孖寶車仔麵

营业中

休息中

今日睇完個OpenRice見到佢有入選，以為好勁好好食啦。專登喺其他區搭個鐘嘅車過嚟試期望有少少高嘅預期食完之後比想像中更加感到好失落但係最後幾乎係負數心情食完成餐。首先我揀咗腩湯三餸米線 $43一大個兜三分之二都係個面餸啊肉啊 就得嗰幾片？！玩嘢咩先講個湯汁有味但係勁似公仔麵嘅味道啦。再講個三個餸我揀咗五香豬頸肉辣魚蛋同埋豬大腸第一樣我覺得係比較可選嘅選擇然而豬大腸係煮完可以食嘅味道魚蛋更加唔可以接受完全唔係彈牙得個辣字。。。咁我去你隔離條街嘅小食檔食得仲開心啦。最後就係服務點完餐之後嚟咗第二張枱嘅人佢想我哋轉枱 但係講嘅語氣就好似逼你走咁再者求其將我哋轉左去出邊勁近走廊嘅位置係咪人哋人多 我哋人少就可以咁樣玩。差到千祈唔好當選有害到人地

去葵廣掃街絕對係一個週末拍拖好選擇～但要食飽洗費都唔少重點掃街全程無得坐要企喺度食真係好攰🥲🤓我哋就諗咗一個折中嘅方法，去樓下孖寶車仔麵坐低食吓少少野墊肚再去樓上食甜品同野飲！🤤但一試覺得間車仔麵出品真心超正又好平～一定一定要試！下次就算葵廣就為算唔掃街而黎都可以嚟食下呢間車仔麵！🤤五香牛什 $30🤩落單陣時店員超級貼心問需唔需要醬料，我地問可唔可以另上就話可以幫我哋擺喺碗邊😜絕對無諗過$30會有咁多嘢！抵到～！金錢肚、大腸、蘿蔔、等等，樣樣都起碼四五舊，份量大足超級誇張～沾上一旁嘅甜醬同芥末醬更加惹味🥰重點係樣樣都係軟冧又入味，滷水味十足！超級推介抵食到爆炸～！不過可能因為滷水調味所以食到尾有少少覺得鹹！但真心好食🤤🤤🤤滷水雞髀 🍗$20原隻雞髀滷水味超香～🥰甜中帶鹹地嘅調味滲透雞髀內里，而不單單只得雞皮有味🥰肉質尚算軟淋男易咬😚當然如果再軟啲就更好～但宜家食落都好不錯了！三餸麵套餐 $48全日供應嘅三餸麵套餐連野飲之餘，仲要超多餸任揀，就算係豬頸肉魷魚呢一類較貴嘅餸都唔洗另外加錢！🥰 貪心嘅我地揀咗四餸豬紅、蘿蔔、五香豬頸肉、咖喱魷魚～多一餸都係加9蚊😚😚轉埋出前一丁都係加三蚊🤓另

🔻葵涌廣場行街行到攰，雖然葵廣有好多出色小店，但都想坐底飲杯野休息下，行過車仔麵檔口，被鹵水汁同餸吸引到，就決定呢間‼️🌕 孖寶招牌麵 💲48🌟推薦指數：●●●●●●●●○○孖寶招牌麵［豬紅、蘿蔔、豬皮、魚蛋、豬腸］，車仔麵識食一定食油麵😋落單嗰陣咁啱冇豬紅，店員即刻話比多啲魚蛋你啦😆我當然冇問題啦😆😆😆魚蛋係我最愛既細粒「陳皮魚蛋」‼️‼️香辣得黎又帶陳皮香，真係同menu講既一樣，有香港特色既味道😋豬皮蘿蔔同樣出色，夠入味爽口，又唔會煮到爛曬，蘿蔔無渣清甜👍🏻👍🏻👍🏻🌕 自選車仔麵套餐💲48（3餸）+另加餸每樣💲9🌟推薦指數：●●●●●●●●○○另一碗輕盈啲食米線，餸要左［麻吉燒、咖哩尤魚、豬頸肉、牛肚、生菜🥬］麻吉燒出面車仔麵比較少見，魚蛋入面有麻糬夾心😍，質感香糯Q彈有口感豬頸肉燒得香口😋，無太多油脂，不會太肥膩，可惜掛住影相，被湯浸腍了😝牛肚不過不失，細塊易食，鹵得夠入味，唔錯唔錯☺️咖哩尤魚係另上嘅👍🏻‼️咖哩膽調得香口，尤魚入味之餘保持應有既口感，而且因為另上嘅關係，無溝淡香濃咖喱汁之餘，亦可以先食原味車仔麵後，加入咖哩汁到麵中😋😋另一種味蕾刺激，享受提昇湯麵到不同層次🤩🌕 滷水雞

