宏鮨芯 (已搬遷) 新店位置

今次去試一間由屯門地膽推薦嘅日本餐廳「宏鮨芯」，佢個位置係喺杯渡站附近，由屯門西鐵站行過去都係大約10分鐘左右，唔難搵…一入到去，餐廳環境乾淨企理、燈光光猛，非常開揚，座位闊落舒適。打開餐牌，選擇種類都相當豐富，有Omakase、浜燒、丼飯、燒鳥、揚物、一品料理等等。珍寶特長吉列炸蝦吉列蝦係啱啱炸起的，外皮炸到脆卜卜，口感酥脆，肉質爽口鮮甜，蘸上他他醬一齊食，幾好食。角切魚生丼見到佢個價錢同迷你丼差唔多，以為份量都係咁上下，點知原來份量都唔少…而且用料豐富，鋪滿吞拿魚茸、三文魚、油甘魚、海膽、蟹籽、三文魚籽…三文魚子粒粒都脹卜卜，鹹香爆脆，加埋蟹籽一齊增加咗成個魚生丼嘅爽彈口感。魚生丼嘅醋飯飯粒粒飽滿，酸度剛好，煙煙韌韌好好食。另外，魚生丼配上麵豉湯，呢個價錢好抵食，值得推介！鹽焗大蜆蜆肉飽滿，肉厚多汁，火候控制得剛剛好，食落粒粒豐盈多汁，好鮮味。牛舌串牛舌串燒得啱啱好，肉質帶點柔潤，唔會燒到柴皮，咬落juicy嫩口，鍾意食牛舌嘅朋友真係不容錯過！總括而言，呢度嘅食物質素唔錯，食物選擇好多，可以迎合不同客人嘅口味，而且全日冇加一服務費，抵食！

餐廳環境開揚，裝修雅致，帶有少少日式裝飾，另外座位闊落，坐得舒適。門口對出就係咪錶停車場，對揸車嘅朋友嚟講，泊車真係好方便。餐廳提供好多選擇有浜燒、燒物、刺身、壽司、Omakasa同特飲等等...選擇好多而且全日免收加一。今次試咗幾樣嘢，質素同味道都唔錯！角切魚生丼配面豉湯，面豉湯加入花甲嚟煮，花甲肉鮮甜，令嗰湯帶有海鮮嘅甜味。角切魚生丼賣相吸引，入面有海膽、三文魚籽、吞拿魚蓉、劍魚腩、三文魚、油甘魚、青瓜、芝麻、蛋、蟹籽等組成一個飯，材料非常豐盛。魚生粒新鮮肥美，厚厚一層，好足料，真係誠意十足。蟹籽茶碗蒸蛋汁混合高湯同食材嘅精華，食起嚟份外鮮甜，口感細滑，價格唔貴，值得一試！黃金焗蠔生蠔焗到呈金黃色，帶微微嘅沙律醬味，跟鮮甜嘅生蠔搭配得天衣無縫。蠔肉結實，味濃夠哂香口。金菇牛肉卷肥牛嘅肉汁畀金菇全部吸收哂，咬落金菇爽口多汁，肥牛香濃，金菇鮮美，口感豐富，推介！侍應服務周到而且有禮貌，加上食物質素高，無論味道、環境都唔錯、有驚喜，價錢唔貴，抵食！

食店: 宏鮨芯🍣張梁點餐👦🏻🧒🏻1）$58《蟹料沙律》評分（10分滿分）：8️⃣食評💬：今次想食清啲，嗌個沙律做前菜，原本睇圖以為係正常size，點知嚟到都算大碟，夠兩個人share嚟食，幾抵食性價比幾高～沙律醬夠多，蟹子都好爽脆，食落好fresh～2）$28《蔥碎三文魚壽司》評分（10分滿分）：8️⃣食評💬：28蚊就有2件，三文魚係切粒，上面有芝麻同埋蔥碎，同埋食得出仲有秘製嘅醬汁，一啖咬落去超正！3）$28 《辣三文魚壽司》評分（10分滿分）：8️⃣食評💬：都係28蚊就有2件，呢款辣味都好惹味，仲有啲小青瓜，辣辣地又青涼爽口，口感特別～4）$22 《螺肉壽司》評分（10分滿分）：8️⃣食評💬：同坊間嘅螺肉差唔多，食落少少辣又開胃～5）$22 《芝麻八爪魚壽司》評分（10分滿分）：8️⃣食評💬：雖然同坊間嘅八爪魚壽司一樣果，但八爪魚就大隻啲🐙口感爽啲～宏鮨芯 (屯門) 📍屯門仁愛堂街1號麗日閣地下3-4號舖

