孖啡 (已結業)

90後最鍾意就係樓上Cafe，價錢唔貴、嘢食OK、又可以玩下game、慢慢坐冇人會催促你走，為緊張嘅生活節奏放鬆一下。孖啡地方裝修優雅又靚、又有電視睇、近排世界盃可以一邊食一邊一齊睇波，仲有我哋好喜歡嘅卡game，最緊要都係旺角地方夠晒方便。晚餐價錢＄100已經有交易。我就揀咗最穩陣嘅鮮茄焗豬扒飯，估唔到唔使10分鐘就有得食，一層厚厚嘅芝士茄汁，都feel到係焗飯。賣相已經唔錯啦！最緊要就係多汁，而且塊豬扒真係好厚身，juicy 多汁。如果飯底唔係白飯，可以有蛋炒底就更好味道啦！而我因為好想食雞翼，所以我哋叫咗一個小食拼盤share，大家唔好同我爭雞翼係我嘅，皮脆肉嫩，好味道！餐飲加錢，我要左一杯月亮，鮮甜的荔枝菠蘿新鮮打成沙冰，味道清甜，沙冰又滑。同埋千萬要記得加＄28食甜品，心太軟加雪糕，冷熱冰火的口感，朱古力瀑布嘅壯觀，真係滋味無窮。百零蚊就有咁嘅享受玩足三個鐘，怪不得喺旺角咁有人氣啦！

宜家想搵間餐廳晚飯又可以坐得耐d傾下計的真係有點難，於是友人就建議到旺角的樓上cafe試下啦！！餐廳裝修光猛，又有sofa座椅及電視，真的是傾計的好地方！價錢實惠親民，主打西式食品呢！價錢已包$38飲品一杯！忌廉煙三文魚配天使麵🍝賣相一流，味道同樣有實際！煙三文魚份量多又切得厚厚的！天使麵煮得不會太腍，醬汁也十分rich，如醬汁小一點會更好呢！鮮茄焗豬扒飯即叫即焗，熱辣辣的！鮮茄味濃，豬扒已切好件，方便食用！豬扒預先醃好，很腍呢！配上芝士更是邪惡的選擇！熱生薑蜜友人作感冒，這是驅寒的好選擇，薑味十足，又有淡淡蜜糖香味，不會死甜！凍芒果綠茶夏日必點選擇，清涼好refresh !new york cheese cake 因為我們不是太肚餓，我們加了$28 點了件蛋糕share一齊食，剛剛好呢！我與友人一坐就坐了兩個多小時，餐廳提供不少board game，如下次多人聚會的話，可以一齊玩玩重拾讀書時的情懷呢！

今日約了一位很久沒有見面的朋友到旺角人氣餐廳孖啡晚餐，可以傾偈談心。孖啡位於高氏大廈大樓 4樓，但當晚大廈唯一的一個電梯已壞了幾日了未維修好。因幾日前已約了位，唯有行樓梯啦。心想既然要上4樓，電梯又壞了，餐廳應該很少人了，但非常意外，孖啡有2個廳，都已坐滿了人呢，好在我們預先訂了位。真是名符其實的人氣餐廳。餐廳裝修西式化，燈光柔和，充滿著浪漫氣氛，以卡位為主，三五知己晚餐朋友約會，真是非常適合，難怪客人行4層樓都來孖啡啦。鮮茄焗豬扒飯$106。見隔離枱鮮茄焗豬扒飯好似好正，所以我也要了個鮮茄焗豬扒飯，豬扒焗飯有草菇，聰明豆等，豬扒十分之厚切，大大件的鋪滿了整碟飯，鮮茄味及芝士味令帶甜的豬扒更美味，豬扒真是大件夾抵食。日式黑椒牛柳粒飯$108。牛柳份量十分足，有青紅甜椒配菜，牛柳粒軟軟淋淋，十分有牛肉味。瑞士雞翼$42瑞士雞翼，顏色深啡深啡，見到已感覺非常吸引，入口淋滑帶甜。鮮奶杏仁霜$48。跟餐$10。很香的鮮奶味，及帶著濃郁的杏仁味，非常推薦這款飲品。奇異果乳酪 $44。跟餐$6。有淡淡的奇異果味，原來奇異果與乳酪都幾夾，味道比較特別。兩款飲品，我會喜歡鮮奶杏仁霜多點。

