宗像屋 (已結業)

We came here by purpose, as I had not been to shum shui po like more than 5 years. I came here just because of this restaurant. .We queue up for around 40 mins on street. It was too hot..When we ordered. No more sea urchin. So I ordered a base one but larger size. The sashimi actually were sashimi mixed, very small pieces . .

想食魚生飯，但係又諗唔到食咩好，就諗起之前經過過深水埗鋪仔大排長龍，但係有冇掛招排名，低調到一個點！之後返屋企搵下究竟呢間係咩咁神秘，原來係食魚生飯！今日就去試一試！間鋪好細，入面嘅位置唔多，啲位都比較狹窄！ 去到都要等位，但係好好彩等左大概15分鐘，就可以入去啦！望一望個餐牌，選擇唔多！ 牆上貼左張紙，一個海鮮丼有三種食法，就咁食，自製手卷，茶漬湯飯...一個飯可以試晒三種食法，有幾有趣！食到咁上下可以叫職員幫你加湯，做茶漬飯！感覺幾有趣！三個食法最鍾意茶漬飯🤗

不知不覺間，堔水埗區漸漸添加了很多有質素的食店，宗像屋是其中之一。店面積不算大，只能容納十多人左右，全店主力賣4款刺身飯，價錢為$100-300之間，廚師是專業日本師父。點了梅及竹，但遠距離影相看上去都是梅的感覺😂。第一次體驗3式食法，先食刺身，再自己包手卷，最後變湯飯形式食，感覺很新鮮，食材非常鮮甜。

因為這間餐廳的名字很特別，令我好想去一看究竟...而我避免要排隊，早早6點鐘就到達餐廳！6點鐘餐廳已經9成滿，幸好還有一張二人枱，所以我和朋友即刻被安排入座！餐廳的餐牌只有4款食物，身為海膽怪的我，二話不說就點了最貴的，有海膽的丼做晚餐！這個丼有三種食法。一是用紫菜包著；二是用豉油拌好；三是加入湯...丼好快便送到，而我都跟著食法一二三去進食....飯不肯定是不是真的由日本米煮成，畢竟我在日本吃的不是這樣，這點讓我有點失望。而海鮮和海膽都不過不失....個人認為性價比不高，在深水場地段，$300只到這個質素....我想食水太深了！

人氣丼#宗像屋 估唔到去深水埗都有一間咁新鮮。咁高質素嘅日本小店全店只賣四款#丼 呢款👉特上係最貴$298總共有11種海鮮 吞拿魚北寄貝帶子甜甘蝦三文魚子油甘魚鱲魚吞拿魚蓉#烏賊#蟹肉#加拿大海膽。新鮮就已經好好味。店主好細心係枱面已經放置左一張介紹卡建議左各種食法：刺身飯，提供左幾塊紫菜，可以包迷你手卷呢加湯變茶漬飯 。好大份量。抵食但係可惜每人一定要叫一份，對於一啲好細食嘅女士來講好似我哋真係好飽。食完一餐， 起碼三個月都唔想再食刺身

Mother's Day 帶媽咪來試試，一人一個小山丘的魚生飯，給媽咪選了特上有海膽的，我就選了松有蟹肉的。18:00開店，門口已在排隊，幸好我們也排第三，果然是小店，只有三張枱，另外就是吧枱位。全店只供應四款魚生飯，小食也沒有，飲料也沒有！！只喝茶吧！哈哈又沒關係啊。因為飯真的太好吃了！！我加豉油不多，想吃魚生的鮮味。飯前有麻醬油甘魚兩片作前菜，可留一片作最後的湯飯時再吃。店員介紹吃剩三份一飯可以加熱湯再吃，又另一風味。價錢是有點貴，是日母親節，三枱也是帶媽咪來的家庭，無所謂啦！！

