孖啡 (已結業)

旺角好多樓上cafe，最啱朋友小聚傾計。聽朋友介紹來到呢間孖啡，油麻地A1行3分鐘，好易搵。出了電梯見好多人排隊，好彩我地有book位。侍應很有禮貌帶我地入去坐低。環顧四周，裝修風格簡明輕鬆，乾淨衛生，仲有電視睇，等人時不失為一個消遣。兩份餐牌，有set dinner（lunch會平小小），沙律、天使麵、意飯，都有咁多嘢揀。飲品就十分豐富，特飲沙冰，花茶，一定揀到一款鍾意。我叫了蜂蜜紅茶，簡簡單單，有蜂蜜的甜蜜，暖暖的很滋潤。小食叫了蒜香雞亦，炸的金黃，睇落很有食慾。雞皮鬆脆，雞肉有蒜香味，同普通炸雞唔同，值得一試。煙三文魚天使麵，擺盤精緻。天使麵唔干，好多汁，很滿意。煙三文魚一大片，配上甜甜的忌廉汁，更易入口。加埋洋蔥同菇，很快就消滅掉了。兩人一路食一路傾，唔覺意傾左成3個鐘。今次消費很滿意，有需要會再來。

成日同大班朋友聚會都諗爆頭都唔知去邊好，又想坐得耐，但又唔想太貴，今次黎左呢間chill chill 地既cafe 估唔到又幾好喎，平均晚餐一個人一百連埋飲品，環境都舒服，尤其係座位分佈設計唔錯，唔會同隔離太近，講祕密都易啲XD，幾岩gathering!黑松露忌廉雜菌意大利飯 $108：見個餐牌有意粉焗飯，但意大利飯竟然都係差唔多價錢，咁梗係要試下佢啦。黑松露味濃真係估佢唔到，未食已經聞到黑松露既香，另外令人驚喜係忌廉好多，creamy 質感加埋軟身既飯，滿足！咁多忌廉但有唔少雜菌作平衡而減低口感既單調，推介！茄汁肉丸天使面 $92：食完忌廉當然叫返個茄汁平衡返，相對黎講呢個性價比無咁高喇，肉丸嘛肉丸味道無咩特別偏淡，不過量都幾多有七八粒，加埋彩椒洋蔥等配料都幾豐富，茄汁偏酸同略為淡口啲，應該係用地門茄汁煮@@如果大家唔想咁重口味，呢個會係個選擇！芝士蛋糕 +$28：呢到既甜品有兩款，芝士蛋糕或者心太軟，我就兩樣都加左黎試。芝士蛋糕芝士味唔太濃偏重蛋味，質感細滑，由於芝士味唔多所以無平時咁膩口，但芝士控就應該覺得唔夠味~ 朱古力心太軟 +$28：同樣都係跟餐加，個人覺得呢個高質多啲同埋

小食拼盤有六款嘢食，我最鍾意魚手指薯條同埋雞翼。魚手指好多汁被入邊，薯條就夠粗又脆。我哋仲食咗日式牛柳粒飯。牛肉好林，啲汁又好好味，用黎撈飯好正。佢仲有啲三色椒係入邊，好入味。甜品就食咗心太軟。製作時間比較長，所以建議大家可以早少少嗌定先，同埋就咁食可能好濃，加＄2加雪糕好值。飲品就飲咗薑蜜，薑味好濃好暖胃。依家唔鋪頭環境同埋服務態度都唔差，係一個同朋友傾計嘅好地方。

