孖寶車仔麵

营业中

休息中

👍🏻 三餸車仔麵今次要咗個三餸車仔麵 三餸揀咗咖喱魷魚、魚肉春卷以及花枝丸！而麵底就揀左油麵 湯底就店員推介左佢哋餐廳嘅秘製汁 成個車仔麵嘅配搭好正 秘製汁味道濃郁 右面吸收咗秘製汁嘅味道 啖啖都好好味🤤 店舖非常貼心 怕咖喱魷魚有少少辣就分開上 口感非常爽脆 而且調味好足 呢個推介魚肉春卷同埋花枝丸都好有鮮味 花枝丸 食到粒粒花枝 口感十足！成個面真係大滿足👍🏻凍奶茶奶茶茶底非常濃郁 而且飲到奶香味 沖得好好飲 係經典嘅港式奶茶

車仔麵係香港特色，呢間老店車仔麵檔人流多，裝修都好懷舊風味，鋪面大又內有乾坤，入到入面有好多位置坐，可以選擇自己喜好的餸菜，如果有選擇困難症可以揀招牌車仔麵，仲有多款香港經典小食可以選擇。招牌孖寶車仔麵用懷舊雞公碗可米粉多，餸又多，有魚蛋、豬皮、雞翼、豬紅、蘿蔔、豬大腸。有免費提供菜脯，有辣同唔辣，加幾多都得，香辣菜脯我覺得辣度可以接受，加係麵度更加惹味，而辣椒醬都係香而少辣。燒賣有彈性，唔係麵粉口感，有魚肉味。腸粉好滑，而且係多醬料仲有芝麻。臨尾仲叫咗個腐竹雞蛋糖水，勁甜勁好味。

孖寶車仔麵 @ 葵涌廣場今日黎葵廣買零食齋雞粒…魷魚同芒果乾。黎到葵廣點可以唔順便掃下街…黎呢度成日見到地下呢間車仔麵長期多人…再 而且仲有好多係街坊look…應該唔錯。所以今次就將車仔麵放係尾站今日接緊9pm都坐滿人…不過呢度店員好好…會幫你搵下位…望下張點餐紙…全部都係好傳統既餸…我點左車仔麵必叫既雞翼，沙嗲牛肉，炸菜肉絲同牛腩配手打麵。朋友仔點左豬紅，蘿蔔，面根同滷水豆腐配米粉。蘿蔔好清甜無渣…雞翼滷得入味肉質仲好嫩滑…滷水豆腐好似上海豆干咁唔錯。沙嗲好貼心分開上…沙嗲汁帶甜…微微花生醬味…牛肉都可以。手打麵就好似粗身上海麵…麵質都唔錯行開葵廣唔掃街又想食下車仔麵…呢間都係唔錯既選擇

喺葵涌廣場真係超多好嘢食，但係位於地下嘅呢間孖寶車仔麵，霸佔咗好多個舖位，可見人氣極高，呢度更加有下午茶時段，所以都相當抵食！我第一次來，然後見到呢度竟然有得嗌車仔麵配腸粉，超特別，所以我要咗魚片頭、滷水豆腐、齋麵筋同埋雞腎。我覺得個滷水豆腐一定係必點，超級入味之餘，口感都勁好食！是朋友就叫咗秘製汁手打面加魚肉春卷，蘿蔔同滷水豆腐。朋友嘅手彈面真係好有口感，超彈牙！至於飲品方面，我哋兩個都係叫咗凍豆漿，超級濃嘅豆味，配車仔麵食真係一流！

今日去左葵芳做嘢，出面落好大雨，就留左係葵廣食午餐，今日嘅口味係港式車仔麵，就揀左揀裝修非常港式嘅餐廳食！我叫左個三餸車仔麵，分別係冬菇、咖喱魷魚以及魚皮餃，麵底當然係揀油麵😎 加左腩汁嘅車仔麵非常好味🤤 係我今日想食嘅味道👅而且車仔麵嘅三餸都好好味！餐廳非常貼心，怕客人唔食得辣，就將咖喱魷魚分開上👍🏻飲品就叫左凍檸茶，茶底非常濃，加埋檸檬香味，好正🙌🏻我仲叫左串唔辣嘅魚蛋，呢餐非常豐富💁🏻‍♀️

