孖寶車仔麵

营业中

休息中

去 #葵涌廣場 除咗掃街之餘 係地下果層有間 #黃店 #車仔麵 可坐底慢慢食仲要有 #下午茶 #三餸麵 $42 包飲品 #凍飲加$3 #油麵 食車仔麵緊係要食油麵啦😉#腩汁 最穩陣之選 去邊到食都係😂#蘿蔔 估唔到有食5、6舊 #冬菇 炆得夠腍 夠入味#牛腩 清湯腩 唔會好肥#牛肚 佢忘記咗🤦🏻‍♂️記得要check單另外散叫咗 #小食 #雞中翼 $22 有五隻 （睇menu相得四隻 賺咗✌🏼）滷水炆得好入味 又夠大隻#值得一試 #芝士腸 $13 有五條#香港美食 #葵芳美食 #葵芳黃店 #港式車仔麵 #hongkongfoodie #hongkongfoodblogger #hkig #followandfollow #hkfoodie #foodblogger

平時行開葵廣離不開都係掃街，但果日真係肚餓到暈，拿拿聲坐低趴返碗車仔麵先🥹三餸車仔麵套餐 $48我地叫咗粗麵配上豬紅，豬大腸，雞中翼，粗麵嘅麵質都唔錯，餸嘅份量都適中，豬紅爽口滑身，豬大腸都幾入味，雞中翼嘅Sɪᴢᴇ都唔算細隻，肉都幾嫩滑😆五香牛什 $30/碗呢碗牛什好足料，份量好多，自動有埋甜醬同芥末醬，呢個位真係加分👍🏻👍🏻 每款都做到好入味，牛肺同牛肚相對出色，蘿蔔就梗加唔洗講，一定要食🤤 勁入味又無渣👍🏻 墨魚條碗仔翅 $25呢碗好有驚喜，係好傳統港式嘅碗仔翅嘅味道，配料一樣無手軟，冬菇絲，木耳絲滿滿一碗，墨魚仔就爽口彈牙，墨魚味好濃，比起食魚肉翅多咗一份開心嘅感覺😆 唯獨今次呢碗就比較稀咗少少，稠返啲就更好喇😗5粒為滿分味道 ⭐️⭐️⭐️性價比 ⭐️⭐️⭐️⭐️餐廳地點 ⭐️⭐️⭐️餐廳舒適度 ⭐️⭐️⭐️翻喫指數⭐️⭐️⭐️

葵芳嘅葵涌廣場一直都係一個偉大嘅地方而且裏面還有一間人人都認識嘅良心小店一間良心小店自然服務都比較細緻今日淨係嗌咗一隻雞髀同埋一碗碗仔翅滷水雞髀連同一隻膠手套 咁就唔使怕污糟食得開心啲講開隻滷水雞髀 真係冇得頂 夠晒入味而且一咬就好容易將雞俾肉咬離開骨頭證明時間同埋實力嘅保證另外嗌咗一個碗仔翅加上墨魚滑淨係聽個名都知勁啦事實上亦都係非常好食依度仲有好多好多唔同嘅地道嘢食真係日日嚟都唔怕厭係咁以影吓張餐牌都吸引死人而且性價比非常之高難怪不斷擴充營業越來越多座位這些人間美食千其唔可以俾佢消失多多支持

.車仔麵一直係香港美食 上星期去行葵涌廣場見到地下有呢間孖寶車仔麵 仲有我最愛嘅瑞士雞翼 即刻二話不說入去食！.同朋友叫咗兩碗四餸車仔麵 麵底有好多選擇 我揀咗米線 豬大腸 魚皮餃 雞中翼 腸仔雞中翼果然浪不虛名 甜甜地又咸咸地嘅瑞士汁 非常入味 雞肉肉質嫩滑 魚皮餃皮薄 大大粒 成碗車仔麵勁吸引 加咗腩汁同葱花更出色.朋友就叫咗雞腎 雞翼 麻吉燒 鹵水豆腐幼麵麻吉燒入面係包住煙韌麻薯 口感特別雞腎爽口 鹵水豆腐好入味 吸晒湯汁食最正👍🏻幼麵彈牙 麵底都唔少配返杯凍檸茶 夏日炎炎 即刻gur返啖氣😋掂呀！

