孖啡 (已結業)

係旺角唔知食乜好，行過抬頭望見到孖啡個燈牌就同朋友一齊上去試下啦～因為兩個都唔太肚餓，所以今次就嗌小食為主，雞翼迷同薯條迷梗係要試佢嘅蒜香雞翼同埋黑松露薯條，雞翼炸得乾身亦醃得好入味，上面啲炸蒜更加係畫龍點睛，超級香～～～黑松露薯條加左好多黑松露，但薯條炸得略嫌太乾，但有黑松露搭夠都俾我地清曬哈哈另外，我地亦每人嗌左一杯飲品，分別係西柚紅茶同埋藍莓果茶，藍莓果茶充滿果香味，而且好貼心用爐keep住溫度，如果可以加少少蜜糖就更正！

早就聽朋友介紹過呢間cafe, 上次誤打誤撞來咗但今次約埋朋友再來 因為有得食 又有得玩 消磨時間既好去處呢個星期日 四個人來 有三個人都係叫左 黑松露意大利飯 👍🏽 實實在在係太好食 夠熱，夠濃郁，啖啖黑松露味飲品方面 反而有啲遜色 兩次來都未有一杯令我回味 總係覺得啲飲品唔夠凍佢有塔羅牌飲品 冇飲過 不過啲飲品名好特別 下次有機會 會試一試至於遊戲方面 大路既board games 都有 不過我地今次只係玩左德國小強 都已經用左兩個幾鐘

餐廳裝修寫意高雅意粉/天使麵口感煙韌，麵質略硬，不過我喜歡這種質感，煙肉量多，但有點肥長通粉不夠滑醬汁蛋香欠奉，過於杰身，不夠香雞翼煎得很香脆可口，就是沒甚麼蒜香味，肉汁欠奉

價錢都唔平，但質素一般，而且服務質素唔ok，很不耐煩。上餐慢，70幾蚊午餐冇湯冇餐包，飲朱古力仲要加7蚊。收服務費未見服務質素，朱古力上面奶油係植物奶，水分好多只有死甜。餐具都放在有汙垢的籃子。食物份量非常之少，食唔飽。附近好多選擇，嚟間唔會有下次！

同N年冇見既朋友食飯，揀左樓上Cafe環境舒適，食物質素唔差，又唔會催客走，地點好方便好近地鐵站,去到餐廳見到裝修幾特別,燈光幾似西餐廳咁暗暗地,幾有情調。牆上有不同窗貼，好西式。餐廳叫餐係以禁鐘形式,玩玩下卡game,想叫就叫,唔駛怕有人阻住。仲有好多部電視機，娛樂十足。餐廳價錢算大眾化。我同朋友一人一個餐，叫左忌廉煙三文魚配天使麵，煙肉卡邦尼長通粉。加28蚊配cheese cake, 本身跟餐有一杯野飲。忌廉汁好香, 非常creamy ,麵好幼滑，吸曬忌廉汁。 加上煙三文魚嫩。煙三文魚份量唔少，卷得好靚。入面仲落左蘑菇同小小蒜蓉，味道好香好濃。有多種遊戲牌給食客飯後作消遣，非常貼心。煙肉卡邦尼長通粉，同樣忌廉汁好creamy，成個配搭都好Match。唔會膩。餐飲跟餐補貼少少藍莓乳酪，好甜好香滑,蜜桃紅茶，好Fresh。cheese cake作甜品，Classic，正！

旺角食飯真係周圍都要等位，突然諗起不如上樓上cafe，坐得舒舒服服仲好啦！所以抬頭一睇見到高氏大廈意間孖啡。就決定上去試下啦。周圍光猛舒適，座位寛敞舒適。地方挺大，乾淨企理。午餐晚餐同一餐牌，有八款選擇有麵有飯，價錢抵食，價位由$88-$114，包飲品，還可以加$28甜品。飲品大大杯，味道不錯。黑松露忌廉意大利飯，份量剛好，香氣撲鼻，味道香濃，濃杰適中 。的確不錯。 另外，還叫左一個鮮茄焗豬扒飯賣相吸引，味道不錯，份量算大。真係有連鎖店水準。加甜品$28 有即焗心太軟，估不到做到流心效果。旺角樓上cafe食物水準算不錯，周境環境乾淨清潔，價錢抵食！三五聚會不錯選擇。

今次同朋友相聚，想揾間坐得舒舒服服既餐廳就黎左意間位於旺角高氏大廈的Double Cafe 中文名叫孖啡的樓上店鋪。大廈四樓全層兩間鋪。有提供少量broad game，個人覺得比一般cafe提供game較少。坐位有卡位設計，地方感覺清潔乾淨。有午餐及晚餐提供，價錢非常大眾化。款式選擇不算太多，還有小食選擇。我同朋友就叫左忌廉煙三文魚意粉同日式黑椒牛柳飯。賣相的確吸引，味道有驚喜！^_^在cafe意道食物真係不錯！醬汁香濃，份量適中。日式黑椒牛柳，友人説較普通。再一個驚喜位晚餐加$28心太軟，即叫即整，熱騰騰，外層香脆，內裡流心。我點了latte拿鐵，味道ok。

