定食 Doraya (厚福街)

营业中

休息中

厚福街多好野食就大家都知，今次黎到H8，搵到呢間日本餐廳，真係稱得上平靚正！赤身藍鰭吞拿魚丼 $158超抵食既拖羅！ 又厚切，一個丼有成5-6塊！鋪滿晒個面！真係超正！仲要有她濃既魚味，食得出好新鮮，一啲都唔腥！抵食呀！火灸平目灸+藍鰭吞拿魚大拖羅雙拼$248平目魚好厚好重油滋！加埋火灸啲油再逼左出黎，食落口好似會溶化咁！超正！ 不過可以再火灸多耐少少，冇等更多油出黎溶入個飯度就仲正！大拖羅就真係寫幾多都好難表達果種味道，一入口就好似化左咁，成舊魚變晒油脂魚味，係口腔回蕩，真係水準超班！大蜆味噌湯 $10跟餐有普通味噌湯，但加10蚊就可以轉大蜆味噌湯，一碗都有成兩三隻大蜆，好鮮甜！都幾抵食

今晚成team人一齊OT，做到7點幾已經頂唔住要落街食餐好嘅先繼續，休息是為了走更長的路嘛～同老細傾好左張單俾佢就梗係食好dd！ 黎到美食林立嘅尖沙咀厚福街H8，已經見到大大個Doraya嘅招牌。上到去發覺已經人山人海要等位，等左大約15分鐘到就可以入座～睇餐牌時店員好熱心地同我地介紹Doraya係藍鰭吞拿魚嘅供應商，所以會有d比較少有嘅部位例如吞拿魚鮫。最吸引我嘅都係自選刺身丼！通常刺身舖都會set好左刺身嘅配搭俾客人， 但唔係樣樣食嘅我就變左好難揀，所以有得揀先係老闆！==============================刺身丼套餐包埋茶碗蒸、小菜、潰物、味噌湯我仲加左$10轉左蜆肉味噌湯，蜆味十足，絕不失禮！三文魚(3片 $36)、帆立(4片 $62)、赤貝(2片 $52)、生海膽 (30g $118) 丼大大碗刺身丼送到擺滿成個碗，刺身賣相色澤非常光澤，食落鮮味十足，海膽亦非常鮮一啲腥味都冇！下次一定再食！ 定食 Doraya📍尖沙咀厚福街8號H8 6樓

因為要趕份report，我哋成team要一齊OT去踩份嘢，做到咁上下我哋大佬話不如食咗嘢先繼續做，帶我哋去食啲好嘢。去到厚福街，平時都係喺附近食個碟頭飯就算，今次我哋岀去食魚生飯，個level升咗幾倍，價錢都升咗兩三倍。打開餐牌，選擇非常多，睇咗一陣最後決定要個呑拿魚蓉丼。如果多幾個人嘅話我會想說服大家一齊食個呑拿魚餃，呢個就等下次先啦。定食除咗個呑拿魚丼，仲有沙律、蛋同埋湯，我就加10蚊升級個測，由一般味噌湯變個蜆肉味噌湯。講返個丼，肥美嘅呑拿魚蓉再加隻温泉蛋，冇得輸。等埋單嗰陣同同事研究餐廳掛嘅日本魚類海報，發覺魚嘅種類比我哋想像中多好多。

CWB係長期都等唔到位食,TST就好好多, 只要你早食飯,你就會有機會食到!所以我18:15開始入坐啦!佢咁多人食咁popular一定會有限時,所以你想同朋友慢慢食, 就唔洗諗啦!-但係佢真係用料新鮮!食左甘多年都仲係keep到水準So yummy!-今日叫左個大拖羅入口即溶!食完之口咀既餘香,令我唔捨得食下一樣野:’(-叫左個don飯好正,我想要的都有,當然你都可以自選,但你自己簡既, 小D款式價錢仲貴多dd 所以識食都係簡佢preset的會抵d!每一樣野都好新鮮, 我最推係帶子同埋吞拿魚,如果你想單點都可以叫呢D!加左10蚊要個大蜆湯,有2隻大蜆但飲得出唔係真係用大蜆去煲既湯,而係湯煲好啦, 再放2隻蜆入去既feel.所以其實唔加都Okay, 因為反正佢湯都無大蜆既鮮甜。-但我係真心好中意呢間野 大家快D去試下!

