孖寶薄餅屋 (已搬遷) 新店位置

滿地河即係牛肉汁，牛肉汁響底，面頭係邪惡拉絲芝士！你見到真係勁多芝士響面頭，每啖都可以食到芝士嫁！個盒底部都有好多牛肉汁，牛肉汁味道係偏濃，再濃D就有機會食到喉嚨痛！但芝士同薯條咁岩又可以平衡番個牛肉汁既味！所以都係好食既！而且薯條成盒都係，勁多又抵食！兩件雞翼係有一嚿雞鎚同一嚿連雞翼尖既雞翼！我自己就吾識食雞翼尖，同埋鍾意啖啖肉，所以我都係鍾意食佢既炸雞多D！雞翼鎖曬D肉汁響入面，兩嚿雞都係有肉汁之餘吾會太油膩既！表面會有少少調味粉，有味道但吾會搶左炸雞翼既風味！原價$45，因為疫情無得堂食，只可以外賣自取打8折變$36！同埋佢地有好多好有特色既Pizza同小食，疫情好轉之後會再去試！

個墨西哥風味薯條既肉汁似肉醫意粉個醬！然後上面係有勁多邪惡拉絲芝士，係每啖都拉到絲！個盒底部都有好多肉醬汁，肉醬既肉碎吾太多！但基本上係面同底都有芝士同肉醬咁！佢入面係有薯條同薯塊！因為有醬汁，所以比較淋，但依然好食既！個炸雞係好味過K字頭老爺爺炸雞！食落啖啖都係肉！成塊雞鎖曬D肉汁響入面，但係又吾會太油膩！佢表面會有少少類似調味粉，有味道之餘吾會搶左炸雞既風味！而且係勁大塊又抵食，半個盒既size，而且只係得一條骨響入面！原價$47，因為疫情無得堂食，只可以外賣自取打8折變$38！如果想變成一個快餐咁食，可以去後面既川味巴買埋$5罐裝汽水！自己組成一個餐咁！都只係需要$43 （$38+ $5）咁大把！我下次就會想試佢個 Pizza 同雞翼！！！！！而且事頭婆都好幽默同極度有禮貌！

雖然食舖小，但食物質素不比大型pizza差，而且價錢及味道也不錯。位置方便易找，先落order，然後告訴什麼時候取，自己攜帶保溫袋，帶回家仍是熱的。9”芝士大肉腸pizza :被特濃芝士味道吸引，一口咬下，把一絲絲芝士拉出，味道真不錯，我就不喜歡太複雜食物蓋上面，所以更合我胃口。芝士焗肉醬飯：我只吃了一口，阿女全把他吃掉。芝士混合了肉醬回家吃也是juicy得很，飯也沒有一些乾的口感，不錯！

新鮮熱辣薄餅！這間薄餅店是由我上中學以來到現在也繼續經營，保持一貫的高水準！吃到價廉物美的薄餅，真的令我感到很滿足！而且我第一次吃到還熱到會冒煙的薄餅和肉醬意粉外賣速遞！食物的溫度絕對是美食的重要一環！加分！辣肉腸芝士批$57- 薄餅上鋪滿辣肉腸及滿滿的芝士，做到芝士拉絲效果。薄餅底偏厚，像吃軟熟麵包似的。濃濃的蕃茄醬汁跟厚麵包餅底非常配合！加上芝士味道鹹香，及辣肉腸可口、味重，整體薄餅質素比一般連鎖薄餅店的好。肉醬意粉及薄餅一角$46- 這個套餐是我在中學時期每次必點的，記得以前只售三十幾元，現在通脹令物價增加了不少。我高度推介這個套餐，價廉物美、性價比高，相信一定滿足到胃口大的朋友！肉醬選用了新鮮番茄及香料，令層次豐富不少。一角的薄餅其實份量也很大，每一口也吃到惹味的番茄醬，不過吃完記得要喝多點水解油膩！