餐廳環境開揚光亮，座位闊落，餐枱非常大，坐得舒服，仲有d日式裝飾，夠雅致。當日12點半左右到食lunch，有lunch set menu提供，亦有單選燒物、刺身、壽司等，好多選擇。叫左浜燒午餐($98)，三文魚魚籽親子丼($98)。自選2款食材揀左甲羅燒、帆立貝，即叫即燒。甲羅燒蟹膏稠綿，製味過後既蟹膏鋪滿蟹蓋，非常香。混合蟹子後，口感更佳，咬落去卜卜聲，鮮甜美味，拌飯食一流。除左淨食外，亦可以配搭熱烘後既法包片，脆口。帆立貝燒開後，有濃濃既牛油香味，肉嫩唔韌，邊食邊飲埋燒出黎既汁，完全唔覺得膩。日式炒飯飯粒做到粒粒分明，炒至乾身，但食落濕潤。炒飯加入魚糕、粟米、紅蘿蔔粒等配料，炒到成碗飯金黃色。花甲面豉湯鮮美，加入花甲煮製後，更重海鮮甜味，花甲肉亦不錯。親子丼配有沙律、面豉湯，除左主角三文魚，伴碟既牛蒡，估唔到幾好食，自己少見餐廳會配埋。厚切三文魚大大塊鋪係米飯上面，新鮮肥美，紋理清晰。大大粒魚籽連飯一齊食，晶凝通透，咬開爆汁，好爽之餘，仲有陣陣海水味，鹹鹹咁。整體，可以好舒服咁嘆高質日式料理，係一件好寫意既事。lunch set選擇又多，重要lunch都食到甲羅燒添。而且，侍應服務

難得過嚟屯門你同家姐去搵吓有乜嘢好食呀家姐就推介我去屯門一間店專係食日本嘢先要讚下呢間野個職員態度好好除咗會倒定茶俾你之外仲會同你講吓不同餐有乜分別添我哋去嗰時係中午呢度嘅中午選擇都非常之多因為好想食刺身我就先嗌左一個刺身餐家姐就嗌咗個女神定食本身都以為刺身餐只得刺身但因為除咗有個擺咗好靚五款各二拿既嘅刺生之外仲要有埋麵豉湯沙律仲有兩個好精緻嘅飯團真係幾喜出望外㗎咁刺身方面梗係最緊要啲刺身新鮮㗎啦刺生就真係夠新鮮啊同埋本身都夠厚度之後講下家姐中個女神定食依個定食真係為女生而設唔驚食太多而且樣樣都有得食我覺得依個定食設計呢嘅好貼心沙律.小食.湯.壽司.刺身.刺身飯全有食完都明點解家姐一長帶我地黎我哋都好滿意

「宏鮨芯」12.06.2021今日下午又去試好西，見Open Rice介紹「宏鮨芯浜燒料理」。餐廳好闊落，張枱好大張，坐得好舒適。午餐個餐牌不少選擇，本身仲有一個正餐menu，多啲朋友一齊來可以揀多幾款。餐廳老闆娘介紹我食「鮨芯特級丼」，有五款刺身，好豐富好鮮甜，而且除了牡丹蝦同海膽，仲俾我自己選擇。鮨芯特級丼午餐包括一個細沙律、花甲麵鼓湯同餐飲。想講個花甲麵鼓湯，平時我唔鍾意飲麵鼓湯，因為平時啲麵鼓湯只有咸味，唔識欣賞，但鮨心嘅湯不但唔會太咸，而且有昆布和花甲，所以湯說不出鮮味。另外加咗個「胡麻豆腐沙律」，胡麻醬本身已經分上，多寡自己加，除了香滑豆腐，還有加咗好多菜，啱晒我。除咗食物吸引、環境舒適之外，餐廳老闆娘（我估係）招呼週到，附上相片詳細介紹餐廳美食，值得欣賞。還有好多美食要試，有時間一定要再來。

