孖啡 (已結業)

想黎哩間食野好耐喇！佢個名夠特別夠得意，唔通會好食到好似嗎啡咁上哂癮？！忌廉煙三文魚配天使麵... 哩個原本以為係冇乜特別味道都係想像之中，但原來係好好味嫁！佢個忌廉汁真係好濃郁又夠creamy，而且汁醬一d都唔膩，份量都夠我撈勻意粉有餘。意粉軟硬適中，除左有含包待放既煙三文魚花花之外，仲有唔少蘑菇喺入面！鮮茄焗豬扒飯... 紅當當既焗茄豬啊，望落已經好吸引喇，茄味好濃郁，帶少少蕃茄既酸味，仲有好多拉絲芝士！！好正！豬扒係厚切，質感都juicy 又淋，如果有得轉炒飯底就更加正喇！玫瑰朱古力咖啡、薄荷朱古力... 兩杯都唔差，如果玫瑰同薄荷味可以再濃d就仲正。心太軟配雪糕... 另外仲跟餐加錢叫左個心太軟，即叫即整所以都等左3,4個字，不過有時間就一於等下吧！心太軟焗到外脆內流心！朱古力味都幾香濃嫁！

今日心血來潮想去 cafe 食個 late lunch，就過咗嚟旺角食飯。環境都幾 Chill, 非繁忙時段真係坐得好舒服。未食已經聞到一陣陣嘅黑松露味😍😍雖然依碟意粉一粒肉都無，但我又幾like喎！因為黑松露香味撲鼻，個忌廉汁又夠creamy，加埋海量嘅雜菌，味道好夾呀，真係夫復何求呢？而佢加10蚊就有一大杯戰車飲品，姐係可樂加雲呢嗱雪糕！好邪恶但又好好食。最緊要價錢唔貴，食一啖飲一啖，啱哂識食嘅各位。

Double Cafe 跟 Mafe Cafe係朋友, 共用一個menu, 所以都是我既心水Cafe 之一! 溫書想要個舒服空間, 又想食有質素既食物, 我選這裡。同同學仔來lunch, 她點了煙三文魚天使麵, 嫩滑幼細的天使麵配上香濃白汁係好食既, 三文魚都嘗算新鮮。我點了黑椒燒牛肉牛角酥, 包身鬆化, 牛肉鮮香, 配上生菜同沙律醬食用, 合到好處。還有就是冇得輸脆薯角, 是我第二次在這裡食, 依舊高度讚賞! 大大份, 大大條, 啖啖薯, 脆卜卜, 好惹味! 我還是算了熱鮮奶杏仁霜, 味道依然濃郁香甜, 但可以再熱一點就更好喝! 朋友的香蕉朱古力咖啡亦不錯, 都是香濃好味! 大家真的可來一躺!

約了一位很久沒見的朋友聚舊，來到了位於旺角高氏大廈的樓上Cafe孖啡餐廳佔據了4樓全層，地方很大啊，裝潢有家的感覺，燈光柔和，很舒適晚市套餐價格相宜，＄100左右的價錢都有不少選擇，更另設有單點餐牌！同朋友點左晚餐A同E各一個，另加左個小食拼盤先黎既係凱撒沙律凱撒醬已跟蔬菜拌勻，多款沙律菜新鮮爽脆。面上撒了煙肉碎粒和麵包粒，令整個沙律更加香口然後係小食拼盤分別有炸魚手指、脆薯角、春卷、咖喱角、蟹籽丸、雞翼等等。炸物質素正常，個人最喜愛既係雞翼同脆薯角！雞翼肥美肉厚，嫩滑且很入味！薯角香脆，薯肉飽滿！鮮茄焗豬扒飯豬扒都幾大塊，厚肉且入味！面上加左芝士去焗所以更加滋味飯底係白飯並不是炒飯，感覺健康啲洋甘菊花茶清雅的甘菊花香，好喝啊

