夠飽可自制味噌湯拌飯，味道不過不失，價錢取勝！（個人比較喜歡牛扒）加分系列：食個下午茶餐廿幾蚊仲送利是封

收服務費既餐店，但完全無服務可言一袋2袋見有位就打算去食個飯眼見餐廳有好多吉枱，見你一個人就夾埋其他3個單丁人，要你迫張4人枱下午茶時間唔給下午茶餐牌當你落左單之後，你先發現有下午茶餐差不多既餐，但價格相差50元。然後要求店員改單，一句落左單就理都5理企收銀就Hea住做。5該，多謝有句都無聽過由頭到尾都5覺得佢有囉到d禮貌去番工囉。原來平價食品就可以無質素。甘既服務，甘既環境仲要食到一肚氣，真係5會有下次！

屯門這個地方，對我黎講係個太遙遠既地方，因為我居住同工作既地方都係九龍區，所以我好少入去的...不過，呢次係我既摰友誠邀入屯門某間保齡場碌齡同食飯聚舊，於是我就答應假日入去屯門一趟...臨入屯門前幾日，我地係網上見到網民推介定食8既日式定食，於是上佢地既官方網站睇下menu...竟然一個普通日式定食可以一百蚊有找，於是就選擇呢間...食飯當日，我地大概7點8到達，但眼見有不少人排隊等候(提示大家：必須人齊先可被安排入座)...我同摰友等左大概3個字就已經可以入座...打開menu，其實得10幾款定食、小食同飲品可以揀，但係我已經被佢地既刺身丼定食吸引左，而我摰友就選擇牛仔骨定食...食物方面，刺身丼非常好味，尤其海贍不腥(我最怕海贍好腥)，證明刺身好新鮮...不過甜品同味噌湯就麻麻地...摰友既牛仔骨定食都唔錯...整體黎講，食物質素非常好...不過用餐時間得50分鐘，未必坐得太耐如果問我會唔會再揀呢間定食8，我會答會的，因為好味...

呢間定食8其實係爭鮮旗下嘅餐廳，叫得定食8咁梗係食定食啦！😂早排分開午&晚市menu,咁梗係試吓夜晚係咪貴嘢喇！🤔呢個牛仔骨係晚市先有，望落色水幾靚，肉都算多，燒汁唔會太多，幾香油脂味，但一兩件有啲韌！🙈隔離嗰啲鹽可以唔點，我覺得冇鹽已經好夠味！🙂 個定食仲有前菜🌱、飯🍚、味噌湯🍲、同迷你布丁🍮，呢啲反而做得唔錯！🤣味噌唔會過鹹，布丁好滑！👍🏻 如果你係飯桶/湯怪🍚😈，唔洗怕！係可以無限refill! 😏仲有椰菜絲、海帶、茶都係任飲任食⋯食到嘔為止！😗如果冇乜budget嘅，又想食偽buffet，咪去呢間囉！🤓

👫係屯門返工有好多嘢食選擇，👱🏻‍♀️諗唔到食咩就會揀定食8，唔算太貴又食到好飽好滿足，就同左同事嚟食啦❤️ 之前都有介紹過呢間嘅鰻魚飯，都幾高質，今次嚟試下新嘢先😍#黃金魚配炸蝦烏冬 <$58>同樣有三款前菜，食落普普通通咁，螺肉食落有啲腥😫 成個餐有兩條炸魚、兩條蟹柳、兩隻炸過嘅溏心蛋、秋葵，南瓜，同一條大蝦，同埋👱🏻‍♀️以為呢個餐淨係得烏冬，點知仲有飯！炸物好香脆，炸魚係成條炸，啖啖魚肉大滿足，其他炸物都唔會炸到好乾，食到都幾Juicy～但烏冬嘅味比較淡，而椰汁奶凍因爲👱🏻‍♀️戒甜嘅原因，所以無食到😂 整體嚟講，食完個烏冬同炸物都已經勁飽，可以唔駛食飯！但唔夠飽嘅朋友可以自己加飯同味噌湯，亦有椰菜絲同茶水自助無限供應，所以真係十級抵食！🗣：逢星期一至五15:00-17:00即可有正價套餐7折價惠（公眾假期除外）；另外，落單後15分鐘內會送餐，如遲過15分鐘，會送一張免費定食餐券，而用餐時間限時50分鐘～碗具可以叫店員提供，餐具就係每張檯嘅櫃筒🤓*10% Service Charge*