今日一嘗住喺屯門嘅朋友介紹嘅日式餐廳🍴 聽講午餐好抵食，入屯門一於試吓！一入到去餐廳環境非常之乾淨企理，枱分布得好開好寬敞，坐得舒服。一坐低店員就遞上menu，午餐menu果然選擇好多好豐富(˶‾᷄ ⁻̫ ‾᷅˵) 同朋友分別嗌咗唔同嘅餐，其中揀咗屯門朋友推薦嘅浜燒午餐。▧ 浜燒午餐 (甲羅燒，帆立貝，仲有日式炒飯同花甲麵豉湯)呢個套餐真係好抵食，有甲羅燒，帆立貝仲有日式炒飯，都只係98蚊，岩晒想嘗鮮又有選擇困難症嘅朋友們。我遠道入黎就喺想試佢既甲羅燒，蟹膏同menu 嘅相一樣，滿佈成個蟹蓋，上面仲有少少蟹籽，份量相當足夠我撈飯同埋搽上多士食。味道方面唔會太膩，調味都唔會太咸或者太淡，個人覺得岩岩好。帆立貝夠新鮮，牛油香味濃，麵豉湯仲有花甲鮮味，好滿足。▧ 霜燒三文魚醬油漬丼三文魚鋪滿同蓋住整碗飯(^｡^) 因為三文魚已經有醬油調好味，只要加少少芥末就可以。三文魚同飯份量比例啱啱好，食每啖都可以有燒三文魚同飯，好滿足，推薦！▧ 三文魚腩刺身上枱嘅時候不禁嘩咗聲，因為係堅！厚！切！(≧▽≦)  因厚切關係每啖都幸福感滿滿▧ 整體來說，午餐選擇竟然有超過25款！任君選擇，仲要有9折優惠，食物質素

係OpenRice 碌嚟碌去搵野食之際，搵到呢間野。佢個位都好偏僻下，所以當日中午去時真係一枱客都無。原本以為無客啲野食會出事，點知又幾好～～叫左個浜燒套餐，有甲羅燒同日本花竹蝦～～蟹膏有濃蟹味無腥味，送包同炒飯一流！蝦就爽甜但無挑蝦腸至於個炒飯都算好食，不過碗底就好多油，唔係幾好另外叫左個燒油甘魚鮫，燒得好香無腥，食得出貨源唔錯，但燒得有啲熟，原本應該好滑嘅位變到有啲鞋。總體嚟講唔錯架，價錢都合理，係屯門有多間正宗日式料理都係好事～～唔好淨係試壽司朗元氣啦，行多兩步食好啲啦！

屯門呢邊原來有間非常之唔錯嘅日本壽司店，好近杯度嘅站。餐廳環境好靚 座位夾得好遠，疫情之下 ，都可以食得安心！餐牌有各種嘅丼飯，好吸引！我叫咗一個三色丼飯，包括有沙律， 一個蜆肉湯，仲有一杯嘢飲，真係睇到都流曬口水呀！放大我嘅三色丼， 超級新鮮肥美嘅海膽，晶瑩剔透嘅三文魚籽，同埋鮮味嘅碎蔥吞拿魚，組成一個飯，佢好足料，厚厚嘅一大層，唔好以為淨係料多，飯嘅份量更多，飯香又柔軟 ，口感好到爆，百幾蚊可以食到咁大碗飯，真係好抵食，又飽！好滿足呀！另一面，可以睇清楚d tuna fish有幾新鮮。沙律同樣好新鮮，酸酸地，好開胃。呢度嘅奶茶都相當唔錯，好濃郁嘅香味 奶滑茶香，正呀！朋友叫咗個鮨芯特級丼飯，望落去同樣好吸引，我就冇份試下佢碗飯啦 ，但係根據佢嘅表情，可以判斷到，佢嗰碗飯都好好味，佢食到停唔到口，掛住食，完全唔理我我哋都係吞拿魚迷，最後嗌多個碎蔥吞拿魚卷物 ，一人三件，好飽呀！十級滿足，同朋友試完之後，覺得唔錯，之後都唸住帶屋企人去食添呀！

