孖寶薄餅屋 (已搬遷) 新店位置

細standard pizza好味，多芝士，包又焗到脆脆地。芝士可以拉絲ga!田螺薯泥好食又足料，芝士好夠，回螺有八隻，大大隻！薯泥再creamy d仲正一拉起，芝士絲出曬黎

因為要買埋屋企人嘅午餐，所以我無堂食而係外賣自取，叫左個肉醬意粉加燒雞翼套餐，價錢方面唔貴可以接受，因為意粉栗焗已經預左要等，但真係要等好耐，肉醬意粉通常都唔會整得太難食，呢到都整得ok，有好多肉醬好合我心意，而且唔會太酸，雞翼燒得好好食，D肉仲係嫩嘅肉汁嘅，唔會覺得太乾，一人份量食完岩岩好，堂食嘅話因為係室外，環境可能會無咁好

晚市唔算好多人, 唔使等位, 可能外賣比較多.抵食套餐 (1 ) 墨西哥風味薯條, 雞翼2隻 ($29) :肉醬加芝士既炸薯條. 粗薯係手切薯條炸既. 芝士溶左有拉絲效果, 而且分量都幾多.肉醬好夠味, 薯條比較軟淋, 冇香脆效果. 岩岩炸熟, 冇炸透所以唔脆, 不過冇甘熱氣既.炸雞翼2隻, 只係Z形雞翼一隻切成2份. 係雞脾仔, 雞翼, 雞尖.但炸得脆脆地, 又夠哂熱. d 肉唔乾好味既.夏威夷薄餅 迷你批 6寸 ($35) :有菠蘿, 芝士, 火腿粒. 薄餅中間薄d, 邊位厚d, 似麵包甘好咬.味道唔算好重, 不過好多芝士, 好滋味. 抵食夾大件. 味道又唔錯.

去開慈雲山小食館經過食埋滿地可薯條(牛肉汁芝士薯條)薯條:香口牛汁:夠味芝士:拉到絲外賣廿幾蚊咁大盒. 十分底食. 味道是好的. 但老闆娘一個人有D手忙腳亂. 有下次

連續兩日因為唔同原因黎左食,老闆兩位好忙,兩個人都負責整野食,D枱如果未坐人都唔會執,不過小店風味係咁,第一日就食左呢個,同女友SHARE,因為有食其他店,要左2號餐,即叫即整,上到枱熱辣辣, 炸粉唔算厚,雞鎚啖啖肉。第二日再去食,就揀左芝士肉醬,酸酸地,更惹味 另外再叫左個意粉,加炸雞,不過老闆記錯左,俾左雞翼,但雞翼都炸得好酥脆,如果唔係大熱天時要行上山咁煩,真係一星期食兩三次都得!另外,希望老闆可以考慮下放多部風扇,或開冷氣,因為真係好熱!

呢間小店,真係又好食又抵食~~食過幾次,4個大人食都係200蚊,抵,而且PIZZA好味~寬條麵又一流。最好食係個炸雞,次次都要再加單,一人一件真係唔夠~~夠香口,但雞肉仲滑的。

慈雲山小店，因為只係地區小店，所以價錢唔費，重點，係抵食。其實我住開慈雲山成日食，可能你地搵日黎會見到我。廿七蚊就有一份薯角+炸雞， 抵薯角夠大又夠多，仲要多汁多芝士，抵炸雞又大隻又即炸，抵上加抵！舊雞勝在夠滑，炸粉唔多唔少食落去卜卜脆。重點係個肉醬 落足香料 唔同一般茶餐廳地區小店，又別具心思咁樣都係27蚊 真係平靚正！！！！

The couple who opened the shop is very amicable and talkative. they moved to America(or australia? i forget haha)and ran a pizza shop there for a living. They come back to hk to open mario pizza as their children are all grown up and independent. I guess they miss their relatives here and wanna kinda retire.They told me they import ingridients from europe(that's what they say), and the food indeed taste good. The portion is large too, i reckon they used to serve super large poriton to foreign gu

話說我都有好幾個月冇幫襯呢間野,事關我平時行過肚餓先會係度買野食既。仲記得以前,我都食過佢幾次大PIZZA同埋小PIZZA(所指既係"輕盈一角")無錯,佢係超多Cheese,好足料....不過..我食親既PIZZA都有雪味但係今次幫襯就冇左以上既問題啦(唔知係唔係俾人投訢呢?)今次我買左佢地既2個餐,分別係 "薯條+炸雞件,好似$25" 以及 "輕盈一角+炸雞件,好似$24,早1年只係$19"先講薯條(配以牛肉汁+芝士)牛肉汁--好足料,好夠味,而且真係有唔少既肉碎。芝士--我見住老闆係咁狂倒芝士落D薯條度,真係見到都好開心,心諗好抵 但係食落冇咩芝士味囉薯條--我估係佢地自己用薯仔切出黎咖,但粗幼不一, 有D食落口好用"草醒味",而且好硬,好似食生薯仔咁..OVERALL=★☆☆☆☆(0%回購)輕盈一角(菠蘿辣肉腸pizza)好:茄汁好足,菠蘿都幾甜,芝士超多差:辣肉腸太薄,所以食唔到佢既味,芝士冇味平:厚批底既鬆軟度都可以接受,鬆軟多D會更好OVERALL=★★★☆☆炸雞件好食!!粉既厚度適中,而且保留到保份雞既"味道"(冰鮮雞算係咁)雞肉都幾滑

哩間野開頭唔多起眼,但試左一次之後, 就發現佢唔簡單.我通常都食佢既肉漿意粉加炸雞.意粉質感係好有水準的,絕對唔係一般茶餐廳貨色,係真係有西餐廳的感覺,個肉漿的味道亦好香, 有西餐的香料味, 次次我都可以食哂!炸雞就更不得了, 每次都是新鮮炸出來,又熱又香又大件, 絕對好食過肯XX那些!我的朋友食芝士焗飯,因為係即叫即焗, 所以要等耐少少,不過佢都讚口不絕!

