孖寶車仔麵

营业中

休息中

今晚勁凍，想食熱辣辣嘅野，但又想快食留時間打機，最好就係食車仔麵。魚旦，鳳爪，豬皮，雞腎，咖哩魷魚，米粉，加辣，仲有滷水拼盤，唔洗幾分鐘已經攞得走人。打開蓋好香，魚旦ok夠彈，鳳爪入味，豬皮乾淨索哂湯汁好正，好少車仔麵有咖哩魷魚，魷魚靠咖喱汁調味，做得車仔麵又難唔到佢，幾香咖喱味。$49滷水拼盤都幾多餸，有雞翼、鳳爪、雞腎、雞蛋、翼尖、豆腐，個滷水汁超濃味，所以每樣餸都夠哂入味，最鍾意食滷水雞翼，滷水蛋都唔錯。

黎到葵芳行街，行完原來已經超過6點，呢個商場好多小食店可以選擇，不過行過見到孖寶有39蚊抗疫餐都幾平，所以就決定試吓。佢地個抗疫餐包括3餸車仔麵加一杯熱飲，見佢地點餐紙都好多餸選擇。其實都好難選擇，見佢有撈麵，所以就叫咗個辣撈麵試吓，豬腸都滷得好入味，一d都唔韌，d豬腸都通得好乾淨，雞翼尖唔會滷得太淋冇口感，咖哩魷魚都香咖哩味，d醬汁好惹味，魷魚非常爽口。另一碗就叫咗個手打麵試吓，d麵質好煙韌同都好粗身，韭菜餃粒粒都好飽滿，入面都好足料，滷水雞翼都好大隻，唔會滷到過淋甩晒皮，魚肉春卷食落入面d魚肉好煙韌。最加多碗魚肉翅，d翅唔會太希，勁多冬菇同肉絲，非常抵食，而d魚肉都好結實，唔會腥。

After i have finished my appointment at Kwai Fong, my wife asked me to pack dinner home tonight. I went to the nearby shopping centre, Kwai Chung Plaza. 孖寶車仔麵 was a popular cart noodle stall in Kwai Chung Plaza, just beside Kwai Fong MTR.They served mainly take-away, with few tables allowed for dine-in located opposite their stall. They served a wide range of cart noodles, with several ingredients to choose from. Besides that, they have appetizers, desserts and drinks as well. Hot chocolate was

某天去左葵涌廣場行街，肚餓見到好多人排隊買車仔麵外賣，疫情關係就買了兩碗車仔麵回家吃，我都叫左一碗牛肚入味五香豬頸肉爽口，秘制醬汁甜甜地甘幾得意，手打麵吸收到個汁既味都好彈牙齋麵筋每塊都好厚身索埋醬汁既味道，沙爹牛肉好淋同好香沙爹味加$4就食到，三餸一麵仲做緊抗疫價，跟埋飲品，奶茶香滑另一碗叫左魚肉條係用鯪魚肉切成條好香魚肉味，小編好鐘意呢款餸，滷水豆腐都好入味，牛腩，麻吉燒，水魷魚都係加$4炸，河粉仲好細心甘分開裝，小編幾鐘意呢間車仔麵既滷水所以叫多左隻即叫即整既滷水雞脾，大大隻熱辣辣，啖啖肉，識食既記得要叫多辣菜脯啦～因為佢係自家制嫁辣得黎好爽脆嫁。

作為2020年最後嘅晚餐，又冇得堂食，🤴🏻就話不如食啲特別嘅嘢，就去咗食車仔麵🙄🙄，車仔麵有咩咁特別啊🧐🧐～～～滷水雞髀🍗飯～～～滷水雞髀🍗肉質彈牙，滷水味都幾入味😄😄！size就正常大細，但係飯嘅質地就好乾，個飯唔合格😓😓🤴🏻嘴刁過我，佢仲話食開呢個飯，真心唔明😒😒原來...........😌😌～～～蘿蔔牛雜飯～～～蘿蔔非常鮮甜，又夠軟，好好味😋😋，牛雜就同個飯一樣比較乾仲要有啲’柴‘依然都唔明有咩咁特別☹️☹️～～～墨魚條碗仔翅～～～墨魚條有少少墨魚味，碗仔翅內配料亦都多😙😙但🤴🏻話唔係咁食嫁！😧😧？？原來個碗仔翅係用嚟撈飯㗎，咁飯就會變得濕潤容易入口，都變咗有雙重口味！當堂好味左勁多🤗🤗原來碗仔翅可以咁食法，第一次咁試，又真係幾特別嘅😀😀