過咗嚟先知道原來葵芳，都有孖媽寶車仔麵， 不過去咗openrice一check，原來荃灣嗰間已經冇做今日喺餐廳到，搵到之前荃灣孖寶車仔麵嘅感覺，一本一本武林秘笈設計性嘅menu，車仔麵嘅味道 辣菜脯配菜嘅味道 都令我回想起 當日食車仔麵嘅情況今日叫咗三餸車仔麵魷魚肉 ，有生菜，有牛腩，叫左幼面， 一如既往，面嘅味道，帶有太甜味，冇味精，送左杯熱檸水， 餐廳服務人員服務態度唔錯， 一點食物，冇耐就可以食， 所有餸菜都好新鮮另外加配咗白蘿蔔12hkd 5大件， 食落甜甜地另外叫咗20蚊雞髀， 比想像中大分好多另外單點咗一杯豬頸肉油麵， 豬頸肉煮都諗諗地 ，肥瘦適中， 精華嘅地方係要加辣菜脯食， 唔覺唔覺食左10 匙羹，仲有個衝動想叫多一碗再食埋單118hkd， 算經濟餐，60@， 下次會再食， 希望餐廳可以繼續 客似雲來

💛良心小店 孖寶車仔麵葵廣向來都係尋食既地方 主打都係街頭小食 或者飲返杯手搖葵廣地下既車仔麵都不容忽視 良心黃店就不在話下車仔麵主打地道 食物夠貼地 腸粉魚旦雞脾 乜都有葵廣真係人流好旺 夜晚6點幾去到孖寶車仔麵 都已經有九成滿座不過都好快已經搵到位坐低食似係街坊生意多 見到店員同食客有傾有講環境就大排檔路線啦 唔會係靚靚西餐卡位熱鬧之中都有人情味三餸車仔麵 $48美味程度：⭐️⭐️⭐️⭐️揀左豬頸肉 咖喱魷魚 魚肉春卷咖喱魷魚係另上, 爽口彈牙 可能想咖哩汁都唔會俾個湯麵溝淡 豬頸肉口感幾厚實 食落去有香口有肉汁魚肉春卷幾特別 薄薄地 入邊有魚肉 口感頗軟身自家製辣菜甫真係一定要加 加完之後將個麵昇華左牛雜 $30美味程度：⭐️⭐️⭐️⭐️非常足料 滿滿一大碗有幾舊蘿蔔係底 牛肚，牛腸、牛肺 都可以食到炆到好焾 而已又入味呢檔牛雜味道偏甜 凍檸檬茶 +$3茶記正常檸茶味🍴整體評價：價錢合理既平民車仔麵 食一個三餸麵唔洗50蚊份量都充夠 餸既味道都好味推介指數: ⭐️⭐️⭐️⭐️⭐️

今日黎葵芳行街，諗起好耐無食葵廣既孖寶車仔麵所以同朋友一齊黎食3餸麵套餐 $48秘製汁油麵- 牛腩👍🏻 口感軟嫩，肥瘦適中份量十足- 五香豬頸肉👍🏻 大件兼有咬口帶點肥美-魚肉春卷👍🏻雖然唔算好厚身，但吸左啲湯汁，令到食個時多汁入味3餸麵套餐 $48秘製汁油麵- 豬大腸👍🏻肥厚兼有咬口，份量都多- 咖喱魷魚 雖然係凍食，今次好似偏凍感覺爭少少，但味道係ok的- 沙嗲牛肉👍🏻 (+$4) 沙嗲味非常濃郁，肉質嫩滑凍飲 +$3, 送熱飲仲嗌左金牌碗仔翅 $20大大碗，足料味道夠，必食既港式小食

今日同好姊妹來到葵芳行街久一定要嚟食邪惡車仔麵！這裏是車仔麵十分有水準！食材好，豬皮，豬大腸，豬頸肉，牛肚，蘿蔔，咖喱魚蛋，粗麵，米粉😋，樣樣餸都好味！五香肉丁份量十分滿足！超讚👍🏻！熱奶茶同凍奶茶個茶底都好靓，奶茶香濃入口絲滑😋😋確實有D料到！個腩汁湯底簡直十分野味。食完冇口渴的感覺！老闆服務態度好！一定會再光顧！👍🏻👍🏻👍🏻👍🏻Came here for a quick bite and this place never disappoint ! Their Hong Kong style milk tea and their noodles with toppings are simply one of the best I’ve ever had ! Will definitely revisit !

