孖啡 (已結業)

夜晚約咗成班friend搵個地方傾偈,嚟到就叫左個168既part set,咁入面都有好多野食同埋飲品任飲,咁我哋兩個諗住坐幾粒鐘就叫咗呢個。瑞士雞翼個汁又香又煮到好淋啲肉。呢個份量好多,有炸餃子,炸咖哩角,炸薯條,炸得啱啱好唔會過火,咁我覺得左個炸餃子加埋啲紫菜嘅味道都幾得意。呢個白汁火腿長通粉都幾好食,忌廉汁好香,呢個比我ko左半。我覺得呢度環境都唔錯,咁牌上既飲品都係任飲,咁我都試咗幾種都幾好。其實有時係cafe飲杯嘢點都5-60蚊一杯啦,咁我地今晚一路食住一路飲,其實最後每日都飲左差唔多三至四杯,其實呢淨係計飲果part都見抵返晒。

今日係老公一星期一日既假期, 特登去到旺角食飯行街, 順便捉精靈之前有睇過OR見到呢間cafe不錯, 所以黎試下...我地避開食飯時間6:30PM就去喇, 果然係唔洗等位. 不過大約7點PM左右, 已經陸續有客人入座.店員安排我倆坐2人座, 坐位都係沙發比較舒服. 店內大部份坐位都係沙發, 4-6人座比較多,適合朋友多人聚會, 感覺很像在家一樣, 不會太拘謹, 我還見到有一間VIP房,相信是可以BOOK場開PARTY吧.場內還有多種Paper Game, 積木借用, 跟朋友一齊玩relax relax.不同時段有不同的最低消費,晚餐時段就需要每一位客戶點一個Set Dinner.每個set dinner都包一杯$38飲品, 超過$38的飲品只需補回差價我跟老公都好餓, 所以我地各自叫了一個set dinner再加特色併盤H) 黑松露野菌忌廉意大利飯 ($106) 送上枱黑松露的味道就撲鼻而來, 好想快點吃一口的感覺, 看到碟上的忌廉汁包著每一粒飯, 黑松露份量很平均,每一個位置都會看得到黑松露的顏色, 中間加點芝士片, 吃前把它跟飯混在一起,非常惹味.在飯裡不難發現野菌既蹤影.材料十足

朋友話給cafe 食一人餐唔錯，今次6人聚會就選擇了呢間餐廳。入來見到原來有party set 有$128 每人 或$168每人 兩個選擇。本來我地係6樓但係店員表示安排更大的地方比我地幫我地轉到4樓。我地話唔使麻煩，後來我地見店員一臉難色，佢話下層全部食party set，我問左句係味方便管理，佢話係呀，甘我地就幫忙搬d野落去。我地坐左好耐，店員服務都唔錯，如果想搵個地方傾下計食下野都係個唔錯既選擇我們選了每人$128既party set海撒沙律 (6/10)坦白講我好少食到海撒沙律既菜係好似擺左好耐味道又唔係甘新鮮甘。味道唔係差但只係好接受既程度☹️如果佢d菜可以新鮮d成個感覺會好好多😢蕃茄腸仔長通粉（6/10）D腸仔唔知點解有d外表好硬，唔係好咬到，味道就不過不失，但份量都夠既。肉醬芝士意粉（5/10）呢個肉醬煮既意粉應該好難煮得難食，但味道實在令我有點失望。醬汁太稀，意粉係幼果隻，味道唔係太夾。白汁雞肉焗飯（6.5/10）呢個焗飯既味道偏鹹，但係3個主食中我覺得比較好味少少。素菜春卷 咖哩角 炸薯條 雜丸拼盤（7.5/10）呢兜外表唔討好既炸物味道唔錯，個人幾鐘意佢個素菜春卷同雜

