孖啡 (已結業)

今晚同大學同學gathering , 估唔到咁有緣，去番以前同中學同學黎過食生日飯既地方食飯！裝飾。 七年過去，但我對宜間cafe印象好深刻！Cafe佈置高貴，水晶依舊高掛，當中仲有我以前同朋友既美好回憶！各款Set dinner 大約一百蚊左右，做包埋一杯$38既飲品，就可以玩足一既坐足一晚，價錢算合理既！焗豬扒飯（$106）新鮮滾熱辣出爐，非常香！豬扒有手掌咁長，都幾大塊唷！而且豬扒夠厚，咬落有口感，再索左茄汁醬，酸酸甜甜非常惹味開胃！忌廉煙三文魚天使麵（$108），單係三文魚砌成玫瑰花形狀已經令人愛上！三文魚入口散發出一絲絲既煙薰味，繼而食到三文魚既鹹鮮味，的確好食！忌廉汁夠多，味道夠濃郁，令平凡既天使麵變得非常可口！仲有，值得一提既係籃莓花茶比預期中好飲！，味道唔會太甜，入口好香籃莓同黑加侖子既果味！好味又健康呀！

大約一個月前，開飯網舉辦了最佳食店選舉，除了一些我已經試食過的食店入選外，還有一些我從未見識過的食店，成為候選名單之一。對我來說，選舉固然令我大開眼界，亦多了不少食店給我選擇。對於有幸入選的食店來說，入選最佳食店選舉候選名單固然是好事，可能有助催谷生意。但入選亦有可能是隱憂，因為店舖業主可能乘機加租，隨時成為食店的喪命鐘。例如旺角有間樓上餐廳「孖啡」，恰巧也被入選為最佳食店選舉的候選餐廳之一，我在下午茶時段上門，適逢餐廳客人比較少。不過，可能侍應和廚師知道餐廳剛成為候選食店，所以對客人都很小心和客氣，連帶上菜時間也突然變慢。也正正因為是下午茶時間，「孖啡」店內幾乎一個客人都沒有，侍應很快便上前招呼。「孖啡」店內的裝修和格調，始終像樓上咖啡室多於樓上餐廳，但是大部份座位卻是卡座，是典型地痞茶餐廳的設計。由於座位大多被固定了，所以餐廳給人很整齊，很整潔的感覺，用餐也好，玩塔羅牌也好，喝咖啡聊天也好，「孖啡」看來都像是很適合三五知己喝咖啡，談心和打發時間的地方。不過，正正就是因為餐廳裝修實在太別緻，亦令我進入餐廳時，多了一份不自在的感覺。餐廳清潔沒問題，但氣氛就令我有點緊張，怕自己點的食物太

同朋友係旺角行街，發現一間唔錯嘅樓上cafe，間cafe地方都算大，環境幾好，座椅夠寬，坐得舒服。裝修都幾靚，有吊燈裝飾，有電視，仲有提供遊戲玩，見到好似有層層疊、大富翁、紙牌遊戲等等，都幾多野玩。有個鐘gum可以叫侍應，侍應服務態度幾好，隨傳隨到而且好有禮貌。有塔羅牌名嘅飲品，幾得意，咖啡都有唔少選擇，仲有好多其他種類飲品，好似水果茶、花茶咁。有甜品、小食，下午茶/午餐/晚餐都包一杯$38飲品，都幾抵食。蒜香雞翼雞翼好香蒜蓉味，有炸蒜碎灑上面，皮脆入味，幾好食嘅小食。黑松露野菌忌廉意大利飯好濃郁嘅黑松露香味，芳香撲鼻，加埋忌廉汁，更加提升松露嘅香味，上面放左少少芝士碎，以為忌廉加芝士再加黑松露會好溜，但原來味道非常配合，份量亦啱啱好。西班牙咖啡咖啡香醇，配上一球呍呢嗱味雪糕，唔會太甜，幾適合喜歡咖啡同雪糕嘅我。薰衣草、茉莉花、檸檬馬鞭草花茶最後仲叫左一壺花茶大家飲，玻璃茶壺放香薰蠟燭上面加熱，配上玻璃茶杯，好有氣氛，花茶好清香，而且有安神舒緩情緒作用，果晚飲完的確係好好訓。呢間cafe幾唔錯，適合大班朋友或者情侶嘅好地方，而且價錢唔貴。