葵芳車仔麵一向出名 今次決定再去潮聖 叫左3餸加腸粉 有蘿蔔雞翼魚腐 好入味 尤其是係個蘿蔔吸晒湯底嘅精華 雞翼個滷水汁都好正 一隻接一隻咁食唔停 魚腐索哂腩汁 真係好滋味滷水雞髀估唔到可以好食到咁 大大隻朔晒啲滷水汁但係唔會太乾太靭 咬落去啖啖肉咁 好食到平時唔食皮既我今日都破戒食埋佢 車仔麵都有呢個質素真係無得輸 另外果腸粉都好好食係香港地道街頭小食嘅滋味 最後叫多隻糯米雞入邊又有多隻雞翼好開心仲有其他料都好足㗎譬如有臘腸等等 其實佢仲有好多選擇 下次會再試埋其他

我同男朋友一共叫了兩碗車仔麵。一碗點了粗麵拼蘿蔔，龍蝦丸，魚皮餃，咖喱魷魚，湯底腩汁，另加小辣孖寶辣汁值得一讚龍蝦丸入邊有小魷魚爽口彈牙，咖喱魷魚亦十分爽口，蘿蔔鮮甜軟綿綿。喜歡加辣菜脯放入湯底。而男朋友叫了米粉拼豬紅，墨丸，牛腩，魚肉春卷，湯底腩汁。值得一讚魚肉春卷彈牙美味，墨丸爽口，牛腩軟綿綿。整體以車仔麵來說很足料，價錢合理，三個餸套餐$48送熱餐飲，而每一款餸只需加$9起。如果想喺葵廣快食一個餐，可選擇此店的車仔麵呀。

今日和朋友去葵芳交收，突然落大雨，立刻跑入葵涌廣場避下，見到一家食肆收銀前企左好多人，有的等位、有的等外賣，也有排隊比錢，那食肆原來是孖寶車仔麵 ，咁多人幫襯質素同味道應該唔錯，剛好是晚餐時段，我和同事都想試試！急不及待已經加入等位行列，不需數分鐘已經有位了。食店提供多款港式小食，車仔麵也有不少餸選擇！腸粉配搭濃郁醬料，口感軟潤爽滑，色白甘香，不肥不膩，老少皆宜。滷水雞髀肉質嫩滑，重好入味。剔紙仔揀咗自選3餸車仔麵套餐，雞中翼、豬大腸、菜肉雲吞和幼麵，配秘製汁、腩汁、蔥花。車仔餸份量十足，三餸已經蓋滿整碗麵，雞翼嫩滑，豬大腸帶少許脂肪，味道咁香，菜肉雲吞足料。秘製醬汁是湯底的靈魂，加埋腩汁更惹味，幼麵份量夠多又爽口。豬皮、豬紅、豬大腸和幼麵，配秘製汁、腩汁、蔥花。豬皮爽口，豬紅滑嘟嘟，豬大腸比較有嚼勁，但不硬，口感咸香， 車仔餸味道濃郁入味！十分美味！凍咖啡熱阿華田自選3餸車仔麵送熱飲，凍飲只需加3蚊

好耐無行過葵湧廣場啦🤩行完街買完野就緊係醫肚啦🤩孖寶車仔麵，除咗車仔麵外仲懷舊小食架❤️第一時間緊係叫車仔麵，仲係下午茶時間仲係42蚊三餸車仔麵‘抵’魚旦魚皮餃牛柏葉幼麵配腩汁唔講得少下午茶都勁大碗，魚旦彈牙，牛柏葉爽口入味，魚皮餃好大粒，唔怪得之咁多人排隊啦👍貢丸咖哩魷魚魚肉春卷油麵+3蚊配沙爹汁咖哩魷魚好入味好爽彈，魚肉春卷好味道喎😁最正係我至愛嘅貢丸大大粒仲係香姑貢丸正呀👍沙爹汁好有沙爹味，加埋店內獨有嘅辣菜甫super yummty😋😋仲叫左爽滑腸粉同碗仔翅啊腸粉望落去都已經係知道好滑啦，woo食落去真係好滑呀👍10蚊三條抵呀❤️碗仔翅估吾到咁大碗👍真係食唔哂😅超入味👍但係喊咗啲😅真係好好味👍👍估唔到車仔麵檔都有咁多懷舊美食架❤️好正呀下次一定要再嚟買野同埋食野😁😁孖寶車仔麵地址：葵芳葵富路7號葵涌廣場地下A15號舖

