孖寶車仔麵

营业中

休息中

早2日同老公又去葵廣食孖寶車仔麵啦呢間由我讀緊書嘅時候已經開始食 好有回憶一如以往 平日夜晚都好多人 即刻叫返兩個車仔麵set😋價錢仍然都好平 $52有三個餸再加熱飲我叫咗豬大腸 牛雜 瑞士雞翼米線而老公就揀咗牛雜 蟹籽丸 瑞士雞翼 豬紅粗麵個人認為呢度嘅牛雜同埋瑞士雞翼都係必食嘅👍🏻牛雜雖然加$5 但真係有好多部位 牛腸 牛肺 牛心等等 全部都好入味🩷瑞士雞翼都煮到好腍好入味 仲記得以前讀書都會買淨雞翼嚟食 絕對係呢間店嘅王牌

讀書時期間中都會行下葵廣買衫，久未踏足，見到有間好多人食過嘅車仔麵，由於依家呢類舖都買少見少，一於嚟食下以前好易食到嘅小食，支持下港式小店。嚟到都差唔多滿座，一如既往，可以用紙叫餸揀麵。三餸麵包一杯熱飲，價錢尚可接受，呢度比較特別，平時只有麵可以揀，第一次見可以揀腸粉😯依家想食豬腸粉都幾難，一於叫三餸麵改叫腸粉。由於選擇幾多，最後叫咗四個餸，飲品加錢叫咗豆漿。上菜時腸粉燒賣同餸分開放，啲餸用公雞碗上，份量足夠。蘿蔔冇渣，軟硬適中，係有少少咸。魚蛋好夠陳皮味，唔係粉嘅魚蛋，口感非常好。牛肚煮得入味，唔韌。燒賣正常，食到魚味。腸粉嘅熱度啱啱好，食落嫩滑，食唔停👍🏼麻醬唔算多，但都夠味。

葵涌廣場出名小食多又經濟又多選擇 開心大發現車仔麵同樣出!!!!!!長期座無虛席 長期勁多人 真係唔係冇佢原因 而且屹立多年 一定係質素非常之高 先可以做到咁樣 而且佢嘅選擇非常多 車仔麵 飯小食甚至乎糖水都應有盡有！！叫咗一個車仔麵出前一丁配咗沙嗲汁同埋秘製小辣！！叫咗三個餸包括有午餐肉 魚肉春卷 同埋蘿蔔另外仲叫咗個蘿蔔牛雜飯 蘿蔔好入味 吸收晒用水濕嘅精華😍😍放工一餐簡單嘅晚餐經濟又實惠又好食 呢間真係不二之選！！

放假同阿女去葵芳探親友，之後去咗附近葵芳商場行吓，見到有間孖寶招牌麵，金漆招牌一定係老字號。麵檔地方乾浄企理。靚姐招呼週到。除咗車仔麵仲有傳統小食。孖寶招牌麵：有豬紅、豬皮、豬腸、雞翼、蘿蔔、魚蛋和菜，非常豐富。豬紅、豬皮、豬紅、，好入味，豬腸乾淨又夠林，湯底加左秘製醬汁辣汁非常惹味，幼麵都好彈牙。下午茶三餸揀咗豬腸粉，豬紅、豬皮、蘿蔔同樣加辣汁好好味！豬腸粉醬汁好夠，腸粉沾滿醬汁爽滑又惹味。凍咖啡香濃。魚肉碗仔翅足料，魚肉彈牙，加少許醋味道更提升。

今晚我去左知名度極高既車仔麵檔「孖寶車仔麵」🥳🥳 呢間真係食極都唔會覺得厭，因為係好正宗既車仔麵檔黎🤩 車仔麵最出名我當然不能錯過啦😳 熱騰騰既自選三餸菜車仔麵、腸粉都一定必食的😉😉自選餸菜車仔麵牛腩湯汁味道十分濃郁 但又唔會太油膩😆非常適合搭配米線，咖喱魷魚夠彈牙 牛腩肉雖然係經過長時間煮，但仍好味🤗 帶有淡淡既五香味同濃郁既肉汁味👍🏻😽孖寶車仔麵📍 葵芳葵富路7號葵涌廣場地下A15號舖

有啲乜嘢開心過食串魚蛋，食串燒賣？就係有埋腸粉，同埋其他車仔麵嘅嘢食啦🤣🤣🤣佢依度居然有腸粉餐，而且有得隨便選擇唔同車仔麵嘅餸，不過我就冇諗咁多。淨係揀咗啲平時會食嘅嘢，例如魚蛋燒賣同埋雞翼，佢哋味道都唔錯，魚蛋係陳皮魚蛋，然後燒賣都煙韌彈牙，雞翼都好入味！而我朋友仲叫咗一碗車仔麵配住蘿蔔雞翼同埋菜，食落都唔錯。而且有得揀清湯，腩汁，沙嗲汁等等唔同嘅口味。最後梗係唔少得要一個碗仔翅啦，我哋叫咗墨魚條碗仔翅，佢嘅墨魚好彈牙好好食，而且裏面嘅配料都好多！最後梗係要返一杯凍豆漿去解解渴啦，佢嘅凍豆漿係支裝嘅，所以可以拎住走都好方便！