好朋友請食飯慶祝升職，想食日本菜，於是挑了一間高檔一點的日本餐廳食飯及聊天。雖然我在深水埗工作，也是第一次來這店。12:40到達餐廳，一行三人有一位未到，看到店外寫著 "全部人到齊方可入座" ...我估計有些時候這店會排長龍吧，所以才有此安排。因此即使全店只有一檯客，即使沒有人在排隊，店員也不讓我們入座，態度也不太友善。於是我們就在大雨中等朋友，五分鐘後才進店。我們三個都點了 "松" 丼，點餐後我們看了食法的介紹，然後刺身飯很快便送上了。首先是前菜的刺身，有一點麻醬，記緊要留一些最後在茶漬飯部份享用。刺身飯主體的確很有份量，雜錦刺身砌成的塔，很特別，用來餵飽手機真是一流。第一種食飯，將芥末加到醬油內，再淋上刺身塔，看著醬汁流下去感覺很治癒!!!味道方面，刺身很新鮮，可是我分不出有多少種，以及是餐牌上介紹的那一種...放在塔邊的蟹肉及三文魚子非常好吃!!! 第二種就是手卷食法，可惜紫菜不夠脆，有點失望。最後留了大約三份一的飯，著店員加湯試第三種食法，茶漬飯。店員叫我們將剩下的麻醬刺身及醬汁一同加上去，然後來幫我們加湯。湯底的味道非常好，很香濃!!!稍為熟了的刺身很滑很好味，我認為茶漬是三

哈哈, 2月時食過但一直都未LOAD番D相出來.... 相隔差不多三個月先寫番食評... 一邊睇番D相真係好想即刻再食呀 !深水埗捃食絕對會找到驚喜，由深水埗港鐵站行往寶血醫院方向，有緣遇到一間隱世小店。行過未必會留意到，因為沒有大大招牌，稍不為意便會錯過。晚上大約8點鬆點，行過時剛巧有一對小情人站在店外等候，否則真的不起眼...排咗無耐店員出來通知在我後就通知已截龍了⋯⋯我真係好好彩！ 等咗半個鐘，終於可以入去啦，入到去仲未有得埋位，只係入去坐住等。舖子細細全店淺木色，吧位數張，二人桌數張排隊中店員留下MENU讓我們先睹為快，全店只有4個選擇，由上而下分別係梅、竹、松和特上。 特上最多款，有我喜愛既海膽又有蟹肉 坐在吧檯位又可以看著師傅製作  師傅雖然未停過手，但時時刻刻都係笑臉迎人，睇見心情都好啲呀 !七味粉也用較傳統的竹製器皿好期待呀 ！另一食客的宗像丼，真令人大吞口水醃薑和平時見到/吃過的不同，這兒加入烘過的白芝麻，增添一份香氣 丼未到先來一碟新鮮魚生片宗像丼特上 (HK$298) 看到這樣一定要比相機食先，將9種海鮮埋砌成圓錐小山 (圓錐小山內有9款海鮮: 吞拿、吞拿魚蓉、北

呢次第一次喺香港試日式丼覺得味道一般環境都算闊落已魚生飯未計佢嗰啲魚生真係冇乜魚味嗰啲飯唔係用壽司醋淨係白飯佢都有啲抵讃 就係塊紫蘇葉卷埋紫菜同飲食都幾淸新我自己就唔好茶漬飯 所以就無試海鮮湯都幾清

呢幾個月都好多人推介宗像屋，趁住Easter就同朋友齊齊去試啦。中午1330去到唔洗排隊有點驚訝 因為2個女生比較細食，本身想叫海膽特上(?)黎share，不過店員話低消係一人一份餐，咁我地就揀左最基本嘅梅。前菜係2片魚生配芝麻醬，好新鮮啊～ 店員話可以留返塊最後加湯食茶漬飯。然後木桶刺身碎飯好快就上了。第一眼離落真係覺得好大份 有預感會食唔哂… 跟教學將wasabi擺入醬油攪拌再倒落去刺身山度，食食下會覺得醬油唔夠，即刻問店員加多少少俾我。刺身山由多種刺身切碎疊起，食落有魚脂嘅口感同味道係幾滿足。不過食食下就會發覺，將刺身切到咁碎又咁多種撈埋哂，唔係太分辨到自己食緊咩魚，有少少可惜左每款刺身嘅魚味同鮮味。另一食法係整成手卷，紫菜好脆亦唔會飛哂d碎出黎，我都幾鐘意呢個食法，有得玩又有得食最後食剩3分1用黎加湯做茶漬飯，不嬲都幾鐘意茶漬飯，所以呢個我都好滿意喔 個湯熬得幾好！加少少七味粉，再加埋前菜塊魚生，撈左湯之後變成半生熟依然唔錯。午餐唔加一，份量又多，我地食到好飽咁走，一飯三食嘅體驗好好，值得一試 只係個人比較prefer食一片片的刺身飯，始終鐘意食得出每款魚味嘅感覺。店面好