晚飯時間，見到多人排隊，走去望望餐牌，日本野，價錢非常親民，即刻排埋一份。等左唔係好耐就有得入，不過侍應提醒我地只可坐五十分鐘。由此可以證明佢哋都幾忙。叫咗個鰻魚丼，二片大大塊鰻魚，味道不錯，黃色係表面係蛋絲，飯如果唔夠可以添加。個餐配埋一碗湯(應該係豆腐三文魚湯，料都幾多)，小食有中華沙律，螺肉和枝豆。旁邊有個counter，食晒可以自行行去無限添加。甜品食落似係牛奶pudding，都幾甜的。另外叫了親子三文魚丼，三文魚份量多，味道普普通通。這個價錢絶對抵食，加上一定夠飽，因為可以添加的。

暑假個陣小弟同同學仔附玩再次入到tuen mun 區其實未諗好要食咩行行下見到間叫定食8 又冇咩人 又有下午學生優惠 唔諗啦 就去試下又可以坐耐啲吹個水野都算幾抵食但優惠嘅選擇唔多 但已經有牛肉選擇 都算唔錯啦朋友叫左照燒雞定食 小弟叫左岩鹽牛柳定食 價錢一樣 佢呢間野有個好特別嘅位係自助區 叫左野食之後 食客可以自己去裝茶仲有當日嘅日式湯仲有小小沙律 配菜可以任食 雖然唔係咩貴野 不過其實都叫有誠意㗎啦 定食黎了 佢每個定食有啲小配菜 不過不失仲有一個小甜品 豆奶糕 都幾香豆奶味 幾似食緊一舊糕狀維他奶 牛肉幾好味 肉質幾淋 唔會有筋配合岩鹽尚算唔錯雞肉都係幾淋 味道還可以整體都中等 不過不失喇

星期五迎月日下晝，諗住帶個仔入屯門市廣場個TOMICA展同埋食TOMICA期間限定餐廳，但位又少太多人等，放棄，結果去咗隔離商場個定食8，見前面有兩張枱等緊，望入餐廳有幾枱人已經差唔多食完，仲有兩張已埋單不過未執枱既，諗住唔駛點等就食啦，紿終帶住細路唔想等太耐。唔等由至可，等到把幾火，等唔係問題，但我數過，細細間鋪，兩個侍應一個帶位，帶位喺無嘢做既時候完全無去執過枱比等候既客人可以入座。呢個算，可能佢地職責唔同（但之後又畀我見到佢有去執枱？咁之前有客等緊又有客埋咗單你唔去執枱？），啲侍應行行企企，傳完菜出嚟，兩手FING FING入返廚房架喎？做咩唔拎返啲碗碟入廚房抹枱交枱俾等緊既客？？？而家玩緊MUSIC CHAIR？音樂停咗就唔掂得嘢？？好不容易，由3:40分（我等咗五分鐘後有朋友打嚟，所以有晒時間紀録），等到4:05分入座（一入座即喺FACEBOOK打咭），如果你FULL HOUSE、炒檔既話，我唔會嘈，但所有員工懶懶閒閒，有吉枱又唔去執枱交枱，係咩玩法？到我真係等到燥底，見到仲有一張埋咗單枱但未執（正確嚟講係執走咗一SET餐具，仲有三SET喺度），又冇其他客入，個帶位超得閒，忍