聽過朋友專登出尖沙咀食呢一間餐廳，所以都忍唔住想試一試。日本餐廳來講佢嘅定價尚算合理，一個lunch大概80至$100 ，以前會有任食沙律吧，但呢排唔知點解會停咗，咁就得返一款沙律俾你仼添。小編叫咗呢一個吞拿魚定食，個吞拿魚超級驚人地好食，小編唔鍾意食吞拿魚嘅人，都覺得呢個吞拿魚超級好食，完全冇筋，好有油香。唔好睇佢份量好似好細，其實食落都超飽。

外賣，自選包裝十分細心，仔細，食材新鮮，這個自選內容大約$200，抵唔抵食🤔⋯⋯外賣送汽水🥤外賣便當🍱抵食，$98，忘記影相，下次要試下其他拖羅系列先得！

今日約埋三五知己去食呢間評價不錯的定食Doraya。睇完成本Menu，最吸引我嘅就係呢個大拖羅魚蓉飯定食，再加一杯冰凍生啤。人生一樂也！首先必須要講一下成個定食，有一個茶碗蒸，一碗麵豉湯，少許漬物，同埋一碟甜豆。分量來講已經非常唔錯，一上枱令人眼前一亮，急不及待想即刻開餐。大拖羅魚蓉飯成個飯嘅魚生都非常之新鮮，而且亦都好足料了。食落去淡淡嘅油脂，直頭將你融化。本身店舖有兩款飯俾你揀，一款係壽司飯，另外一款就係溫飯。作為香港人嘅我哋，梗係二話不說揀壽司飯。不過唯一嘅美中不足，就係帶大拖羅唔夠肥，如果再肥啲就好啦！呢個都係純屬個人口味。整體來講要喺香港食到咁嘅質素，價錢都唔會平，而呢間個價錢同食物質素來講我覺得性價比算高，大家可以下次去試試。

自選丼 : 三文魚 帶子大拖羅我食過幾次都覺得佢d魚生好新鮮好肥美😍(尖沙咀分店好食d) 大拖羅好好食🤤但如果本身唔中意太肥太膩既話我覺得嗌中拖羅就夠~-佢既lunch set其實抵d, 仲要有salad bar, 茶碗蒸同烏冬, 但就咁啱無我想食既combination🙈

👧🏽本身諗住同屋企人嚟H8食西餐 可惜冇位🤧所以誤打誤撞揀咗呢間日本菜🙈餐廳主打魚生丼飯🐟 特別係吞拿魚！單係menu已經有一大篇幅介紹吞拿魚嘅不同部位🤩不過喺疫情之下👧🏽都少食咗生冷野 加上當日腸胃麻麻 所以只係點咗一款海鮮丼 其餘都係熟食 結果有啲中伏🥲🔹慢煮西京燒油甘魚鮫($108)剛坐低店員就推介是日精選嘅 燒油甘魚鮫都幾大件但味道偏淡 肉質仲好嚡口😖感覺不太新鮮🔹日本蟹肉忌廉薯餅🥔<4件>($48)味道唔錯 幾creamy 但size比想像中細件啲🔹藍鰭吞拿魚扒丼定食🐟<配温泉蛋>($153)藍鰭吞拿魚丼賣相好靚🤩仲有隻溫泉蛋！魚生都幾新鮮 味道不錯👍🏼🔹江戶前天丼定食🍤($98)天婦羅丼有炸蝦 半熟蛋 白身魚同其他蔬菜不過個脆漿好淋 飯嘅份量好多 但完全冇醬汁 食落好乾😣 最奇怪係個魚 肉質勁嚡(好似湯渣🤢) 第一次見天婦羅係咁嘅組合..🔹特選牛肩壽喜燒🍲($118)另外叫咗份做緊推廣嘅壽喜燒🍲(唔係主餐牌入面)牛肉唔算好多 味道就正常啦🙈但個粉絲就比平時食嘅韌 似薯粉 有啲難咬 賣相亦較普通總括嚟講 魚生質素唔錯👍🏼值得一試 小食一般 但熟

幾經辛苦終於等到晚市開返🥳所以收工就約友人去happy Friday食好野呢間定食Doraya 之前已經食過幾次，lunch 好抵食，不過食晚飯都係第一次。7點去到已經超多人排隊，好彩我地早少少，等左幾個字就入得。🍱 油甘魚&藍鰭吞拿魚 二色丼 $148一個丼包左 前菜+麵豉湯+燉蛋魚生夠新鮮🥰夠鮮甜 唔會腥 又唔會有筋飯可以揀壽司飯/溫飯，我揀左壽司飯，個味岩岩好，唔會太酸。而飯用既都係北海道珍珠米，軟硬適中👍🏻🍱 蒜味藍鰭吞拿魚定食丼 $128呢個都有驚喜，吞拿魚大大粒，面頭既木魚碎同個蒜味吞拿魚好夾，調味得好好，食落好舒服🥰另外叫左2個小食🥟雞皮餃子 $58/5隻用雞皮包住豬肉餡，食落幾Juicy 幾好味，加d檸檬汁再用生菜包住，會清爽d，唔係都幾膩🍢燒牛舌 $421串有4粒，幾厚切，個味岩岩好，可惜有小小硬食完出來門口仲多左人排隊🤣成餐飯好滿足💕排一陣都係值

