孖啡 (已結業)

放假搵間坐得舒舒服服的cafe，同三五知己傾下計，plan下旅行，玩下board games。Double Cafe地方好大，梳化座位又闊落。最吸引的地方係有大玻璃窗，可以透到自然光入室內，感覺舒服。唔似好多工廈Cafe成個密室咁。 第一次喺度食lunch，比晚餐更經濟。 日式黑椒牛柳飯牛柳大大粒、夠腍、夠滑，加上小小黑椒的辣，好惹味。配埋有三色椒&洋蔥，更健康。 意式肉丸配天使麵豐富的番茄汁，滲入天使麵入面。天使麵時間掌握得啱啱好，不會過腍過硬。 飲品超多選擇係依度的特色。有選擇困難症的朋友，唔駛煩，向你推薦兩杯凍飲，死神 & 女皇。死神可樂加朱古力雪糕，即係懷舊特飲-黑牛。炎熱警告下飲，真係透心涼。如果有埋黃牛（忌廉汽水加菠蘿雪糕）仲正！女皇玫瑰、檸檬同乳酪沙冰。玫瑰花味濃，清涼冰凍、味道微味，帶點檸檬酸味，聞落有淡淡玫瑰甜香。又靚又香，最啱女仔飲，值得推薦！ 最後當然要食埋甜品啦！芝士蛋糕🍰甜度適中，質感幼滑。心太軟今次有點失手 overcooked ，蛋糕外層脆脆的。可惜，一切開沒有濃濃的朱古力醬流出。朱古力蛋糕配上香滑雲呢拿雪糕，一冷一熱，也不錯。有好嘢食，有好舒服的環境，有

之前，啲人埋怨連續十幾天酷熱天氣，依家又埋怨掛風球，大風大雨。其實，天氣永遠不似預期，無論好天與否都係要過日子。要日子過得好，不如醫下肚。 流連咗一陣旺角，又係醫肚嘅時候。上嚟呢度樓上cafe, 食餐飯，都係過日子嘅方法。 餐廳內有好多剪影，你可曾見到過自己人生的剪影? 好文藝吧?發夢未有咁早，都係睇下食咩先。 食set 吧，就鮮茄焗豬扒飯配杯Espresso啦。 食焗飯當要等下。等下咪聽下歌囉，餐廳播放著舊歌......王婉芝....幾好聽啊。 再唔係，咪睇下電視，餐廳播緊韓劇，又係好浪漫嗰啲。Espresso可以譯作濃縮咖啡吧。人生可以濃縮成怎樣? 濃縮咗係咪又會好似杯Espresso 苦苦的呢?好多人話，苦盡是會甘來的。真唔真我唔知，不過飲Espresso 我要慢慢dep，dep dep 下就會感受到甘味來。 鮮茄焗豬扒飯 賣相紅得好燦爛，寓意人生總會有些燦爛時刻吧。 熱燙燙，用咗好多鮮茄來造這個焗飯，有些酸又有些甜，這又係人生。 豬扒厚切，去咗骨，食得方便。鹹淡味適中。 今餐，甜酸苦鹹都有了.....悟人生。dep 埋杯Espresso，真係有甘味，苦盡甘來了。