🍜三餸車仔麵餐（$52）$52就可以叫一個有三個餸嘅車仔麵再加杯熱飲；粉麵同餸都有好多唔同選擇今次我揀左五香豬頸肉、麻吉燒，魚肉條秘製汁撈手打麵；豬頸肉好入味好腍；麻吉燒原來係豆腐包住大大嚿煙韌嘅麻薯，食落去幾特別；秘製汁好似沙茶醬咁，香而不辣；大家食麵時可以加埋佢地嘅辣菜脯一齊食，辣菜脯辣得嚟好惹味，而且任加唔嬲野飲方面，本身包左一杯熱飲，但而家天口咁熱，我加左$3轉凍飲🍠蕃薯糖水（$22）一上枱就聞到好香嘅姜味，蕃薯份量好足；蕃薯用左黃心番薯，食落去口感鬆軟同甜度十足；糖水偏向姜嘅辣味比較多，飲落去好暖胃

細個都係鍾意食車仔麵咁啱呢間車仔麵開喺公司附近呢間之前返工嘅時候食過下午茶嘅抵食最好食嘅一定係蘿蔔糕加豬頸肉！仲有個好香既特製湯底🥰仲有加埋雞腎三餸車仔麵都係$46包野飲！估唔到呢度仲有豆漿可以嗌只係需要加$4就可以飲到，仲要係獨立包裝飲唔晒都可以拎返屋企慢慢飲最後加$20 仲有大大碟生菜🥬仲有可以揀走油會比較健康，下午茶仲要包熱嘅飲品好抵玩呀葵廣嚟講覺得算坐幾舒服平時樓上多數都冇位坐喺度堂食，但係呢間喺地舖嘅車仔麵後面仲新開嘅舖位堂食乾淨企理

葵芳地鐵站附近有葵涌廣場類似旺角中心既美食雲集既地方係地下個層有間叫孖寶車仔麵的店舖店舖有堂食同外賣上菜非常快手店舖以車仔麵，碗仔翅，腸粉等香港美食為招牌桌上仲有一本叫秘笈的菜單腸粉$12腸粉米味濃郁而且彈牙配上花生醬，甜醬，芝麻足料碗仔翅$22熱辣辣一大碗麻油味非常香濃每一啖都食到冬菇，雞蛋絲招牌車仔麵$54 3送一麵加熱飲凍飲加$3河粉非常淋魚蛋好彈牙，辣味夠菜肉雲吞餡料多豆腐入晒味牛腩大大塊，炆得好淋豬腸入晒味夠新鮮，有彈性凍檸檬茶茶味夠濃又夠凍姐姐招呼好，排隊有序區內朋友都推薦

成日經過葵廣都會見到一間長期好多人嘅車仔麪，食完之後終於知道點解咁多人！因為佢係一間有heart 嘅車仔麵！叫左4餸同粗麵加辣汁！必點牛什（+$5），份量好多，肚、膀、肺全部都有，好淋滷水好入味！另外叫咗豬大腸、雞腎同牛百葉，全部都好正，豬大腸係一定要點👍有口感，完全冇怪味，洗得乾淨，唔會過肥！ 雞腎同牛百葉都係好味，無伏！個湯岩岩好，唔會好咸，加辣汁超爽！😛雖然好多人食，但係都好多位，眼見好幾個舖位都係佢！

🛺🍜 街坊熱食入味葵芳車仔麵 車仔麵自1950年代已深入香港人日常吃麵食的排行榜中。從湯底、麵底種類及數量、配餸款式及多少款…至辣唔辣,食唔食汁等…都係好個人化的選擇。風儉由人, 豐富點想配十個配餸可以的, 輕盈點想只配一、兩個餸皆可。有人說車仔麵快靚正,容易整啦…幾分鐘淥個麵底,再執餸咁Easy。但其實用心的車仔麵檔由早開舖時幾十款配餸每款要分開處理。分開煮,配上不同配料或汁底去炆煮到入味,那備菜功夫不是那麼簡單的… 住在港島區的我,在葵青劇院看完Show後跟隨著葵芳區街坊挑食的步伐…走進葵芳街坊的美食聖地-葵涌廣場 「葵廣」。在一進去G/F層順著人流…就來到這葵芳區街坊也熱食的《孖寶車仔麵》。無揀錯啦… 加上這店開得早之餘又開至凌晨十二點。夜鬼也有好嘢食…十一點還是全枱滿座呢… 今次我跟朋友也分別點了自己喜歡的麵底及想食的各樣配餸…🍜 「車仔麵餐」也很抵食~~（ 3餸.1麵套餐 配送熱餐飲 HK$52- 凍飲 另加HK$3- 特飲 另加HK$5- ) [