新蒲崗 元朗 荃灣 都有分店嘅 定食8 每個套餐定食都有前菜麵豉湯同甜品 😍😍前菜有日本支豆 帶子裙邊 中華海草 嗰日甜品係椰汁布甸------------------------------🌟特上海鮮丼 58蚊有好多刺身 三文魚 吞拿魚 希靈魚帆立貝 三文魚子.... 難以相信咁平😂刺身都好新鮮 係吞拿魚有少少筋------------------------------🌟酥炸生蠔 20蚊5隻勁抵又好味😋------------------------------🌟饅魚飯定食 58蚊鰻魚好味 但個飯略嫌唔夠汁 最後好似食白飯咁😂------------------------------🌟帝王螺 20蚊3粒 手掌心咁大粒 超厚肉💕------------------------------要注意 用餐時間只限60分鐘❗如果15分鐘內仲未成功送餐俾客人客人可以得到優惠券麵豉湯可以係自助吧無限添飲😋😋

難得黎到屯門，想搵一d未試過嘅舖頭試寸，係商場行陣就見到呢間定食8做緊優惠，所有48蚊下午茶都有7折！原價唔貴嘅定食下午茶仲有7折優惠，要試下先知好無味先！有八款下午茶選擇，雖然58元嘅選擇無折扣優惠，但以呢個價錢食到海鮮丼、鰻魚丼，可謂非常抵食！我叫左芝士豬扒定食，原本想試試牛排，但見豬扒竟有芝士流心，就一於試下有幾特別。定食包前菜、湯、飯、甜品，唔夠食可以再添，對於大食王絕對係好選擇！呢度嘅前菜幾特別有枝豆供應，平時食壽司叫枝豆都要十幾廿蚊，呢度就有得隨你中意攞幾多都有，味道同出面貴價食肆一樣爽口至於面鼓湯方面真係令我非常驚喜，本身見佢比出面奶白色，以為純粹落粉多得滯，點知原來用料十足，除左昆布、豆腐、洋蔥之外，仲有小塊魚同雞肉，令湯飲落比出面濃，口感亦都比較豐富，如果唔係食得太飽我都會盛多碗飲！而甜品係椰汁奶凍，質地嫩滑，味道正常。終於講到主菜豬扒啦！豬扒可能即炸所以等左好一陣先上枱，豬扒雖然切左四件，但四件都大大塊！一件已經送左我半碗飯...豬扒唔單只大而且厚，裡面的確有流心芝士，雖然芝士味唔濃，但豬扒配上醬汁非常夾，加上拌菜沙律食落無咁漏。呢個定食份量同午餐有得比，見到其他人

近日天氣悶熱，最適合吃日式料理，清清涼涼的！今天來到定食8,如店名所言，只有8款定食 （剛開業時是劃HKD$48元，但現在已有所調整，不過最貴的定食套餐也只是$58）定食套餐更有前菜及甜品。入座後先選好套餐，到櫃檯結賬等待送餐。這裡有無限供應的飯，麵豉湯和椰菜絲，自助添吃。特上盛海景丼 (推薦指數 7/10)帶子味鮮，蝦和呑拿魚也是一般，沒有太出鮮味，三文魚刺身偏薄，賣相的確吸引，但味道還算是不過不失吧。酥炸生蠔 (推薦指數 8/10)蠔頗大粒，鮮味，炸得不算太油，吃3粒也沒覺肥膩。多春魚籽蝦球 (推薦指數 4/10)很普通的炸蝦丸，口感偏粉，沒甚麼味道，只有表層的泰式辣醬作吊味。雖然限時50分鐘，但以這等價錢有如此質素實屬罕見，怪不得常常也有排隊人潮。

一如以往，2個人去食叫左2個餐同2個小食。2個餐都係刺身飯，有啲耐無去食，佢啲小菜變左款，幾好好點完之後，個餐好快手就送左上來，另外2個小食係炸蠔同花芝定唔知乜波波之類，個蠔好低食同好味每一次都必叫～個波波就一般般，好似係新出品。另外佢有限時50分鐘，好多人排隊佢啲員工都好有禮貌，入左來帶埋位仲會問你食過未，未食過會同你講返啲點餐個啲，值得一讚！白飯，湯同茶都係任食，所以一定會食飽值得一試，會再回頭～