今日終於有得吃了~~~~店子在慈云山有一段時候, 面積太小客人都坐外面. 可能坐客不多, 也沒有餐牌, 只有外賣紙標價值, 而且外賣自取. 我們問了叫pizza要等多久, 老闆娘說約15mins, 最後等了30mins冇位坐. 下次建議電話外賣, 到時到後取. 夏威夷批 (9")老公嫌6"太細, 餡料唔多.芝士爆多, 不過唔香, 得個多字~ 有菠蘿, 蘑菇等. 餅底粉重, 唔夠鬆. 雞搥醃製時候唔夠長, 冇味. 都啖啖肉. 田螺焗薯蓉薯蓉又多又好味. 面頭焗焦了有金黃色, 好像焗面包布甸牛油味好重, 食唔停口!田螺共6粒, 沒有味道. 肉醬薯條本來點牛肉汁醬, 廚師說沒有了.好多肉醬, 好新鮮. 芝士跟夏威夷薄餅應該是同一種, 芝士味唔濃.薯條是薯角制成, 薯仔好味. 肉醬意粉$25有交易所以點埋.肉醬好多, 基本上同薯條醬汁一樣.應該是一早做好由冰箱拿出來翻叮, 但沒所謂~食評都是笑哈哈, 我想是因為這間良心小店食物不馬虎. 當然我也投它一票, 只是味道沒想像中好!

慈雲山後街的街坊小店家庭式經營賣點係平得黎質素唔差由於係露天仲可以帶埋小狗二人餐 $62Pizza+焗意粉/饭+四條春卷Pizza揀左千島吞拿魚吞拿魚好重手千島漿都唔少熱辣辣甘上個人認為好食過pizza hut下午茶個隻無味迷你批焗芝士葡國雞飯汁都幾濃雞肉又多抵食之選!!!

從來不知道慈雲山有家小PIZZA店,每次想吃意粉PIZZA就一定到SA利亞,但今次試了孖寶PIZZA,以後一定會再回來。小小的店鋪,用了搶眼的紅色,但店內只是廚房及下單的地方,然後在店外面放了幾張枱,供少數人堂食,大部分來的人都是外賣的,而我倆便選擇堂食。叫了一個精選套餐,牛肉汁薯條配雞翼加一樣香蕉奶昔。原來精選套餐FOR 4人享用,我們2個人卻很傻的叫了這麼多,我們心想一定要打包走的了。套餐的PIZZA要了辣肉腸PIZZA:6" 的SIZE,肉腸比外面的厚多了,最想不到的是在這小店吃的PIZZA也可把芝士拉得長長的12"的芝士薄脆:芝士味不重,反而蔥味比較多,不過不失。千層麵:男友很愛吃千層麵,但他說這家的麵很厚,沒有薯蓉,我卻覺得沒什麼特別 味道不錯就可以了炸雞4件,比起KFC的雞好多了,肉很嫩,炸粉不太厚。薯條配雞翼:雞翼比薯條好,因為薯條大部分還是硬硬的,加上我不太好牛肉汁,反而男友卻喜歡這道薯條有一位似是老闆娘的人看到我們好像吃不了那麼多,主動晌我們要不要打包,我們當然說要,然後她叫我們趁熱吃了芝士薄脆先,等冷了才打包 真的很不錯

很多時經過慈雲山,但很少深入街市對面"毓"字頭的那幾條街,今天時間充裕.先蹓躂這邊散散步.肚子有點餓,看看有沒有心水食店可給我回程醫肚.茶記,小吃店,選擇多得很!但數這間紅彤彤的薄餅小店最能吸引我!我印像中這小店好像是新開的.但在等我ORDER的意式風味的標準SIZE (9")批($60)時,與小店老闆娘閒聊中得知,原來此店早己開業超過半年,可能因為裝潢過於簡潔了吧,客人們都以為"無人駕駛".後來店方決心重新設計裝修,花肖的桃紅色加上卡通LOGO重新吸引食客,香港地...總是先敬羅衣後敬人.(結果我也是被那鮮艷紅色吸引過去)薄餅店嘛,還是主力外賣,小鋪內盡是爐頭,煮食用具,是一個製作小食,沙律及外賣後期包裝的廚房連收銀處.沒空間招呼堂食客人到室內了,只好在門外以小木桌,膠椅子解決空間問題了!下層招待連收銀由老闆娘把關,上層製作主打食品薄餅,焗PIZZA就由老闆一夫當關了!由於做街坊生意為主,一切餡料配搭,落單時間均可商量,快則最快十數分鐘經己可以取批了,若果不想只吃薄餅,還有大量款式小食:一般的薯條,雞翼,沙律,春卷,甚至蝴蝶蝦,芝士焗茄子,田螺都有供應.意粉焗飯當然不會缺少喇~點了意

老細從加拿大回流味道與別不同, 食過10次左右, 零 complain平到, 搭taxi 嚟食都有so,(黃大仙計)炸雞件, 正肉醬意粉, d 番茄新鮮, 正pizza 正.唯一, 地方細, 無飲料賣, 只有汽水之類, 不過唔怕,傍邊有檔平價特飲, 乜叉都有得飲, 真喺絕配