安安燒 (鯉景大廈) (已結業)

不嬲都鍾意打邊爐同埋BBQ, 好享受自己一邊整, 一邊食的滋味. 不過好多時去郊外BBQ都搞一大輪, 所以近年都好少去.今日約咗朋友去食安安燒, 點知去到發現有驚喜! 就係佢地戶外可以自己燒野食!!佢地個爐係放係枱上面, 細細個size 啱啱好可以放d一串串食物上去! 又唔洗整污糟對手, 正! 自己燒烤有另一個Menu , 至於比較刁鑽的食物就可以叫師傳燒, 我地4個人開咗一個爐, 天氣凍凍地大家圍住個爐感覺真係好舒服.我地叫左好多肉類, 牛, 羊, 雞, 豬都有. 全部都串好晒, 食幾多就放幾多落去, 佢提供咗辣粉, 孜然粉, 燒汁等等比我地, 口味可以隨自己喜好調較! 我同朋友就鍾意食辣, 辣粉同孜然粉都加得好多呀! 我地自己燒當然無師傅燒得咁好, 有時食食下唔記得咗都會燒燶, 不過由於係自己親手燒, 我地都覺得好好味, 哈哈.值得一讚係佢D員工好細心, 時不時會幫我地望下下面D水會唔會乾晒, 見我地燒到雞手鴨腳又幫我地反下D野食, 服務一流!不過唯一唔好就係唔可以係室內燒, 如果得返幾度的話就未必適合了

之前幫襯過呢間, 見到佢promote宵夜有折, 今日咁啱係港島做完野比較夜, 就同同事去食. 今日係閒日, 9:55pm 入座有85折. 本身呢間餐廳食物唔貴, 85折就更加抵食. 我地入座個時都見到有人係度等緊, 相信係附近街坊等食宵夜!我同同事都覺得呢間師傅燒D野食唔錯, 佢燒得好香同埋一D都唔乾, 最緊要係食完唔會好口渴, 而且佢有d串燒係帶有微辣同埋孜然味, 好有風味. 仲有一點做得幾好, 就係佢D選擇夠多, 除咗必食的肉串, 仲有好多蔬果類同埋海鮮揀, 串燒店黎講算係做得好好.佢個燒雞翼做得幾好 - 雖然燒雞翼好簡單成日都食到, 但要燒到香脆又有肉汁有少少難度, 呢度D燒雞翼好正! 蒜蓉燒扇貝就好抵食, 一碟有4隻, 蒜蓉份量好夠所以非常惹味! 其它肉串都做得唔錯, d肉做得好入味又唔會太鹹. 而燒蔬菜類都做得好香.

路過聞到呢間串燒好香, 同朋友就諗住試下. 本身都好鍾意食BBQ, 貪佢香口又惹味. 如果唔洗自己燒當然就更加好.呢間串燒店係川式, 提供的食物都好多花款, 魚肉菜樣樣有. 我同朋友一人點咗一D野食, 叫埋杯啤酒就舒舒服服咁開餐.呢度d串燒肉加咗D 孜然粉同埋辣粉, 好正! 其中豚肉串, 雞軟骨串, 鴨舌同埋牛小排都燒得好香好惹味, 當然呢d肉類送啤酒緊係一流啦. 我地一人叫咗杯Hoegaarden 都係$65/杯, 價錢好合理.另外我地都試咗佢地D海鮮, 芝士燒蠔好濃陏好香, 海蝦就充滿鮮味, 而青口同埋扇貝加咗蒜蓉去燒都好惹味!總括黎講, 呢間串燒店D野食都好味, 而且D款式都幾多下, 有D唔辣野食都會啱唔同人口味, 下次會再幫襯!