去旺角行街後，又多左一個食午飯嘅好地方，今次上左一間cafe，地方都幾大。忌廉煙三文魚配天使麵，賣相吸引，食落忌廉唔會太漏，煙三文魚份量足，有d厚，唔會薄薄一塊，所以食落都有口感，天使麵軟硬度剛好，唔會話太腍，有d質感鍾意食煙三文魚既我，決定叫多左個煙三文魚牛角酥，雖然賣相爭d，但味道又幾好，牛角酥好酥脆，生菜又爽口，煙三文魚有煙熏過的香味，口感豐富，好好食！芒果奶昔大大杯，飲落有淡淡既芒果味同奶味，又唔錯喎食物味道好，份量多，環境又大，三五知己黎食都唔錯

假日四處都是人，想靜靜地吃頓午飯，朋友帶領下到了樓上咖啡店。孖啡cafe分幾個區域，幸好被安排比較少人的一區，可以輕輕鬆鬆的進食。由於沒吃早餐，肚子餓極了，快快的點好餐，等待美食上桌。Oreo奶昔 (原$56，跟餐過$38補差價)先來有飲品，最近喜愛creamy感，此杯濃稠度剛好，不會很稀身，飲落亦有些oreo碎碎，增添口感。意式肉丸配天使麵 ($72)麵條仍帶有嚼勁，而且滲滿醬汁味，酸酸甜甜的，當然肉丸同樣有咬口，實屬不錯。蒜香雞翼 ($42)共有6隻，雞肉相當的嫩滑，而且熱辣辣，加上香口的蒜味，不消一會就和朋友清碟了。到最後還是想以甜點作結，套餐加$35配了心太軟+雪糕，記得要預留10分鐘左右給店員準備啊。心太軟的朱古力醬濃而不膩，雪糕又不過甜，碟上一黑一白，一凍一熱，個人喜歡間隔地吃，實在滋味。**********部份餐牌供參考:

我星期日用開飯網上訂定訂了"孖啡"並己準時出席,期間馬獲得店方送的小食拼盤,但為什麼至今仍沒有積分存入,或是你们要等到什麼時候,我部分積分六月三十日到期,是否要等上這期積分到期後才有?這就可使會員失去積分,省去不少礼禮品!!!

地點方便，環境舒適，樓上Cafe就最適合一班朋友聚腳的好地方。其實這間Cafe我已食過，食物同環境都不錯，Cafe職員服務態度都好好，可以慢慢享受食物之餘，又可以同朋友傾下計，真是一個不錯的好地方。當晚剛好是世界盃，我們邊食野邊睇波，過了一個好開心的晚上。蒜香雞翼，大大隻蒜香雞翼，外皮香脆啖啖肉，睇波小食首選。忌廉煙三文魚配天使麵煙三文魚意粉是必食的，煙三文魚份量多，意粉creamy而不膩，起咁熱的天氣下都好易入口，絕無負擔。鮮茄汁焗豬扒飯焗飯有濃濃的蕃茄汁，加上很多鮮茄，芝士和厚厚的豬扒，口感好豐富美道好好。特飲今次我地點選了士多啤梨乳酪同朱古力Mocha 咖啡。 Cafe 提供非常多的飲品，下次再來我地又可以試下其他款式。總結係Dinner set 好抵食， 仲可以加$ upgrade 特飲同甜品， 得簡再上來食吓野， 嘆吓都唔錯㗎！