朋友依家又返工又讀書，真係好難先約到，所以想搵個地方可以坐耐d傾計，就搵左依間cafe!依間cafe佔左全層，但好得意分開左2邊，一邊d待應長期係度，另一邊要按鐘佢先出現，我最後坐左按鐘個邊我同朋友都叫左個set dinner, 我食三文魚天使麵，佢就食黑松露野菌意大利飯。個三文魚天使麵味道冇咩特別，但勝在廚師有心機將d三文魚拼朵花出黎，令人見到都賞心悅目！朋友既黑松露野菌意大利飯，唔記得影相，不過食落唔太覺黑松露味，而且d意大利飯可能用左其他米煮，因為唔硬，但又冇珍珠米咁黏！另外，我和朋友都點左個玫瑰洋甘菊茶，好濃郁的洋甘菊味，加上可以無限refill,正👍🏻之後加28蚊有甜品，我叫左個心太軟，朋友叫左個芝士蛋糕。個芝士蛋糕好普通，冇咩特別，心太軟，如果做到流心都唔會衰，不過唔知點解食落去有陣杏仁味？另外，由於我地2個人坐張2人枱，真係太細了，2碟主菜黎到，加2壺花茶，再加2隻有碟盛住既茶杯，真係唔夠位擺😅

朋友聚會，隨意找來一間cafe，有預先訂位，所以不用等，雖然是閒日，可能地點方便，所以都很多人，應該是滿座的。 四個人各點了四個餐，另外加了一個芝士薯條，下單時覆單，已經發現有欠漏，之後再確認一次，確定是對的。結果，點的熱飲變了凍飲，另欠一杯飲品追了幾次才來。（服務態度其實還好，我們追單的時候他們都是有禮貌的，但是一杯飲品還是等了廿分鐘⋯⋯） 而朋友點的其中一個麵，也等了很久很久才來，雖然我明白不同的食物都會有快慢，但其實同一檯點幾個餐，也應該盡量差不多時間出吧？ 食物的質素也一般，我點的Caesar Salad是還好的，菜是爽脆，醬的味道也好。 不過另點的芝士薯條，芝士䶢得很，薯條一點也不脆，是一點也不脆，我第一次點芝士薯條，竟然可以剩下半碟⋯沒有人有意欲去吃。 旺角的cafe選擇不少，我覺得有別的選擇的話，這家不會在首選之列。

有party set or dinner set揀我地6個人就叫左party set，因為有小食野飲又任飲有沙律，吞拿魚意粉，忌廉雞皇飯，好似仲有多個長通粉，之後小食有雞翼，薯條，薯角，春卷沙律幾好食，d菜新鮮，汁都夠味吞拿魚意粉都幾正常，有少少芝士係面焗，不過吞拿魚意粉點整都唔會差得去邊忌廉雞皇飯好普通，同茶記水準差不多小食: 薯條，薯角，春卷 放埋一碟，全部都一樣味.... 雞翼就幾好，好入味，又夠多其實佢主菜份量唔多，係用小食塞飽你，但d小食普遍都係熱氣，又要一樣味，就會唔想食佢既所謂特色飲品全部都好甜，係糖漿溝水.....本身係見到話係鐘意cafe既人開，但cafe唔係唔趕人走就叫好希望佢地會改善下d食物質素，如果唔係唔會再去

喺門口已經嗅到餐廳香噴噴下午2時去，不用等位 侍應招呼周到，有禮貌，動作都好快手落單之後等左10分鐘度就有嘢食煙肉卡邦尼意粉好食好香，唔會乾爭爭，每一條都會痴滿汁汁吾算稀，合格洋蔥爽脆分量合理，食完夠飽青蘋果乳酪原價＄48，跟餐加＄10味道一般其他特飲名稱有心思環境寧靜朋友叫的蜜桃綠茶原價＄38 ，跟餐免費

約朋友傾下計,於是揀左呢間cafe,地點好方便好近地鐵站,去到餐廳見到裝潢幾特別,燈光幾似西餐廳咁禽暗,幾有情調。餐廳叫餐係以禁鐘形式,玩玩下卡game,想叫就叫,唔駛怕有人阻住。叫左dinner set黑松露野菌忌廉意大利飯$106份量幾多,好有一般西餐水準,野飲叫左青蘋果紅茶,另外甜品有得隨餐加錢$28,有心太軟同芝士蛋糕選擇。我就揀左心太軟試下。心太軟黎到熱熱地,切開有流心既效果,而且流出黎既朱古力唔會偏甜。加上有一球雪糕,每一啖隔住食,好正。