今次去到葵廣費事掃街，於是就去咗地下嗰層食車仔麵。依間車仔麵超多人排隊同叫外賣，好彩等咗一陣就有位。由於太多人嘅關係，落咗單都要等好耐先至上菜。今次就叫咗個撈麵食配三個餸分別係：豬紅、魷魚、豬大腸。撈麵醬汁唔太鹹，配埋粗麵一齊食味道啱啱好。豬紅非常入味，口感又好彈牙，質感非常之好。魷魚都好入味，唔算太靭，都易咬開。豬腸亦都煮得好夠淋同埋入味，份量亦都好多。車仔麵非常之好食，唔怪得知網上咁多好評，現場有咁多人排隊啦！

服務人非常態度不好，懂沒禮貌吃飯的時候很沒禮貌對客人掃地很大影響喝奶茶非常一般，不是好喝吃什麼都最貴吃什麼都最貴服務人很差服務人態度不好服務人對客人沒有禮貌服務人真的差亞姨多

Hunting local delicacies with air-con under heat wave 🌊.😋 staff arranged a super cool corner for us, otherwise, I would have been melted before having a chance to enjoy this “shark’s fin soup” - vinegar is definitely a acid touch for this heaty weather ! .😂 greedily ordered lo shui platter, the portion is way bigger than we expected, stuffed and there’s no room to order their yummy rice roll 🥲 the lo shui sauce is less sweeter than Swiss sauce but quite strong in sichuan peppercorns and anise 😝.

細個番part time無乜錢,收工都會同同事黎孖寶食個車仔麵，貪佢菜甫免費任加😄估唔到咁耐無食，質素都仲保持到。今次叫左三餸車仔麵（送熱飲），配料揀麻吉燒、雞中翼和魚皮餃，搭配秘制汁油麵。另外仲要左份陳皮魚蛋和一份齋麵筋。秘制汁油麵，唔會太咸，撈勻啲油麵黎食十分開胃🤤麻吉燒似啲丸咁，內部餡料係煙煙韌韌嘅麻糬，甜甜地幾好味😍雞中翼滷得入味，多汁嫩滑，差唔多次次黎都有揀😙魚皮餃既魚肉有柔軟和嫩滑的質感🥳陳皮魚蛋啲辣醬幾惹味。齋麵筋夠咬口，配秘制汁，令到層次感昇華🤩金牌奶茶，一如既往都係咁滑👍🏻孖寶車仔麵的價格實惠，好多葵芳既街坊都會黎食。去開葵廣，不妨去孖寶車仔麵，試下地道車仔麵😋

孖寶車仔麵📌葵芳葵富路7-11號葵涌廣場地下A15號舖葵廣除咗掃街之外其實呢間係唔少葵廣返工/開鋪嘅朋友仔推介我食始終日日返公司冇理由日日都食立雜嘢🤣呢到d姐姐好好人見我狂加辣菜甫問我夠唔夠🤣四餸車仔麵 辣魚蛋 鹵水蛋 雞中翼 魚皮餃 $63我鍾意呢到嘅麵底可以轉做腸粉變成車仔粉🤣我自己因為特別鍾意呢到嘅辣菜甫所以會加埋落腸粉食腸粉嘅滑加埋爽口嘅辣菜甫係另一番風味😆鹵水蛋同雞中翼都煮得好入味孖寶辣汁 +$3‼️食車仔麵強烈建議加佢個秘製辣汁凍豆漿 $14⭐️Rumple港女評分⭐️味道: 4.5/5環境: 3.5/5服務: 4/5抵食: 4.5/5