旺角近呢幾年起了不同嘅商業中心， 當中的還有很多特色嘅餐廳在這些商業中心進駐， 今日嚟到彌敦道577號高氏大廈， 就是其中一個好例子， 成個水牌都係好多新嘅餐廳， 而我們食這間孖啡更值得一讚。餐廳價錢除了大眾化外，服務員招呼更非常週到，加上這裏有多種遊戲牌/玩意給食客飯後作消遣，非常貼心。餐牌上的lunch/dinner都是一樣, 只不過dinner比較貴一點,order 了 煙三文魚天使麵 和黑松露意大利飯,味道都幾正。 煙三文魚天使麵, 忌廉汁好香, 非常creamy ,麵身好幼滑。 加上煙三文魚肉質幼嫩，三文魚片數有多，錯。至於黑松露飯更是特別惹味， 黑松露哪種甘香而帶點石油嘅味道，滲透落每粒意大利飯之間， 越食越開胃。跟餐補貼少少點了杯oreo奶昔和塔羅牌特飲--月亮， oreo奶昔好甜好香滑, 而塔羅牌特飲--月亮是由荔枝 和菠蘿鮮打熱誠的沙冰， 甜到入心， 沙冰勁凍勁透心涼，正！最後還 加了兩set甜品, 心太軟雪糕, 超級大滿足。

時雨時晴的星期日, 本來約好去行山, 朋友擔心落雨所以搵間cafe食下野傾下計算了比較多好評既係呢間孖啡, 我地一於試下見到lunch同dinner既主菜係一樣, 而lunch係抵d,平10幾蚊先訂好位, 上到去同想象中差唔多, 環境唔錯, 裝飾都幾精緻, 我地兩個人坐係4人枱今日早起stand by行山, 所以已經肚餓了, 叫左份黑椒牛柳粒飯($76), 有成10幾20粒牛柳, 每粒都好入味, 配有洋蔥, 我推介呢個飯朋友叫左黑松露意大利飯($80), 上面加有芝士, 意大利飯內有多種菇, 黑松露味好香, 呢個都好好食另外朋友叫左oreo 奶昔(+$18), 佢話好飲我就叫左士多啤梨乳酪(+$8), 甜左少少, 但唔甜唔好飲ma仲有好多款奶昔, 沙冰, 花茶, 真係幾難揀架見到有好多桌遊玩同有大電視睇, 我覺得冇揀錯呢度, 下次約fd可以再黎, 見到呢度仲有包場或租party 房tim

約了朋友晚上吹水, 想搵個地方坐耐少少, 朋友建議搵間cafe, 介紹去孖啡一上去侍應們在門口帶位, 好好服務, 最Like是座位夠闊! cafe通常想放多幾個位, 攪到個身坐埋貼近枱面, 肥多少少都坐唔落= ="真心覺得孖啡算好好~座位夠晒闊~見到set dinner都OK, 所以都在上面點了, 再加份雞翼, 補錢要特飲日式黑椒牛柳粒飯這碟的牛柳粒份量比想像中多, 而且夠大粒! 最重要是夠嫩, 唔會韌!! 配少少黑椒味好餸飯~唔錯~煙肉卡邦尼長通粉朋友的卡邦尼長通粉也有不少煙肉, 我食了一些, 卡邦尼不會太稀, 煙肉味好香蒜香雞翼雞翼夠晒香脆, 上面有炸蒜粒,更滋味!Oreo奶昔  Set dinner包38蚊飲品, 我這杯奶昔要補18蚊~朱古力味飲料入充滿Oreo正呀~飲唔再減肥~蜂蜜沙冰 朋友要的沙冰蜂蜜要補7蚊, 微甜, 也挺不錯~去cafe最好就是可以坐耐D! 同朋友吹水就最啱~

旺角cafe晚上應該不愁冇生意，不過要搵間好食既就好難。所以一早已放棄搵好食的，降低要求為唔難食就可以了。因為喺OR　BOOK位，送左個小食。雖然只係咖哩角同春卷，不過味道都相當唔錯，外皮夠晒脆。上菜都好快，我點左個吞拿魚長通粉，有Ｄ乾。反而朋友個煙三文魚意粉幾好野飲就都係平時叫開果Ｄ梳打如果你只係想搵個地方靜靜地同朋友傾下計，呢間都ｏｋ。不過有心理準備要行4層樓梯啊。（撞正我去食當日壞lift）