每次來葵廣都會直奔3樓「掃街」。這次逛街逛到累，決定找家餐廳休息一下，選擇了孖寶車仔麵。3餸車仔麵套餐附飲料，湯底有三種選擇：清湯、腩汁、秘製汁。$60 車仔麵 (豬油渣 魚皮餃 朱紅 手打麵 秘製醬汁 凍奶茶)平常吃車仔麵時，我通常會點冬菇、魷魚等菜色。但這次看到這家麵店供應的豬油渣，一種比較罕見的菜色，就想試試看。果然驚喜，香脆的口感與湯底意外地搭配得宜，非常值得一試！朱紅一點都不腥，很入味，而魚皮餃也相當不錯。麵條使用的手打麵很有嚼勁，份量也相當大，一個人吃不完。$12 燒賣除了車仔麵，他們家的小吃也相當不錯。燒賣大小適中，口感不會太粉。$25 魚肉碗仔翅魚肉碗仔翅的底料非常豐富！一定要加上紅醋攪拌後食用，每一口都能品嚐到滿滿的料，相當滿足。$22 腐竹雞蛋糖水至於甜品，我有點好奇一家主打車仔麵的餐廳能做出什麼樣的中式甜品。結果發現他們家的糖水也相當不錯！一大碗的腐竹雞蛋糖水，暖暖的而且帶點甜，個人相當喜歡。總的來說，這家車仔麵的性價比很高，食物相當美味，價格也非常實惠。除了主打的車仔麵外，其他的小吃和甜品也相當不錯！

葵涌廣場人氣食店之一，經過仲有下午茶餐（下午2:30至6:00），有啲肚餓入去幫襯支持一吓。下午茶：孖寶車仔麵（$44）三餸配熱飲豬大腸、牛腩、魚旦、油麵，豬大腸有咬口入味，牛腩一般般有幾舊比較嚡，魚旦好味有彈性，油麵合格。牛柏葉、牛肚、豬紅、米粉，牛柏葉雖然爽口但無咩味，牛肚煙韌唔太痴牙，豬紅普通又係伙無咩味，米粉正常。爽滑腸粉（$10），有三條，尚算滑，撈埋甜醬、麻醬、芝麻，合格之作。整體合格以上，味道OK，價錢合理。

嚟到葵涌廣場呢一個室內掃街勝地，除咗啲舖頭轉得好快之外，就連食肆都轉得零舍快，隔一排冇嚟到又見到唔少新嘅特色小食店，真係體驗到日新月異。 😏雖然上層嘅餐廳小食店變化非常之多，但係喺地下嘅部份永遠都存在着孖寶車仔麵呢一間葵涌廣場嘅老字號。😌呢一度就好有懷舊車仔麵嘅感覺，我價錢方面呢到稍微平過出邊少少，所以值得品味吓😝招牌車仔麵— 🍜唔想左揀右揀嘅話招牌車仔麵絕對係一個最好嘅選擇，🍜裏面就包含着經典車仔麵必備嘅材料，例如彈牙嘅陳皮魚蛋，🍢爽口嘅豬皮，大大粒嘅豬紅，煙煙韌韌嘅滷水豬腸，清湯白蘿蔔同埋滷水雞翼。 🍖至於面底都有唔少選擇，但係油面絕對係車仔麵嘅靈魂。 🍜可以再加埋辣汁咁樣味道更加好， 每一款配料都相當出色，尤其是蘿蔔佢哋亦都揀得非常之清甜，而且極少渣，每粒豬紅都必定係整齊冇缺口，豬皮同埋豬腸就非常之索湯底一咬就爆湯，非常滿足🍜牛雜串— 🐮去到呢啲地方食返轉串牛雜亦都係唔少得，經典嘅牛雜，當然有牛蒡牛肺金錢肚同埋大腸，每一部位都有兩塊，🐮而且每一塊都唔細，配埋甜醬同埋芥茉醬又係一個正宗嘅街頭必食系列🐮孖寶車仔麵 (葵芳)葵芳葵富路7-11號葵涌廣場地下A15號舖

平時去葵廣，都係喺上面嘅樓層掃街多啲，今次試吓地下呢間車仔麵店♨️麵店好旺場，人來人往，充滿活力！！！⚡️✴️冬菇魚蛋雞腎幼麵 配 秘制汁✴️秘製汁味道類似杰自啲嘅滷水汁，甜味突出，混落清湯中啱啱好😋幾樣餸都係水準之上，陳皮魚蛋帶甘香、冬菇炆得入味軟身、雞腎厚薄適中～幼麵都算爽口，但無咩麵香味～✴️腸粉✴️$12有4條，質感順滑，一吸就吸入口😆混醬無得輸，令人忍唔住一條又一條食，好快就清碟🤟🏻

