孖寶車仔麵

营业中

休息中

📍 孖寶車仔麵（葵芳）車仔麵係集體香港人嘅回憶，不得不食😚今日我地收工過黎葵芳食平價版車仔麵一碗麵最緊要係湯底🍜店主用心每日新鮮熬製，用大量豬骨煲，每啖都係誠意💯重點係冇味精，就算飲光了，都不口渴‼️另外可以加$3有沙嗲汁或者孖寶辣汁辣汁夠香而且唔會話好辣湯底可以揀清湯或者秘製汁或者腩汁～本人就比較鍾意清湯，因為真係誠意十足～五十蚊三餸麵送熱飲～麵底有多款可選，今次我地揀左油麵同粗麵，係店鋪既招牌麵底，每條麵都好爽彈，有咬口👍至於餸既款式都好多，全部傳統既車仔麵既餸都有，比較欣賞既係牛柏葉，沙嗲牛肉，醬爆肉丸，牛腩，鹵水豆腐，蘿蔔～蘿蔔炆得好淋，而且有秘製汁既味道，好入味。牛腩肉味香濃而且口感舒服，部位揀得好，唔會太肥膩亦都唔會太乾～

葵廣美食天堂，有很多可以選擇的餐廳。這次下班后和朋友來到這家車仔面，平時唔知食乜既時候，都會果斷選擇車仔面，款式多性價比又高！孖寶都係葵廣裡面好出色既一間餐廳啦，🤓🤓系地面層，位置唔算多，等左5分鐘左右就可以食啦！🤣系用紙仔落單，有好多款小食可以落單！1. 牛腩 牛柏葉 花枝丸 河粉（秘制汁） 💰502. ⁠咖哩魷魚 豬頸肉 雞中翼 河粉（秘制汁） 💰50可以食辣既話，推薦秘制汁！味道好好，配菜都是有調配過味道～陪返呢個汁特別好食😋至少都要食返三個送先夠本！份量夠味道好🥰🥰

曾經有一段時間住喺葵芳成日都經過呢間車仔麵但係都冇食過到之後成日見到有人介紹先知道佢可能好食但係就已經搬走咗 哈哈哈.最近做嘢有機會要過嚟葵芳就醒起可以試吓佢.早餐：好耐都冇食過最地道用膠碟墊住張牛油紙裝住嘅腸粉魚蛋魚蛋係我至愛細細粒嘅皺皮魚蛋腸粉夠晒滑 加埋甜醬辣醬麻醬芝麻冇得輸.下午茶 ： 食碗普通車仔麵加沙嗲汁正常發揮OK 係突然發現食個三餸車仔麵都已經要過$50有啲肉赤碗仔翅幾好食.港式平民快餐～ 可能開始算唔上「平」但「靚」「正」都仲尚算形容得貼切嘅

講到香港地道美食 一定非車仔麵莫屬最近同朋友路經葵涌廣場 就馬上來一碗香噴噴既車仔麵🍜 -位於葵涌廣場地下既孖寶車仔麵 店舖寬敞座位多👍🏻餐牌上有唔同種類既食物 絕對可以滿足你既味蕾我同朋友就選擇左$5既三餸車仔麵套餐連熱飲有好多唔同既餸菜、麵既種類、汁可以選擇 一定有款適合你🥰 -我就選擇左蘿蔔、豬紅、麻吉燒手打麵(腩汁)配熱檸水蘿蔔好甜好軟 吸晒湯底特別好食😋豬紅好軟身彈牙 令我回味無窮而麻吉燒入面既麻糬好煙韌 我超鐘意食手打麵既麵質好有驚喜 好彈牙 配上腩汁好夾👍🏻 - 朋友選擇魚片頭、腩肉、墨及(腩汁)配熱奶茶魚片頭好爽口 牛腩吸晒湯汁好入味而墨丸都好彈牙😍 -除左車仔面 我地仲點左碗仔翅($20)碗仔翅好大碗好足料 份量十足👍🏻入面好多材料 配上麻油香味好好食 -今餐食得好滿足 食到一份充滿香港情懷既味道期待下次再黎試埋其他美食😋

The simplest local cart noodles you will crave for🍜🐷overall: 7/10🍜Cart Noodles with random toppingsLocated in the busiest shopping mall full of newly opened small food stalls offering the hottest snacks choices, this hidden gem offers a simplest local experience of customizing your own bowl of cart noodles with a wide range of toppings, all served in a special broth made from tender beef sirloins.For my bowl, I selected the beef balls, fish balls, beef briskets, and luncheon meat. The broth whic

