孖寶車仔麵

营业中

休息中

我同老公好耐冇黎食呢間車仔麵因著天氣轉涼要返奶奶家換冬季所以途經呢度掃下街好耐冇黎估唔到細鋪已變大鋪😱我同老公最like呢度嘅滷水雞脾次次黎都一定嗌因為呢間真係滷得好入味但慶住隻脾咁耐D雞肉仲咁滑唔鞋嘅🤔所以我通常連軟骨都食埋今日都唔例外😆😝另外老公好鍾意呢間嘅糯米雞唔乾身👍🏻仲有我個碗生菜墨魚條我覺得好食過生菜魚肉墨魚味重又夠彈牙，老公都話好食另外想讚一讚我個樽豆漿好好飲晤太甜因為低糖👍🏻咁耐冇黎，食物依然keep到唔怪得細鋪變大鋪啦PS: 想讚一下姐姐，老公最後加咗個公仔麵唔知加幾錢包嘢飲，但係我哋之前已經叫咗野飲，佢就幫我地唔知點加加減減，都計左一陣架服務可嘉👍🏻

一碗車仔麵，令累累的我再次充滿力量。今日於附近行街，發現地下特別多小吃，而且又有得坐下休息，加上十幾款餸，一撮油麵，拋進百二、三度大滾水，夾起大腸、剪斷魷魚，將餸料以及麵食落碗，舀兩匙熱湯，淋匙辣汁，一碗車仔麵～～BLING….這數款傳統經典選擇，很好味。湯底有雞骨、豬骨味道，亦不錯，愈熬愈濃。麵條好，加一兩匙招牌菜圃更好，著實是錦上添花。加了香港出名的小吃碗仔翅～香港人從小吃到大，那深啡色的湯頭，又香又濃，木耳脆、冬菇彈，加很多麻油和醋，啖啖充實口感彈，間中心癢癢亦會想吃。街頭小吃愈賣愈貴，這間的價錢與質素MATCH,有時候在上面買東西亦可到這一吃足料的碗仔翅，實在很棒呢。

經過葵涌廣場，飄來好香滷水味，係車仔麵呼喚我，未食已經被滷水雞脾吸引。另一邊仲有炆牛腩既肉香，即搵位坐低剔紙仔叫餸。呢本孖寶秘笈，除左有車仔麵，仲有飯、小食、飲品，下午茶套餐仲幾抵食。三餸車仔麵 $44，包熱飲，額外每餸$8。我特別推介大家加$2要個孖寶辣汁，有大辣/小辣。最後我點左四餸，豬紅、蘿蔔、牛腩、牛肚，加孖寶辣汁（小辣），仲整多杯凍檸茶。揀左腩汁令個湯都香肉味，加強牛腩既味道，配埋必加辣汁，小辣剛剛好，辣得黎少少刺激，又唔會辣好耐冇味覺，越食越開胃好味。先食件蘿蔔，超級入味多汁清甜且無渣，做得好好，仲要味道重得黎清爽唔膩。牛肚夠哂腍，同樣入味多汁，好香好有咬口，食完唔痴牙知下要讚。牛腩望落以為硬，入口原來好鬆化，咬落肉感好好，仲有件牛筋，軟綿好有骨膠原，牛味濃郁好好食。豬紅份量多，味道幾重，滑溜又入味，仲無腥味，配辣汁仲正。原味同辣味菜脯，辣既較吸引，一定要落少少。個麵即時多入咸香爽口，辣得過癮。揀左粗麵吸多點湯汁，唔會煮到軟哂，麵仲彈彈地爽口，個人喜歡粗麵的口感佳。順帶一提，d店員姐姐好親切，同學生哥同太太都有講有笑，而且全部都快手快腳，又好禮貌。

行完葵涌廣場之後，正好肚餓，就近近地就腳食碗麵填填肚餐廳環境方面, 都幾整潔，有卡位，牆上貼滿耳熟能詳嘅車仔麵配菜，仲有一幅有香港本土風情嘅大油畫，別具心思天花板有舊式吊掛風扇，有一懷舊feel我揀咗韭菜、生菜、魷魚同冬菇首先冬菇好入味，而且夠腍易咬開韭菜、生菜好新鮮，食多D蔬菜人都健康D車仔麵色澤油潤吸引，魷魚爽口，加上凍檸茶都唔過40蚊，夠晒經濟實惠環境+食物質素+價錢，總結相當唔錯如果再經過，會再幫襯！

