孖寶薄餅屋 (已搬遷) 新店位置

寒冷的天氣下，和老媽來到了孖寶薄餅屋。除了一般披薩和意粉，孖寶薄餅屋還有「抵食套餐」。本身以為套餐的披薩只有一片，應該不夠食，但看到隔壁的套餐才發現披薩幾大塊，炸雞份量不少，不愧是「抵食套餐」。我們叫了肉醬千層麵和6吋迷你披薩，因為即叫即製，落單後亦需要耐心等候。老闆上菜時會提供餐碟和叉子，方便朋友一起share 食物。肉醬和芝士撒滿了千層麵，半融狀態下的芝士更加有拉絲效果，每一口都是肉醬和芝士，整體略嫌千層皮比較厚實，有點像水餃皮。6吋披薩兩個人分享剛剛好，披薩厚身，底部烤得少許焦脆，如果披薩上面的配料在豐富一點會更吸引。披薩以小店經營來說水準不錯，可以一試。如果食厭了連鎖披薩店，不妨考慮一下毓華里這家披薩店，或許會有驚喜。

平靚正 一直都聽過朋友話呢間野好正 大件夾抵食 終於有機會試下了 叫左個pizza加炸雞餐佢個餐份量唔細 而且夠熱同大件 pizza好重芝士味 食落唔會太過泄 好邪惡 但十分值得食 炸雞唔洗多講 好正 Overall真係好正 值得再去

已經唔喺第一次呢度食嘢，都係覺得好味道。叫咗我最中意的吞拿魚薄餅，同埋肉醬焗意粉和他食物與飲品，幾個人分住嚟食。吞拿魚批夠香夠多料又够份量，肉酱意粉熱辣辣香噴噴，炸雞外脆內嫩，点小小辣椒醬簡直一流。畀咗錢，大家A仲平過，出邊的碟頭飯。就係個環境差少少，但係對於中意大排檔嘅香港人，呢個就不是問題了。同埋有陣時我是叫外賣的，最好就提前20分鐘打電話落去，事頭婆好好人。

雖然呢間鋪頭嘅鋪面唔係好大但係啲食物都算有水準佢嘅Pizza炸雞同埋薯條都好好食佢薯條呢有兩個醬可以揀一個呢就係滿地河醬另一個呢就係墨西哥醬個人來講呢就鍾意前者多啲嘢飲就要加錢 出餐來講都比較晚如果趕時間嘅話呢就唔好食啦

慈雲山既一間小店，真心平靚正！抵食套餐真係好抵食，三十蚊左右就有齊意粉同小食，包你食到飽一飽。今次嗌左千層麵，肉醬意粉加兩件雞翼💁🏻‍♀️每次黎到必點千層麵，海量級芝士，保證每一口都係滿滿既芝士，岩曬芝士控😋肉醬同芝士呢個組合真係無敵！份量都幾多，一個人食會有啲膩，兩個人Happy Share就岩岩好～芝士仲可以無限拉絲～比起千層麵，肉醬意粉同雞翼味道較普通。肉醬同意份份量足夠。雞翼炸得香脆，感覺唔會好油膩，但食落去只有炸粉既味道，唔推薦🙈

這家餐廳附近大多是住宅和學校，所以大部分都是街坊生意。雖然位置比較隔涉，但論價錢味道質素方面，絕對值得一試！餐廳比較細，員工亦不多，剛到達時，枱上的碗碟都未收拾好，但下單不久後姨姨便來收拾枱面了。炸雞兩件，大大件的且熱辣辣，炸粉不會很多，但就比較多油了。只是落了少量的調味，但依然夠入味。另點一份意式風味批，三款尺寸我們選了 6” 的迷你批，即使是迷你批也肯定足夠二人份量。除煙肉和雞肉，pizza 上有大量忌廉汁和芝士，兩者混起來令整體非常 creamy，熱辣辣的呈半溶狀態，惟菠菜味道不太突出。這裡下午茶時段亦有抵食套餐，約 $30 便可吃到一份意粉/薄餅/薯條 + 一款小食，大份且的確很抵食！