平凡日子嘅放工生活，平均每個星期有兩次都食車仔麵，而我哋特別鍾情呢間孖寶秘笈。坐低自己畫底圈好食乜，三餸車仔麵加熱飲，$48，性價比之選。我嘅選擇係牛丸蟹柳包心蟹子丸，配腩汁米粉加辣菜譜。呢啲堪稱小朋友都鍾意食嘅丸類，或者係打邊爐必落嘅餸，冇錯我就係鍾意佢簡單方便，佢嘅腩汁米粉👍🏼好索湯，包心蟹子丸好推介呀，睇下入面嘅橙色蟹子先😍，牛丸彈牙牛肉嫩口，辣菜譜要讚，同埋必落㗎，會令米粉生色不少！蘿蔔雞中翼牛腩米線🍜(腩汁)，蘿蔔配腩汁索晒啲汁，係非常符合大眾口味。當然唔會令你失望啦，又林又多汁嘅蘿蔔👍🏼，雞翼嘅滷水好入味，肉質滑身軟林林，有啲似小時候野餐，屋企會整嘅滷水雞翼，好有回憶嘅經典小食。牛腩唔會太肥，仲有少少牛筋添，係骨膠原呀，正。😀小食我哋叫咗$10燒賣，$10魚蛋，個燒賣好好食😋，配埋秘製辣椒油，地道香港特色。魚蛋雖然揀咗唔辣，(好彩)，就算話唔辣，佢本身嘅汁都有已經有少少辣。唔可以坐喺小店，享受街頭美食，樂也！三餸麵會送一杯熱飲我叫咗熱檸茶，朋友叫咗熱華田。總結，食咗地道香港街頭美食，車仔麵同埋掃街食物，性價比好高，貼地平民嘅美好日常。

抗疫第一件事係外賣，我又對呢間車仔麵情有獨鍾，放工整返個滷水拼盤、三餸米粉返屋企又美味慳時間嘅一餐。呢度嘅滷水真係正架！夠哂入味，拼盤咩都有唔洗煩。最正係滷水腎片，滷到夠淋易咬口，雞腳豆腐雞翼都入哂味，濃而不咸。陳皮魚蛋蘿蔔雞腳米粉，重點在於正宗陳皮魚蛋，唔會太淋，不失彈性，亦都有好香陳皮味，係舊日嘅味道。最重要梗係叫阿姐加秘製辣菜脯，咁就完美。腐竹蛋糖水腐竹已經溶晒喺糖水度，好似飲豆漿咁，仲有隻滑滑雞蛋，見到都流口水，食落好香黃豆味。唔飲汽水我會買呢度100%香港製低糖豆漿，唔太甜又香豆味，正！

來到葵涌廣場，通常都是掃街覓食，東一家，西一家到處走，都是站在店旁邊吃完就走，很少坐下來，這天晚飯過來想坐下來吃碗湯麵，於是就在地下那層找到這家麵店。餐牌是本秘笈，很有趣。牆上面亦貼上了一些香港標語牌，帶點懷舊情懷。鳳爪、燒賣除了車仔麵，還有很多港式小食。燒賣加點辣油及醬油，已經很惹味。鳳爪醃得很入味。三餸麵套餐公仔麵底，餸菜有豬紅、豬大腸、咖喱魷魚、辣魚蛋，只需加錢可再額外添加配料。咖喱魷魚爽口，魷魚鬚肥美，有嚼勁。豬大腸煙韌，大大條。湯底加了孖寶辣汁，大辣，不過辣度還可接受。