同朋友兩個多月無見，想約佢出黎傾下計見下面，佢係旺角番工但咁岩依排佢都要OT，我就搵間餐廳可以就近佢又可以傾耐點，旺角樓上cafe必定係最好既選擇，孖啡算係幾出名既一間，我就book定位同佢食晚餐😋由於高氏大廈仲有另外2間cafe，我7點多到已有長長的人龍，可能還是暑假的關係，孖啡都坐滿了8成，心想幸好一早book了位，由於我同朋友都很餓，很快就選好食物😂芝士焗吞拿魚天使麵😌本身好鍾意食天使麵，依度整既天使麵麵質剛好，面頭既忌廉汁好濃味且帶甜，吞拿魚份量很多，連埋醬汁撈天使麵真係令人忍吾住一口接一口😝，而且食完仲有好多汁同吞拿魚，完全不用就住就住咁食🙌黑松露野菌忌廉意大利飯，好值得推介👍一送到黎我即刻心心眼😍😍😍，好香既野菌味加上黑松露既香味撲鼻，我原以為cafe既黑松露只是綽頭，會是少之有少，但比想像中驚喜，均勻地撒在意大利飯上，滿滿的忌廉汁跟野菌和意大利飯混在一起，真係超超超好食😋黑松露薯條🍟份量很多，黑松露均勻地沾上每一條薯條，咸香得黎都不錯😌至於飲品方面，孖啡以塔羅牌為各款飲品命名，如命運之輪，吊人，死神💀等，我簡的是女皇👸，面頭唧上一層厚厚的忌廉，飲落是淡淡的玫瑰🌹配上檸檬乳

比個侍應妹激到，落曬單都要取消曬，起身走.未食就走咗.BOOK 咗個場,本想食過兄弟飯,PLAN 吓D 行情. 入到去個場坐咗3枱人(連我地), 水都冇杯,叫佢比好似嗌契弟咁,怕我哋靜飲唔食咁,話冇杯.......OK算,未齊人,想叫住幾個小食先,點完個女侍應問我哋知唔知有最低費,理應我們話知,其實佢就可以走去落單,誰知佢仲要REMIND 要每人要叫一個SET, 最平要$82...........怕我們十幾個人帶唔夠錢,定係SELL佢哋D SET DINNER 好平,只需$82 蚊呢?坐多一陣決定唔受氣,決定全部人起身走人,轉場

跟好久不見既朋友聚聚，又晤想半路轉場又可以傾半日，所以選擇樓上孖啡cafe. 地點就係油麻地站a1 出口，金太郎隔離。方便又易搵。入到餐廳內，感覺都頗大且多人仲可有私人房添！簡左數個 益智遊戲 都好娛樂到大眾。可能人較多，冷氣晤係太夠，調較後便好一點了。Party package menu 日式芝麻醬沙津芝士焗肉醬天使麵西班牙鴨胸燴長通粉芝士忌廉焗吞拿魚天使麵小食黃金咖哩角香烤脆薯條香草瑞士雞翼香脆什菜春卷日色什錦丸子戀人 （士多啤利加玫瑰綠茶） 魔術師（玫瑰加青蘋果汁）飲品：有6款可供選擇，任選2款，per Jar 計算每位$128 (份量以人頭計算）有加一點菜可禁旁邊既鐘仔。總括來說： 食物、飲品方面，有好幾個菜單，都較為多元化！Part package menu 的份量係會有飽肚感既但係有小部份餸菜不太隱定！飲品都好重玫瑰花味道。

