孖啡 (已結業)

衝最佳食店之名去幫襯了環境不錯的，店員分配我們三人到五人座位所以都舒適的點了黑松露忌廉意大利飯，會很膩吧，所以點了果茶點餐後店員很快就送上一份餐具是的，只有一份⋯三份餐是一起點的，唯獨朋友的意式肉丸xxx久久未見蹤影追了2次單再等了又等後，所有餐都到了意大利飯很很很膩，我就是歡喜這味黑松露的香氣普通，沒有很濃郁意大利飯煮的時間再短一點點就好了飯後喝一杯熱熱的果茶，剛剛好整體不過不失啦但以樓上cafe來說就很不錯了（遇過太多次樓上cafe的恐怖食物，很久沒到過這一類cafe)

朋友推介在油尖旺有餐廳的黑松露意大利飯不錯，於是按圖索驥去找，原來餐廳所在地就在旺角站與油麻地站之間。大廈是舊式的商業大廈，電梯還是用掩門的。上到四樓，正面對著的兩個相鄰單位原來都是同一餐廳，聽說三樓也是他們的姊妹餐廳，供應的都是差不多的食品。孖啡之名當然與毒品無關，據說是由兩位熱愛咖啡的人士合作，因此而得名。店員帶我們到隔鄰的那個單位，說會較為靜一些，不過如果要召喚店員就要按枱面的電鐘。餐廳內的佈置很有會所或家居的感覺，據說就是要讓客人有一個舒適的用膳及與朋友聊天的地方，亦可作私人聚會包場派對的埸所。餐廳的主餐牌選擇不多，只得八款，而小食就有十來款，反而飲品的選擇就相對較多，型式似咖啡店多於餐廳。識食的話落單前就先要知道人家的主打或推介，除了點了黑松露野菌忌廉意大利飯($110)之外，怕忌廉會滯，所以另一款就點了意式肉丸配天使麵($98)，貪吃的我還加了個特式拼盤($78)，跟餐還包一杯$38的飲品，超出了也只需補回差價，既然餐廳是由兩位熱愛咖啡的人士合作開設，於是我怎會不來一杯House Coffee(孖啡)($42)試試，而友人就要了一客香蕉奶昔($52)。最先到的竟然是兩杯飲品

昨晚出了旺角，約左老友攞野，甘當然順便食埋晚飯， 記得知前有人同我講過，位於彌敦道高氏大樓內有間叫『 孖啡 』的西餐廳，但係覺得明明話位於彌敦道，為何會轉了在横街，但總算很容易找到餐廳裏的裝修很整齊及寬闊，擁有能供十多人一起坐的大枱及卡位，當然還有一些二人或四人的卡位餐廳也很細心，枱上有一按鐘， 方便客人找接待員，不需擔心四處找日式黑椒牛柳粒飯， 賣相方面不錯，分量絕對足夠一個人， 牛柳粒配上洋蔥及彩椒，使色彩很充實， 咁當然最緊要味道， 牛柳粒大細適中，煮到啱啱好，不會太硬，入口很嫩腍當然不能夠忽略小食，今次選取了兩個，其中一個叫魚手指，真的好像一條粗粗的手指，因不像一般的魚柳只是薄薄的一片，也不會打得很燶，脆脆的外殼郁香魚味，再配沙律醬很滋味，值得一讚蒜香雞翼，炸得外面酥脆肉還能保存柔軟， 在盤上面頭的炸蒜，使到更惹味點少得叫番個甜品，甘回選擇了一個心太軟配雪糕， 一切開朱古力流心便的湧出來， 更甚出濃醇味，再配雪糕一起食，一冷一熱很爽咪以為叫孖啡就只有咖啡，但其實這裏的花茶也非常好味，今次也叫來了一個玫瑰花茶，飲落玫瑰花味道剛剛好，不濃不淡，使人感覺當玫瑰花的芳香味道其實在旺角樓

