孖寶車仔麵

营业中

休息中

呢間車仔麵檔見到open rice 好多人介紹,每次行過都經常超多人，今日見肚餓就試下先~最正係每一張檯都有一罐辣菜脯同原味菜脯任你自己添加，辣菜脯口感爽脆，增加左車仔麵既口感，超惹味～三餸車仔麵 $52 仲包一杯熱飲三款湯底選擇 清湯/腩汁/秘製汁雞翼尖 豬皮 牛腩 麵底配烏冬雞翼尖好肥美唔乾身；豬皮好入味超爽口；牛腩煮得淋身仲有牛根；粗身嘅烏冬麵質彈牙，車仔麵份量大大碗，我自己再加入大量辣菜脯，口感更加豐富超正～天氣咁凍，最適合飲碗暖笠笠的糖水甜品滋潤一下，腐竹雞蛋糖水清熱潤肺、美顏養生 ，好喝又滋潤。

呢間車仔麵每次經過都好多人，這𥚃有幾間舖位提供超多座位，我哋等一陣間就好快可以入坐。湯底係店主每日用上大量豬骨新鮮熬製，完全無味精，食哂成碗麵都唔會覺得口乾。3餸車仔麵套餐 $52包熱飲一杯湯底有三款選擇 清湯、腩汁、秘製汁另外+$3可選沙嗲汁/孖寶醬汁(小或大辣)我叫左雞翼，辣魚蛋同豬大腸配油麵，最鐘意呢度嘅雞翼肥美又大隻；辣魚蛋係用陳皮魚蛋超正，大大碗真係好抵食～同埋呢度有辣菜甫俾你自己任加，超正😋另外，再叫左碟生菜新鮮好爽脆，腐竹蛋糖水煲得夠濃夠滑👍🏻

下午茶時間去到葵涌廣場👣⋯⋯本來又想衝上上面掃街🤤但今日早餐🥣晏晝都未食🫥個肚餓到响哂😂😂😂真系勁肚餓～就去左孖寶車仔麵店🍜好彩甘岩系下午茶時段☕️唔系甘多人排隊～唔使點等位乍…可以拿拿聲叫野食😋孖寶車仔麵啲餸出哂名好食👍🏻每款餸都系用心製作～車仔麵好唔好食一食就食得出😏大腸真系越級入味👍🏻再淋上秘製醬汁簡直無得輸✨✨✨配埋個爽口粗面🍜啲面索埋啲汁好食到呢🤤🤤🤤仲有佢地既辣菜脯👍🏻辣味系岩岩好～唔會過辣搶哂碗湯汁既味🔥反而將醬汁湯汁既味道提升👍🏻唔辣菜脯都好好食😋不過辣味岩我口味多啲😂😂😂

葵廣有好多食肆，競爭相當之大，但係呢間孖寶車仔麵就做到冇停手，星期五晚都有勁多人食。車仔麵三餸$52包熱飲，有幾十款送選擇，一般大路嘅餸都有得食，湯底亦都有得揀腩汁、辣汁、秘製汁等等。我要左個三餸麵，雞翼、煎蛋、魚肉春卷配烏冬，加腩汁。雞翼撈得相當入味，而煎蛋亦都煎到蛋白窿、蛋黃留心，都幾出色！至於魚肉春卷，表面睇落稍為燶咗啲，原來入邊係鯪魚肉，難怪咁深色。朋友都係要三餸麵，餸菜揀咗咖喱魷魚、牛腩同埋豬頸肉，米粉加咗腩汁同秘製汁。秘製汁相當出色，有啲似咖喱沙嗲汁，而咖喱魷魚亦都好出色，個汁好惹味！而牛腩同豬頸肉都好爽口，呢個價錢收貨。飲品揀咗熱奶茶同熱檸蜜，唔使另外加錢，抵飲👍🏻百零蚊就食得飽，終於明點解人氣咁勁！

今日經過葵芳廣場👣見到間想試好耐既車仔麵店…今日終於有時間坐底食下啦😋車仔麵既款式都算幾多選擇👍🏻整體味道真系唔錯🙌🏼大腸夠哂入味👍🏻雞翼入味到連骨到好想食埋🤤今日試左粗麵🍜個麵一啲都唔馬虎✨是爽口的…加左菜甫落碗麵到🔥真系昇華左再好食左架😋如果中意食辣，記得加埋辣菜甫。個菜甫真系要必落👍🏻再叫左碟咖哩魷魚🦑咖哩魷魚個汁勁野味🔥啲魷魚又唔會炆到淋哂💧口感好加上野味咖哩汁😆推介要一試

葵涌廣場有間好耐歷史既車仔麵店，差不多小學到依家仲喺度，仲越來越多客😆。最近減肥，我只食蛋白質，而朋友就食車仔麵，各取所需👍🏻🥢滷水雞脾 :滷水入味又唔太咸，既醫肚又提供大量蛋白質，可以encore。🥢生菜魚肉翅：有冬菇絲、木耳絲好足料👍🏻，唔加胡椒粉都好好味😋。🥢滷水豆腐 ：惹味又夠份量，可以二人分享。🥢菜肉雲吞: 白菜🥬加豬肉既上海雲吞好大粒！🥢咖哩魷魚🦑：好香咖哩味又唔辣。味道 : 🔅🔅🔅🔅新鮮：🔅🔅🔅分量：🔅🔅🔅🔅衛生：🔅🔅🔅速度：🔅🔅🔅🔅（5🔅為滿分）