舊時搵個地方傾計都好難搵到一來可以坐低慢慢傾二來可以慢慢食下嘢飲下嘢，不過而家多咗好多樓上餐廳變咗一班人可以坐喺度，開開心心食一餐飯又可以大聲講大聲笑，今次我地都去咗呢D餐廳食飯順便聚舊餐牌基本上有dinner set連飲料外，仲可以加錢食埋甜品又得，嫌唔夠又可以再點D小食，我就點咗意式肉丸配天使麵，嘢飲升級咗要(塔）士多啤梨鮮打沙冰，除左食之外仲有益智遊戲可以俾大家玩吓消磨時間我點嘅沙冰終於有得飲，飲落酸酸甜甜開胃之餘仲好冰涼，小食係黑松露醬薯條嘆住先，熱辣辣薯條配上黒松露醬，食落特別香濃惹味輪到主菜出來係意式肉丸配天使麵，聞到好香嘅味道，就先食粒肉丸，入口脹卜卜咬落好爽彈又帶點香辣夠晒囗感，再食啖天使麵入口軟滑，每條麵都食到意式醬汁嘅味道食得滋味食到最後當然有甜品雪糕心太軟，趁熱食先會食到朱古力外層香脆內裏流心，配上軟滑雲呢拿雪糕一冬一熱就係最完美食法，繼續開心暢談一個愉快夜晚

去完針灸想搵個地方食午餐之餘還可以hea下，我想到旺角會有不小樓上cafe於是在openrice 搜尋下。看見有一間都不錯的孖啡cafe於是就去試下吧 ！這裡環境舒適坐位也很寬闊而且擺設也很有心思。Lunch Menu 都有8 款選擇還包一杯$38 飲品，我揀了芝麻汁田園沙律再配了花茶系列～玫瑰花, 洋甘菊。芝麻汁田園沙律新鮮沙律菜，蕃茄仔，栗米粒加上芝麻汁口感清新又健康。花茶系列～玫瑰花, 洋甘菊玫瑰花和洋甘菊可養肝明目，抗老化，更有鎮靜作用，鬆弛神經，好養生的花茶。打開茶壺蓋散發出陣陣玫瑰花香，飲一啖味道香醇清幽。再點了一個特式拼盤有 （雞翼/薯角/春卷/咖哩角/魚手指/蟹子魚蛋）每樣都炸到金黃色，香脆可口，好好味。

今日有野做，但都要先醫肚，過左黎呢到食左個晚餐，其實平時都有同朋友食過，但今次食呢個飯真係太好食時間都算早，但就坐滿人，好彩我一個人易有位最衰趕時間，又得一個人，見到人玩波子棋我都想玩，可惜......點左呢個日式黑椒牛柳粒飯HKD108套餐包一杯HKD38/杯既飲品，不過我想飲熱飲，所以補差價(HKD10)點了杯正義(蜜桃柚子蜜)份量多而且賣相亦討好，一端上枱已經好香真的太好吃，我好少會成碟食曬，牛柳粒好香，口感適中不韌不腍而且好入味，黑椒好香又唔會辣，配菜爽口，真係好美味，無想過就一間咖啡店都整到咁好食既野呢杯係塔羅特飲-正義，其實係加入蜜桃既柚子蜜，香氣四溢，而且好濃而唔會淡，好好飲！期待下次成班朋友聚會再來！

最近天氣唔係落大雨就好熱好焗，都都係留返係室內好啲。今個星期日就決定同男朋友去樓上cafe chill 下，傾吓計食下野玩下board game。之前同朋友嚟過油麻地嘅孖啡，覺得食物唔錯，環境都幾舒服，所以今次我哋都揀咗嚟呢度。呢度分咗兩邊房，主房個邊係廚房水吧，仲有各式各樣嘅board game。而我哋今次被安排坐嘅另一間房就比較安靜。每枱都安排左一個鐘仔比你有需要叫店員既時候撳，好快就會有人幫到你。食物嘅種類唔算好多。我哋首先要左一個鮮茄焗豬扒飯。個番茄汁偏酸，好開胃，而且好多芝士，正！反而豬扒真係幾有驚喜，無骨無肥膏，而且好嫩有多汁，仲要冇雪藏豬扒嘅味道，幾高質。另外要左一個忌廉煙三文魚天使麵。卷成玫瑰花型嘅煙三文魚，打開其實有好多片。天使麵唔會太淋，而且個汁稠度啱啱好，唔會好漏好濟。另外都要左一個黑松露薯條做小食，新鮮炸嘅薯條熱辣辣，好香脆，加埋黑松露醬，超夾。而且份量對兩個人來講真係有啲多。相反飲品嘅種類就比食物多好多。男孩友要左杯檸檬紅茶，重檸檬味，仲有d椰果。我就要左杯藍莓乳酪，口感介乎於奶同奶昔之間，酸酸甜甜，女仔會鐘意既味道。玩下遊戲，食下野，好快就坐咗兩個幾鐘，好寫