話說呢度好似係ocamp/reu/whatever gathering必到之選，咁今日就約咗朋友仔嚟呢度啦樓上café食物質素參差就預咗嘅，不過好似勝在有boardgames可以坐耐啲吹水早咗到，店員幾nice 問我要唔要入去坐住先座位都幾闊落，六個人坐大嘅梳化卡位好鬆動聽朋友講話dinner set G,H有啲伏，所以叫咗個最穩陣嘅B餐芝士焗吞拿魚天使麵芝士醬好多，吞拿魚份量都好多，食到最尾都仲有不過天使麵嘅麵質就真係有點兒。。。質地偏硬，一條條好似食緊鹼水麵咁，唔講以為食緊米粉不過除咗麵質，overall味道又算係無可挑剔嘅嘢飲方面加少少錢叫咗草莓乳酪，味道唔伏之餘都幾好飲，有草莓醬同忌廉底層較稀較重乳酸味，上層就泡沫狀為主朋友仲一齊嗌咗小食拼盤同炸薯條，都幾好食由8點吹水玩遊戲到11點幾，都真係幾抵嘅

同幾個中學同學聚會，大家都好懷念以前喺樓上cafe傾計食野玩board game既日子，所以多年後的今日都揀左間cafe。呢度既環境好舒服，唔會太迫，而且梳化椅坐耐d都唔怕。門口位置有大量我地期待已久的board game，大部分玩開既board game都搵到，真係可以同朋友消磨大半日。到食物方面，雖然選擇唔算好多，但午餐黎講價錢相當抵食。我地要左一碟忌廉煙三文魚天使麵，煙三文魚捲成花形狀，打開份量有好多。忌廉汁亦唔會過稠過稀，岩岩好掛喺麵上面。另外要左個黑松露野菌忌廉意大利飯，risotto 最怕過淋，呢個岩岩好，而且除左忌廉味，黑松露味都好重，自己食哂一碟的確有少少漏但真係好好食，同朋友share就岩哂。另外加左一個小食，又係黑松露，今次係薯條，薯條係粗身嗰種，加埋黑松露醬，點會唔好食。跟餐可以加錢要甜品，我地要左個心太軟配雲尼拿雪糕。睇呢張相都可以幻想到d朱古力漿流出黎個種感覺有幾正，而且蛋糕唔太甜，配合埋凍凍的雪糕真係無敵。飲品方面分別要左一杯熱既紅莓果茶同香蕉朱古力。果茶酸酸地有助消化。香蕉朱古力就有d似盒裝朱古力糖個種味，比較甜。呢間cafe真心唔錯，多遊戲玩又坐得舒舒，

今次聚會同行6人又必去cafe聚聚舊，吹吹水啦。今次黎到孖啡double cafe，一入到去就發覺好多人，大多數都係大檯黎，好彩有位！一大班人緊係要叫多d野食啦，所以最後都係叫一set黎食，呢到每樣食物都好夠份量，唔會一人一啖就無哂香草瑞士雞翼最愛食雞翼，香草味唔太食到，但d瑞士汁就入哂味！好大隻好肥美雞肉串我一口氣食左幾串，連自己都嚇親，好彩有好多串炸！D雞肉好嫩口，多汁令到雞肉好濃味，唔會似之前食開甘勁大陣雞味唔好食。小食拼盤有薯角、餃子、咖哩角。我比較鐘意食咖哩角。皮脆又薄，入面都好多料餃子就普普通通，如果有埋餃子醬應該會比茄汁match d。薯角較特別，因為係辣味薯角，就算唔點醬都有少少辣味調味煙三文魚沙律用三文魚砌左朵好靚既玫瑰花有麵包粒，食落既口感有菜既爽口同麵包粒既香脆因為都幾大碟，所以如果多少少醬就較好。每間cafe都會有board game，呢間都唔例外，種類都唔少。不過呢間既game有好多都係放吉盒出黎，要玩先再問佢地拎。