行開旺角，記得朋友介紹過呢間樓上cafe唔錯，就決定黎食晚餐。Cafe名叫孖啡，幾特別，店入面裝修都好有心思，牆上同玻璃窗都貼左好多特別圖畫裝飾，入到去已經見到有三張大台係坐滿客人，都玩緊card game，好歡樂咁。店員帶我同朋友兩個坐角落比較幽靜嘅二人座位，呢度地方真係幾闊落，座位仲全部都係軟櫈，坐得非常舒服，燈飾係水晶吊燈，感覺好有情調，旁邊仲有電視可以睇，店員俾menu我地後，話如果有咩需要可以按柱上面嘅鐘搵佢地，真係方便又貼心嘅服務。呢度嘅特色飲品非常特別，係用塔羅牌命名架，好似我揀嘅「審判」咁，係青蘋果、波蘿、薄荷、檸檬沙冰，有薄荷嘅清香同水果酸酸甜甜味，感覺好清新。晚餐有A至H餐選擇，晚餐我比較喜歡食清淡d，所以揀左凱薩沙律，沙律放置得幾靚，裡面有沙律菜、麵包粒、芝士碎、蕃茄仔等，配上醬汁，感覺好健康，食落清爽而且味道唔錯。我地仲叫左一份蒜香雞翼，一碟有六隻，雞翼煎得好香口，蒜香好惹味，咬落仲熱辣辣架，非常好味嘅小食。呢度真係同朋友歡聚嘅好地方，非常適合聚餐，有得玩有得食，環境舒適，下次真係要叫埋一大班friends黎gathering先得！

跟朋友兩個月無見面，決定搵一間樓上Cafe邊食邊傾，Openrice發現呢間喺高氏大廈既Cafe，初頭無為意個名，坐底左先發現原來呢個Cafe叫孖啡，個名都幾特別。餐廳裝修有點兒舊，但睇得出有好多裝飾補飛，另外一提Cafe有Wifi，唔洗密碼。餐牌晚市套餐唔算多，但飲品種類就非常多，叫野飲果陣真係r爆頭。我同朋友叫完野食之後，就打算睇下出面有咩玩，Board Games種類多，絕對足夠，Uno Deal 呢D基本既都有，由於同朋友兩個人，所以無辦法玩到Pictionary同Dixit哈哈，但如果一大班人去既話就可以玩呢D多人參與既Card Games，都係果句，由於得兩個人，所以我地玩左一陣就打算傾計等野食哈哈。好快野飲就黎左了，由於我有小小咳，所以就叫左熱飲，熱蜂蜜牛奶，呢個熱牛奶top多泡左小小，不過都算正路，但入口超香好好飲，牛奶滑，仲有淡淡蜂蜜味，飲落清清地好舒服，仲講笑同朋友話呢杯好適合佢訓前飲。朋友則點左杯士多啤梨奶昔，top比較多cream，朋友略嫌太甜，飲落陣味似韓國士多啤梨奶，如果喜歡甜士多啤梨味，係適合叫呢杯試試，但我感覺上奶昔類應該香蕉同Oreo奶昔會受大眾歡迎多