今日旺角行開街又唔知食乜，忽然見到依間孖啡好似幾好，決定試下一入到去裝修好別緻，好有愛麗絲夢遊仙境嘅感覺環境都好寧靜，可以休閒享受下午茶嘅時間。睇下個餐牌，全部都係五十幾六十蚊，仲包埋一杯特飲，感覺相當超值。我就叫咗黑松露野菌忌廉意大利飯黑松露汁入面加咗忌廉，食落個飯相當creamy，有淡淡嘅黑松露香，配埋野菌食落就算有忌廉都唔會好膩。而友人就嗌咗芝士焗肉醬天使麵肉醬意粉芝士同份量都好足，佢唔係普通嗰種鮮茄醬，而係加咗好多紅蘿蔔，少左種蕃茄酸味，又多咗份蘿蔔甜味，天使麵亦煮得唔錯，唔會過熟，之後仲叫咗小食拼盤，雞翼煎得香脆，薯角同炸魚條都係新鮮炸出嚟，春卷同咖喱角都唔脆口又惹味。 跟餐我地仲加配咗甜品，有藍莓芝士蛋糕同朱古力心太軟，藍莓芝士蛋糕好濃芝士味，配返蛋糕上面喺藍莓醬啱啱中和咗，食落都唔會太膩。而朱古力心太軟就焗到外脆內軟，超滿足入面仲係好流心，焗得啱啱好，又唔會過甜。飲品方面，我就叫咗藍苺果冰茶，味道清新，杯底仲有少少茶葉，充滿茶味，仲有少少藍莓果肉，超正而友人就叫咗士多啤梨朱古力士多啤梨嘅味道唔算太濃，朱古力亦唔會過甜唔會愈飲愈口乾，跟餐飲品有依特飲既水平算係超值。最後埋

工作不如意，晚上約朋友出黎發放下負能量，揀左樓上cafe孖啡，黎過幾次覺得呢度幾好坐，環境輕鬆好適合傾偈。是晚除了朋友聚會，還有sell保險的，感覺有點搞笑。揀好食物，就按一下呼叫鈴落單，呢個設計真係好方便。西班牙咖啡（$50）朋友的咖啡，啡味香濃，加埋甜甜的雲呢拿雪糕又幾好飲喎。薰衣草、茉莉花、檸檬馬鞭草（$56）依舊是點我喜愛的花茶，寧神靜氣，飲落又香又舒服。芝士焗吞拿魚天使麵（$94）天使麵彈牙，吞拿魚下得很多，加上香口芝士好味喎。鮮茄焗豬扒飯（$106）朋友的豬扒飯，豬扒大大塊，飯也多，仲有好多芝士，略微個茄汁甜左啲，調味差少少。芝士焗薯條（$46）食完主菜個小食先到，即點即炸再加芝士焗，制作需時。店員貼心地提醒留意盤子很熱，因剛從焗爐拿出黎㗎。爆多芝士好正呀，而且個盤無墊高，真係滿滿一兜薯條，份量十足。食下野傾下偈，心情好返曬lu。

星期六約了朋友在旺角交換手信，想靜靜地傾下計所以來了孖啡。這幢大廈可說是中學的回憶，中學時期常和同學來這邊聚會。事隔多年，重來這裏別有一番回味。點了凱薩沙律和煙三文魚天使麵。天使麵忌廉汁十分濃稠，食落奶味重，我好鍾意。 凱薩沙律啲菜夠新鮮，面頭上的芝士食落有咸香，加入了煙肉碎和麵包乾，簡單又好味！點了一客松露薯條，粗身的薯條夠質感，食落有松露香，份量超多但價錢唔貴，抵食！這裏的塔羅特飲個名好有趣，值得一試。朋友點了薄荷朱古力，滿滿的忌廉係面，十分邪惡！我點的正義是蜜桃柚子蜜，夠開胃。甜品跟餐加錢的。心太軟新鮮即焗，不太甜，流心雖欠奉，但不錯吃！芝士蛋糕大大一件，芝士味扎實，跟餐來說，甜品對得起跟餐價有餘。百零蚊可以坐得舒服又夠靜，樓上cafe原來從來都是假日的不錯選擇！