定食8 (已結業)

不知不覺這家餐廳又加價了少了自助任加的湯/飯喇🙄🙄難怪會小了一半人來食吧這次去有一半是空桌子和很快送餐以前是叫一個飯就可以無限加湯/飯變了全部散叫 其他要加錢升級做套餐·海景丼 HKD$48·茶碗蒸+湯&飲品 HKD$15·希靈魚刺身 HKD$10/3片·蟹柳壽司 HKD$8/份食材尚算新鮮的 飯的份量不算多男仕們應該會不夠食的對吧🤔由於不太肚餓就2個人叫了這幾樣東西另外還要收加一服務費味道不過不失 只是感覺貴了🤨🤨

定食8已經係屯門開左有一段時間，一直冇時間去試，今日終於有時間一於去試下去到門口見到價錢牌已經好吸引，價錢一啲都唔貴平均大概40幾至60蚊一個下午茶餐,真係好抵!😍😍 服務員安排了位置坐低，座位亦算寬敞!👍叫了一個刺身,好新鮮,款式也算多三文魚好好肥美好好食,海膽好新鮮一啲都冇哂怪味!牛肉飯定食來說都算大碗,如果一個人食一定夠吃再叫其他壽司和食物也不算貴,價錢可以接受,大家如果有時間可以去定食吧試下食啦~🤗🤗

今天和男友在屯門市中心逛街，眾所周知市中心大部份餐廳都十分昂貴，除了去快餐店/華都吃飯外，比較便宜的餐廳便只有 定食8 了其實我們是被門口的$38香烤檸檬雞腿吸引過來的，但是後來才知道它是不包括任何飲品的，而且亦需收加一服務費，最後真正的價錢都需要$42了No.1【香烤檸檬雞腿】$38+$15由於這份定食本身並不包括飲品，所以我們額外加$15升級做套餐套餐除了包括了飲品，還包括茶碗蒸和麵鼓湯，令到這份定食終於變成一份完整的日本料理了雖然雞排的份量並不算特別多，不過它非常貼心地預先切開一塊塊，方便大家食用而且，由於雞排是即叫即燒的，所以外皮十分香脆可口，口感卻油而不膩，而內裡則非常鮮美多汁，外焦里嫩，讓人垂涎三尺，箸如雨下雞肉除了十分豐腴肥美，肉嫩可口外，肉質更非常彈牙和緊緻，而且更散發出陣陣清香的檸檬氣息，讓人齒頰生香， 回味無窮細細回味，鮮甜無比的雞汁和檸檬混合後的濃濃氣息迴旋在口中，甜甜的，香香的，甜香四溢，美味久久縈繞，我們都吃得津津有味，甘旨肥濃至於白飯則是典型的日本珍珠米，米粒橢圓飽滿，並且粒粒分明之餘，顏色亦十分潔白和晶瑩剔透，口感更非常軟綿綿，清甜可口，香甜軟糯，其味無窮

尋日去咗屋企附近間定食八度食 呢度啲嘢食唔錯價錢都唔係好貴我去嗰度食咗個下午茶點咗個薑汁燒豬肉飯呢啲豬肉嘅味道都唔錯呀啲汁唔會太多 然後我仲叫咗啲唔同嘅壽司咁因為最近做緊推廣呀，咁啲壽司嗰個價錢都會平啲嘅係買五送一呀 咁我就點咗兩個燒三文魚焦糖壽司 燒嘅味道唔錯甜甜地都幾好食，然後叫咗個三文魚壽司 三文魚新鮮好味 仲有個筆記貝壽司味道都唔錯不過好似變細咗 仲有個帶子壽司機新鮮味道都唔錯 完全唔食得出佢有少少先嚟 總括嚟講會再食

之前定食8一開張時，都有幫襯，覺得又便又好食。後來見黎黎去去個幾款套餐，就無再去。最近見餐牌多左選擇，於是再入去試下。鰻魚飯幾👌🏻食。同以前一樣，白飯、味噌湯任添。

山長水遠黎到屯門，當然要食啲平靚正嘅嘢啦，黎到錦薈坊，見到有間日式餐廳，門口寫住有新餐牌，有好多嘢食，壽司刺身火鍋天婦羅烏冬等等樣樣齊，仲要樣樣野都係平價，見超多人排隊，心諗一定係間正嘅餐廳先咁多人爭住食，所以就發揮一支公嘅好處，就係問佢有冇一人嘅枱，點知又真係即刻有位喎，所以就入咗去食😎海膽海鮮丼($78)：每一樣海鮮刺身都非常新鮮，有海膽、三文魚、赤貝、元貝同希靈魚🤤海膽一啲腥臭味都冇，真係正呀😍蔬菜天婦羅($18)：只係$18 ，就有兩舊冬菇、 兩舊茄子、兩舊南瓜同兩舊秋葵👍🏾抵食之餘，天婦羅出面陳麵粉又唔係好厚，完全唔會膩🤩#加10蚊有茶碗蒸同味噌湯#加15蚊有茶碗蒸味噌湯同飲品#海膽海鮮丼 #蜂蜜蘆薈茶 #玉子燒壽司 #熟蝦壽司 #蔬菜天婦羅 #芝麻秋葵 #定食8 #新餐牌