上星期三放假同朋友行屯門，屯門真係一個好地方，除咗可以行商場，商場美食多之餘，走出商場都有好多野食架!就離屯門市廣場唔遠既一間位於地舖既日本餐廳宏鮨心就有好野食啦！ 呢度地理位置好方便係屯門既杯渡輕鐵站一落車就落天橋轉個彎到喇!因為好肚餓我哋就好早就去坐低食嘢。簡咗個窗邊位坐，陽光好正!午餐既食品種類好多呢個就係鮨芯特級丼， 包含咗時令特色刺身，係廚師推介㗎，入面仲有牡丹蝦同海膽，重有三文魚籽，所有刺身都好新鮮啊，又厚，呢個刺身飯嘅份量不容小覷!呢個餐都有包嘢飲㗎，熱飲加兩蚊就得啦!熱咖啡!我哋仲驚唔夠飽仲加多咗個碎蔥吞拿魚壽司，好滿足!

環境：🔭本身睇地圖嘅時候，仲以為會有啲遠！點知勁近屯門市中心，行2-3分鐘就到！ 因為餐廳係落地玻璃嘅關係，離遠就已經見到間野！一啲都唔難搵！入到去空間感十足，十分開揚！每張枱都勁大大大大張，叫勁多嘢食，都唔使擔心唔夠位擺！另一個貼心位係，竟然有男女嘅獨立厠所！服務：服務態度十分好坐低即刻有Menu同埋有杯茶飲！另外，枱面係備有紙巾，濕紙巾 同牙籤！侍應亦會主動換碟同加茶食物：我哋叫咗個宏·浜燒二人前！八掛問左下點解有個「宏」字，原來係因為呢間餐廳總廚叫宏師傅🤣🤣🤣🤣仲要有超過20年嘅經驗👍🏻👍🏻👍🏻！花甲麵豉湯真係有幾隻花甲架！個湯鮮甜美味！啲花甲係冇沙嫁！讚👍🏻角切刺身和風沙律🥗勁多三文魚！性價比勁高！😋😋🐠🐠三文魚 章紅 劍魚腩刺身每件刺身都係厚切！而果兩隻生蠔係另外加嘅！刺身同生蠔都好新鮮！燒鮑魚帆立貝因為師傅特登將帆立貝同鮑魚剪開嘅關係，令湯汁可以滲入，十分入味，亦方便食！另外，煮嘅火候剛剛好，爽口彈牙！日式炒飯珍珠米，炒得粒粒分明！最後，埋單時發現竟然唔使加一😱😱😱$600有找！抵呀！👍

一心想發掘一些屯門小店，在網路上發現這間小店那就決定幫襯支持一下走進店內是它沒有裝潢的裝修，只是一間很簡單很樸素的餐廳。但是這並不重要，最重要的是店員的親切招待，給人感覺很友善的店舖。當食物來都是真的令人眼前一亮十分驚喜。估不到只是一百多元的一餐，那就可以吃到很新鮮很地道的刺身。再者店員的招待也令人感到十分好。所以這間店舖會是我其中一間，一定會再次幫襯支持的小店。再加上這間小店每一天也會定時派發飯盒給有需要的人士，所以真的十分值得大家支持！！