屹立於葵涌廣場多年的傳統港式車仔麵檔，餐牌有有很多選擇，圖文並茂。最多人的選擇是三餸麵套餐，只要直接在點餐紙上填寫選項就可以下單。配料繁多，主要都是港式地道的餸菜。湯底也有好幾款，秘製汁、沙嗲汁、辣汁等等。 雞翼尖除了麵食，還有港式街頭小食。雞翼尖滷得入味，一碟有7－8隻份量，而且比平日大隻，價錢親民。三餸麵套餐手打麵粗身，看似烏冬，不過口感較硬身，質感不是煙韌那種。配料揀選了三款，豬大腸、花枝條、水魷魚。水魷魚爽彈，每條長長的觸鬚。豬大腸軟腍，入味。辣汁湯底，有小大辣之分，味道香辣惹味。套餐奉送熱飲，或可加錢轉凍飲。凍檸茶解渴，解辣。

葵廣真係好多嘢食😛平時行街行到攰都會食少少嘢叉個電再行過😆最常去就係「孖寶車仔麵」今次同朋友就晚餐時間食3餸車仔麵麵係$52 仲送熱飲😋同埋本身個麵已經有菜～ 加分加分😉😉推薦加秘製汁，想食辣又可以加孖寶辣汁🤤辣辣地～好惹味👍🏻我就最鍾意加菜圃！有辣有唔辣～ 免費提供！正啊！除咗有車仔麵、仲有有小食、魚蛋、燒賣、腸粉、同埋鹵水雞髀都好正！任君選擇！所以次次去都好多人🤣好受歡迎！值得一提係全部店員都好有禮貌、服務幾好👍🏻而且裝修都好有懷舊香港風格

呢間車仔麵係葵芳都出晒名性價比高今日係葵廣掃完街未滿足，黎醫下肚就最岩超多餸揀，有成超過50款，真係花多眼亂超豐富孖寶辣汁湯底當然要揀呢到既招牌孖寶辣汁啦，我就點左小辣，我就覺得呢個辣度可以話係岩岩好既，因為佢辣得黎唔會搶左味得個死辣咁樣，而且佢呢隻辣係辣得黎有層次既，推薦之選牛腩牛腩都幾入味，而且佢除左牛腩仲有牛筋魚肉春卷春卷皮炸過，令佢食落有種香氣，而入面既魚肉都唔錯，食落有鮮味回鍋肉一啖入味既豬肉，一啖爽口既竹筍，正冬菇唔算大件，但勝在厚肉又入味粗麵軟硬度剛好凍檸茶茶底不錯，有茶香而不澀仲有爽口既菜脯任加，辣椒油亦都唔錯

孖寶車仔麵❣️車仔麵係🇭🇰香港特色，呢間位於葵廣的老店車仔麵檔人流多，裝修都好懷舊風味。鋪面看似不大，其實內有乾坤😆，入到好入面依然有好多位置坐。Menu可以選擇自己喜好的餸菜，如果有選擇困難症，好似我咁可以揀招牌車仔麵。仲有多款香港經典小食可以選擇。🌟招牌孖寶車仔麵用懷舊雞公碗😇米粉多，餸又多。有魚蛋、豬皮、雞翼、豬紅、蘿蔔、豬大腸。呢度有免費提供菜脯，有辣同唔辣，加幾多都得。香辣菜脯我覺得辣度可以接受，加係麵度更加惹味。而d辣椒醬都係香而少辣。🌟燒賣腸粉魚蛋1⃣️燒賣有彈性，唔係麵粉口感，有魚肉味！2⃣️魚蛋充滿好香的果皮味，而且相當彈牙！3⃣️腸粉好滑，而且係多醬料仲有芝麻！❣️總結，親民地道香港美食，分量多，價錢合理。呢度既燒賣腸粉魚蛋絕對可以再encore。

平時來葵廣都係掃街食小食比較多，今次想搵間平靚正餐廳坐低食返個晚餐，見到呢間孖寶車仔麵好旺場，啲食物好似都好地道咁，重點係有提供埋自家製嘅辣菜脯同埋唔辣嘅菜脯比人撈埋碗車仔麵到食，一於今餐就食返個充滿港式風味嘅車仔麵啦～三餸麵套餐(豬大腸+雞中翼+五香豬頸肉+油麵)💰HK$52叫咗呢到最出名係秘製醬汁，秘製醬汁味道有啲似甜甜哋嘅沙嗲咖喱汁，令到湯底味道更加鮮甜！豬大腸同雞中翼都醃到好入味，五香豬頸肉就爽口彈牙，三個餸都令人好滿意～三餸麵套餐 (煎蛋+魚肉春卷+牛腩+公仔麵)💰HK$55朋友呢碗就叫最地道嘅腩汁，呢到嘅魚肉春卷聽講係用鯪魚肉整，食落去魚味香濃，牛腩係半筋半腩，加埋啲辣菜脯撈埋落個麵到一齊食，成碗麵更惹味，口感更加豐富～套餐包埋熱飲，凍飲要加多$3，我哋叫咗一杯凍奶茶同埋熱檸水～