吉吉試新野；(其實開左好耐，只係吉吉第一次試😅) 焗肉醬千層麵，外賣自取折後$62份量十足，醬料勁多，一個人食都幾漏😅 建議開心share😌 我覺得可以買啲麥片/粟米片然後點肉醬黎食，送埋啤酒，簡直享受🤤下次想試薄餅及炸雞😌 好多網友都話炸雞必試🤤

由細食到大嘅薄餅屋😍中學畢業之後都好少喺附近食飯，難得來到呢頭，緊係要幫襯呢間人手自己整嘅薄餅店。-冇來咁多年，佢一樣係咁抵食。今次我地叫左2個sets。第一個set係肉醬意粉+1個炸雞，第2個set係1件自選薄餅+牛肉汁薯條。-意粉就不過不失，薄餅勝在自家製，算係偏厚嘅面包底。佢有d特別嘅味道，eg.咖喱牛腩味薄餅，不過我咁多年都冇食過😂我最鐘意嘅都係呢道嘅炸雞同薯條，新鮮嘅炸雞夠哂juicy，炸粉唔會太厚身，連埋食岩岩好！牛肉汁薯條嘅汁有d似kfc磨菇飯嘅汁，再加上鋪面嘅芝士，襯熱食可以有拉絲效果。😍

呢間炸雞係一間隱世小店， 佢嘅舖位細細， 但係可以容納好多人，因為可以喺街度開埋枱都得！ 住喺慈雲山嘅朋友向我大力推薦呢度嘅炸雞再加佢嘅墨西哥風味薯條， 所以今日路過經呢頭就坐低試下啦！ 首先講下個炸雞店主採用雞上髀肉，炸得外脆內軟，每件雞都係即叫即炸，所以可以保存雞肉嘅嫩滑，食落好多肉汁！ 另外，墨西哥風味即係茄汁加牛肉粒，面頭再加芝士， 佢嘅薯條唔似炸，反而似焗薯條，雖然唔係幾脆，但係配上墨西哥風味汁好好味！ 個人認為呢間炸雞好味過其他連鎖式嘅炸雞店，而且價錢十分親民，又抵食！值得一讚！

家住慈雲山 相對比較少係山上食飯 但今日懶懶地 想食炸野又唔想食連鎖kx屍 所以就搵左呢間食平時見d枱相櫈擺到係條街 但今日可能未夠晏擺得三張枱，老闆娘好有禮貌 好街坊🥰等左一陣就有位 叫左個二人餐 唔連飲品堂食仲有8折添食炸雞pizza 唔洗淨係得連鎖簡lu

而家想搵間炸雞食，又唔想食KFC，都唔係咁容易！但係慈雲山呢間小食店嘅炸雞就做得幾好！呢間小食店有幾款套餐提供，我最愛就係墨西哥風味薯條+炸雞一件 $31墨西哥風味薯條係肉醬加蕃茄自家製汁，面頭再加芝士；薯條其實似焗薯，唔係炸到脆嘅感覺，係食落比較淋，但係撈埋個墨西哥汁好夾！炸雞即叫即炸，炸到好脆，咬落熱騰騰仲有肉汁，做到外脆內軟！炸雞係用雞上脾位置，食落好滑，好好味！另外可以齋叫一件炸雞食都只係$16十分推薦呢間小食店！

慈雲山呢間小食店真係只可以用平靚正泥形容👍🏻😍掋食一人套餐價錢只需$33-$35 但係真係太好食啦 我一定會揀有炸雞既餐 因炸雞即叫即炸 熱辣辣 皮脆肉嫩超juicy👅🤤精選薄餅一d都唔失禮 同樣係大大件熱辣辣 既辣肉腸芝士厚批 有好多芝士好好味🍕另外薯條佢地有2隻醬汁 墨西哥（肉醬汁）同埋滿地河（牛肉汁）我地個人就比較鐘意墨西哥風味薯條 薯條係粗薯厚切 唔算好脆不過就好足料 有好多好多芝士 撈埋肉醬食好正丫😭