星期六約咗三個朋友仔一齊去旺角搵間cafe hea下,咁我地就去咗孖啡。一去到個waitor哥哥就介紹我哋試下佢哋個party package menu。咁我見到168蚊有又勁多嘢食簡，又可以任飲特式飲品就試下啦。咁入面有好多嘢食啦，主菜有煙三文魚凱撒沙律，煙肉卡邦尼通粉，墨西哥辣肉腸通意粉，芝士忌廉焗吞拿魚天使麵同黑松露意大利飯。咁小食同甜品有辣味薯角，黃金咖哩角，鮮茄燴肉丸，香草瑞士雞翼，秘製日式餃子， 炭燒雞腿肉串，同埋朱古力布朗尼。咁其實我都覺得好多嘢好食，咁我就簡單介紹下啲我得最好食嘅幾樣嘢啦。我覺得個煙三文魚凱撒沙律好正，三文魚份量好多，凱撒沙律d菜好新鮮好爽口。另外一個好好食嘅呢就係芝士忌廉吞拿魚天使麵，個芝士汁好香濃， 加埋啲忌廉吞拿魚同個天使麵一齊焗好香口。最好食就係香草瑞士雞翼，呢個佢真係個汁好濃味，同啲雞翼一齊醃製就好入味。咁啲特色飲品都係任飲嘅，咁我就試咗荔枝特飲，荔枝味都幾正甜甜地幾好飲。其實我覺得呢間cafe嘅環境都幾舒服，咁幾個朋友一齊坐低一齊喺度玩傾計輕鬆下都係一個幾好嘅地方。

Book咗位...3個人...無問嘅情況下點知要坐party room嗰邊....講明係party room就擺明勁嘈...嘈到拆天...完全enjoy唔到餐飯...講到食物...茄汁焗豬扒飯啲豬扒都幾好食...但係啲汁就麻麻地好食...日式牛柳粒飯...牛柳粒個汁有啲奇怪加上啲飯硬嘅好彩我夠為食...都格硬吞哂成碟飯...黑松露唔知咩飯...味道都係一般...唔會係"嘩...好好食呀...再食多啖先"嘅反應...至於個拼盤...雞翼乾乾的...咁多樣我淨係鍾意食佢嘅薯條...無喇至於野飲...我飲嗰杯係奇異果沙冰...略嫌酸咗少少...都係一般般啦...無咩驚起...報告完畢....

叫咗個特色拼盤食 ，拼盤有炸魚手指、春卷、咖喱角等等。即叫即炸仲好脆，又唔會有好多油嘅感覺，每款嘅口感都唔同，有啲脆有啲靭，配搭都幾好。仲俾左好多茄汁同沙律醬黎點，酸酸地好開胃，推介。 飯粒軟硬度唔錯，味道幾開胃，我個人幾鍾意。 牛柳粒切成一口份量，咬落去，表面焦香，內裡鮮嫩非常，炒得惹味, 肉質嫩滑, 每一肉粒也吃到有肉汁, 醬汁味道香濃，咀嚼間有牛肉味道，不錯。牛柳粒既鮮嫩同飯既味道混合起來，搭配得幾好。 芝士蛋糕好濃好好味，幾挺身，有相當香濃既芝士味道,但唔會好漏 煙肉卡邦尼長通粉調味岩岩好，好creamy ，味道唔會太咸 好多煙肉，我好鍾意食煙肉，味道好香好濃郁 埋相都唔錯。煙肉香味和洋蔥甜味突出！

炎炎夏日與朋友相約到旺角行街，一班朋友總是想找一間Cafe聚聚，就找來了這間樓上Cafe試試。沒想到環境比想像還要好，有長卡位容納8個人用餐。當中的焗豬扒飯味道好好，肉質還好，沒想到可以在Cafe品嚐到水準頗高的焗豬扒飯。朋友點了一個卡邦尼天使麵上面鋪上玫瑰型的煙三文魚，貌相吸引而味道亦洽到好處。

約左朋友食下午茶加吹水，去左試下孖啡。第一次到環境也不錯，有靜靜地坐下的位置，地方不太但挺舒服。下午茶時間還有午餐食，價錢不貴， 選擇還可以出名塔羅牌名的凍飲，但我點了熱的試試。要了牛肉粒飯， 以cafe 來說 味道不錯，份量挺大， 飽肚的。 還叫了小食， 魚手指同薯條。魚手指有點失望， 是凍凍的份量也少，不夠食反而薯條好多了， 熱熱的現炸， 份量也夠分，推介。總結，以樓上cafe 來講， 是不錯的選擇， 地方可以慢慢坐慢慢傾， 食物也可以。