最近發現了一家讓人喜出望外的日本餐廳，不單菜式多元化，重點是性價比極高。點了3 個set 外加小食，分別是"海膽海鮮丼","芝士豬扒丼" 及"雙盛"。三個丼都配上茶碗蒸和麵豉湯。⠀⠀茶碗蒸十分嬾滑，麵豉湯是特別調製，味道不錯。丼飯的刺身都不分新鮮，當中雙盛丼的烤雞香味濃郁，值得一讚。小食鯖魚，明太子雞翼和一口牛粒都很讚。重點是十分"抵食",丼飯set 一份$38起，性價比極高。月光族不妨可以參考一下，當外食之選。

台灣過江龍＜定食8＞加入左香港平民化的日本料理陣la！😍🍙🍣 你地又食左定食8的全新餐單味呢?！呢間店近日推出一系列新餐點，包括左好多日式熱食，海鮮丼，刺身，壽司及小食等，真係好多種類選擇。而佢海景丼都係$48蚊咋～堂食外賣都係！抵玩喎今次試左個厚切鰻魚丼都係$58，好抵食，佢個鰻魚飯真係好大塊，好厚切！食落有陣炭香的鰻魚味，咬落去都爽口～同D一百幾十蚊嘅鰻魚飯有得揮！而佢個海膽海鮮丼都幾新鮮，好多唔同種類嘅海鮮，有三文魚，帶子，北寄貝，希靈魚，仲有我最鐘意食既海膽～真係啱晒我呢D懶人！

平時食日本野 🇯🇵每個人最少食$250💸今日跟朋友去食 #定食8發現原來$200有找✨都可以有夠2個人食嘅日本餐😳我同朋友夾埋叫左5樣野食當中有新出嘅#炸蝦天婦羅丼 同 #赤蝦海景丼1️⃣ 炸蝦天婦羅丼($48)天婦羅 🍤俾我影完相再食都仲熱每件都炸到脆卜卜✨加上炸粉唔算太厚睇樣都仲見到食緊乜而且因爲即炸啲食材仲保留應有嘅水份食落亦唔會有油益味😋2️⃣ 赤蝦海景丼($58)而海景丼嘅刺身都好新鮮呀😋赤蝦大大隻有鮮甜味蟹籽食落sharp sharp聲唔會有腥味三文魚油脂分佈平均亦唔會因爲價錢平而用左近尾部嘅位置睇下啲刺身👁覆蓋左成個碗真係好抵食👍🏻.😆仲有添呀！新餐牌多左好多壽司揀 🍣我地叫左 #北寄貝壽司 同 #玉子燒壽司 除左新野✨我地都有叫下原有餐牌嘅食物#炸餃子 🥟同 #三文魚 😋同樣係又平又好食...#定食8 #新餐牌 #foodie

簡直係呃人，差到不得了，建議唔好幫襯，門口大大隻字寫住，落單超過15分鐘送餐免費，但店員告知落單係以佢哋店員電腦入單計，唔係以你同店員交單嘅時間計，因今天有四張枱差不多時間一齊交單給店員，30分鐘後4張枱都未有一樣嘢食到，就有人問店員，當時店員才入電腦，再問及是否免費，經理才回覆是以店員落單計，唔係以客人比單店員計，又話今日個電腦出現咗問題，可能因此遲咗，該客人就再問，噉係你公司及店員問題，我半個鐘前已落單，即係明呃人啦，仲要我叫咗個刺身飯，嚟到係硬生生嘅，點食，都預咗呢個價錢唔會係好好，但無諗過係咁差，差到連飯都無乜食，雖然佢係較平，但一啲都唔值呢個價錢，後來先知原來都係爭鮮同一條Line，唔同名，但爭鮮好食好多，服務都好好多

不怕神一般的食物,如果連平食也影得到神級水準,那不就太好了嗎~.無論食幾貴,總有些日子是會想到食一些平價日本定食近來這間轉咗新餐牌,有多款食物選擇,如赤蝦海景丼,迷你海膽海鮮丼,咖哩芝士豬排等等~而且價錢都算抵食~而且感覺定食的味道有小小默默的升級~.#玫瑰鹽牛排牛排5成熟左右,中間呈粉紅色,肉質軟腍,量如果再多些就更好~原味的吃法最可以吃出牛排的美味,但也可以加上小小粉紅玫瑰鹽點綴下~#赤蝦海景丼赤蝦兩氣大大條橫跨丼身,也有劍魚,希靈魚,三文魚,及蟹子,以$58來說算係抵食~而普通海景丼賣$48蚊,建議差十蚊食赤蝦海景丼喇~#厚切鰻魚丼很喜歡厚切版的鰻魚,厚身有肉地,配埋蒲燒汁,有點美味,旁邊佈滿蛋花送飯一流~.~加10蚊就可以選埋味噌湯及茶碗蒸~~加味噌湯茶碗蒸同飲品就只係15蚊~