今日去柴灣做野, 做完野就同同事去搵食. 柴灣本身都無咩好食, 我地就過咗去筲箕灣搵食, 搵搵下見到安安燒, 兩人就決定係度食喇.呢間安安燒食物大致同旺角個間差不多, 但舖頭樓底比較高同埋有露天位坐, 最方便係門口可以停車 (當然係泊街), 我同事今日駕車, 泊咗係門口, 我地就坐室外方便睇住架車.聽日放假, 我地就叫咗兩杯Hoegaarden 啤一啤去. 今日叫咗佢地個燒雞泡魚同燒魚翅做頭盤送啤酒, 雞泡魚乾都算幾厚, 而甜甜地夠晒煙韌香口, 而燒魚翅個口感就唔同D, 會乾身少少但就會香D, 兩者作為小食都幾唔錯!野食方面, 今日同朋友都叫咗好多肉, 燒雞翼好Juicy 好入味, 而雞腎, 雞軟骨, 雞腿肉串就燒到好香脆好惹味, 燒海中蝦就好有鮮味, 今日仲叫咗D麻辣野食, 有麻辣水魷同牛骨髓, 佢d麻辣做得幾香, 係川式帶有少少麻個D味道, 而辣度又好啱港人口味唔會過辣, 所以呢兩款都幾好食!

話說我同個friend 真係好鍾意食芝士, 上次去旺角食咗呢間分店的芝士撈面念念不忘, 今日去開港島又去食佢筲箕灣呢間分店.今日真係衝住佢個芝士而黎, 除咗食佢個芝士撈丁外, 我地仲叫咗其它燒芝士食物.包括有燒芝士生蠔 - 生蠔大大隻, 舖面的芝士燒到面頭有微微焦香, 裏面隻蠔就好多汁, 啖啖鮮味, 好正!燒芝士扇貝 - 扇貝無蠔咁大隻, 食法又有D唔同, 同樣係鮮味之選, 但佢個裙邊就多咗重鹹香煙韌感覺, 同樣好味燒芝士翠肉瓜 - 食得多肉都要 Balance 一下, 呢個翠肉瓜燒完都可以保持到水份, 當然芝士舖面就增加咗佢個口感, 層次都好豐富芝士餈飯 - 呢個餈飯第一次試, 本身餈飯的質地都好煙韌, 加埋芝士感覺好Rich, 作為主食相當唔錯!

香港地租金貴, 好多食肆都被迫搬咗上樓, 但好多時d樓上舖樓底都比較矮, 感覺比較焗促, 我自己就唔係咁鍾意. 尤其係燒物店, 樓上舖通常都會搞到煙霧彌漫. 不過如果去遠少少, 筲箕灣都可以搵到一間舒服的燒物店. 我講緊就係呢間安安燒.地鐵行過去5分鐘都唔洗, 而且大街有巴士2x 等出返灣仔個邊, 算係好方便. 呢間餐廳唔算大型, 望落有30-40個位左右, 但有露天位可以選揀, 食煙人仕啱晒. 室內的話樓底都幾高, 唔會有油煙味, 坐得都幾舒服.食物方面好多選擇, 我同朋友都鍾意食健康d, 所以都係半肉半菜, 肉類叫咗花枝丸, 牛丸, 芝心丸, 雞軟骨串同埋雞腎串, 因為佢每樣都唔貴, 所以可以叫多幾款一齊Share, 丸類同埋肉類都燒得幾好, 唔會乾, 而且加埋D孜然粉同埋辣粉真係好香口!!另外我地叫咗燒四季豆, 金菇菜, 燒茄子同埋燒栗米. 四季豆燒到乾身, 卜卜脆好香口; 金菇菜就係用鍚紙包住黎燒, 牛油味好香; 燒茄子好大條, 食落口D肉軟綿綿, 加埋蒜蓉同少少辣椒係面個味道做得好好; 而燒栗米都好正好甜!

有朋友要去外國讀書, 我地約好一大班人今晚同佢Farewell. 因為大部份人住港島, 所以都約咗係港島區食飯. 其中一位朋友住筲箕灣, 介紹有間環境幾好的BBQ餐廳, 就約定今晚見喇.我地有12個人, 差不多佔據咗佢成個室外位置! 包場感覺真係開心  食物方面簡直係大堆頭, 差不多每樣都揀咗, 而且全部都要 x 2 或者 x 3, 個個有得試! 話明Farewell, 又點可以無酒飲? 我地全部人都有叫啤酒, 佢有得揀1664 Blanc, Hoegaarden, 手工啤酒(支裝), Apple Cider, 仲有經典的菠蘿啤! 我酒量麻麻, 就揀咗菠蘿啤, 飲落甜甜地似汽水, 但又有少少酒精味, 味道清新, 啱晒我呢D唔係好飲得又想飲的人!食咗好多野落肚, 印象比較深刻的有佢個吊片魷, 大大塊燒得好香; 而燒茄子就燒到好香軟, 熱辣辣感覺好warm; 燒一口午餐肉就用咗青椒夾住黎燒, 食佢個午餐肉個時有種青椒清新感的味道, 減少咗午餐肉的肥膩感; 烤餃子釀雞翼都好好味, 佢係用咗D豬肉釀入去隻雞翼度, 令到佢個燒雞翼有兩種味道同口感, 食落完全無違和感! 呢度仲有我最鍾意的鴨舌,