這間食店位於學校區，每逢中午時段比較多學生排隊買pizza、雞翼、雞脾、意粉等等，食品款式多，價錢比較便宜，大家不妨去試下。雞翼雞脾炸得很香脆可口，薄餅意粉味道入味，不會太濃。大家趕時間可以打電話去訂，然後自取，方便快捷。大家生日會要準備小食可以選擇在此訂餐，絕對是支持街坊食店（非連鎖店）的舉動。今次我試食了以下兩款食物：-墨西哥風味薯條（味道似牛肉味）+炸雞：$33-滿地可風味薯條（蕃茄肉醬味）+炸雞：$33食物份量大，薯條是厚身的！

屋企附近的慈雲山有很多平靚正的平民食肆，特別係呢間「孖寶薄餅屋」，真係水準唔錯兼抵食，啱晒冇乜錢又不甘於吃頹飯的人。之前都係聽人講過呢間店，直到昨晚終於一嚐。除了一個落order加廚房的鋪位外，另一個沒甚裝修的鋪位便是用餐的地方。正因為冇裝修，大部份心機放在食物上，所以便能便宜吧。在幾款三十元左右的套餐中，叫了一個$32的套餐，包一件超級拉絲的辣肉腸pizza及一件炸得唔乾身的炸雞。pizza屬厚批，難得批皮唔硬，芝士下得勁多，加埋茄汁配合下，拉絲得來又香香的。炸雞是雞肶位，啖啖肉，炸漿夠香脆，雖然不是好多肉汁，至少不鞋口，性價比較韓式炸雞高很多。叫多個$45的六吋迷你咖哩牛腩批，薯仔是我喜歡的帶薯皮的，咖哩牛腩炆得唔算軟，但這種帶嚼頭的口感反而挺適合放在pizza上。此薄餅真的成功將港式口味溶入西方pizza，創意不俗。兩樣東西加埋八十多元，卻飽到上心口，難怪晚上幾多街坊幫襯，叫外賣的更是不少呢。

拉絲拉到下世紀街坊小店-辣肉腸芝士批（$78）新鮮焗起，切開嘅時候可以拉起濃濃芝士🤤，望到都流晒口水，食落薄餅質地偏軟身，食落芝士味唔會太濃，中間加入左番茄醬同辣肉腸，味道道酸酸甜甜☺，食多兩舊都唔會膩。-孖寶炸雞（$32/2隻）估唔到大家嚟到會咁大隻😱，炸到好香脆，外皮灑左少少椒鹽，味道鹹香，咬開嘅時候仲滲晒啲肉汁出嚟，感覺夠晒juicy呀！-芝士焗肉醬意粉（$42）鍾意佢嘅意粉煮得硬度剛剛好，表面唔會角度有一層油係度，芝士同蕃茄嘅味道香濃😳，仲食到肉醬嘅香味添，好港式超鍾意。

小朋友們一個話想食肉醬意粉，一個話想食炸雞。咁我就醒起有呢間餐廳，見今晚涼涼地，坐街都ok，所以就無所謂。如果天氣再熱啲，食呢間好辛苦😅😅肉醬意粉加雞亦2隻。佢啲雞亦調味ok,無乜特別。嘩，第二個餐，件雞大到😅😅點食......見到都飽。不過炸雞比雞亦好食，滑啲同無咁乾。第三個餐，薯條加炸雞。啲薯條啲芝士多到😂😂減肥中人士唔好叫呢個～兩個小朋友不嬲都唔細食，但係我地三個比呢三個餐ko咗😂😂最大食個個話淨係食完個炸雞都飽咗一半，仲有意粉～好滿足咁話。最重要係抵，3x蚊一個餐，有水準有份量👍🏻👍🏻