今日要到葵芳幫公司做啲嘢， 完成之後仲有少少時間就到孖寶車仔麵食晚飯。 每次經過葵芳廣場都會見到孖寶車仔麵， 反而今次先至係第一次食。 食物種類都算幾多，除了車仔麵之外還有一些掃街小食，糖水，鹵水食物等等。 今次我點了兩碗三餸車仔麵 $44一碗， 滷水雞髀 $18，腐竹蛋糖水 $17，鹵水雞腎 $12，一杯熱奶茶跟餐唔使加錢，另一杯熱檸蜜加$5。三餸車仔麵 ~ 有咖哩魷魚，豬皮和五香肉丁， 咖哩魷魚辣辣地好好味， 豬皮普通， 五香肉丁得一細粒實在太少了， 反而有三塊罐頭五香肉丁入面的筍。如果可以畀多兩三粒五香肉丁我就比較好！三餸車仔麵 ~ 豬大腸， 菜肉雲吞和醬爆豬肉丸。 豬大腸好入味， 菜肉雲吞的皮比較厚，但我沒有試醬爆豬肉丸， 所以不知道味道是怎樣。滷水雞髀 ~ 反而我覺得滷水雞髀做得最好，滷得好入味， 而且大大隻啖啖肉。 鹵水雞腎 ~ 12蚊一小碟，但口感比較硬。熱奶茶 ~ 味道普通。熱檸蜜 ~ 叫完先知道原來熱檸蜜係特飲要加五蚊，但味道偏淡，下次都係叫返熱檸水穩陣。腐竹雞蛋糖水 ~ 味道一般。

當日經過，這個店鋪。特地試一試馳名的腸粉燒賣油雞髀。腸粉爽滑，配上甜醬辣醬芝麻,簡直天造地設一對。腸粉都可以做到有色香味!燒賣生熟度剛好, 配上雞髀直情可以飽肚。車仔麵的烏冬特別好食, 有家一樣的感覺。座位舒適,裝修整潔。作為食客，會再來。

當日工作關係經過葵芳辦事,好肚餓。想找一些經濟又實惠的食物。覺得這間餐廳環境方面, 環境比較整潔有大枱,亦有雅座,牆上貼滿以熟能詳的車仔麵美食,加上很多幅漫畫以及相片,涉及香港故事。我選咗雞腎鳳爪 及冬菇,作為主菜。首先冬菇好有味道，跟媽咪煮的冬菇一樣。雞腎好新鮮，本身男人應該食多些。他們的烏冬色澤油潤得好吸引，而且材料易煮得好入味。冬菇爽口唔再講，加上凍檸茶都唔過40蚊。另外滷水雞髀好有滷水味,煮得入味唔過時,雞肉彈牙,絕對值得讚。😘😘最主要係，環境清幽而且乾淨。記得再來食一次。😘😘😊😊😊

葵涌廣場不嬲都出名多小食鋪仔, 就算日日試間新野一個月都未必試得哂, 今日blue Monday , 當然要下午茶幫同事打打氣啦, 今次簡左地下車仔面檔先唻腸粉, 依到二十蚊, 夠滑份量好夠, 外賣拎埋上唻半個鐘都仲好軟熟燒賣都好好味, 絕對唔係面粉燒賣, 真係有魚肉味, 價錢少少貴, 二十蚊兩串今次最最欣賞既滷水併盤, $68蚊好多選擇, 滷水好重花椒八角既味道, 雞翼雞蛋都中非常入味, 滷水汁用唻撈面仲正！估唔到葵廣都會有令人驚喜既小食店！

今日同朋友黎葵廣掃街但掃街之前想食Ｄ野打打底先朋友又話呢間車仔麵唔錯一於一試---好有趣既MENU封面令人會心微笑今日有下午茶食可以平D又幾抵喎最後叫左花枝丸+醬爆肉丸+牛腩+公仔麵,湯底就要孖寶辣汁,另外再叫左支朋友好推薦既豆漿同埋凍檸茶上台已經聞到好香既辣汁味呢個辣汁真係不得了辣得黎又香又有層次我叫左小辣,覺得個辣味岩岩好唔會搶左個香味加2蚊都值得牛腩都好入味,而且最重要係夠晒淋證明都真係已經炆得有返咁上下其他既花枝太同醬爆丸就不過不失都係打邊爐野不得不提呢支豆漿真係好好飲唔好以為佢寫低糖就冇味佢有既唔係一般豆漿得個甜字既糖味而係有豆香既清甜真係好好飲我朋友果然冇介紹錯凍檸茶既茶底都幾香沖得都唔會太甜冰又唔會話成杯都係呃人錢,真材實料,抵讚

終於可以放工唞下啦。北風凜凜，愛在深秋，有誰能夠抵擋一碗溫暖嘅車仔麵。當日馬上就去葵芳搵下嘢食，葵芳地鐵站出口行過嚟都唔夠三分鐘，就可以醫肚餓。最有特色係鳳爪韭菜車仔麵，麵質非常厚身，非常煙韌， 加上菜譜以及韭菜簡直係perfect match😘😘夥記有好多人,雖然都係媽媽級,但好有禮貌,好專業。加多一款餸只係八文,我覺得好超值。以現今社會嘅指數嚟睇,價錢係好合理。一睇到張點餸紙有好多種類,鳳爪韭菜生菜豬紅,應有盡有。就算係閹尖嘅我,馬上依度肚餓。滷水雞比好香。😘😘😊我下次一定要再吃他們的腸粉及豬大腸。