同班friend講左好耐話想黎試， 終於黎喇！兩點幾趕黎，好驚佢已經收左，好彩佢地午市收三點。可能平日關係，黎到已經冇咩人，我地包哂成場！佢地成間舖頭淨係食雜錦魚生飯， 有四種選擇：梅、竹、松、特上， 全部都有基本9款魚生(吞拿，吞拿蓉，北寄貝，甜蝦，三文魚子，魷魚，油甘魚，立魚），梅係基本份量($108)、竹係增量($148)、松係加蟹肉($198)、特上係加蟹肉加海膽($298)。每款都有3種食法：1. 海鮮丼 2. 自制手卷 3. 茶漬飯(最後食淨1/3加湯）正常食量嘅話，女仔食“梅”已經好飽，男仔可能要食“竹”。魚生好新鮮，由日本師傅處理，三種食法都好特別，尤其係茶漬飯， 本來覺得魚生新鮮嘅話，原汁原味食係最好味，但係茶漬飯絕對有驚喜，個湯底非常鮮甜，加左落去魚生半生熟，好好食 材料新鮮，錢價尚算合埋（免加一），一定會再黎食過！好食嘅野，貴精不貴多，真係同平日食開個啲千X、板X冇得比。真心覺得好食所以先上黎寫哩份食評， 希望大家都支持下啲小店，支持用心製作！！

想嚟好奈喇～ 今日卒之約到朋友一齊慕名而來❤️刺身山實在吸引！我地唔算排咗好奈隊，半小時內入得。唔記得梅蘭菊竹嘅價錢喇，但都可以接受的範圍，就試叫了最平嗰兩款再加有海膽嗰個。 但建議嚟得嘅就真係唔好叫最平嗰個，因為飯底差唔多一樣，但座刺身山相對好矮☹️寧願貴幾十蚊但多好多😋😋 同朋友三個都係大食之人，初初睇落仲以為要餓住走，我地真係太年輕喇，食完頭盤油甘魚芝麻醬刺身（記得留返塊最後加湯食）同刺身飯，記得請侍應加湯，原來仲有得加飯！ 結果係飽到反艇，超滿足咁離開😋😋 PS 連杯茶都好香，一啲都唔馬虎👍🏻 呢個價錢有呢個質素真係唔錯！👍🏻

見到instragam 唐詩詠都食，我同朋友又要去試下。是日我地叫左一個梅，一個特上，然後share d 魚生黎食。一開始有油甘魚魚生兩片做開場白，我食左一片，係好新鮮嘅。留底一片就係黎食"方法3"嘅茶漬飯。其實佢分4種丼，每款upgrade 上去就係多d料。特上就係梅本身的雜魚生加大配蟹肉、海膽、三文魚子圍邊。魚生雜錦係幾好食，但其實我分唔到食緊邊種魚生。而蟹肉上算香甜，不過有點乾。而海膽味好濃，海水味一般，但食到糞味，我估係馬糞海膽(即貴野)。返食指數: 4 粒星。(最高5粒) 總括黎講，我覺得好食嘅，當中用紫菜的方法二同茶漬好正。但如果男仔去食/叫左特上，可以添飯就更好了。

等了半個鐘，環境狹窄，座位不多，但啲魚生一pat嘢咁，分唔開乜魚打乜魚，好似我屋企隻貓啲罐頭貓糧，失望而回。慶幸廁所尚算乾淨，服務尚算殷勤。不過應該不會再幫襯了。

深水埗要食嘢、當然要掃街食港式野。夠平夠地道、但今次有些突破「深水埗食日本人開的海鮮丼」其實我很少在香港吃日本菜，因為覺得好貴而且質素一般、但今次朋友大力推介所以也來吃吃、看見餐牌只有四種選擇、我一向只會吃最貴和吃最平的、那就叫了一個梅和一個特上來試試分別在於有蟹和海胆其他的都是一樣那麼我就只介紹特上其實海膽他們是選用很新鮮的貨、賣相亦很吸睛、魚生和飯的比例亦很誇張、魚生和飯的比例可以話是三比二、但而價錢來計當然日本平很多啦。但如果近排不用飛日本但又想吃有日本感覺的魚生飯店這裏也是不錯的選擇。其實店內亦有介紹了三個不同的食法、一是撈勻佢就咁食、食到咁上下就攞啲紫菜包住你食、再的食到咁上下就當茶漬飯咁食、其實挺有趣的。但可能店員太忙、忘記了給我們紫菜、如果你們下次去的時候有這個情況就提一提店員。其實店的裝修亦挺有日本味道好像走進了日本的地下街內的小店其實我都今天都不太明白為何居住在香港的日本人會在深水埗開魚生飯店。但這也為深水埗帶來多一點不同的美味。