第一次食孖寶車仔麵，揀咗套餐：三樣餸 + 一款麵 + 一杯熱飲，$48，好抵食。餸都好多款式，可以配搭自己喜歡嘅醬汁。魚肉條 豬腸 米線 秘製汁 咖哩魷魚另上魚肉條偏粉，但份量好多；豬腸無乜特別味道，口感夠淋；米線正常，唔會好碎身。秘製汁係偏甜，完全唔辣，少少香口，但又唔似咖哩或香辣嘅醬汁。咖哩魷魚咖哩魷魚另外用小碟上，咖哩醬汁味唔濃，偏甜味，唔夠香辣，魷魚爽口，似冷盤嘅溫度，有少少失望。豬頸肉 蘿蔔 豬皮 油麵 秘製汁豬頸肉同油麵正常水準，無特別。蘿蔔就好好食，好清完全無渣，而且好入味又食到蘿蔔嘅香甜～ 豬皮厚身，吸收晒啲醬汁，同蘿蔔一樣好入味，值得一食。熱檸蜜（無需加錢）每杯有兩片檸檬，蜜糖味偏淡。仲有其他飲品可以選擇枱上有樽大嘅辣菜莆，好香口，可以加落麵食，或者小食。

今日晚餐又是至愛的葵涌廣場孖寶車仔麵店 想讚下餐廳出餐快咗 麵、餸選擇多 食物豐富大眾美食類： 滷水雞髀+滷水汁雞翼🥰都係我的至愛唔會叫錯系列 雞髀🍗好入味 啖啖肉充滿滿蛋白質孖寶招牌滷到啲味入晒骨而且啖啖肉👍🏻下次會試埋佢嘅雞腎咁就全雞宴加埋個走辣椒醬的腸粉底都唔需要加錢 咁食法減唔到肥 但都係開心醫肚最重要！減肥就明天😂另外蘿蔔及蠔油生菜🥬都係解膩健康配菜之選小食車仔麵&腸粉好好食 每次經過都係必食

位於葵涌廣場的車仔麵食店，港式街頭小食及車仔麵。客人可在點餐紙上自由剔上喜歡配料、麵條、湯底醬汁等等。餸菜選擇多，餐牌上也有預設配搭。孖寶推介：生菜魚肉湯魚肉條較柔軟，生菜剪成細塊，浸在滾湯一會兒，方便跟湯一起進食。湯帶點麻油香。三餸麵套餐麵底：手打麵湯底：清湯、蔥花餸菜：滷水豆腐、花枝條、菜肉雲吞手打麵是粗麵條，看上去像烏冬，但是口感不一樣。這款麵條較硬身，不煙韌，但蠻有口感。味道不夠的話，還可以自行加辣菜甫及辣油。另外還有一款不辣的菜甫，那款則是甜甜的。滷水豆腐大塊，整塊吸滿滷水汁；花枝條富彈性；菜肉雲吞皮厚，餡料飽滿，菜肉比例均勻。

📌孖寶車仔麵📍葵芳葵富路7號葵涌廣場地下A15號舖☎️34273498★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*去葵芳行街多數會去葵廣搵食。雖然葵廣咁多美食，不過老字號嘅孖寶車仔麵咁多年都屹立不倒，仲可以有三四個鋪位容納大量食客，一定有佢過人之處。三餸車仔麵（💲48）三餸車仔麵揀咗鳳爪、豬頸肉同豬紅配米線及秘製汁。鳳爪好淋，鹵水好入味！豬頸肉肥瘦適中，豬紅爽口滑溜。秘製汁更提昇湯底嘅層次。枱上仲有菜甫同辣菜甫任加，菜甫好脆好新鮮，唔係放咗好耐好霉果啲嚟嘅。 🌟 三餸連熱飲$48，想另加餸每款都只係+💲9，轉凍飲+💲3。價錢真係好實惠！墨魚條碗仔翅（💲25）呢個碗仔翅真心好好飲，又大碗。仲要一啲都唔留手俾咗7-8條墨魚條，口感好彈牙。👍🏻孖寶除咗車仔麵，仲有其他不同嘅港式小食如腸粉、燒賣、魚蛋、碗仔翅等。如果唔想食麵仲可以轉腸粉，聽到隔黎枱讚腸粉彈牙。下次我都要試下先😋★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*