Cafe一直都係我地gathering好去處所以真係特別鍾情唔同cafe有得玩有得食 仲可以任吹水唔嬲👍🏻高氏大廈係cafe 集中地 地點起方便大家👍🏻今日就揀左孖啡平日夜晚7點去食個門口好光猛 一望就知自己冇去錯地方👍🏻臨近農歷新年 多左好多中式裝飾好有新年feel 真係中西合璧👍🏻入到去都唔算多人可以靜靜地傾下計 被侍應安排到近窗口位 望住街景 好舒服價錢好合理我地叫左 意式肉丸配天使面黑松露野菌忌廉意大利飯 加心太軟黑松露薯條黑松露薯條份量真係好多 成個兜係滿到瀉咁制黑松露好香 熱辣辣ge鮮炸薯條加香噴噴ge黑松靈 簡直冇得輸👍🏻👍🏻薯條唔係炸到乾晒果隻 係仲食落仲有薯味🤤🤤肉丸天使面係茄汁㡳 有少少菜係上面個茄汁底食得出有用鮮茄加茄汁👍🏻唔似某d餐廳一味得個茄汁 好酸 味道唔夠九層次個肉丸好彈牙 份量又多 同天使面同個汁好夾👍🏻野菌黑松露忌廉意大利飯份量真係十足 意大利飯煮得岩岩好好有咬口 d飯吸晒d黑松露忌廉 好好食值得一試跟餐加28有心太軟一切開 d朱古力醬湧泉而出 見到都開心一食果然冇令我失望 焗ge時間岩岩好一凍一熱 好好食 大家不妨加錢試試 出面食一個心太軟都要成40

最近工作忙到快喘不過氣來，終於熬到了週末的假期。想要一個悠閒又 Chill 的週末，當然要有一個嘆到不行不行的下午，但大商場無論去吃什麼，都會被其他食客的進食速度影響而令我們的午餐都草草吃過就算！最理想亦是我最喜歡的，當時就是寧靜又舒適的樓上 Cafe ！而這家孖啡 Double Cafe 可算是我跟大小姐近期的大愛，全因為這裡環境相當寬敞又舒適，當然食物質素也十分值得稱讚，可謂性價比甚高呢！這天的午餐也跟大小姐過來了！------------------------------◎ 意式肉丸配天使麵 - $64 / lunch set香草真的是擺碟的一個重要拍擋，光是上菜時看到就已經值得加分了。肉丸質感帶有點彈牙，肉質一點也不鬆散；天使麵沾上烹調過的蕃茄醬，帶點酸酸甜甜的相當開胃，麵質也沒有煮得過份熟而變糊狀，不錯。------------------------------◎ 忌廉煙三文魚天使麵 - $68 / lunch set這個忌廉煙三文魚天使麵令我跟大小姐都吃得雪雪聲，津津有味！全因為這個忌廉令到天使麵變得相當滑身，入口非常 creamy，又竟然絲毫油膩的感覺也沒有，還有最重

在旺角想找個地方喝一杯，和朋友一齊玩玩棋、吹吹水？可以到彌敦道這間樓上舖「孖啡」，這天來到，就有不少年輕人來聚會。 在餐廳近門口處，放置了不少棋盤遊戲，包括我最愛玩的Rummikub！ 特色拼盤 ($78) 玩之前先醫肚，因為有選擇困難症，所以叫了個拼盤，裡面有雞翼、薯角、春卷、咖喱角、魚手指、蟹子魚蛋，全部炸得香脆，最喜歡是蟹子魚蛋，入面蟹子會爆漿，小心燙嘴！ 瑞士雞翼 ($42) 意猶未盡，再來一客瑞士雞翼，甜甜的，雞皮香滑，十分入味。 意式肉丸配天使麵 ($98) 有好多粒肉丸，茄汁酸中帶甜，天使麵特別「索汁」，所以吃起來很滿足。 日式黑椒牛柳粒飯 ($104) 牛柳粒好腍，而且分量不少，和洋蔥、燈籠椒等同炒，很中式的感覺，用汁來撈飯，不錯。 心太軟＋雪糕 (加$28)加28元可以加心太軟和雪糕，好抵食！這個心太軟也做得不錯，外皮脆，裡面流心，朱古力味濃，必點。