夜晚唔知食咩記得朋友話過呢間唔錯就試下嗌左肉醬意粉+炸雞肉醬意粉正常水準炸雞好食👍🏻熱辣辣應該岩岩炸起，個皮好脆啲肉亦都好滑而且仲要街坊價，非常唔錯下次可以試下佢地啲pizza

雖然慈雲山本身沒有港鐵站，食客需要從「鑽石山港鐵站」出口，途經「荷里活廣場」和「鳳德商場」，走過接駁鑽石山與慈雲山的行人天橋，之後我發現慈雲山「毓華街」區，原來有很多不同食評可供選擇。今次我在「毓華里」裡面，找到一間售賣廉價薄餅食品，以及炸雞食品的意大利平民薄餅屋，薄餅屋的名稱叫做「孖寶薄餅屋」，「孖寶薄餅屋」主要舖位用作廚房用途，檯櫈則被設置於店外跟旁邊的舖位內。所以我除了點餐的一刻之外，基本上我完全沒有機會看到「孖寶薄餅屋」廚房內部實際狀況，更加不用說把餐廳的廚房實際狀況拍攝下來了，根本不太可能。反而「孖寶薄餅屋」旁邊的用餐檯櫈環境，就容易得多了，而且用餐區域裡面還設置了冷氣機，只是當時我幫襯「孖寶薄餅屋」時還處於寒冬季節，即使坐進室內也很難享用到冷氣機空調。「孖寶薄餅屋」的室內用餐區域裡面，除了檯櫈、放置罐裝樽裝跟紙包裝飲品冷凍櫃、還有冷氣空調機器之外，就什麼都沒有了，食客不用擔心會被電視，跟新聞臺裡面的報道噪音騷擾。結果我只是點了「孖寶薄餅屋」餐牌裡面的「抵食套餐」，包括有一件餐廳指定薄餅一件，加一件由餐廳廚房新鮮製造的炸雞食品一客。至於「孖寶薄餅屋」裡面的飲品，飲品價錢除了沒

因為自己返實習係慈雲山返，間唔中都會搵下附近有咩好野食，話曬慈雲山都算係黃大仙區入邊多好野食既地方，個日同partner結果就搵中呢間Pizza house,又有意粉又有pizza, 係平民小餐廳，環境講真就一般既，我地叫左個雞扒茄醬意大利粉大大碟，塊雞扒又夠大舊，成碟其實2個人都夠曬食，於是就同朋友一齊分，除此之外，我地又另外叫左一份pizza, 係一塊四分之一既pizza,雖然細細塊，但勝在好足料，超多芝士可以有拉絲效果，鋪頭有好多學生哥去食，因為佢會有學生餐，係慈雲山一間高質既平民店!!

小店中午很多學生，本以為只是便宜及夠份量，一試後👍🏼炸雞確有一手比起大連鎖店的不可相題並論，可惜人胃是有限位置的，今天只能吃墨西哥風味薯條+炸雞一件，下次有機會必試其他食物但炸雞必定會再吃

之前睇過訪問話老闆娘係外國回流，家庭式經營，細細哋一間店長期爆滿，今日轉登來試下晚飯時間full晒，好彩一個人易啲有位。我未坐低就order定抵食套餐的pizza同炸雞。pizza係一層拉絲芝士、一層蕃茄醬、一層肉腸，批係厚身批。批底好脆，批身口感似麵包，好軟身同煙韌，好好咬呀😱😍 而且隱約食到少少麵粉味，應該係新鮮製🤔 餡料味道唔錯，肉腸鋪滿一層，芝士奶味香濃，茄醬就偏酸，啱晒我！炸雞都幾大件，我嗰件係雞腿，雞肉已經 切開一半，方便食用。雞肉真心滑，似蒸雞多過炸雞喎😦，而家有雞油滲出，會否太正？老闆娘好有人情味，因為做學生生意多，唔敢收得貴。咁嘅價錢食到呢個質素，老實講出面好多連鎖店都冇佢咁好味！孖寶，你好嘢！