位於葵涌廣場地下的港式車仔麵店，佔地數個店鋪位。每一枱座位均有調味料、還有原味及辣菜脯，供客人自行添加。小食：燒賣、辣魚蛋魚肉燒賣沾上豉油，口感煙韌；配上辣魚蛋，雖然細細粒，不過粒粒爽彈，那股辣味慢慢滲出來。3餸麵套餐：花枝條、齋麵筋、菜肉雲吞麵底：手打麵湯汁：清湯清湯底本身清淡，自己添加辣椒油及菜脯，令味道更豐富。齋麵筋較乾身，本身沒有醃味。花枝條肥美，每條都富有口感，彈性。兩大粒雲吞包裹著菜肉餡料；整體份量蠻足料。跟套餐可以免費選熱飲。

呢間車仔麵可以以味蕾憶起香港人往時既滋味😋最近返到去學生時代常踏足既車仔麵擋以前經常到葵廣掃街就一定會食過呢間「孖寶車仔麵啦」返去食呢碗車仔麵 叫返我學生時必order 既配料另外仲要必要order袐製汁做湯底車仔麵食起黎就夠哂滋味香濃既袐製食過都真係停唔到口加上我order豬紅同豬樣同袐製汁都好夾依家提起又想再返去食回憶返哂黎！重點味道咁多年依舊咁好味😋好開心～今日返到黎「孖寶車仔麵」可以依然食返回憶中既味道👍🏻👍🏻👍🏻係香港人必食既味道太正啦！

葵廣真係由以前讀大學已經成日去，貪佢d衣服加餐廳都性價比高，學生可以負擔！以前真係買串小食都要左度右度，現在出左社會，終於可以任性地叫三餸車仔麵！仲可以叫多個小食！孖寶車仔麵其實由幾個鋪位組成，檯面非常乾淨，仲有辣同原味菜脯任食！一個三餸車仔麵連一杯飲品（$52）🌟腩汁+秘製辣汁（小辣）+牛柏葉+豬紅+辣陳皮魚蛋幼麵辣汁一d都唔辣，味道剛剛好！有5粒魚蛋+6件豬紅火+好幾件牛柏葉！女仔份量足夠！當日配左熱奶茶！🌟秘製汁+粗麵+豬紅+魚皮餃+豬頸肉好味豬頸肉，一d都唔「鞋」如果麵多少少就好，男士就可能唔夠飽🌟鹵水豆腐（$16）6件非常入味！值得試！！

本身葵芳都少去，但係今日實在忍唔住！實在太掛住孖寶車仔麵啦！呢間舖頭我可以話由細食到大，仲記得嗰度嘅腸粉燒賣永遠都係我嘅最愛😍去到今時今日都仲係咁好食呢度啲嘢好抵食㗎， $52就有三餸麵仲送埋飲品！。大熱凍檸茶非常推薦大家叫佢哋嘅凍檸茶！大啦啦差唔多成半個檸檬🍋茶底夠清爽，茶味好出，真係夠晒「港式」！。獨家奶茶另外都推薦佢哋嘅獨家奶茶！平時就飲茶走嘅，但係今日點都要試吓佢嘅凍奶茶！茶底濃厚，比例啱啱好，掂晒！。推薦加$3沙嗲汁！一定要配撈麵！呢度嘅撈麵可以揀面底，咁我就梗係嗌佢哋最好食嘅粗麵啦，雖然好邪惡，但係所有卡路里都係值得㗎！濃郁嘅沙嗲醬，好惹味，仲夠晒香口，一定要試吓！除咗面之外，呢度嘅配料都有好多選擇！人氣之選！💕燒賣！😆請一定要嗌燒賣！搵到更好食嘅當我輸😱另外呢度嘅菜肉雲吞都好唔錯，皮薄餡靚大大粒，另外牛腩、肉丸、牛丸，牛雜都好多人揀㗎！大家得閒快啲嚟試吓啦！

每次黎開葵涌廣場都忍唔住要食返個車仔麵，又好食又抵食！今日難得經過葵廣，於是特登去食返個下午茶！今次叫左下午茶3餸麵(豬大腸、韮菜、水魷魚)，再配我每次都一定揀的秘製汁湯底✨️車仔麵的湯底真係好重要，估唔到咁耐冇黎食都仍然保持水準❣️特別推介個水魷魚，加$5但真係一定要加🤣 勁爽脆同好食！！由於太肚餓的關係🤣仲叫多左串牛雜！點知很有驚喜😳 牛雜煮得啱啱好，好好食！睇黎下次都要記得再加串牛雜😂3餸車仔麵+1串牛雜+1杯凍杯，加埋先70幾蚊。食到勁飽🙈 真係好抵呀❣️