呢度係我成日嚟食嘅飯堂， 一直都覺得佢哋保持到水準。 性價比都OK。 通常最鍾意喺度食拖羅，或者吞拿魚腩蓉等。 今次同朋友嚟食午餐，佢叫咗個海膽吞拿魚茸飯餐，我叫咗吞拿魚蓉壽司飯。整體覺得個餐嘅澱粉質好多，因為除咗個細嘅壽司飯仲有湯烏冬（或者蕎麥麵）。另外我哋仲要左個炸雞小食，佢淨係整咗好耐先上到，但味道全部都係標準！

去到厚福街通常大家都係去食甜品但其實呢度都有好高質嘅日本菜食!😋.🌟藍鰭吞拿魚四色丼定食 （$228）呢個吞拿魚定食係餐廳嘅名物！🍱會用四個吞拿魚部位整成一個丼四色包括：大toro、赤身、炙燒大toro同埋碎蔥吞拿魚腩蓉大toro入口即溶 有好香魚嘅油脂味而赤身因為冇咁多油 食落都冇咁肥同易濟炙燒嘅大toro 比起刺身嘅煮法就再加多重風味 而吞拿魚腩蓉都好香 有d似西餐嘅tartare同一條魚可以有咁多種風味真係好神奇.🌟深海池魚丼定食 （$168）池魚係香港唔係咁common但係佢嘅美味程度絕對及得上吞拿魚池魚肉質爽脆 但係食落口依然有好香嘅油脂味但係又冇吞拿魚咁膩非常推薦比大家🤩.兩款定食都會配上味噌湯而且仲有配菜(玉子燒同泡菜)食物嘅質量絕對對得住佢嘅價錢🤓

🍽藍鰭吞拿魚扒（4/5）💰138吞拿魚扒仲有一款係可以加溫泉蛋既🥚但我覺得都食生野就唔再加隻生蛋喇😂吞拿魚扒表面略略灸燒過，每件厚薄均衡，而且冇咩筋😍足足有8件🤩雖然魚味唔算爆出黎咁香，但呢個價錢性價比超高‼️🍽藍鰭吞拿魚中腩加吞拿魚蓉（3.5/5）💰178覺得大拖太油所以最常點既都係中拖😝但今次食就一般般喇覺得🤔未算好差但作為一間好出名食吞拿魚既店鋪就有啲麻麻喇😲油脂感好低，仲有唔少筋😢食食下仲覺得冇吞拿魚扒咁新鮮添兩個丼飯都有配一碗味噌湯、茶碗蒸同日式醃蔬菜、蘿蔔

很久之前的晚餐，時間尚早，冇人等位。價錢屬中上，有加一服務費，食物質素跟價錢成正比。Doraya豪華丼定食～顏色豐富，賞心悅目，見到都開心有開胃小食、前菜、日式蒸水蛋、麵豉湯、主角～魚生飯，魚生新鮮，日本飯粒粒珍珠米，正！！海胆 三文魚子 三文魚 定食～同樣有開胃小食、日式蒸水蛋、麵豉湯，魚生很鮮味，推～～最後追加多了生蠔，新鮮日式飯店，走實力派的。地方迫迫劫劫，快食快走，走的時候，人山人海的等位，早食有著數

因為政府禁堂食嘅關係，食唔到晚餐所以只好食下午茶，我地大約四點零左右入座 餐廳都仲係冇咩人，包埋我哋依一台 大概只係坐滿咗三四台咋一坐低， 侍應就遞上餐牌畀我哋點餐我哋一人揀咗一個丼飯定食兩份定食都份量十足，有好多配菜 碗飯又勁大碗， 好多料呀有我鍾意食嘅甜蛋 同埋麵豉湯 不過佢啲湯就有點鹹，飲完好口渴甜蛋就好大舊，味道夠曬甜哈哈！碗飯隔離嗰啲涼拌，我都唔係好記得係咩嚟不過食落去酸酸甜甜好開胃仲有啲好似木耳咁嘅嘢畀我全部食曬我嗌嘅呢個係，粒粒海鮮丼定食我好鍾意食魚生飯，呢個真係滿足曬我嘅願望，有三文魚，吞拿魚，魚子等等各類型嘅魚生 全部都好大粒好夠厚只係略嫌飯上面啲紫菜，份量鋪得有點小因為我好鍾意食紫菜，如果再多啲就好啦！啲飯嘅壽司醋，味道都好夠，唔使點淋豉油已經好夠味啦！當然我都有倒啲wasabi同豉油上去撈嚟食，唯一美中不足嘅我覺得佢啲飯有少少硬，啱啱一開始食上面啲飯就冇咩問題嘅，但係食到去到最底嗰陣，啲飯唔夠軟，硬到黐埋一嚿如果可以改善下呢樣就perfect喇依碟係藍鰭吞拿魚中腩刺身一共有六片，每片size都好長好厚身不過食落去我哋都覺得，感覺上唔夠新鮮 同埋佢未去到入口即溶嘅地