葵涌廣場是美食天堂係人都知，但每次想食車仔麵我都會想起這裏。孖寶車仔麵的車仔麵選擇十分多而且價錢合理，最喜歡這裏的燒賣和鹵水食物。今天我和朋友叫了兩個手打麵套餐，選了菜肉餃 、牛腩、 鹵水雞翼、鹵水豆腐、墨魚丸、豬皮、 蘿蔔、 咖哩魷魚， 還有最愛的彈牙燒賣。自家製的菜肉餃 ，餡料新鮮。 牛腩入口即溶，鹵水雞翼、豆腐及咖哩魷魚十分入味。 墨魚丸及豬皮彈牙有嚼口，蘿蔔鮮甜多汁 。 手打麵我也是第一次吃， 麵質比起烏冬粗及彈牙值得一試。最後來一杯提神香濃熱咖啡，這餐下午茶真是超值～

去到葵廣，點少得搵好西。今次食比較少食既車仔麵，同老闆傾開計先知佢間店有幾個鋪位，但都唔夠位容納客人，有時滿座要等多一陣，疫情下更甚。入座前，職員好快將座位清潔，再用圍板擺好，以免飛沬傳播。原來車仔麵檔都有下午茶優惠，我平時接觸個d無呢d優惠老友推介：魷魚柏葉魚蛋米粉咖哩魷魚隻汁可以當辣椒油咁落，魷魚硬度適中，唔會過硬。白色牛柏葉份量偏少，純粹當配菜可以接受既。辣魚蛋其實即係咖哩魚蛋，同平時去小食檔篤既味道大致相同，車仔麵度嗌可以一次過滿足你兩個願望。凍檸茶用紙杯裝，感覺係比杯裝少，但疫情下，唔知洗得乾唔乾淨，叫做有些保障。

腸粉 $10/4條燒賣魚蛋各 $10生菜魚肉 $20跟嘢食另叫凍奶茶 $11次次去到葵芳，唔知食咩又想坐喺度食就會諗都唔洗諗去孖寶！車仔麵抵食又好味，又好多餸俾你揀，啲姐姐仲要好好人添😍今次去食腸粉魚蛋燒賣，腸粉ok，魚蛋係陳皮魚蛋唔係啲發脹魚蛋，我好鍾意食陳皮魚蛋，可能因為細個時普遍都係用陳皮魚蛋，走鬼檔都係㗎，所以情有獨鍾🤣 燒賣口感煙韌，加埋腸粉嘅醬汁(混醬)，好味！生菜魚菜就不過不失啦，同平時果啲差唔多！

第一次買呢間既腸粉，野食味道還好，但服務態度好差！話要腸粉套餐加燒賣魚蛋，阿姐問飲唔飲野，話要奶茶，阿姐就串嘴話下次一早講晒就得，黑人問號？拎完碗野比隔離姐姐落醬時，大力掉我碗野唔會再幫襯....比錢買野仲要比人咁對待....

今日同朋友嚟開葵涌廣場見呢間車仔麵好多人於是就走去入去試吓一坐低姐姐已經即刻比本餐牌我哋封面好搞笑😂揭開都幾多選擇唔單止剩係得車仔麵咁簡單我哋叫咗皇牌滷水湯麵韭菜大腸豬紅湯同埋一份小食蘿蔔首先嚟嘅係份蘿蔔落單時姐姐主動問我哋要唔要加秘制辣汁加咗之後真係好惹味而且蘿蔔非常淋甜 好入味咬開仲一啲渣都冇之後嚟嘅係韭菜大腸豬紅湯個湯底好重胡椒香味好似飲緊胡椒豬肚湯豬紅同蘿蔔都非常入味而且啲大腸洗得好乾淨完全無異味食食吓我仲想試佢個辣菜甫🤣於是又加咗少少落去同啲韭菜一齊食點知原來味道非常夾最後就到主角滷水麵出場啦全部滷水都好入味不過我就覺得有少少偏甜🙈但如果鍾意食偏甜滷水嘅朋友應該會好鍾意個咖喱汁好香！雞翼尖更加係非常之入味個面我哋揀咗手工麵條(應該冇記錯個名😂)咬落好粗身好有咬口！啱晒鍾意有口感嘅朋友(即係我🤣)整體食物質素都幾好！而且啲姐姐都好有禮貌幾有人情味嘅感覺☺️

呢間車仔麵店佔據幾個鋪位，對正商場大門出入口，就算我地已經揀d early dinner o既時間o黎依然人流高企，絡繹不斷，好好生意～正如我食過o既其他葵廣呢d 流水式店舖，坐o個度一定唔會話可以好闊落，但generally speaking，雖然繁忙多客要serve，d 阿姐大都係好客氣！下午茶優惠去到六點，趕得及$39 就食到原價$46 o既三餸麵連o野飲，發達喇！因為花多眼亂，最初唔記得tick 湯底，俾阿姐提番。佢即時推介秘製汁，話會有少少咖哩少少辣咁。實物o黎到，個湯o個pat 醬仲帶少少麻香，係幾惹味o既。個粉就試o左樣叫手打麵o既o野，粗身實淨飽肚。豬腸係我食親車仔麵私心必叫之選，另外都會想試下有無d 特別o既餸菜。麻吉燒最初唔知係乜，但其實打邊鑪都係食過o既，就係類似魚蛋中間釀o左d 糯米麻糬，雙重口感。豆卜釀豚肉咁o岩缺貨，我改嗌o左咖哩魷魚。但錯有錯著，呢個幾特別，佢係凍食，所以分開另上，醬汁似湯底o個隻秘製醬，真係幾好味。除o左車仔麵餸，我地仲叫o左d 滷味share 食。$49 有一客有六樣餸o既拼盤，或者好似我地好清晰知道自己想食邊幾種，散叫亦得，得o左。煲