葵涌廣場最好食嘅餐廳之一就係孖寶車仔麵，耐唔耐都會同老婆過嚟食車仔麵 🙊牛腩、豬頸肉、雞中翼、醬爆肉丸、秘製汁河粉 👍🏻牛腩，佢地嘅牛腩真係好滑好嫩，超好味！👀豬頸肉，每一件都好嫩滑，入口即溶咁！🙊雞中翼，肉同骨好易分開，同埋滷得好入味，真係不得了～😃👏🏻醬爆肉丸，每一粒都彈牙又有彈性，一咬落去 d 肉汁爆晒出黎，正！秘製汁河粉，河粉滑口又好彈牙，秘製汁特別濃郁，超正！水魷魚、雞中翼、包心蟹籽丸、孖寶辣汁(小辣)油麵 👏🏻水魷魚，啲魷魚好爽脆～包心蟹籽丸，入面一粒粒既蟹籽提升咗口感嘅層次 👀孖寶辣汁小辣，辣味啱啱好，油麵就係老婆既最愛 😛最後，燒賣魚蛋配埋，每一口都好有咬勁，真係好好食！凍檸茶，夠晒解渴～凍鴛鴦，咖啡味比奶茶味濃郁，好飲 👍🏻大大碗車仔麵，好味又食到超飽，好滿足 🙊

每星期都會去葵芳，幾乎隔個星期就會去吃孖寶車仔麵，每次去都坐滿了食客，因為真的很好吃！！！車仔麵➀油麵+小辣湯底。湯底香辣而不過火，適合喜歡微辣的人。油麵的質感很好，不會太軟或太硬，吸收了湯底的鮮味。包心蟹籽丸每一粒都很大粒，咬開後會流出蟹籽和肉汁，十分鮮美。雞中翼用滷水煮過，入味而不咸，肉質嫩滑而有嚼勁，每次來都必點！水魷魚很彈牙爽口，值得推薦😍😍車仔麵➁河粉+秘製汁湯底。湯底味道濃郁而有層次，適合喜歡重口味的人。河粉比較粗身，不會吸收太多湯汁，保持了自身的口感。醬爆肉丸裡面鬆軟多汁，老公每次來都會點這個。牛腩煮得很軟熟，不用太用力就能咬開，肥瘦適中，不會覺得油膩。五香豬頸肉肉質軟嫩，吸收了湯汁的精華，很香很好吃！小食：燒賣+辣魚蛋。燒賣皮薄餡多，肉香四溢，辣魚蛋彈牙爽口，辣度適中，不會蓋過魚蛋的鮮味，加入甜醬更惹味！飲品：凍檸茶+凍鴛鴦。老公第一次在這裡點凍鴛鴦，大讚茶味很香濃，奶也夠滑，很香很好喝！

孖寶車仔麵今日森仔去到葵芳搵好嘢食。之前一直都聽過有間極為出名嘅地道車仔麵店❤️：孖寶車仔麵🙌🏻🙌🏻佢位於葵涌商場地下😽位置易搵多位，不過同時人流都幾多，有陣時都要等😺食物方面，佢整體質素都係超正！佢主推嘅係3餸麵套餐 ，包送埋熱飲☕️都係$52。（少部份特別餸需要加錢）而車仔麵最緊要就係個湯汁！（需另加$3）孖寶嘅秘製辣汁👍🏻👍🏻真係食過數一數二正嘅🫶🏻當中香辣有層次，不會係死辣和辣油的啅喉。同時香，甜，辣三種融為一體👏🏻惹味非常！我當日叫左魚肉春卷，魚腐，蘿蔔🙌🏻仲要多聰😽魚肉春卷：足料，有兩大條，魚🐟肉味重，外面包裹腐皮都吸下湯汁😍魚腐： 正正常常，配上惹味湯汁，層次就提升了幾個🤓蘿蔔：長時間炆製，蘿蔔香甜淋身，亦沒有渣🙌🏻而凍檸檬茶，茶底夠純✅，檸檬🍋夠味，解渴👏🏻整體而言，孖寶車仔麵絕對值得encore🫢🫢🫢

葵廣超人氣的車仔麵舖，見到 OpenRice好多正評，好受街坊歡迎，一於試吓😆 8點去到已經滿座，仲有好多人買外賣👍🏻 餐廳有自家製醬汁，質素很不錯二人消費：$120 不設加一服務費💖💖食評💖💖𝑭𝒐𝒐𝒅車仔麵四餸 米線配秘製汁 腩汁✨豬大腸、燒賣、雞中翼、芝士腸秘製汁十分香濃惹味，想辣啲可以加辣菜脯👍🏻 配料份量多！竟然有燒賣食，好味😍 特別推薦雞翼肉質嫩滑🥰車仔麵三餸 油麵配秘製汁 腩汁✨雞中翼、五香豬頸肉、沙嗲牛肉油麵軟硬適中，份量多好飽肚，特別推薦沙嗲牛肉 煮得好軟腍又入味🥰𝑫𝒓𝒊𝒏𝒌熱檸水✨