好耐無去樓上cafe 了， 以往大顆兒的聚腳點， 可以坐低食野， 一齊玩mini game, 可以與閨蜜坐好耐咁傾講不盡的話題。今晚與朋友二人都想去懷緬一下， 黎到double cafe, 見到餐廳位置闊落， 環境舒適， 岩哂我地既基本要求！set dinner 有8 款， 配埋餐飲，加錢有甜品，每樣都好吸引！唔知點揀好！黑松露野菌意大利飯忌廉汁香濃滿溢， 黑松露與磨菇味道很夾， 意大利飯比較淋身d而且很入味忌廉汁煙三文魚天使麵光看賣相都非常吸引， 玫瑰花點聚很美， 煙三文魚有少少咸， 但配忌廉汁同天使簡直無得彈咁岩同朋友都揀左玫瑰系列既餐飲， 我選了玫瑰花茶， 可以幫助消化，醒腦提神！甜品是意大利芝士蛋糕 及心大軟芝士蛋糕一般啦， 但心太軟絕對值得一試

我第一次去孖啡，因為想找一個有氣氛的餐廳同朋友慶祝生日，我們感覺環境不錯，而食物也不錯。而且最好味是黑松露野菌忌廉意大利飯，甜品也不錯，另外，我們可以玩自己帶來的game,非常好渡過一個難忘的晚上。我之後會再考慮去這裡吃飯。

已經是第二次來到孖啡，上次是晚飯時段，今次是午市一開門便來到，不要以為剛開鋪會只得我們一檯客，其實同時間也有其他客人，所以食物方面就要等待一陣才可上檯。 午餐及晚餐都是用同一款Menu，只是價錢有所不同。魚手指 $42先來一客小食頂頂肚，新鮮即炸當然熱辣好食，外層金黃香脆之餘中間的魚肉亦細膩潤澤，蘸上沙律醬，口感妙絕！日式黑椒牛柳粒飯 $76牛柳粒份量不少，火候掌控得宜肉質腍身，黑椒汁夠多用來拌飯簡直一流，配搭上有自身天然甜味的三色椒，食落爽口增加不少層次。芝士焗吞拿魚天使麵 $66單看賣相已相當不錯，面頭的芝士醬汁焗到帶點焦香，吞拿魚用料充足好像用足一整罐吞拿魚肉似的，最底下的天使麵夠乾身，三種食物夾在一起效果非常好。士多啤梨鮮打沙冰(塔) $10午餐及晚餐均包一杯$38的飲品，若飲品超過$38則只須補差價。這杯只須$10的沙冰實在太抵，大杯之餘味道亦不會太甜，士多啤梨有酸味反而更開胃。青蘋果菠蘿薄荷檸檬沙冰(審判) $10這杯是男朋友所點的，同樣都是只須補$10，但我略嫌薄荷味重了點。埋單只須$220，食物質素不錯，飲品大杯夠抵飲，而且這裡的用餐空間很寬敞，坐在梳化位上談天看電視，

今天出咗去旺角好景商業中心地下影印筆記，可能太多頁，店員叫我一小時後先有得拎，咁同同學仔搵間樓上咖啡店坐下同食晚餐啦！行出彌敦道，抬頭見到Double coffee ，同學仔就話試下啦！上到4樓，餐廳分開兩面，店員帶領我哋去A單位坐，格局幾舒服！同學仔叫咗晚餐G，係一個黑椒牛柳粒飯好多牛柳粒呀，肉質幾淋，幾滑，又大粒，而且個汁甜甜地，幾好味！伴飯食，夠惹味！我就叫咗個晚餐煙三文魚天使麪三文魚捲成一朵花，有啲詩意！個汁係忌廉汁，好香好滑！同學仔叫咗杯Double cafe，夠香滑！我就叫咗杯玫瑰綠花，清清地！晚餐可加甜品，我哋揀咗芝士蛋糕！芝士味夠香，最重要不是雪得太硬，幾滑，幾淋！好味！我哋走先發現店內有玩具供食客玩，今次玩唔到，唯有等下次再去時玩啦！

同朋友傾project！想搵個地方一路食一路傾！就揀左去孖啡！地方夠大！夠多位！叫左個瑞士雞翼開心share !雞翼好入味啊！隻隻都充滿左瑞士汁既香味！但又唔會過咸！正呢！雞翼仲要好滑啊！一啜d肉就出黎！本來我可以食四隻！但食食下個朋友又想食多隻！我獨食黑松露意大利飯！好香既黑松露味啊！而且仲有芝士既香味！飯有忌廉撈埋一齊！又好夾又好好食！飯又有咬口！軟硬剛好呢！最正係佢有d蘑菇同野菌係入面！食落去勁香！飲埋杯杏仁霜！繼續歎！