葵芳選擇多，但如果唔想立食，就緊係落地下果層搵食喇！行過見到孖寶車仔麵的鹵水好似鹵得好出色，每款鹵水食物都令人好想試，而且平日的下午茶時間人流都好多，一於就食呢間喇！就係呢d鹵蛋，鹵雞脾，鹵豆腐吸引左我地坐低食架喇！鹵水味真係好香！餐牌設計到成本武林秘笈咁餐牌的種類都好多！車仔麵的餸真係花多眼亂仲可以當小食咁點，如果唔想食成碗麵咁full, 就可以點1、2款小食喇！車仔麵有餐紙自己tick, 唔駛驚落錯單！小食鹵豆腐鹵蛋賣相非常吸引食物完全上了鹵水色而且仲有好多鹵水汁豆腐同蛋都鹵味十足每咬一口都食到啖啖鹵水的香味果然色香味俱全生菜魚肉翅生菜放碗面證明翅的份量好足（不會用菜墊底）魚肉都好大舊車仔麵選了牛丸/菜肉雲吞/鹵豆腐/米粉最重要的是祕製汁祕製汁味濃而不辣是整碗麵的精華另每枱都有辣同唔辣的菜脯，個人覺得佢同碗仔翅最夾

今日去左葵芳劇院睇drama,就去左葵芳廣場逛個圈，超級多人，好熱鬧下！行到咁上下、個肚仲古古聲，咁岩經過呢間孖寶車仔麵，見到好多人食同好香咁，就同朋友搵左個位坐底，佢地個menu好鬼馬，成本武笈咁！食完可能可以有一身好武功！😝😝 我同朋友分別叫左4餸麵同飲品套餐，分別係蘿蔔，牛腩，水餃🥟，生菜秘製汁手打麵；同埋牛腩，豬紅，魚肉春卷，豬腸腩汁米粉，仲叫埋多蔥！飲品就叫左凍蘆薈西柚同茉莉花蜜！，好快就送到，潤一潤個喉嚨先😍！真係好耐冇食過車仔麵，個米粉索晒d 腩汁好正，牛腩好入味仲附送多舊牛根，豬紅豬肚都係好朋友，車仔麵必叫之選！👍👍朋友就話個秘製汁配手打麵好爽口，我食到連衫都唔小心跌埋，好彩店員好好幫我執番起再比番我！好窩心的一天！🤗

今天下午放假，便相約友人到葵涌廣場買秋冬衣服。Tea time 時已吃了好多小吃，晚上不能吃太多了，行過見到這間車仔麵，朋友話，食麵好了，就這我叫了一碗牛什、牛九及豬大腸，小辣加手打面。朋友叫了一碗牛腩、豬皮及水魷魚，祕製腩汁粗面。另配飲品。見隔檯D小食：五香豬頸肉及牛柏葉好正，便一碟試下。我的先來，牛什及豬大腸好冧，好入味，個手打面好彈牙。朋友話佢嗰腩汁及牛腩好正，嗰腩汁好突出。豬頸肉也好冧，好看五香味。相對牛柏葉與水魷魚就比下去了。買單都係百幾元，抵吃。葵涌廣場什麼時候都這多人，間間店舖都爆滿，真係好生意。

葵涌廣場向來出名多美食，今日同朋友係葵涌廣場購物食野發現左間平價車仔麵🍜🍗<孖寶車仔麵>😋😋先叫左一碗車仔麵，揀左3個餸!分別有豬紅， 回鍋肉同魚皮餃， 湯底要左個秘製汁(店員特別推薦👍👍) 試試😋香味十足😋小食叫左幾樣😋😋生菜魚肉翅好足料(有生菜, 魚肉, 肉絲, 冬茹, 木耳)全部一齊食口感正， 味道好味! 韮菜大腸豬紅湯湯底有胡椒，辣辣地!爽五香牛什 原本諗住叫一碗，但諗諗下，好似太多，所以最後叫左一串!但原來都好多!!食飽飽，好滿足!!

今日同朋友黎到葵芳食晚飯原來葵涌廣場除左有好多小食 仲有一間孖寶車仔麵 一坐低就見到本孖寶秘笈（餐單）一打開好多野食喎我叫左三餸面 牛腩 魷魚 同麻吉燒值得一提既係佢嘅秘製汁配合牛腩超入味 仲有特別既手打面 叫三餸仲包埋冷熱飲Tim 正～朋友就叫左腸粉 （因為朋友唔想食面） 好彩呢度可以將面轉腸粉👍🏻三餸照包野飲之餘 又可以滿足佢食腸粉加餸嘅願望🤩最後當然要叫一個香港地道糖水啦 腐竹雞蛋糖水一直係我杯茶 好多腐竹，食完皮膚滑滑呢度價錢實惠食快餐之選