孖寶車仔麵

营业中

休息中

葵廣位於底層地下充滿中學回憶的「孖寶車仔麵」，佔了三間鋪位，懷舊老香港設計，仲用上紅膠凳同圓摺枱，玩味十足。餐廳主打懷舊小食五香牛什、碗仔翅同糖水，食品多元化而且價錢夠平民貼地。三餸面套餐送熱飲（HKD 52):多款麵條可供選擇，撈麵粗幼、公仔麵烏冬米線🍜掛汁，其必點秘製醬汁帶甜，咖喱魷魚🦑：咖喱魷魚嫩滑、彈牙和多汁。魷魚肉質柔軟，有一定的咬勁，因此在口中咀嚼時會感受到一種彈性和細膩的質感。魷魚肉質更加軟嫩，咖喱醬料的風味帶來濃郁的香料和微辣的口味，夠曬入味！牛腩：牛腩經過長時間的燉煮後，肉質變得非常柔嫩，好易咀嚼，而且釋放出豐富的肉汁，喜歡有軟也有部位筋膜，適度的嚼勁使其口感更加豐富。菜肉雲吞都係自家製包，好多菜肉餡！咬一啖保持肉汁之餘，皮薄餡靚。朋友叫左不同的配料分享食，豬皮：充滿韌性和彈性的結合。當你咬下去時，好吸湯精華，感受到一定的嚼勁，調味偏甜。沙嗲牛肉：濃稠沙嗲汁，牛肉肉質夠曬軟，淡淡花生醬香，加埋其爽脆辣菜譜，增加口感之餘，更添風味。五香牛什：牛肚、牛腩、牛腸經過長時間的燉煮後，肉質變得非常嫩滑，牛筋有較多的筋膠質，使得口感帶有一定的嚼勁。薑、大蒜、八角、桂皮等香料經過燉

午餐肉、雞中翼、麻吉燒油麵：午餐肉煎到金黃香脆，咬落去外脆內嫩。雞中翼每次都必嗌，滷水味道滲入雞翼入面，肉質又嫩滑多汁。麻吉燒入面有煙煙韌韌嘅年糕，索晒啲湯汁好正！牛腩、醬爆肉丸、五香豬頸肉河粉：牛腩煮得好腍，入口即溶，秘製汁嘅香味滲入咗牛腩入面，真係好惹味。醬爆肉丸咬落去有肉汁爆出嚟，肉丸嘅肉味都好香。五香豬頸肉肉質爽口，五香味道濃郁，配埋秘製汁落去，成碗麵夠晒濃郁！仲有辣菜甫！唔係好辣，但好爽脆！一定要加啲落麵一齊食，會更有風味！凍檸茶茶底香濃，同車仔麵係絕配！

呢間車仔麵嘅人情味真係幾高嘅，同埋佢哋開得都比較夜，有一次收工收得比較夜， 10點幾先返到嚟葵芳，成個葵涌廣場都係得返呢間仲有開，收工再食返一碗熱辣辣嘅車仔麵，咁就完全心滿意足啦！ 不過值得一提嘅係，如果比較夜先食嘅話，有好多餸菜有機會都冇咗，今次我就試唔到自己最鍾意食嘅咖喱魷魚，咁都冇辦法啦，唯有等下次🥲

今日就同老婆黎堂食，間舖裝修過，多左好位冷氣又足。經濟實惠，一定要食出名嘅五香牛什。蘿蔔無渣，甜，入味，牛膀夠粉夠牛什香味，牛肺彈彈地咁好索汁。至於車仔麵，豬紅、雞腳同咖喱魷魚，阿姐好醒，將咖喱魷魚分開上，所以每件魷魚都好有咖喱味。雞腳有肉同大隻，食左個麵都好飽。但墨魚肉碗仔翅又係招牌野，無理由唔試。墨魚肉過關，好似食墨魚丸咁嘅味，但碗仔翅如果多少少肉絲就perfect啦。食牛什嘆杯凍檸茶，d檸檬有6片咁多，誇張。

今日係葵涌廣場行街，見肚餓同朋友去食返碗車仔麵😋車仔麵餸選擇都好多，套餐3餸一麵好抵食👍🏻生菜墨魚條湯墨魚條份量好多，口感好彈牙，還有大量生菜底。三餸麵套餐豬大腸|雞中翼|魚肉春卷配油麵揀左秘製醬汁，有點似咖哩汁，撈勻湯底好惹味。大大隻滷水雞中翼同肥美豬大腸，醃得夠入味，魚肉春卷彈牙又鮮味。記得加埋枱上提供的自家製菜脯，有辣有唔辣，自己任意添加，辣菜脯特別惹味。三餸腸粉套餐揀左辣魚蛋，燒賣，咖哩魷魚，陳皮魚蛋食落好香陳皮味，咖哩魷魚🦑口感好爽口，腸粉好雪白，口感滑溜。腐竹雞蛋糖水腐竹煲到完全溶化好綿滑，白果煙韌軟綿又香甜，好好食。