呢間pizza絕對好食過pizza hut,餅底做得好好，即叫即整，,要等大概15分鐘，厚底，脆，鬆，如果pizza的餸更加豐富d,就更好。今日我就點左雜豆配午餐肉，配蕃茄醬。如果呢間有等選醬汁就好啦，我比較喜歡千島醬另一個批係芝士配香腸，芝士好多，有拉絲，好好味，兩個人叫一個批，其實都夠，可以另叫小食。

呢間鋪頭晚市都多人，總括用五個字黎形容「大件夾抵食」。炸雞大件又夠熟，仲要夠滑醃得夠入味，嗌左四個抵食套餐，pizza一定係辣肉腸，無其他選擇，食一個抵食套餐已經好夠飽。辣肉腸pizza平平無奇，不過不失。意粉一般，醬汁無乜特別，略嫌醬汁唔夠。勝在夠大份炸雞加薯條，薯條唔係老麥薯條，粗薯加上應該新鮮炸，可能外賣，薯條淋晒，唔好食

二人精選套餐本來包個意粉或飯嘅，雖然叫千層麵要加20蚊轉，不過👅太鍾意佢個千層麵啦！所以照加左😊————————————————整體得分：8.5分 (10分滿分)————————————————👅食評：口感 8.5/10個層芝士真係好很厚😍每一啖都有塊同千層麵一樣厚嘅芝士😱而且皮層焗到微脆，令口感更豐富😊肉醬唔會太結，濃稠度適中。千層麵嘅軟硬道均衡，唔會有啲太淋有啲太乾太.味道 8.5/10肉醬嘅茄味岩岩好！唔會唔夠要加茄汁，亦唔會太多酸得另外，醬入面仲加左少量青椒，令肉醬唔淨止得肉同茄味，仲會帶住微微嘅椒香☺️芝士亦同肉醬嘅味好夾😋係就係膩啲，不過好味到👅冇停過係咁食佢🙈抵食 8/10其實計翻本來個意粉加20蚊先轉到，其實唔係話好平好親民。不過出面食個千層麵閑閑地都七八十，其實算比出面平嫁啦加上咁多芝士，膩到都差啲食唔晒值呀😁口感 8.5/10炸雞嘅外皮炸到脆卜卜！係真係脆得好緊要😍啖啖肉得黎肉質亦好嫩！最離譜係第一啖咬落去係有雞油同雞汁由雞到滲出黎嫁😱痴線嫁！點解可以咁濕潤？！.薯條方面，👅覺得有啲失準因為頂嘅芝士未溶晒，未有拉絲嘅效果。因為👅曾經食過佢嘅拉絲版，真係一試雞上🙈味道

每次黎到慈雲山毓華里，都不忘依間Pizza屋既芝士焗肉醬意粉，間唔中同男友就黎依度食，雖然店鋪細細，但都積落好多粉絲黎食，因為夠哂親民且街坊價，仲要大大碟好足料架，支持小店係必然的<<芝士焗肉醬意粉>>真係真材實料大大盤，面頭鋪滿芝士帶焦香，賣相邪惡不特止，遠聞都香噴噴，重量級芝士絲拉極都仲有，入面除左肉醬芝士，仲有洋蔥粒、青椒粒，味道食落勁香又惹味，一盤已經夠3-4人食<<呑拿魚Pizza 5">>唔好以為細細個，其實一個人食兩件都飽左，Pizza即叫即整，焗好即送上枱，熱辣辣拎住食，薄餅面勁多芝士，一拉起勁多絲，外皮口感香脆，食落好香口，呑拿魚餡超足料，多到一邊食一邊跌出黎，以依個價錢食到連鎖薄餅屋質素或好食過添，真係平靚正之選

$28有件拉芝pizza加熱辣辣炸雞翼，真係超級抵食！Pizza 都幾大件，好多芝士❤️炸雞翼好夠味👍🏻可以加$6有汽水雖然店舖小小，又無冷氣，但有好多學生黎食，學生餐係再平啲嫁！多啲支持充滿人情味既小店😊😊