葵廣唔掃街就係食呢間，已經第三次嚟啦😍佢座位好多，次次都唔洗點等！🍜三餸麵套餐 (8/10) $48🍜同朋友一人一個餐試多幾款！試咗牛肚、牛柏葉、咖哩魷魚、雞腎、豬紅、五香豬頸肉、牛腩，全部都冇失望😝魷魚爽口，個咖哩汁好惹味。雞腎入味，片片都好厚身。牛肚牛腩全部都煮到稔身。豬頸肉油脂滿滿😆豬紅唔腥唔散，牛柏葉都唔韌！+$3就可以轉凍飲/枝裝豆漿超抵🤩記得記得要剔秘製汁！佢嘅撈麵比較濕，我個人鍾意湯麵多啲🥳💛見佢有得揀腸粉，次次都想剔但最後都冇食😂下次一定會試！

📍 孖飽車仔麵 / 葵芳係葵廣街坊嘅經典車仔麵味道!! 湯底同配料非常濃郁但唔會過鹹，份量十足✌︎('ω')✌︎ 必食嘅豬頸肉肥瘦適中、牛肚滷得超入味、豬腸大大舊&脂肪比例極高！食厭掃街不妨坐低試試佢 (⁎⁍̴̛ᴗ⁍̴̛⁎)佢規定咗最少三餸一麵底，不過再加料都係劃一九蚊🤣所以我覺得食肉嘅好抵食hahahahaღ 豬大腸 + 雞中翼 + 五香豬頸肉 +魚肉春卷 $57ღ 豬大腸 + 牛肚 + 五香豬頸肉 $48回頭指數😼3.5/5（葵廣堂食之選

好耐無黎葵廣坐低食野啦👅 三餸麵套餐 $48（冬菇，蘿蔔，咖喱魷魚）秘製汁米線冬菇係我鍾意既口感 飽滿有肉又夠滑 菇味都有👅 蘿蔔好甜無渣😚 咖喱魷魚好爽口 咖喱汁甜甜地都好好味😍 魷魚食到有啲唔夠喉🤣三餸麵套餐 $48（五香豬頸肉，滷水豆腐，雞腎）秘製汁米線豬頸肉好淋 一咬就會斷開，滷水豆腐已經醃得非常入味 豆香味仍然存在😚 雞腎偏薄🤔厚啲會有咬口啲😆招牌碗仔翅 $20比較係芡汁個種類型， 啲料都算係咁 有冬菇絲，木耳絲，蛋絲同肉絲～ 配埋佢地自家製既菜甫好味😋

今日行過葵芳，食厭咗葵廣嘅小食，點知比我搵到間未食過嘅車仔麵！🥰仲要超多人排隊，好彩雖然多人但係座位都安排得好快❤️孖寶車仔麵。自選車仔麵嗱嗱嗱菜單就喺度啦大家可以見到我食咗碗超豪華嘅車仔麵最最最重要嘅係佢竟然唔使$80！喺香港$80食咗啲乜嘢😂我加咗牛腩、牛丸貢丸、蘿蔔、豬頸肉、沙嗲牛肉！真係好好味！一想到你已經有好濃郁嘅沙嗲醬味，簡直忍唔住流口水最正就係可以將啲面撈埋沙嗲醬，仲有佢嘅秘製汁🥰，人生簡直太快樂啦！好欣賞佢嘅豬頸肉同埋沙嗲牛肉😌！真係好香好Q😍肉味好正，而且口感好好😍牛丸同貢丸都真材實料，味道正宗，爽口彈牙😌啱晒我😂另外加咗一杯香港特色：茶走❤️好香濃好絲滑🥰會話非常正宗，最愛煉奶嘅甜味。