死擋是6月6日星期六生日的，所以佢有個花名叫做小魔女。每年我哋都會同佢去食飯興祝生日，今晚就去咗呢度，貪佢呢度環境好，氣氛好，講嘢大笑都唔怕有人話你。既然咁高興，我哋就食盡啲，叫咗三個餐套加幾個小食:芝士焗吞拿魚天使麵 $94煙肉卡邦尼長通粉 $98日式黑椒牛柳粒飯 $108瑞士雞翼 $42蒜香雞翼 $42特式拼盤 $78芝士焗薯條 $46愚者 $48 蜜桃玫瑰紅茶審判 $48 青蘋果菠蘿薄荷杯檸檬沙冰吊人 $48 青蘋果薄荷梳打手機食先，post 埋相，俾其他朋友知我哋三劍俠又出動。【特式拼盤】樣樣都係我哋鍾意食嘅香口嘢，有雞翼、薯角、咖哩角、魚手指、春卷和蟹子魚蛋。【蒜香雞翼】話時話，拼盤嘅三隻雞翼點夠我哋喉呀，所以要食多個蒜香雞翼。雞翼OK，可惜食唔出有蒜味，只是叫到啲蒜粒撒在雞翼上面。【芝士焗吞拿魚天使麵】、【吊人: 青蘋果薄荷梳打】用好多芝士一齊焗，所以芝士味好濃郁。不過，配杯青蘋果薄荷梳打來飲就OK晒天使麵沒有焗得太乾，仲有好多吞拿魚添。【煙肉卡邦尼長通粉】長通粉有好多忌廉汁和煙肉條。啲長通粉嗦晒啲汁，食落都幾唔錯架。【日式黑椒牛柳粒飯】牛柳粒好腍，黑椒汁好濃，夠重味，撈飯

今次經已是 L 第三次來了，孖啡位於旺角位置實在太就腳，加上 cafe 收凌晨十二點，實在太適合 L 這種唔願訓同歸家的夜👻。鮮茄焗豬扒飯豬排厚切無骨、 茄汁味道剛剛好不咸亦不太甜。如果有炒飯底及再大碟一點就可稱得上絕頂。house coffee孖啡酸度及苦度適中、都算不錯，奶偏多。瑞士雞翼瑞士汁甜度剛剛好，很惹味。不消一會就將六隻雞翼全部吞下。最後來一客心太軟+雪糕甜品， 心太軟易學難精，這個做得剛剛好，充滿着巧克力流心配上凍冰冰的雲呢拿雪糕。冰火交錯下為這豐富的晚餐畫上一個完滿的句號。店員細心有禮貌，坐得舒適。最正就是有得撳鐘仔😜不知不覺坐到打烊，不自覺地哼出再坐一會 但願能再坐一會既要別去 且盡量盡量逗留日後亦無悔

孖啡好多年前，大家都好鍾意去樓上Cafe ,因為可以一路玩一路食，但近幾年一個熱潮好似稍為沉寂了。今日約咗個朋友，喺旺角想搵一個地方舒舒服服傾吓計，周圍都好多人，人來人往，人頭湧湧。突然間諗起呢一間餐廳，雖然佢係商業大廈嘅4樓，其實呢一間餐廳，多年屹立不倒，相信一定有佢嘅原因。凱撒沙律＄88首先叫咗個沙律，份量比想像中大，蔬菜都堆成一座小山。黑松露野菌忌廉意大利飯 $114賣相雖然一般， 但品嚐後， 的確有喜出望外的感覺， 除了份量足夠外， 飯軟硬適中， 而且非常creamy， 入口後慢慢散出黑松露的清香， 所以我誠意推介。煙肉卡邦尼長通粉$98以這個價錢來說，的確是抵食， 廚師一點也不吝嗇， 大大碟很足料，通粉亦都係一樣，唔會太晏亦都唔會泰林，每一條通粉都比醬汁包圍着，係我最鍾意嘅口感。包一杯＄38飲品，仲可以加＄28 (芝士蛋糕+心太軟加雪糕）連埋一杯飲品，整體感覺都幾抵，喺旺角呢一個鬧市之中，要搵一個地方舒舒服服食飯，呢度都係一個不錯嘅選擇。