繼續發掘香港又平又好食嘅嘢先葵涌廣場我係經常嚟以前喺運動場跑完步就會過嚟食嘢或者等老公放工就會黎呢度我最鍾意掃街😍如果掃街，我都有幾間心水可以介紹（掃街既鋪頭如果想睇下次我再介紹😂）不過今次想介紹呢間車仔麵雖然地方細細 但有時經過或下午茶黎食都好抵食雖然香港仲有好多間好好食嘅車仔麵但呢間性價比超高最緊要味道不錯有香港地既味道佢地仲有小食🤤燒賣、魚蛋、腸粉一定係必食的🥰辣魚蛋仲要係陳皮魚蛋而家好少地方仲有陳皮魚蛋識食一定一定要揀陳皮魚蛋👍其他嘅魚蛋係爭好遠嘅我揀咗秘製汁車仔麵一定要食豬紅，豬大腸😍仲加左包心蟹籽丸秘製汁唔算好辣我唔食得辣都ok想再辣少少，可以加菜脯

平時經常買外賣返屋企食，今次約咗朋友一齊坐低慢慢食。呢間車仔麵檔成日都好多人👍🏻 地道港式車仔麵，重點係店內食有自家製的菜脯，有辣同唔辣，自己任意添加，最鍾意辣菜脯好惹味，外賣都可以加菜脯。三餸麵套餐 $52豬大腸＋雞中翼＋魚肉春卷配油麵最出名係秘製醬汁，味道甜甜地加入湯底特別鮮甜！雞中翼大大隻好肥美，豬大腸醃得好入味，魚肉春卷用鯪魚肉整，口感彈牙。三餸腸粉套餐 $52燒賣、辣魚蛋同咖哩魷魚，魚蛋係陳皮魚蛋，食落好香又彈牙，店員推介咖哩魷魚🦑咖哩味好濃夠哂惹味，主角係腸粉，口感好滑溜。生菜墨魚條湯 $26勁多墨魚條，份量十足！墨魚條新鮮又彈牙，配以大量生菜底，湯底特別清甜。腐竹雞蛋糖水 $22煲得好像豆漿一樣幼滑口感,，每一口好軟綿，火喉十足，使白果變得煙韌香甜。

孖寶車仔麵係一間好受歡迎嘅車仔麵店，佢嘅特色係提供多種選擇嘅湯底同配料。無論你鍾意食咩，佢哋都有得滿足你。首先，佢哋嘅湯底真係好正，再加上新鮮嘅配料，例如春卷、雞翼同埋蘿蔔，口感非常好。而且，佢哋嘅麵條彈牙，咬落去有種爽口感。服務方面，我以為咁經濟服務態度就好差, 員工都幾友善，叫餐嘅時候都會提供建議，幫你選擇最合適嘅配搭。如果你想要嘗試啲唔同嘅口味，佢哋嘅特製醬汁都值得一試，可以為你嘅車仔麵增添多一層風味。總體嚟講，孖寶車仔麵真係一個好地方，無論係食味、選擇或者服務，都令我覺得值得一試。如果你鍾意車仔麵，唔好錯過呢間！

🍜 自選三餸車仔麵 $52三餸車仔麵嘅話係包埋一杯熱飲，所以個價都算抵食😍而且睇相都見到好足料，一個女仔可能食唔曬添呀🥹配料嘅選項都幾多，比較意外嘅係佢哋嘅滷水配料好入味，好好食🤩另外都好推薦五香豬頸肉同埋豬紅，同個湯底襯到絕🥳.💰人均消費: ~$60.🍽味道: 4/5🏙環境: 4/5‍👨🏼‍🍳服務: 4/5💧衛生: 4/5💰價錢: 4/5

📍次次喺葵廣都係掃街居多，今次想坐低食，就喺地下嗰層揀咗車仔麵舖頭，坐位都幾多。見到三餸車仔麵套餐，仲會包埋嘢飲，選擇嘅餸都幾多，叫咗個咖喱魷魚、菜肉雲吞同雞腎幼麵，加咗秘製汁，味道有啲似沙茶醬溝沙嗲醬咁，如果揀撈麵應該會更加重口味同好食。菜肉雲吞料唔算好多，不過都幾好食，個皮唔會太厚。咖喱魷魚就分開上，有大約五至六片，食落幾爽口。另外叫咗魚肉碗仔翅，枱面可以自行落醋同胡椒粉，仲會有菜脯自行添加！