忌廉煙三文魚配天使麵真係不得不讚。依道菜好有心思，三文魚捲成玫瑰花形狀上菜，淨睇外觀都己經加哂分。食落口感超夾，鮮嫩既三文魚配上白汁天使麵簡直就係perfect match，值得推薦。甜品雪糕心太軟，個look dump 一聲咁靚，拿拿林相機食先。試左一口心太軟外脆內軟，再連埋雪糕一齊食，口內冷暖交溶，幸福既感覺一湧而上，真係非筆墨所能形容。而且set lunch 跟甜品+飲品只係$38，就食到五星級酒店既水準，好q抵食。叫左花茶消膩。玫瑰花洋甘菊有種怡人既花香，清香撲鼻，飲完零舍醒神。紅莓果茶聽講有美容功效，岩唒我呢d成日熬夜又貪靚既人飮，呵呵~芝士焗著條係我最懷念既小食。以前英國留學係酒吧常叫既小食，估唔到依間café有，即刻叫黎試。黎到時熱辣辣，芝士溶左係薯條上面，食落好脆芝士汁又夠濃厚，真係食極都唔厭，好有異國風情既味道

今日應該係今年落最大雨嗰幾日, 目測唔止黃雨所以本來想行街都變咗哩喺室內想坐得耐少少, hea一陣, 傾吓計所以揾咗間樓上CAFE環境都唔錯呀, 又有咁多人喺度,都應該唔會伏咗嘅佢有BOARD GAME玩喎, 不過我哋都係傾返個旅行PLAN 先~ XD塔(士多啤梨鮮打沙冰)$48, 用塔羅牌嚟命名, 好有心思第一啖已經有淡淡嘅士多啤梨香味, 唔會太甜, 好味同夠大杯, 都唔會啜兩啖冇哂, 夏日精選蒜香雞翼($38), 好香口, 有蒜粒撒喺上面, 另外唔會太老太乾, 用蒜蓉兜炒至香口, 送住嘢飲啱啱好凱撒沙律LUNCH SET $58, 精髓在於: 沙律汁和很新鮮的菜, 而佢用料都豐富新鮮嘅~ 蕃茄仔幾好味幾甜, 菜亦有一點檸檬汁嘅清香坐得幾舒服, 剪影公仔好詩意最正係個位隔離有個叫人鐘, 唔駛「唔該」到喉嚨痛都冇人理你

每五年一次嘅同學gathering又黎啦今次有位同學好好，準備工夫做足！搵到呢間樓上cafe 包場比我地hea玩食～地方都幾大，冷氣夠，坐得舒服！夾錢嘅時候見到個價錢都好驚奇因為只係每位＄138就可以有咁多嘢食最重要係特色飲品任飲超級鍾意佢嘅戀人即係士多啤梨加玫瑰綠茶唔係太甜綠茶解渴小食拼盤都係值得一讚因為食得出係即炸嘅就算放得耐都唔會話變得好林薯條係用粗薯條，正個麥記多多聲春卷基本上係party必備食物！什菜春卷好好味，外皮好脆，入邊係菜令到成樣食物冇咁油膩！西班牙鴨胸會長通粉呢碟長通粉令到我哋十分十分開胃！醬汁酸酸甜甜，加埋長通粉可以索啲汁，另外鴨胸算係幾滑，夾埋一齊食好夾喎～讚！一大班人gathering無非都係吹下水玩下！呢度絕對可以滿足到我地，因為有好多Card game同board game最搞笑就係有Mok 牙嗰隻鱷魚!!大家戰戰兢兢咁玩，重拾童真咁玩得好開心！絕對推薦大家一大班人黎！

上週到過樓上Cafe Station 3，食物不錯，坐得舒適。今天又發掘了這間樓上Cafe 孖啡，食物不俗，環境非常舒適。孖啡所在的高氏大廈座落油麻地港鐵站A1 出口附近的那段彌敦道上，信和中心的斜對面，地點方便。Cafe 佔據大廈的四樓全層，裝潢以啡色格調為主，牆身採用鏡面裝飾，增強餐廳的空間感。牆身貼上有不少創意牆貼，時尚又玩味十足。全場的座位均為沙發，舒適感十足。每一卡位可坐二至十人不等，方便拖友、三五知己及大班friend 聚腳。娛樂方面，當然少不了boardgame。boardgame 種類應有盡有，竟然還有袖珍麻雀。另外，Cafe 設有多部電視，播放著電影台。如果不玩boardgame，看電影作娛樂都不錯。每一卡位的牆上裝有服務鐘，需要召喚店員時，只需輕按鐘上的按鈕，為客人提供便利。是晚cafe提供八款晚市套餐，價錢由$82-$106。套餐包一杯價值$38 的飲品，選擇超過此價格的飲品需補回差價。意式肉丸配天使麵肉丸有六粒，份量令人滿意。天使麵煮得剛好，不會過腍。蕃茄醬汁酸甜度適中。黑松露野菌忌廉意大利飯它是多款套餐中最貴的一款 ($106)，味道的水平同樣是最高的。意大利