孖啡☕好似聽過呢個名好耐啦 今日同朋友上去打算spend一整個下午😌一踏入門口已經好有中學回憶湧出黎話說個陣Cafe呢樣野岩岩係香港冒起☕個陣既Cafe真係會比你坐足幾個鐘無限時同而家既新型Cafe生態有少少唔同呢~🌸(呢個位置放住唔少board game呢..真心好多中學回憶😌)打卡位唔算多.. 裝修係好平實但舒服既路線長型路線 行入去不時見到牆上掛既油畫同天花既古典水晶燈💎呢度主力供應飲品🍸甜品得2款, 主食就有8款, 同埋都有幾多小食呢🍩大大碟的Caesar Salad🥗$66 (lunch包$38飲品)鋪得密集的蒜蓉包燈粒實在令人心心眼😍食入口係非常香脆同香蒜味..真係無得輸!凱撒汁分量剛好👍🏻菜都新鮮, 配埋煙肉粒同芝士..係一份好食的凱撒沙律~~ : )忌廉煙三文魚配天使麵$76 (lunch包$38飲品)個人真係鐘意天使麵多過意粉呢🍝較幼身的麵條同時將醬汁索得很入味呢一款竟然完全唔會漏呀🙂而且份量都唔少呢 Rose latte $48無超華麗既賣相但係有唔錯既水準Latte底沖得幾純滑 玫瑰味唔會太假太甜飲完心情都幾好: )呢度仲有一整頁以塔羅牌做主題既特飲~我朋友揀左呢

星期日喺旺角行街行到腳仔軟，不想等位、不想趕埋單交枱，可坐耐些，所以就想找間cafe慢慢嘆返餐early dinner😇 就去左孖啡，位置方便，餐廳名字好有趣🤣一般cafe食物水準都比西餐廳差，主要是方便一大班朋友玩game聚舊、談心，但是這裡的食物質素竟然好好！除左治我腳仔痛、還治癒了我空虛的腸胃！😛大部分位置都係梳化👍🏻環境舒適。我們點了兩個set dinner 連飲品，水準不錯，加錢再吃甜品！忌廉煙三文魚配天使麵：賣相好吸引，用煙三文魚捲成玫瑰花🌹😍三文魚份量毫不吝嗇！有誠意！忌廉汁好香，配上幼身天使麵就可以每啖到掛上很多汁😋好滿足～黑松露野菌忌廉意大利飯：喜歡黑松露味的朋友不能錯過，松露味香濃，意大利飯軟硬適中，份量亦不少！👍🏻Oreo奶昔：oreo 味重，再加cream！仲有沙冰！夏天飲一流👍🏻洋甘菊、玫瑰花茶：加水再沖茶香仍在～relaxing心太軟：外脆內軟，可可味濃，又不會太甜，熱熱的蛋糕配一口冰冷雪糕，瞬間在口溶化，一絕！重點推介推介！😍Cheese cake 芝士味較輕，質感較軟。

離晚上的飯局，仍有一大段的時間，該如何打發是好呢？在熙來攘往的彌敦道，夾在人群裏，漫無目的的向前走。有點兒累了，且，汗流浹背。她說，不如找個地方Hea吓，飲杯嘢，嘆吓冷氣﹗想起對面街有間樓上Cafe - 孖啡，每人最低消費是點一杯飲品，且有數款紙類棋類等益智遊戲提供，就走了上去。 店內的年輕客人，吹水的吹水，玩遊戲的玩遊戲。我們，選擇坐在一角，低著頭，各自，玩著手機……對「機不離手」的小妹而言，這一壼可養肝明目、抗老化、鬆弛神經，以及幫助入睡的玫瑰花洋甘菊花茶$56/壼，入口芳香怡人，確是不二之選了﹗ 年輕的她，先點來一杯微甜清爽解渴的凍蜜桃梳打$42，降降滾熱的體溫﹗ 及後，她吃了不少炸物，又點來一杯滋潤的柚子蜜$40，稍減心中的罪惡感﹗ 特式拼盤$78，有雞翼、薯角、魚手指、蟹子魚蛋、咖哩角和春卷各三件，配有茄汁與沙律醬。雞翼炸得香脆且入味、魚手指外脆內滑，而蟹子魚蛋咬下去爆汁。炸物，小妹只淺嚐即止。她，一個人，努力地吃著…… 離開前，她，又點了一客心愛的心太軟配雪糕$40。以小店來說，這一客心太軟是合格有餘了﹗ 輕輕用鐵匙一搯，心太軟內的流心朱古力醬一湧而出。心太軟熱呼呼，香噴