今日我嚟到呢間食車仔麵，叫左豬大腸、咖哩魷魚和春卷的手打麵，咁手打麵口感不錯，彈牙。湯又 可以。 同埋我自己都鍾意佢嗰啲配菜， 都算幾多選擇下次離開呢頭都可能會試下。

相信大家都會覺得香港愈來愈多嘅連鎖店, 而小店嘅生存空間都壓抑得愈來愈小, 連帶某些港式食物都愈難有機會食, 以本人來講車仔麵同碗仔翅真係好耐好耐都冇食過了咁岩今日坐紅van 返到葵芳, 一落站就直入葵涌廣場見到一間車仔麵檔, 平時都係直行直過, 不過見佢長期都有唔少人幫襯, 咁就激發左好奇心就試一次因為太耐冇食過車仔麵嘅關係所以今次就叫左四餸過下癮, 分別叫左齋面根, 豬大腸, 豬頸肉同埋沙嗲牛肉, 油麵底加沙嗲汁, 加多杯凍檸茶添成品放上檯就係咁嘅, 當時就叫左沙嗲牛肉另上, 但見到份量都唔錯, 應該食得飽人比較特別嘅地方係每張檯都會放辣/唔辣菜甫, 雖然今次冇食狗仔粉, 但下落車仔麵度都幾唔錯豬頸肉, 份量唔少, 有5塊左右, 有手掌心咁長, 本身已經滷得入味, 而且唔會得瘦肉, 有d 脂肪位所以都有點油脂甘香, 切得唔薄所以口感爽脆又夠味呢個係齋面根, 咁某d 出名嘅車仔麵檔所提供嘅齋面根係用蜜汁製成所以會韌韌地同埋會另上避免吸左湯而影響味道, 呢度嘅齋面根係本身充滿油炸嘅香口味, 咁岩再加上沙嗲汁, 吸哂汁之後真係好好好食, 份量就大約2粒大嘅切開成4粒呢個係豬大腸, 佢舊舊

今日約左個朋友去葵廣行街買野, 行行下都行到有啲晏, 所以決定係度食埋野. 但係因為行得太耐, 所以都想搵個位坐底慢慢食, 休息下, 仲可以坐底傾下計添.一落到樓下, 就見到有間車仔麵好多人食緊,咁多人即係好食啦, 咁我哋就決定食呢間.雖然話舖頭好多人食緊,但姐姐都好快手幫我哋搵到兩個位, 仲要係二人位, 唔洗同人share坐得舒服啲又自在啲.呢度三餸車仔麵$46加多一個餸就加$8至$10, 仲有熱飲送添, 如果凍飲就加多幾蚊.咁因為都有啲肚餓關係所以都叫多咗少少野食咁我就叫咗個四餸車仔麵-咖喱魷魚(另上), 牛肚, 墨魚春卷, 同牛柏葉加一個墨魚條碗仔翅, 再加多杯凍檸茶小甜叫完之後啲嘢食都好快送到咁車仔麵其中一個最重要就係個湯, 咁我叫咗沙嗲湯, 都見到下面張相, 舖頭俾咗好大Pat沙嗲醬, 所以碗湯都好濃沙嗲味好好食咖喱魷魚佢就好有心用另外個碗裝住等啲咖喱魷魚可以浸住啲咖喱汁, 如果唔係佢將咖喱魷魚放落碗麵入面咁就食唔到咁重咖喱味, 佢哩個另上好貼心魷魚好濃咖喱味, 好食牛肚好入味, 味道唔錯, 唔韌. 同出面舖頭食牛肚面個啲有得比啊, 好食魚肉春卷入面係魚肉, 唔算落得多粉,仲

有冇人同我一樣好鍾意食車仔麵貪佢夠香港特色 又可以自選🙋..呢間孖寶既車仔麵配料 超多款間唔中 都想去撐下場💛..🌀三餸 配手打麵湯底可以揀清湯 秘製汁 腩汁 +$2 辣汁/ 沙爹汁麵底都有11款 仲可以揀配飯同腸粉.今次揀咗手打麵 少少彈牙有咬口豬大腸同蘿白都好入味 蘿白夠清甜要讚一讚 豬頸肉好厚肉 而且夠嫩同入味!.下次黎要試多幾款餸先💓