是晚出九龍練歌，特地等男友見一下!找到有間不錯的cafe, 可以hea 2 3小時去等他。呢間孖啡，位於登打士街高氏大廈，樓上咖啡館一帶。位置當然方便。呢個時間人流不多，自己可以坐在靜靜一角。裝潢都幾多花款，有吊燈，有英式電話亭，有一些黑色大玻璃貼裝飾，有點像我，等一個人的咖啡。如果一大班朋友上來當然不少得cafe的主角，卡game corner.menu都是以飲品為主，食物麵是一頁麵飯一頁小食。來得cafe一定要試下他們獨有的特飲，叫了這杯世界($52)其實係一杯隨意調。店員說今天這個用了奇異果沙冰加點青檸味，上面配了香滑忌廉，去感受整個世界。奇異果香味的飲品不多，這杯味道突出亦不會好酸，少酸開胃，冰涼令頭腦振奮，飲一口，去思考人生。。。練完歌肚餓，點都要食少少野，卡邦尼長通粉 $88 一直是白汁忌廉朋友的首選。這裡的卡邦尼做得不錯，微黏稠的醬汁用了忌廉，鹽，洋蔥，黑椒粒做成，與先煮腍的長通粉混在一齊，口感柔滑又有奶香。煙肉片作為點點裝飾，較咸了點。後記:♡店員好nice,隨便坐可以，亦都較熱情去跟客人口味推介飲品。

好耐無去過上樓CAFE，同完知己去完旺角掃街後，上OPEN RICE Search左呢間CAFE飲野傾下計因為掃完街，其實都唔係話好餓，所以叫小食為主，同埋最想坐低吹下水環境幾好，好舒服D裝修幾得意，影相出黎效果幾好有人話食雞翼一定要係好友前食，因為食雞翼既食相好核突！為左考驗我地既友情，我地叫左瑞士雞翼～～～～～～一齊盡情地LUR骨！雞翼份量幾多！瑞士汁超入味！！滲晒入肉，雞肉滑滑的，好有衝動問下廚師點整～之前去過其他CAFE，印象中最普通既野飲名係最好味的，所以今次叫左杯MOCHA，果然無失望，CREAM是必須的，肥是必然的，但好飲又怕咩丫！咖啡味好香，撞埋朱古力，比例上做得好，不太甜，亦能帶出咖啡香味，讚～有人嗜甜，點都要叫個心太軟食，話要食埋甜品先滿足，好彩呢到有得食，如果唔係又要上OPENRICE睇因間去邊食。。。心太軟能做朱古力湧出來的效果，濃濃的醬配合外皮加雪糕食，不錯，如果可以用名牌雪糕就無敵了～加錢我都肯架！P・S・ CAFE有好多大電視，好吸引，有時同友人一齊吹下水睇下無聊電影咁又一DAY，都幾開心

今日又來旺角, 都唔知食咩好, 由於落大雨的關係, 想搵間坐得耐的餐廳, 就搵到呢間樓上cafe 啦！我地被安排在窗口位, 望向彌敦道, 非常開揚光猛! 這裡坐位舒服, 好適合同朋友傾計!坐位上有一個按鐘, 可以隨時召喚侍應落單, 不用叫破喉嚨! 我叫左個set- 忌廉煙三文魚配天使面$96忌廉不會很漏!三文魚夠新鮮, 又有大量洋蔥, 很香口, 這是我喜愛三文魚及天使面的配搭!瑞士雞翼 $38雞翼好入味, 肉又好淋!焦糖Latte $48不錯, 味道不會太甜!又有我最愛的拉花!我同朋友坐坐下, 又Plan 下旅行的行程, 不知不覺坐左好耐, 於是食埋甜品!心大軟$3838元幾抵食!朱古力夠香濃, 切開有D流出來, 正, 不會太甜!