三餸車仔麵配熱飲 $50黎孖寶車仔麵當然要叫返碗招牌車仔麵啦！我地揀咗清湯配油麵，而餸就揀咗魚蛋（係陳皮魚蛋黎！）、豬紅、牛百葉同埋菜肉水餃。明明人地係3餸車仔面，但男朋友係都要揀4個餸😑(+$10) 大大碗真係超抵食，仲跟野飲好抵~生菜魚肉翅 $26係童年最愛港式地道美食——三溝~~生菜魚肉翅非常令人滿意。首先，魚肉鮮嫩多汁，每一口都充滿了魚的鮮味以及非常彈牙。配以脆爽的生菜，增添清爽口感。碗仔翅調味恰到好處，就算無加入任何胡椒粉、醋都非常夠味，而且材料豐富！墨魚條碗仔翅 $25本身男朋友話兩碗差唔多，叫我唔洗叫兩碗，但墨魚條食落真係唔同味架！墨魚條的口感非常彈牙，而且超有墨魚味，令人回味無窮。碗仔翅的湯汁濃郁鮮美，配料搭配得宜又豐富！

屹立於葵廣廣場多年既車仔麵檔😍相信係人多知😆😆皆因呢到配料選擇多，抵食又地道🤤 仲有多款醬料配唔同既小食添呀，沙嗲辣汁及秘製醬汁一定係食車仔麵食之靈魂😋😋😋孖寶車仔麵📍葵芳葵富路7號葵涌廣場地下A15號舖#朱古力#咖啡#沙冰#薄餅#意粉#据扒#cafe#pizza#fusion#hkfood#hkfoodie #hkfoodblogger#igfoodie#igfood#igfoodporn #igfoodshare #美食推薦 #美食日記 #美食攝影

數數手指，上次踏足葵涌廣場乃疫情期間。今日重臨，店鋪和食肆都多咗，人氣鼎沸。即刻探下，孖寶車仔麵，喜見它別來無恙。港式味道，價錢親民。真是葵涌廣場之寶。*下午茶套餐最抵食，原價$50的三餸餐現只需$44，送熱飲。套餐主食有13種選擇，麵、粉、飯、烏冬、撈麵、腸粉……，相信是全港僅有。餸的選擇更多，足足51款！人人都有選擇的權利。*$44三餸腸粉餐：滷水豆腐、冬菇、魚蛋 + 熱飲$44三餸油麵餐：魚肉春卷、牛腩、蘿蔔 + 熱飲$22滷水大雞髀$10 加一餸燒賣*孖寶的滷水一向有水準，滷水豆腐和滷水雞髀都入味好味。雞髀超大隻，還附膠手套，真細心。牛腩夠軟腍，蘿蔔清甜，魚蛋彈牙。魚肉春卷外層的腐皮煎過特別好味。腸粉夠滑，醬油又足，配燒賣最夾。

車仔麵套餐 湯底有3款你揀 包括清湯、腩汁、秘製汁+$3 有特別醬汁 沙嗲汁 & 孖寶醬汁(小/大辣)因為今日唔想食辣野 所以揀左腩汁🐮麵底係有超多款 住你揀呀🤣有十幾款咁多😆幼/粗麵 米粉 🌾米線、烏冬等 仲有非麵選擇 、飯🍚腸粉 真係多款到樣樣都想試 但食唔到咁多就唯有下一次🩷餸料都係平時見開既丸類 蔬菜類🥬 肉類🥩 海鮮類 內臟等😍真係狂叫唔同既食物🥘🐽🐷🐮🐥孖寶車仔麵📍葵芳葵富路7號葵涌廣場地下A15號舖

要去上堂，黎葵廣食個快飯，同行朋友係葵廣地膽，帶左我黎孖寶車仔麵。朋友推薦一定食滷水豆腐。今次叫左秘製汁撈粗麵配蘿蔔、雞腎同滷水豆腐。車仔麵3餸配熱飲＄50。滷水豆腐真係好好食，豆腐係面有炸過果仲黃金豆腐，入面充滿微甜既滷水汁，好入味。蘿蔔淋，正常發揮，雞腎都ok。撈麵既秘製汁都係微微甜既汁，醬汁分量足夠，最正係檯面有一罐辣菜脯同原味菜脯，可以自己任加，菜脯唔會太鹹，撈入微微甜既秘製汁撈麵好夾，菜脯脆脆的，增加左車仔麵既口感。食完呢份車仔麵好滿足，女仔黎講夠飽。另外，鋪頭既叔叔姨姨都好好禮貌，有人情味，會再黎食。