葵涌廣場呢間孖寶車仔麵真係由細食到大，味道一如以往嘅好！而且價錢非常親民每次嚟到都會揀個車仔麵，然後加啲小食！今次揀咗個三餸車仔麵，叫咗咖喱魷魚、蟹柳同埋豬紅！佢哋嘅豬紅煮得好入味，我好鍾意佢哋個咖喱魷魚，咖喱汁辣辣地幾正魷魚夠爽脆！佢哋呢度嘅滷水雞髀都好正，超大隻，而且個滷水煮得好香同好入味呢度除咗有車仔麵同唔同類型嘅小食之外，仲有糖水食㗎，我就叫咗個腐竹雞蛋糖水，真係有原隻雞蛋，而且非常抵食！

葵涌廣場真係好多嘢食，花多眼亂唔知揀邊間好，但大部份都係掃街，想坐定定食有啲難，於是揀咗呢間孖寶車仔麵！佢喺地下嗰層，都幾大間！佢主打車仔麵，除咗車仔麵之外，仲有其他香港地道小食好似水魷魚、魚蛋燒賣等等！我叫咗個車仔麵、腸粉同燒賣！配料揀咗蘿蔔、魚蛋同埋豬皮！蘿蔔煮得好入味，味道清甜，魚蛋同豬皮都好彈牙，整體啲配料都唔錯最正嘅係呢度有菜甫可以隨便任加，有辣有唔辣腸粉好滑，加上麻醬甜醬同豉油食已經好正燒賣都幾好食，唔係食麵粉團！喺葵涌廣場想坐低食嘢，呢度係一個幾好嘅選擇

今日去咗葵涌廣場夾公仔，見餓餓地我哋走咗去試吓呢一間車仔麵，入到去坐低之後，我哋嗌咗兩個車仔麵，同埋凍華田同凍奶茶。第一碗我哋嗌咗蘿蔔，豬大腸同牛腩，蘿蔔同牛腩炆得幾腍，蘿蔔就冇渣，牛腩就肥瘦均勻，至於大腸呢，就好入味。第二碗我哋嗌咗墨魚丸，雞腎同豬頸肉，墨魚丸就好彈牙，豬頸肉就好有咬口，雞腎都好入味。另外我哋喺碗麵度加咗佢嘅辣汁，佢個辣汁都幾好食，如果鍾意食辣嘅朋友可以過嚟試吓。最後想講吓佢杯凍奶茶，佢個茶底幾香濃，唔會因為奶味而掩蓋咗浸茶味，幾好飲。

💖講到葵廣必食肯定有地下呢間人氣車仔麵檔，足料又抵食，今晚黎開餐！1️⃣孖寶招牌麵🍜 $52💖除左自選車仔麵仲有佢地set好嘅餐，呢款有豬皮、豬大腸、豬紅、魚蛋、蘿蔔同雞翼，非常足料！最鍾意滿滿骨膠原嘅豬皮，配上濃郁咖哩醬更香口，口感外彈牙內嫩嘅豬大腸處理乾淨，食落香口，豬紅咬落滑嫩。有八款麵底可選，要左有嚼勁嘅手工麵。2️⃣爽滑腸粉🍚 $12💖除左麵呢度嘅小食都值得食，掃街價抵食。混醬腸粉滑嫩，搭配芝麻、麻醬、甜醬、鼓油、辣醬等味道香口🤤。3️⃣鹵水雞翼尖🐔 $16💖同樣抵食！鹵得入味，一口一個滿足感up，最適合鍾意損骨頭嘅人😛。💖上菜快手，地道街坊美食，飯點永遠都好多人！

葵廣除了掃街，地下還有好多美食選擇！這次我來到小吃天地，個人最推薦的就是滷水雞髀，真的超級入味！蕃薯糖水 ($22)蕃薯糖水甜而不膩，蕃薯煮得軟糯，糖水裡還帶有一絲薑味，讓整體口感更加豐富，喝上一口非常舒心。滷水雞髀 ($24)滷水雞髀的肉質鮮嫩，滷汁滲透得恰到好處，雞髀的香氣讓人難以抗拒，實在是好好食！咖喱魚蛋 ($12)咖喱魚蛋的咖喱醬香濃，微辣的口感讓人開胃，吃上一口就停不下來，真是小吃中的一絕！熱檸蜜 & 熱奶茶飲品都是餐附送，熱檸蜜清新解膩，熱奶茶則濃郁香滑，為整餐增添不少分數。三餸車仔麵 ($52)三餸車仔麵的選擇多樣，我們選了粗麵和河粉，搭配了魷魚、牛腩、雲吞、牛肚、花枝條和冬菇。最特別的是花枝條，口感鮮嫩，讓整道菜更加出色。醬汁使用了秘製醬、腩汁和清湯，味道層次分明，讓人一口接一口，欲罷不能！總結總體來說，小吃天地的美食真的不容錯過，無論是甜品還是主菜，每一道都讓人驚喜。如果你在葵廣，一定要來試試這裡的美味！