真係唔好黎，中伏叫7人份量，但後尾加左2 個人，野食無加不特至，埋單無啦啦要收多2人最低消費，都算啲野真係唔好食仲要吞拿魚臭左。。。啲炸野全部凍啲野飲無味。。。一定唔好黎。。。

上次食完唔錯今日決定再食試新野。7點多去到即刻入座，今次安排左我地去另外一邊廂，應該係比人開派對用的場地，一坐底店員就提一提我需要幫忙可以按鍾，非常貼心！事關我試過於某餐廳埋單時先發現有鍾按。黑松露野菌忌廉意大利飯（$114包$38飲品）呢個真心推介，黑松露好香，野菌都唔小，意大利飯軟硬適中，不過建議2個人以上share食，唔係會太膩。蒜香雞亦（$42）魚手指（$42）2樣都岩岩炸起熱辣辣，雞亦炸到好香口，魚手指炸到好脆，上次試完好食今次當然要encore！藍莓果茶（$56）第一次飲果茶，酸酸地既茶開胃又消濟！

拍拖要搵節目真係諗到頭爆，去樓上Café都係其中一個好選擇。朋友介紹孖啡話唔錯，就一於去試下。呢度裝修幾有心思，啲位又坐得舒服。一入去已經見到幾枱食客喺度玩Game，笑得好開心。我哋決定醫左肚先玩 ! 每人叫左個set 加小食 share !忌廉煙三文魚配天使麵 ($108) 好滿意! 賣相靚之餘﹐味道仲好好! 煙三魚唔會過咸，個汁令到天使麵好幼滑! 凱撒沙律($88) 新鮮嘅蔬菜配蒜蓉包粒同芝士碎，美味健康! 食完啲健康野，當然要食下啲邪惡野!黑松露醬薯條 ($48) 薯條炸得香脆，配埋黑松露醬，令人食唔停口!個Set仲包,一杯$38飲品，我哋加錢要咗魔術師(玫瑰加青蘋果汁) (左) 同埋熱柑桔青檸 (右)魔術師有玫瑰香味之餘，青蘋果汁甜度啱啱好，味道清新。柑桔青檸味道較濃，較酸，好開胃。食飽飽之後就去揀野玩，好多野玩，足足玩咗成晚!! 可以以咁相宜嘅價錢又有野食又可以玩game 玩成晚，真係超抵!下次要再黎!

放工約朋友只係想搵個地方可以食下飯傾下偈，所以揀咗去孖啡。鍾意呢度既裝修﹐尤其係呢啲水晶吊燈，好靚好有氣氛。食物選擇多，除左呢啲套餐，亦有好多其他小食可以選擇。因為我同朋友都鍾意食飯，所以大家都揀左飯，哈哈!日式黑椒牛柳粒飯~ 牛柳粒份量好多，肉質好稔，而且好有牛味，個黑椒汁令成個飯更惹味~ 連平時唔好青椒既我，都覺得啲汁令到啲青椒變得好好味鮮茄焗豬扒飯~ 大塊厚切無骨豬排，同鮮茄茸係最好的配搭! 好味到食完想再encore再追加一個蒜香雞翼，雞翼炸得金黃香脆，有濃郁旳蒜味，食完大滿足 我同朋友都鍾意花茶，感覺文青啲，可以慢慢品嚐花茶的清香。玫瑰花&洋甘菊茶，味道淡雅，有淡淡既花香味，令人寧神放鬆，所以好啱放工飲! 而藍莓果茶係另一種風格，味道較濃，帶酸甜味﹐可以消滯解油! 兩種我都鍾意。另外值得一讚係呢度的員工服務態度好，有笑容，令食客可以心情好咁享受食物。