貓貓放工後食貓貓最鍾意既咖啡廳。貓貓好肚餓，order左個鮮茄焗豬扒飯。好多芝士係上層，豬扒已經切一塊塊，好方便食。鮮茄汁甜，呢個芝士同鮮茄既配搭得好夹，而且份量多，食得好飽。跟埋野飲，order左個熱嫀子朱古力。上邊仲有類似蛋黃哥既忌廉，好得意。暖笠笠既朱古力，夠貓貓係cafe度慢慢享受慢慢飲。見到貓貓鍾意既牛角包，仲要有牛肉夹係中間。見到都流口水。牛角包烘得鬆脆，牛油味香，黑椒牛肉同生菜令到口感好fresh。環境唔錯，好適合聚會！

係旺角行街行到攰,想同好友搵個既可食飯又可以傾吓計既地方（無盡話題）XD, 呢到係一個好地方座....D位闊落仲要全卡位, 真係坐到有d唔捨得走先講講野食方面, 我地叫咗碟煙肉卡邦尼長通粉（我本身好鍾意食芝士）味道好有水準, 卡邦尼汁味道好濃....而長通粉煮得剛好唔會太淋 （最怕通粉/意粉太淋）煙肉都好不錯日式黑椒牛柳粒飯 牛柳粒夠"林", 味道好香夠晒野味而且份量仲好足料添(下次黎會再食）朋友就揀咗洋金菊玫瑰花茶 清清地, 有個細細蠟燭係底可以keep warm, good!!!朋右話一面傾一飲 真係身+心靈都好放鬆><(都市人好需要"放鬆"啊)而我揀既朱古力奶昔, 都好唔錯,  唔太甜, 朱古力味十足

約咗朋友傾旅行嘅行程，諗住搵間地點方便可坐較耐。可能係星期五嘅關係，人較多。環境尚算OK, 但係幾嘈，附近有1-2枱玩緊table game, 不停拍枱，有啲嚇親。點咗個松露飯同肉丸天使麵，味道幾好。不過咖啡偏甜，唔洗落糖都得。加$28可以揀心太軟配雪糕或者芝士蛋糕，我地都有加晒，又係超勁甜，個雪糕好似用白糖整咁，得甜味；芝士蛋糕無芝味又係得甜味，唔建議加。可以經OpenRice app訂座好方便，而且會有人當日打黎confirm booking, 不過鍾意飲花茶既朋友要留意，茶具好似唔太夠，有幾個客人都話要，但剛好用晒。

期待越大失望越大原本對孖啡期望很高，以為環境同食物質素很優質，可惜一搭上樓時，已經很失望。是舊式自助開門的，空間很細，只可盛載十個客人左右，只得一部而且很慢。環境方面很黑暗，中午時段也感到很陰沉， 枱與枱之間距離很近， 隔離枱講的說話也清楚聽到，很難與朋友暢談。服務員的態度亦一般。食物方面，質素普通一般冇驚喜， 不可稱得上為難食，但也不算好食。 我今次叫了忌廉黑松露意大利飯尚算可以，忌廉香濃滿溢，意大利飯很淋而不硬。 再落了兩個天使麵，一為焗吞拿魚天使麵及另一個是三文魚天使麵，味道一般，普通。。 飲品選擇多，此店命名為孖啡，梗係要嚟order咖啡啦, 可惜冇咩屬於咖啡香味，實在太普通了。

唔好食，似30蚊餐，衣個價唔值，味道好一般，超級一般，無言，飲品淡到似水。不能形容，環竟算不錯，員工都算有禮貌，食物質素同味道真的雖要去改善。所以放相看看吧，好完。