下雨天行左成日街很疲累，晚上與朋友去Cafe食個晚飯，繼續無休止吹水笑下～位於Cafe林立的高氏大廈，朋友之前食過，覺得不錯～環境寬敞空間感不錯，梳化座位軟軟的，坐得很舒適～有天使麵、通粉、飯、沙律及各式各樣的小食選擇～忌廉煙三文魚天使麵 - 忌廉汁杰身不咸～天使麵軟身彈牙，掛汁能力不錯！三文魚薄薄每片砌成玫瑰花，味道淡淡不甚特別～鮮茄焗豬扒飯 - 朋友不建議食豬扒飯，她說去某大型連鎖快餐店食會比較有信心～不過我卻十分有興趣嘗試，最後沒有理會她！焗得合時，飯雖則沒有預先炒過但亦不會太乾身，豬扒肉味甚濃，亦都頗鬆化！而且沒有骨，更加方便進食～另外面層亦舖滿小量芝士及青豆紅蘿蔔粒，減少滯感！黑松露薯條 - 炸得略為乾身，不過薯味很濃～亦都滲出頗濃郁的黑松露香！嘭嘭聲迅速與朋友KO！(左) 隱者 - 梳打飲完很爽！士多啤梨甜甜酸酸不會太甜太膩，夏日之選～(右) 戀人 - 色澤與隱者那杯差不多，飲落酸酸澀澀但茶味甘香～飲完頗為解渴！有麻雀、大富翁、層層疊等等的遊戲玩～與朋友玩到樂而忘返！而且每枱有個小鐘，落單或有需要時按，便會有人立即過來，很方便！

一行4人想搵個地方聚下舊、地下野、玩下board game, 樓上cafe就岩晒。但要搵間食物ok、價錢相宜又唔趕人走既就有難度，但好彩比我搵到呢間評語唔錯。大雨中搵路，好在近地鐵站。搭lift上4/F 一出就到。門口旁就放左好多board games,見到就開心。地方唔大但總算坐得舒適，唔會枱靠枱甘近，而且我見有枱可以比10幾人坐，岩晒大夥兒。我地4個人見到普通dinner set 都差不多$100+10%，甘不如叫呢個party set啦，都係每人$128+10%，但有晒以上既野食（除左自選減除一個main)。首先嚟麻醬沙律，生菜爽口，多吞拿魚肉，惹味，好快食晒。跟住嚟野飲，我地選左「戀人」& 「魔術師」。兩款係青蘋果汁 / 士多啤梨 配玫瑰花茶。其實我覺得兩款差不多味道，配左花茶會無甘甜，better。瑞士汁雞冀以4人份量計有8隻。算大隻，入味而且唔乾，幾好。意粉多汁唔乾，而且足料，絕對多於4人份量！但唔知點解幾款意粉都偏甜，最甜係白汁，所以我地無食晒。呢款小食拼盤好多料：牛肉丸、魚旦、芝士腸、薯條、咖哩角&春卷。岩晒食完main dishes 之後玩board games/ 傾

友人今晚帶我去了間樓上cafe，有簡單的食物可選之餘，還有益智games玩，係一班人hea下玩下食下嘢的好地方。落雨天有點涼，點了壼藍苺花果茶暖暖個胃。酸咪的味道，即時醒神又開胃。肚子餓了，點了黑松露意什菌大利飯，最初以為樓上cafe食物質素都是一般的啦⋯⋯誰不知味道卻出乎意料之外，有水準。飯粒充滿著濃稠的松露忌廉汁，每啖散發著松露的香氣在囗腔內回蕩。什菌份量頗多，豐富了口感質感。心太軟可否有流心效果好期待喔！溶岩流出了，隨即伴雪糕同吃，一冷一熱，水火交融，好滿足！中途感覺有點苦澀，相信是焗過了火喉，底部焦了一點，但整體可接受的。希望店方下次注意下啦。天色漸暗，帥哥靚女陸陸續續到來幫襯，係時候撤退了。

呢間野 黎過2次小食方面 就無太大特別腸仔有時整到爆開晒 過熟 口感就會有所影響但飲品方面就唔錯叫左杯雪糕咖啡黎飲 唔比其他知名咖啡店差咖啡味岩岩好濃 唔會話比雪糕d味整到好怪整體又唔會太甜 佢甜味主要係由雪糕到過黎主菜叫左意粉　但茄汁味太濃　基本上都係茄汁＋糖去調味　無太大特別