孖啡已經唔係第一次嚟啦, 貪呢度夠就腳, 又好坐, 確係唔錯嘅聚腳點。 佔全層嘅孖啡間開咗兩邊, 今日星期六, 晏晝非常旺場, 其中一邊已經full咗, 我地坐另一邊, 無咁多人, 靜靜地仲好。朋友同我都不約而同揀咗日式黑椒牛柳粒飯, 餸同飯嘅比例幾乎係一比一, 牛柳大舊得嚟食落唔會韌, 只係略嫌鹹咗啲啲。三色椒輕輕炒熟, 食落爽口清甜。 跟餐送你一杯$38飲品, 我就加錢揀左Oreo 奶昔,  飲落超級 milky, 仲非常飽肚, 搞到我連個飯都食唔曬。朋友點嘅審判 (青蘋果、菠蘿、薄荷、檸檬沙冰), 顏色有點浮誇, 但飲落冰涼清新, 非常消暑。每次我都必定+$28食埋個心太軟。今次當然都唔例外！脆皮軟心, 好食過唔少西餐廳㗎。

一個人係旺角做完野，見差唔多到晚飯時間，就諗住食埋晚飯先返屋企。記得呢棟大廈都有唔少CAFÉ，就諗住黎呢度搵食，見到呢間個名幾特別，就揀左呢間。雖然係平日夜晚，場內都已經坐左唔少人，好彩我都只係一個人，仲有位坐。lunch set 同dinner set食嘅野都係一樣，係dinner價錢貴少少，但同樣都係包一杯$38飲品，同加$28就有一樣甜品。忌廉煙三文魚配天使面煙三文魚份量唔少，仲卷得好靚。忌廉汁好多好creamy，入面仲落左蘑菇同DD蒜蓉去煮，味道好香好濃。天使面偏淋，但都好掛到汁，好味。士多啤梨乳酪士多啤梨同乳酪，兩樣都酸酸甜甜，入口仲食到有士多啤梨D籽，幾freshz。加$28就有心太軟，梗係要叫黎食。心太軟即叫即焗，所以要預定時間通知店員，咁就唔洗等太耐。擺碟好靚，心太軟焗得好好，外層好脆，入面仲非常流心，配埋個雪糕，一熱一凍，真係一流！呢間café嘅座位舒服同幾闊落，環境唔係太嘈，幾relaxing，下次可以搵埋朋友黎多次，慢慢傾下計。

記得前一回和一大班朋友來孖啡開小型Party感覺非常好 所以今日和男朋友再來一遍沒有吃上次的Party set晚餐計算下來價錢貴一點($88-114)但是間中吃一餐半餐還是可以的我們兩人分吃叫了紅莓和藍莓果茶($56)價錢不算便宜味道來說兩個果茶都挺酸我點的紅莓比他點的藍莓更酸呢，不公平!煙三文魚天使麵($108) 外貌非常吸引忌廉汁十分多配上煮得軟熟的天使麵很可口煙三文魚冷身 與下方熱辣辣既天使麵形成對比黑椒牛柳粒飯($108) 味道也不錯它配上薯仔令我想起萬發黑椒牛柳粒和薯仔的味道配上飯吃剛剛好!這裡的氣氛很好，很適受一班人Re-u或者情侶過來挺枱腳下次在旺角附近行街也會考慮一下這家!

旺角是食肆的集中地，在這個區內有各式各樣的食肆, 而最近在飲食網站看到風評唔錯的孖啡正正位處在旺角, 心想有機會要來一趟, 這晚就上來試試。步入餐廳, 環境令人有舒適的感覺。看看餐牌，飲品選擇了鮮奶杏仁霜, 味道不太甜。主菜選了黑椒牛柳粒飯, 牛柳粒有濃郁的牛味，肉汁豐富, 入口肉質細嫩帶嚼勁，用了黑椒調味, 更加惹味, 再配上白飯, 吃完後真的滿足。總體而言，餐廳的環境和氣氛休閒寧靜, 食物水準比想像中高, 真的不枉此行。