那些年，考完會考等放榜終日無所事事，只愛黏著朋友不願回家的日子，總愛流連在樓上Cafe。年輕人說說笑笑，玩下Broad game，日子開開心心，眨下眼就過。今日重遊舊地，來到旺角高氏大廈，驚喜發現那部要人手推門的升降機仍健在，好讓人懷念！眼見當年的Cafe大部分都不在了，取而代之的是走年輕人路線的新Cafe，不得不認老喇。來到4樓孖啡，環境寧靜，地方闊落，擺換了大型卡位式梳化，方便朋友聚腳慢慢傾。餐廳採用了昏暗燈光，牆身貼滿具藝術感的貼紙，感覺好有情調呢！看看餐牌，食物和飲品的選擇都唔少，要搵到心頭好唔難。選好食物後可以㩒鐘等店員過來落order。呢度既店員屬年輕一族，態度親切，上菜、執枱反應好快，絕對加分。上樓上Cafe 當然唔少得飲品！先來一杯凍檸茶，有少許偏甜，味道是不錯的。玫瑰花洋甘菊茶，熱呼呼飲一杯落肚，即時有鎮靜的感覺，加上Cafe的寧靜環境，很relax。花茶杯的size 非常小巧，尤其是杯柄，拿起茶杯時會自動淑女mode(笑)。煙三文魚天使麵－一上枱已被那朵精緻的用煙三文魚卷成的玫瑰花所吸引，濃濃creamy的忌廉汁淋上一絲絲分明的天使麵，加上爽口的薄切菇片，很享受味道

同女朋友行街行到腳仔軟嘭嘭聲拉佢去搵地方休息兼食晚飯上網一睇就有間係附近就上左去仲要有好多board game 玩添餐牌都未睇，就比佢飲品表嚇親款式多到都有選擇困難仲有一頁係特別用塔羅牌黎改名最後我點左牛奶咖啡咖啡味濃郁，而奶味都取得平衡到點主菜啦女友鐘情意大利麵於是幫佢點左個忌廉煙三文魚配天使麵麵質剛剛好，帶少少硬身配合香濃滑溜既忌廉汁搭上一片煙三文魚，咸香混入香滑，轉頭就已經清碗我自己當然嗌個鮮茄焗豬扒飯啦大大塊豬扒，厚身得黎又夠鬆軟，唔會嚡口茄醬有好重既鮮茄味，帶有少少酸味，唯獨差少少甜味，令成個醬汁變得唔夠突出我地兩個人仲點在個瑞士雞翼做小食雞翼入哂味，甜甜地咸咸地雞肉唔會煮到過火，仍然有嫩滑多汁既口感最後加廿八蚊order埋個甜品啦我揀在款芝士蛋糕🍰比一般食開既實身，但仍然有好濃既芝士味而女友當然會選擇心太軟啦⋯⋯佢至愛嘛最後我係食唔到架因為佢獨享

每逢球季，身邊的球迷總會到處尋覓一些場地，相約大伙兒一起睇波，順道狂歡暢飲。雖然，BeautySearch 不曾參與他們這類聚會，但卻每每受惠於他們找來的場地！由於酒吧人太多，而且收費亦較昂貴，近年，他們總會物色一些可提供酒精類飲品的樓上舖來滿足他們的需要。但其實，這是樓上舖於平常日子，便是一家餐廳，所以，每次他們物色睇波聚腳地後，我也可以到餐廳去品嚐食物、享受新環境喔！ 早前，他們就在人煙稠密的旺角，找來一家很適合包場舉行生日及節日派對的上樓餐廳 ~ 孖啡 (Double Cafe)。 甫進店內，雖然店子不算很大，空間感卻不錯，以黑色作進調，牆身用上特色牆貼，令整體設計相當豐，場內設有不少大型沙化及餐桌，真的非常適合大伙兒相聚，相約一班志同道合睇波，更是樂事，難怪友人早前選了這裡齊齊睇波！而這次，BeautySearch 是午市過後前來，被過人流最多、最旺的午飯時間，好好享受這 Late Lunch。 蝦子餅二話不說便揀選了他喜愛的「鮮茄焗豬扒飯」(HK$102)，相當重份量，大大片的豬扒蓋於表層，色澤吸睛，同時散發著濃濃香氣，蝦子餅更表示遠勝一哥呢！ 而且還可加 HK$28