今日黎到葵涌廣場搵食，當然要食由細食到大既孖寶車仔麵，價錢實惠，選擇眾多，而且乾淨衛生，近年大玩懷舊老香港🇭🇰裝修風格，別有一番風味。3 餸麵套餐（HKD48)附送熱飲: 滷水雞翼+ 咖喱魷魚🦑+ 花枝丸配米線加秘製醬汁。米線份量大，大大碗食完都幾飽，湯底正常，必定要加秘製醬汁，香好多米線吸曬湯底精華。滷水雞翼醃得好入味，肉質嫩滑而且香濃入味。咖喱魷魚掛滿咖喱醬汁，夠曬惹味，食落爽彈。花枝丸有魷魚顆粒係入面，食落正常。3 餸麵套餐（HKD48)附送熱飲: 沙爹牛肉+ 牛丸+公仔麵🍜：沙爹汁香濃細滑，花生🥜香味濃郁比較濃稠，帶起公仔麵麻油香，忍吾住外加多一份沙爹牛肉，毫不吝嗇的大大塊牛，沒有一點鬆肉粉，食落嫩滑吾鞋口。牛雜（HKD 30):非常足料，大大碟牛雜，明明已經有數舊蘿蔔墊底但都有一堆牛肚，牛腸、牛肺等，沒有一點異味，炆得好焾又入味，配埋蕃茄汁同芥茉醬，提升整體牛味。重點嗜辣者一定要加其自家製辣菜甫，香辣得黎增加咬口。總結：平民良心小食店 葵廣車仔麵首選

喺葵芳想食車仔麵嘅時候，孖寶車仔麵幾時都係我嘅首選，最鍾意佢嘅手打麵同滷水配料，而且性價比高，$48可以揀三款餸仲包埋嘢飲，飲開佢嘅凍檸茶茶底靚、茶味香～今次揀咗豬頸肉、牛雜同滷水鳳爪，一樣份量足，豬頸肉大大塊有嚼勁，牛雜同滷水鳳爪煮得好淋好入味，加$3要埋佢嘅辣汁令到成碗面嘅湯底更有層次。朋友讚豬紅蘿蔔一樣炆得好入味，如果唔想食湯麵嘅朋友仲可以配腸粉添。呢度嘅燒賣、魚蛋、魚肉碗仔翅味道正宗又足料，絕對係葵廣快食之選～

去開葵芳整啲野，搞掂完餓餓地就黎左呢個平民商場食晚飯，六點幾已經人頭湧湧😮我叫左個車仔飯，配料選擇多到眼花撩亂，結果點左五個餸🙈😂❤️蘿蔔 冬菇 雞腎 五香豬頸肉 生菜 配秘製汁少飯 跟熱檸蜜 蘿蔔好大舊，夠淋清甜無渣😋冬菇幾入味，唔會太薄，口感唔錯👍雞腎係帶少少淋唔係爽口果種質感，但唔會鞋口，調味適中唔會過鹹～五香豬頸肉香料味突出，食落超香口！！肉質彈牙，有驚喜！🤤熱檸蜜足料，跟餐唔駛加錢👍👍呢度有飯有麵有小食，價錢親民，店員服務仲好殷勤💯 絕對係葵廣可以坐低堂食一個非常唔錯既選擇😙

葵涌廣場多平民野食出哂名 呢間車仔麵長期大排長龍 今日一定要試吓佢咩料叫咗個腸粉底 有蘿蔔雞翼生菜 仲有另叫左雞髀 同埋腐竹蛋糖水個腸粉好滑 加左麻醬 甜醬同埋豉油真係超級好食 喺香港嘅特色街頭小食風味 香港既味道呀 另外雞翼滷水汁忟得好淋好入味 就咁食已經好惹味 蘿蔔吸哂個腩汁真係冇得輸 雞脾大隻到可以同朋友share 啖啖肉都只係廿蚊 糧尾真係靠哂佢拯救世界 最後食埋個腐竹雞蛋糖水真係perfect match 其實佢仲有好多嘢食嘅選擇 但係一個人食唔晒咁多 下次要再試埋其他 終於知道點解佢大排長龍 價錢經濟貼地 真係會食極都唔厭