平時鍾意同一大班朋友到處覓食, 今日朋友介紹去到筲箕灣試下呢間串燒店. 位於南安街, 樂融軒個條街向西灣河方向行3分鐘左右 ,舖頭中型Size, 但D位算係幾闊落, 而且有戶外位置可以坐.我地今日四個人選擇咗坐室內. 呢間串燒店雖然唔大但食物種類出奇地多, 而且竟然有我最愛的手工啤酒! 啤酒同串燒一向都係絕配, 有手工啤酒就更加perfect!我叫咗支日本手工黑啤COEDO, 呢隻啤酒帶香濃可可味, 平時就咁飲會略嫌苦. 但如果襯濃味肉類串燒就會好夾. 所以今日主打肉類.個人好欣賞呢度D燒肉夠火喉但亦都可以保留到肉汁. 夠火喉係指佢燒到有少少炭香味, 面頭有有少少焦黑效果, 但最緊要唔好過火, 因為燒太過份會令到肉類水份流失. 但如果唔夠火喉就會唔熟. 所以控制火喉真係好重要. 其中烤雞腿肉串, 安格斯肉眼牛柳串, 雞中翼, 牛小排同埋燒牛舌都係做得好好. 安格斯肉眼牛柳串, 牛小排咬落外層香脆裏面肉質鮮嫰; 燒牛舌就好嫰滑同酥味十足; 雞中翼D肉就醃得好夠味, 而且個皮燒得好香.店仔細細睇落雖然唔起眼, 但食物質素認真唔錯! 下次會再幫襯

其實自己唔係好食得辣, 但就成日鍾意食辣野. 今晚同朋友選擇咗係港島食辣辣串燒. 其實筲箕灣都算係我飲食熱點, 不過今次唔係去東大街, 而係去筲箕灣另一邊近西灣河個度.講火辣辣串燒, 其實唔係話佢D野食特別辣, 而係佢係即燒, 所以燒出黎會熱辣辣, 加埋少少辣粉同孜然粉, 就會有火辣辣的感覺.同一般串燒店有D唔同, 呢間好多選擇. 亦都有辣有唔辣. 而且枱面有辣粉同孜然粉, 口味可以自己調節. 我自己就覺得師傅加的辣粉份量啱啱好.叫咗一系列丸類同肉類串燒, 個人推介的有幾款:安格斯肉眼牛柳串, 夠Juicy夠牛味; 燒惹味鴨舌 - 燒得好香好惹味; 秘製醬燒雞中翼 - 呢個雞翼好好味, 好入味又夠香; 炙燒雙重芝心丸 - 芝心好濃陏好香; 燒手打魚皮餃 - 煙煙韌韌口感好特別!其它我就會推介一口甜薯, 佢個樣好怪, 係一粒粒細細地似炭的東西, 但食落好香好甜! 我忍唔住食晒一串要朋友再叫多串! 燒菠蘿 - 真係好甜好多汁, 非常好食! 秘製麻辣牛骨髓 - 我自己覺得有點辣, 但辣得黎好過癮, 而且牛骨髓本身都好滑, 個配搭幾好. 而我就特別鍾意蒜蓉燒扇貝, 蒜蓉夠多, 連埋鮮味扇貝好香