星期四晚，下班後約了好友們到旺角的上樓cafe去吃晚餐和好好地聊天。她們帶了我來她們常來的上樓cafe。這間cafe分開了兩個areas,也每個area分別的裝修，各有各特色。我們坐在比較安静的一邊。晚餐套餐有幾個不同的選擇，我們選擇了3個不同的套餐和叫了2個單點食物。食物總括味道和賣相也不錯，餐茶也ok。我們叫了以下的食物和飲品：忌廉煙三文魚配天使麵套餐$104-天使麵煮得不錯，軟硬度適中，不會冧，忌廉汁不會太濃奶味，很香，味道可口。Earl grey tea+$18-ok黑松露野菌忌廉意大利飯套餐$110-但係你但不會煮得太硬，有咬口，也吸了黑松露的味道，也有菌的香味。也不會太膩。焦糖咖啡+$6-味道不錯。凱撒沙律套餐$84-有很多配料，菜也不錯。金桔青檸+$2 -ok黑松露薯條$48-薯條炸得香脆，還有一片片的小黑松露片，有點特色。味道不錯。日式炒雜菜$52 -炒得不錯。能在cafe裏吃到炒菜，也不錯。

天氣寒冷，商場餐廳爆滿，便與朋好友到樓上Cafe ☕ Hea 下 + Dinner~座位舒適，裝潢別緻，有我最喜歡的愛麗絲圖案💖有多款 boardgame 🎲 及啤牌任君選擇，即拎了 波子棋及飛行棋，邊食邊玩真開心~😁Set Dinner 選擇滿多，看到Lunch更便宜，下次也會Lunch Hour來🤑凱撒沙律🥗，沙律爽脆，車厘茄鮮味多汁，味道清新~芝士蛋糕🍰，跟餐升級加$28，質感幼滑，餅底鬆脆，芝味香濃醇厚，甜而不膩~ 塔羅特飲滿有趣的，我們各點了一杯🍹。其中一杯跟餐補回差額$10，好味抵飲!女皇👑，慕 絲香甜幼滑，乳酪沙冰加入玫瑰及檸檬，香甜微酸帶玫瑰花香🌹~戀人💏，玫瑰綠茶滲出士多啤梨的果香，果香四溢~特色拼盤🍤，有雞翼/薯條/春卷/咖哩角/魚手指/蟹子魚蛋，即叫即做，灼熱香口，鹹香滋味!😋腸仔出前一丁🍜，麵條富彈性，充滿濃香麻油味，香口味美!👍食物飲品優質，店員態度友善，上菜又快，不會趕客人交枱，慢慢食，慢慢玩，開心滿足的一晚~😊

同未婚夫一齊過一個悠閒晚上，想慢慢食，慢慢傾計，地點旺角，咁最好既選擇一定係cafe，因為唔會限時，而且又有Game玩，都係openrice search，見到個忌廉煙三文魚配天使麵賣相幾好就揀呢間「孖啡」「孖啡」呢個名都幾特別一坐低，全部都係大大張梳化，都幾舒服。lunch set 同 dinner set都一樣，8款主食，選擇不多，不過cafe黎講係正常，因為多數都係以飲品同小食為主，所以佢個drink list 就超多選擇，而且d名都幾得意。呢間「孖啡」地方都幾大，我見每張台都有「服務鈴」，負責人都幾貼心，其實我幾中意咁樣，有需要先搵店員，而且一按店員就可以準確知道邊張台。套餐包1杯$38飲品，但黎到cafe無理由唔叫d特別d既野飲架，所以補$10叫左「女祭師」，其實係玫瑰花士多啤梨梳打，味道清甜，岩晒唔中意濃味飲品既我。主菜出場忌廉煙三文魚配天使麵濃郁忌廉香味，醬汁好 creamy，仲有好多我喜歡既菇菌類，幼身既天使麵煮到岩岩好，有少少軟身， 索汁一流，煙三文魚都算肥美另外仲叫左瑞士雞翼外嫩內滑，而且都夠入味我仲跟餐加左$28 要1份心太軟熱辣辣，一切開朱古力漿湧出黎，外層有