三五知已到旺角相聚，食下飲下傾下又一晚煙肉卡邦尼長通粉，忌廉汁鋪滿每條長通粉，還配上煙肉作調味芝士焗呑拿魚天使麵 ，焗完的天使麵散發著香濃的芝士果，意粉還有少少彈性，有大量呑拿魚俾我地品嚐香香的青蘋果綠茶，配上什果作配襯，一點也不寡，既有雜果食也有視覺的效果突然想飲杯口感比較特別及可以慢慢品嚐的飲品，就 order 左杯 Oreo 奶昔， 用 Oreo 同奶打伴，再加上忌廉同 Oreo 餅碎作點綴，口感幾濃厚，Oreo 味得香孖咖屬樓上 cafe，幾好坐，空間感幾舒服，又有些小玩具可以借俾大家玩，聯宜下 tim

等個朋友放工，搵下附近有咩 cafe 好坐呢度都幾易搵、響信和對面馬路、一座大廈嘅4樓靚仔 waiter 畀左個菜單呀！好多野想食呀，日式黑椒牛柳粒、又想食雞翼、又想食黑松露野菌忌廉意大利飯⋯包一杯 $38 野飲（貴左補差價）所以我又經歷一輪揀咩飲，好多選擇，有塔羅牌名嘅特色飲品、有咖啡、朱古力、沙冰、奶昔、花茶⋯最後我係揀左⋯黑松露野菌忌廉意大利飯好好食啊！好creamy、又食到黑松露味，簡直西餐廳質素，點似係 cafe 出品仲要係好大碟、食到勁飽！好抵飲品要左特濃凍朱古力真係超濃啊！我個人超喜歡啲 cream 最後跟餐加 $28 要左個心太軟整得好好啊！流心超澎湃再配一球雲尼拿雪糕同cream開心死我下次要再黎啊！成班朋友黎可以玩 boardgame、傾計、又食又飲

琴日都係炎熱警示，快啲搵間餐廳抖一抖呢間餐廳係樓上4層，咁啱電梯壞咗，惟有行樓梯上去，哈哈，飯前運動～我哋用餐時間係下午兩點半，三點先係下午茶時間，所以就叫咗兩個lunch sets！芝士吞拿魚天使麵好香，好好味，值得推介但係兩杯野飲就一般般喇～忌薕煙肉長通粉味道都唔錯嘅，但係不及上面唧芝士吞拿魚天使麵好食，有芝士就香口好多芝士蛋糕都唔錯，中規中矩喇，碟面嘅朱古力唔太好食，隨餐加hkd20就可以，單叫係hkd38一份

同朋友去開旺角行街行到好攰，決定搵間café坐低傾下計，一上到去，環境都算寬敞有兩個區，菜單都有提供不同既選擇。煙肉卡邦尼長通粉$ 98我同朋友都叫左一個煙肉卡邦尼長通粉，其實平時食既卡邦尼都系配幼意粉，所以配埋長通粉感覺都好新鮮。一上黎既時候仲系熱既 〜系醬汁方面，汁都幾多，因為個人鍾意多汁可以每一啖通粉都食到卡邦尼汁味道方面亦不錯，好香濃，仲有好多煙肉添。份量方面，都算好大，因為男友人都食淨左少少！所以好抵食節制蜜桃綠茶兩杯野飲都好好飲，同埋改既名好特別！