👍🏻 三餸車仔麵三餸車仔麵揀左咖喱魷魚、五香豬頸肉同埋墨魚丸 而麵底揀左油麵 車仔麵個湯汁揀左秘制汁及腩汁 兩種汁加埋好正 非常濃郁 餐廳好貼心 會分開上咖喱魷魚 而五香豬頸肉味道一流 整得非常入味 車仔麵大大碗 夠曬飽肚又抵食👍🏻 咖喱魚蛋陳皮魚蛋爽口彈牙 配上餐廳嘅咖喱汁 香辣味道好好味😋👍🏻 凍檸茶茶底香濃 加上檸檬嘅清香 係正宗嘅港式茶餐廳味道注意事項⚠️- 餐廳平日提供三餸車仔麵下午茶優惠 仲包埋杯飲品 大家唔好錯過啦

今次去到葵芳行街又鍾意食車仔面拉我友人一齊去食💜又鍾意食腸粉點左10蚊腸粉真係好鍾意食腸粉🤤🤤又滑又夠醬🤭💜車仔面我比較喜歡吃米粉米粉份量不少鹵水蛋、鹵水豆腐都好入味😛秘製醬汁都好夠味😚💜友人點了豬油渣、豬紅同埋餃子🥟豬油渣爽脆口感都好味🤤朋友都覺得好味😋💜湯底味道不錯👍🏻都夠味😌💜地理位置非常方便就在葵廣人們熙來攘往推薦💜腸粉💜鹵水蛋💜鹵水豆腐💜秘製醬汁💜豬油渣

葵廣人氣車仔麵小食店，每次去親都好多人，價錢又親民。多款食品選擇，車仔麵，碗仔翅，燒賣，腸粉，咖喱魚蛋，豬油渣麵，滷水小食，飯類，冷熱飲品，每枱亦有辣菜莆同唔辣菜莆供應，三餸車仔麵送熱飲套餐都係50蚊，平民抵食之選。當晚叫左三餸車仔麵套餐，豬油渣麵，魚肉碗仔翅，咖哩魚蛋同燒賣，兩個人埋單150蚊有找，而且又夠飽肚，上菜速度快，店員唔會因為忙而態度差。特別推介三餸車仔麵套餐，大大碗真係好抵食，加5蚊仲可以轉食牛雜。

次次黎葵廣都係掃街食小食，今次去坐低食翻碗麵。孖寶車仔麵好似自我印象以黎以經係葵廣到，絕對係學生回憶。宜家雖然貴左，但係都仍然抵食，$50有三餸加一杯飲品，而且配料同麵類都有好多款選擇。  1️⃣三餸麵（$50）（豆漿+$3） 麵底揀左手打麵，偏粗身，配料揀左冬菇、金菇同埋咖喱魷魚，再配秘制汁。咖喱魷魚分開左上，口感爽滑，個汁好濃好好味！另外檯面有菜脯、辣菜脯、辣椒油可以自己加。辣菜脯加左之後湯底即刻昇華左🤩佢唔會太鹹👍  2️⃣金牌魚肉翅麵（$44） 碗仔翅絕對係香港地道代表！有冬菇、木耳等等配料，魚肉份量都多，加埋胡椒粉、醋食就啱曬☺️  3️⃣滷水豆腐（$15） 豆腐索左滷水汁甜甜地，唔會好鹹。  4️⃣ 滷水蛋（$6/隻） 滷得入味😋  

👍🏻好多人都去葵廣掃街，不過我平時最鐘意都係去孖寶食車仔麵😂今日同FD行街，佢竟然無食過，簡直難以置信🤭間野長期都好多人，不過個個都手腳好快，其實等得唔係好耐🍜今次我地叫咗三餸麵，分別係豆卜、🥬生菜、🐖豬大腸、滷水豆腐、豬頸肉、厚切午餐肉，麵底分別叫油麵及公仔麵🍜，豬大腸、滷水豆腐、豬頸肉好出色，因為全部都超入味，而湯底又腩汁，啲豆卜、生菜又吸哂啲醬汁，正👍🏻👍🏻另外仲叫咗串燒賣🍡，記住一定要配埋呢間既秘製辣油一齊食，香好多❤️仲有兩杯野飲送，真係超值🤭🤭