定食8，糧尾救星，門口已經有大大個poster寫住最平$38起！我就揀咗平價定食套餐之一嘅，熔岩芝士豬排丼（$38），加麵豉湯同茶碗蒸（另加$10），當日無茶碗蒸就換咗個布甸畀我！豬排份量都算多，兩塊肉中間夾住芝士，啱啱上枱，芝士仲拉得出絲～外皮唔算係好酥脆。呢個價位嚟講，叫做及格啦！另外，散叫咗個明太子雞翼（$28），入面明太子一啲都唔吝嗇，咬落去超juicy！高質！同行友人叫咗個厚切鰻魚飯丼（$58），有蛋絲襯托，賣相夠靚！食落鰻魚夠淋，無細骨，okay啦！店內裝潢，有自助茶水供應，惟枱與枱之間太近，空間不足。留意返，要收加一服務費！

呢間係爭鮮集團，爭鮮刺身都會係度出現架叫左個岩鹽牛排烏冬套餐試試，$63。而跟飯既套餐都只係$48架咋。即係話個烏冬值$15蚊架。賣相相當唔錯，多左半隻糖心蛋，同咁多配菜，加$15都唔過份既。套餐跟中華沙律一小碟同一粒泡芙。湯底可以揀柴魚或豬骨湯，我呢個係豬骨湯。溫馨提示，個湯底係有少少辣既。雖然個湯咸左少少，但都幾好食，烏冬又煙韌。至於塊牛排，都幾好食，肉質好淋，點岩鹽已經好好味，係差左d牛味啫。不過如果食飯真係好抵，$48，白飯係任裝架。仲有三文魚湯，椰菜同海苔俾你任食添。不過塊牛排就未必夠你食幾碗飯啦而茶都都自助既。另外，加配優惠，$5茶碗蒸，即係爭鮮蒸蛋，$10三片三文魚，都相當抵食。唯一挑剔既，就係餐具真係污糟左少少囉。

午餐唔想諗想快快脆搞掂，就去左定食8啦佢選擇唔多，定食有十款左右，咁樣反而方便決定唔洗左諗右諗。「牛肉壽喜燒」$58白飯面舖滿牛肉，算係肥瘦適中，但稍為有少少硬，都可以接受既。壽喜燒汁甜甜地，都幾好送飯。「芝士豬扒」$48男朋友既芝士豬扒，食左一舊，芝士得薄薄一層唔夠澎湃，芝士味都唔太出，勝左件豬扒都炸得唔錯，食落唔會油淋淋。食物都算中規中矩，而且佢有個自助吧，有白飯、椰菜同麵豉湯任添，麵豉湯都足料，有豆腐同豬肉(當日仲聽到一個師奶筆湯既時候，係咁叫友人筆多D湯渣...) 想快靚正又無咩要求既時候可以試試佢

假日喺屯市陪屋企人行街，想食日本嘢，但未出糧要慳慳地，就諗起定食8~市中心外牆已經有大大個廣告牌，間唔中都見到宣傳，但未試過。假日12:30去到等5分鐘就入得，放假最怕食飯要等位餐廳日式格局配柔和燈光，枱與枱之間有小屏風遮下，感覺私隱度好啲。但場內枱櫈都頗為密集，如果多人就唔建議食，會好難揾到位同唔方便傾計。賣點之一應該係無限量供應：椰菜絲、白飯同味噌湯。入到店內見到有兩個自助區，都幾方便~椰菜絲可以自己加沙律醬汁，椰菜絲比較乾身，加埋醬都覺得乾，可能放得比較耐冇咁新鮮。有我最喜歡嘅味噌湯自己「筆」湯就可以揀多啲豆腐同蘿蔔有半碗都係湯料~好滿足。只係可惜冇海帶，原本海帶係可以自己加嘅，但睇咗兩次都冇補給。味道同其他餐廳差不多，鹹香得嚟好開胃，配埋滑溜嘅豆腐，好好味蘿蔔都煮到好淋身同入味餐廳名叫定食「8」，原來同價錢有關，定食價錢都係8字尾：48/58/68/78。食物款式唔多，個價錢以日本餐嚟講算平價~溶岩芝士豬扒個名好吸引，見唔少枱食客都點依個餐。豬扒有一個碗面咁大，已經切開4件方便進食原來溶岩芝士係夾喺兩片薄豬扒之間，再拎去炸成一塊。芝士份量唔多，只有微弱芝士味滲出，同預期中嘅「溶