嚟到旺角呢個咁多人嘅地方，有時揾個地方舒舒服服咁坐下其實都有啲難度🤷🏻‍♀今次嚟到呢間叫孖啡嘅Cafe，呢到有唔同嘅boardgame玩，行街行到攰攰地上嚟hea下都唔錯咖😚本身打算嗌牛角包，但係賣晒😭😭#忌廉煙三文魚配天使麵 ($76)😋好味指數：(7/10)有啲洋蔥同菇係到，忌廉汁食落去甜甜地咁🤔天使麵比較幼，一夾起能夠痴滿更多汁😋一向忌廉汁配煙三文魚都係絕配😍#黑松露忌廉野菌意大利飯 ($80)😋好味指數：(7/10)忌廉汁都幾多，有啲菇類係到😚食起上嚟有啖松露香😋#Oreo奶昔 ($56)😋好味指數：(7/10)上面有啲cream係到😋入面都幾多Oreo😍#死神 ($48)😋好味指數：(7.5/10)可樂加朱古力雪糕😍其實姐係黑牛😎最中意就係雪糕入面有粒粒朱古力😙#心太軟加雪糕 (+$28)😋好味指數：(7.5/10)心太軟整得幾好😍出面焗到脆脆的，一切開啲朱古力醬就流晒出嚟😋⭐溫馨小提示📌每位最低消費一杯飲品📌於繁忙時段，每3小時每位最低消費一個Set dinner

同一大班朋友聚會，當然要搵又玩得又食得既地方hea 啦，見孖啡地理位置又方便，cafe內有好多唔同嘅board games 免費借黎玩，一路食一路玩咁就最開心。呢道既套餐幾抵食，包一個主菜同一杯飲品，如果想食心太軟甜品都係加多$28。飲品方面大大杯，岩哂慢慢hea既我地。忌廉煙三文魚配天使麵煙三文魚擺設成一朵花，外形吸引，三文魚份量充足，起碼有成4-5塊，口感肥美。天使麵煮得軟硬適中，入口彈牙。忌廉汁亦唔會過稠過稀，天使麵沾上香濃嘅忌廉汁，十分美味。日式黑椒牛柳粒飯牛柳一d都唔吝嗇，加上三色椒既襯托，望落已經好想食。汁調得岩岩好，牛柳牛味香濃入口軟淋，黑椒味又唔會太辣而遮蓋牛既味，整個醬汁配牛柳送飯一流👍🏻之後食埋心太軟作結，心太軟皮勁薄，感覺彈下彈下，輕輕切開口已見非常流心，食完好有衝動想叫多個🤓

今年五月幾乎打破天氣紀錄，每日都錄得超高的炎熱天氣報告⋯⋯在街上閒逛一會已經熱得汗流浹背，係時候要搵間Cafe 歇一歇！黎到旺角當然會諗起很多形形色色的樓上Cafe，但我的首選係＂孖啡＂Double cafe～～孖啡作為樓上Cafe 地方絕對夠寬敞坐得又夠舒適，而且食物水準有保證，岩曬同Fd 一齊黎歡度快樂時光～～放眼望出去就是彌敦道熱鬧街景～～朋友點的玫瑰冰茶 清甜之選，但要等冰粒溶解後先再飲就冇咁甜膩～～我點的＂月亮＂其實係荔枝加菠蘿沙冰，夏日炎炎飲沙冰簡直透心涼！荔枝及菠蘿酸酸甜甜，十分開胃口～～金黃色的蒜香雞翼賣相香脆可口，簡直見到食慾大增，作為Cafe的小食賣相一定加分，加上蒜香雞翼夠香口又脆嫩，必食！黑松露意大利飯意大利飯夠creamy，飯粒咬落有嚼口，配上香濃的黑松露及磨菇片，以Cafe 的質素黎講絕對有驚喜～～絕對稱得上高級西餐廳的素質！牛角酥清新之選，薰牛肉片連埋新鮮生菜感覺比較健康，牛角酥又夠酥脆，不俗！必試重點之一，朋友大力推介的心太軟加雪糕！心太軟烘得香脆，但內裏朱古力十分濃郁，配埋雲尼拿雪糕，相信沒有人能夠抵抗，每吃一口都充滿幸福的感覺～～如此高質素的cafe