有次行過筲箕灣道, 聞到好香串燒味道, 但四圍望又唔見有串燒店所以就不以為然. 後黎聽朋友講原來入面街(南安街)個度有間串燒店, 我同朋友就走過去試下, 呢間原來係安安燒, 唔怪得個味道咁熟. 天氣有D涼我地今日決定坐戶外坐位.例牌叫兩杯生啤一齊飲下又吹下水, 野食就唔算叫得好多, 但每樣都好唔錯! 肉類大部份都燒得好夠火喉, 尤其係雞腎, 雞軟骨個類, 燒到好香口又有趙口, 送啤酒就最啱. 牛舌都做得好好, 肉汁豐富又夠軟熟. 海鮮方面, 芝士燒蠔同埋蒜蓉扇貝都係推介, 兩隻都好夠鮮味, 加入芝士黎燒就好Rich, 加咗蒜蓉黎燒就好香口.另外叫咗個燒九菜同埋麻辣金菇, 九菜好嫰, 加埋佢D燒汁個味道做得幾好. 而麻辣金菇份量好足夠, 辣味浸晒落每一條金菇度真係好正!

同同事過開SKW 做野, 諗住放工去搵下好野食. 今次我地唔去東大街, 反而係去咗另一邊南安街個頭搵下野食. 行行下, 見到有間舖頭幾搶眼, 望下先知原來係安安燒. 今日天氣幾涼, 我地坐outdoor 可以relax D兩個人, 主力食海鮮! 燒海鮮最吸引之處係, 燒到啱啱好, 外層乾爽有BBQ香味, 咬落去有種軟淋淋而充滿海鮮味個種感覺. 當然重點要係新鮮海鮮先會做到呢種效果. 今日order 咗都算幾多野, 其中蟶子同埋扇貝都係個人比較鐘意食的. 兩者都係加咗蒜蓉去燒, 但口感各有不同, 燒蟶子好香口, 食落去煙煙韌韌帶有少少海水鹹香, 而帶子就啖啖肉, 食落口感軟滑. 兩者鮮味都足夠. 而且燒製的時間控製得唔錯, 兩款都保留到海鮮的原味, 幾好.而另外仲有叫咗其它肉類, 丸類, 呢間餐廳燒完出黎食物仲保留到水份, 所以食落除咗感受到焦香BBQ味道, 亦有肉汁味道. 我自己鍾意食辣, 所以自行加咗枱上面提供的辣粉同孜然粉. 但朋友鍾意淡味, 佢就無加粉就咁食, 各取所需大家都食得開心

原本以為呢間燒物店只係放D串燒肉係度燒燒下, 點知有驚喜. 我地4個人諗住搵個地方吹下水. 入到去先見到呢間燒物店除咗燒肉串, 仲有好多款唔同選擇! 有D係用鍚紙包住黎燒, 鍚紙包住燒又有辣同唔辣得揀. 我地叫咗個川汁田雞脾, 田雞脾大大隻好厚肉, 而且燒得入味, 四川辣汁夠香夠濃, 成份田雞脾都好入味. 另外叫咗個牛油金菇, 金菇份量都幾幾多, 落咗牛油同蒜蓉包住黎一整燒, 好香好有港式BBQ風味 有D就用竹籤串住黎燒, 當然唔少得燒雞翼, 燒雞腎, 雞軟骨, 牛肉串呢D指定野食, 我地仲叫咗個煙肉蕃茄串, 呢個特別想講佢個口感做得好好, 外層香脆, 煙肉唔會過於油膩 (唔會過多肥肉), 而裏面蕃茄清新多汁, 成粒食, 一口咬落去口感好豐富, 唔會乾掙掙又食到煙肉香. 好味 另外仲有海鮮都燒得唔錯, 我地叫咗燒蟶子同燒蠔, 兩樣都燒得幾好, 好有鮮味但又唔會燒過頭, 佢保存到肉個質地仲係彈牙軟滑, 時間控制得唔錯. 我地仲叫咗生啤送串燒, 一邊飲一邊吹水, 夠爽!