今日係新墟做完野，同朋友過黎仁愛堂街呢邊覓食，比我見到呢間日本餐廳，就決定去試下入到去，都覺得個環境裝修幾舒服，充滿日本風格佢嘅午餐Menu都幾多選擇，而且款款都好吸引都諗咗好耐要食啲乜嘢最後我哋嗌咗九州叉燒拉麵同埋北海道刺身丼九州叉燒拉麵食拉麵除咗湯底重要，溫度都好重要。呢碗拉麵一拎上枱嘅時候仲係冒緊煙㗎🤤湯底咪使都已經聞到浸香味，叉燒好淋，醬油味濃得黎冇蓋過本身啲肉味，正！北海道刺身丼呢個刺身丼真係超級抵食！呢個餐包左沙律同埋味噌湯，味噌湯入邊仲有兩隻蜆，雖然細細隻，但係都十分鮮甜。而呢個刺身丼，除咗有蝦，帶子，仲有三文魚同埋三文魚子，份量多，啲蝦大大隻，爽甜有咬口，厚切三文魚同埋帶子都十分高質，食完都好飽😅加錢配兩杯熱檸檬茶，不過不失總括嚟講都推介大家去呢間餐廳食，位置雖然唔係大街，不過杯渡輕鐵站行落去都算易搵

今日放假，特意入屯門區行下，搵開寵物店嘅朋友傾下計、坐下，吹水吹到餓，佢就介紹我去隔離街嘅呢間日本料理食野，一去到就已經見到好多食客系度食lunch，而且個老闆娘就同d食客吹下水，真係好nice，我聽見佢同個食客討論隻柚子汁😆我就叫左：1. 三色丼lunch set (138HKD, 凍飲加4HKD)2. 兵庫県生蠔2隻（68HKD）3. 活赤貝（52HKD）1. 三色丼（配沙律、餐湯）呢個飯包含3款食材：三文魚籽、海膽、呑拿魚蓉個飯一黎到，我已經覺得有好多刺身😻 • 海膽目測有10大片，而且非常新鮮 鮮甜• 三文魚籽有大約三大湯匙嘅份量，咬落去啖啖魚油，真係撈飯一流• 呑拿魚蓉更加係一絕，好濃郁嘅吞拿魚香味，配上蔥花，令人胃口大開，係甘食飯嘅面頭舖咗一層蔥花、日本酸薑，我特意夾走佢，睇吓蔥花下便有冇刺身肉，餐廳原來車蔥花下都放滿刺身😻 非常足料呀！另外，佢做嘅麵豉湯入邊竟然有兩隻蜆，比其他日本餐廳更捨得落材料！2. 兵庫県生蠔近期呢一款日本生蠔真係大熱，我系社交平台成日見到人食，已經好想試，今日嚟到呢間餐廳竟然有，一於就嗌兩隻嚟試吓，呢款生蠔非常之肥美、鮮甜，好客嘅老闆娘同我介紹師傅

我叫左個宏.浜燒二人前👫.角切刺身與和風沙律🥗(推薦指數：😋😋😋😋😋)沙律菜配埋三文魚刺身 用胡麻醬同甜意大利醋做汁 好清新醒胃☺️.三文魚、劍魚腩及章紅魚各兩切(推薦指數：😋😋😋😋😋)新鮮既 咁魚生新鮮就出色ga la😎我再額外叫左兩隻時令蠔 大隻 好甜🤩.花甲麵豉湯(推薦指數：😋😋😋😋)兩隻花甲都足夠帶比碗細細的麵豉湯鮮甜味.席前燒南非鮑魚兩客(推薦指數：😋😋😋😋😋)鮑魚新鮮 火候岩岩好🔥 少少咬口得來一d都唔韌 食落有少少木炭燒過的香味🤤個燒汁配埋好出色.席前燒帆立貝兩客(推薦指數：😋😋😋😋)個汁同鮑魚有d唔同 食落比鮑魚燒出來juicy少少 葱的少少辛口同個帆立貝好配合🤭唯一美中不足係要自己動手去左帆立貝的橙橙色唔食得果舊消化腺 不過有咁講 咁先證明到係新鮮.日式炒飯 (推薦指數：😋😋😋😋😋)好細心 最後比番個頂到肚的炒飯比食客🤗日本珍珠米 唔好睇簡單的材料 炒得好好食😋