之前朋友介紹話呢間串燒店好食, 但一直都無機會試. 今日見放假, 就打電話黎book位試下行到門口已經聞到好香, 係個D辣辣燒烤味道. 我地坐底就即刻剔野食喇! 野食種類都好多, 大致分為: 肉類, 丸類, 海鮮類, 菜類. 我地叫咗幾款BBQ必叫野食同埋幾款未試過的. 包括有:1) 茄子 - 茄子好大條, 燒到好香, 熱辣辣咁放上枱聞到好香, 加埋面頭的蒜蓉同辣椒吊味, 好正2) 烤雞腎串 - 面頭食到有燒汁, 令到佢個肉質保留到水份, 而且好夠味, 有微微焦香味道, 唔錯3) 燒雞翼 - 雞翼係我呢篇食評的推介, 雖然雞翼看似普通同周圍都食到, 但呢間安安燒的雞翼係燒到啱啱好, 外層有脆皮的感覺, 裏面就好嫰滑同充滿肉汁, 加埋灑上面的孜然粉同埋辣粉, 非常惹味!4) 麻辣牛骨髓 - 呢款係用鍚紙包住黎燒, 麻辣味都幾香但個人認為可以再辣D, 因為我自己鍾意食牛骨髓的口感, 所以會比個like5) 沙茶醬墨魚咀 - 墨魚咀略嫌大粒咗D, 食到落中間味道有少少唔夠總括黎講, 呢間安安燒D串燒辣度剛剛好適合香港人口味, 但如果覺得唔夠辣可以自行加辣粉同孜然粉, 我自己就覺得好夠味, 下

原本今日打算去石澳燒野食, 點知天氣唔好, 我地一行7人就改去咗筲箕灣搵野食. 上Openrice 睇下, 原來呢度有間安安燒. 為咗滿足我地燒野食的慾望, 我地就改去呢間燒物店大刷一餐!雖然話係川式燒物店, 但呢間舖頭有辣有唔辣的食物可以揀. 而且辣個D大部份都唔算好辣, 但佢枱面有辣粉同孜然粉, 可以加辣加味!呢間舖頭選擇多, 我地一人叫咗幾款樣樣都有得試下! 大部份都燒得好香口, 而且唔會乾爭爭, 芝士燒翠肉瓜好正, 芝士舖係面燒到香噴噴, 下面就係有豐富水份的翠肉瓜, 咬落去又煙韌又爽脆; 麻吉年糕燒都係另一款未試過的食物, 外層係魚蛋質感, 裏面係燒到半溶, 有拉絲感覺的年糕. 口感獨特! 而煙肉車厘茄就有爆醬感覺, 一口食落去, 煙肉的香味已經好正, 加埋車厘茄的清新茄汁, 中和咗煙肉過膩的感覺. 當然仲叫咗好多肉類燒物, 都係香口美味之選!我地朋友當中有D唔食得辣, 佢地就叫咗牛油燒金菇, 蒜蓉扇貝, 芝士生蠔, 燒秋刀魚等等. 燒得都好有水準!雖然今日最終去唔到大澳, 但我地係安安燒都食得好過癮

今日同同事講開秋天不如去BBQ, 大家都嫌麻煩唔想帶野去咁遠, 就上網睇下有咩好食. 搵搵下, 見到筲箕灣有一間BBQ餐廳有室外位置, 我地4個人就去試下啦! 去到時間尚早, 6:30pm 天都未黑我地已經到達. 露天位置係後巷度, 但裝修到同露天Café 無乜分別, 照明足夠亦都好衛生, 我地都好放心坐係戶外位置. 我同一個朋友飲啤酒, 見到佢有手工啤酒賣就試一試, 比起平日飲個D啤酒感覺新鮮清香. 我地都幾鍾意! 雞翼燒到外皮金黃色但又唔會油, 咬落去肉汁好豐富, 亦都好入味, 加埋佢曬係上面的孜然粉同川味辣粉, 非常好味! 燒牛舌好軟稔, 充滿牛舌的酥香味, 同樣地加咗孜然粉同川味辣粉好惹味 燒九菜都唔錯, 一大串份量非常多, 九菜唔會”老”, 食落都唔覺有榨, 而且燒得好香. 燒廚師腸, 都係BBQ情意結, 無論自己去郊外或者幫襯燒物度都一定會食的~當然去燒物店食就保証唔會燶啦~ 燒花枝丸, 花枝丸裏面有粒粒花枝肉, 口感很好! 總括黎講, 呢間BBQ坐得舒服又多選擇, 秋天同朋友坐露天位係暢聚好地方