我因為想搵一個可以傾到計既樓上cafe 所以睇評價幾好就揀佢 ! 專登早1日book位 想佢比啲靜少少可以傾計既位置! 但上到去張枱太細 我book3人比張2人枱我 仲要專登安排我係一大班人開p隔離 !位置逼唔緊要 嘈真係好難傾計! 坐位安排真係唔好! 食野正常既 但order有啲亂 說好既小食 成晚都無見過! 😅

環境勁大，裝潢有啲似K房，有好多電視可以睇📺，同埋有啲小遊戲可以玩，等野食果時就唔怕悶啦😆~⠀▫忌廉煙三文魚配天使麵 (HKD 76)🍝煙三文魚份量都幾多 但好似太多忌廉汁😂⠀▫黑松露野菌忌廉意大利飯 (HKD 80)黑松露味幾香味道不錯 不過同樣都係太多忌廉汁 食食下會濟😯⠀▫黑松露薯條 (HKD 48)🍟黑松露幾多而且大大份🍄不過薯條咸左少少同埋硬身左啲 ⠀▫心太軟配雪糕 (HKD 35)心太軟切開唔算太流心 不過味道都算OK⠀▫芒果乳酪 (跟餐+HKD 8)🍹⠀▫玫瑰花洋甘菊花茶 (跟餐+HKD 18)☕️⠀▫️Menu⠀▫️環境⠀

最近身心太疲累想同好友來個旅行，故即興去了拿資料。Cafe無疑是我們整理、談天及食野之最佳選擇。來了數次，始終還是來這裡。餐牌上食物依舊，沒甚麼太大的改變。日式黑椒牛柳粒飯 - 每次都忽略了它，今次儘管一試。牛柳入口軟稔不韌，醬汁不稠身，送飯一流，配菜青椒爽口開胃。鮮茄焗豬扒飯 - 朋友與我一樣鍾意焗飯！配料小到滿瀉，豬扒打得鬆軟，肉質結實。飯粒預先炒過故很香口，而且不黏底，食得滋味。瑞士雞翼 - 外皮充滿瑞士汁且煎得香脆，入口肉質嫩滑帶點甜美！(左) 青蘋果綠茶 - 青蘋果味挺濃郁、入口不會甜。底部有果粒入口煙韌有嚼勁！(右) 蜂蜜紅茶 - 蜂蜜味頗重，同樣不會顯得太甜，飲完挺解渴！芝士蛋糕 - 小小的一件，已足夠我倆去食！蛋糕入口軟滑，不太滯！芝士味亦挺香濃。

朋友呢排有好多心事想同我慢慢傾，於是就嚟咗旺角嘅呢間cafe 呢間Cafe有兩邊都幾大裏面都坐得幾relax舒服咁我哋就帶咗兩個dinner set同一個小食share 首先係日式黑椒牛柳粒飯 牛柳煎得幾香而且肉身滑嫰 估唔到樓上cafe食非西餐類型嘅野都有呢個質素！另外叫咗意式肉丸天使麵，鮮茄好香甜，天使麵幼滑彈牙又吸收到番茄汁嘅精華肉丸就不過不失不過粒數比較多小息叫咗嘅係芝士薯條，一上枱就已經好香，芝士分布得均勻，薯條炸到金黃色外脆內軟嘢飲方面我哋叫咗戰車同死神，其實即係雲呢拿雪糕或者朱古力雪糕配可樂好清涼！就係咁暢談心事左三個鐘，樓上cafe既嘢食有呢個質素真係唔錯

《相聚傾計，樓上cafe 孖啡✌🏻》今日難得世界盃，要搵個地方可以睇波，又唔會烏煙瘴氣，唯有揀一間可以睇電視嘅樓上cafe! 開咗咁多年，連屹立不倒嘅孖啡當然係選擇！好多小遊戲玩，一邊玩，一邊等開波⚽️🤩！日式抄雜菜🍃（$52）香噴噴的抄雜菜，每次黎都一定會叫。蔬菜上面，放上柴魚，調味之餘又可以裝飾！香蕉奶昔🍌（$52）忌廉在奶昔上蓋得高高！女朋友鍾意食甜，e杯奶昔對佢就啱啱好！玫瑰花洋甘菊茶 🌹💐 （$56）暖胃窩心的一道飲料，玫瑰花可以紓緩壓力、甘菊茶聞起來令人放鬆，一邊聊天、一邊品茶🍵，相當寫意。最近正值世界盃，直播足球賽事，一直坐到10點鐘就開波，正！😘🏟

喺我印象中好似之前嚟過兩次孖啡，而嗰兩次嘅感覺都幾良好，所以今日又再嚟到呢度價錢方面係高咗啲嘅，但係以一間cafe嚟講，就唔算話好貴，因為預你坐得耐或者享用吓board gameSet 係包括咗一杯$38飲品，不過多數飲品都係超過$38一層有兩個舖位，我哋呢邊比另一邊軟簡陋，但係亦都大過另一邊少少呢邊都有啲board game全部都係熱門嘅，仲有啲兩人玩嘅野黑松露野菌忌廉意飯大推呢個飯，雖然有忌廉但係一啲都唔膩，而且黑松露同菌嘅味道好出！每啖都有啲菇另外，order咗黑松露薯條🍟上枱熱辣辣，炸得啱啱好，仲要外皮香脆，入面係軟綿綿嘅薯泥有黑松露膏煙肉卡邦尼長通粉未試過食卡邦尼嘅長通粉，都算係一個新嘗試呢度嘅卡邦尼芝士味較重，蛋黃味較淡自助斟水區叫咗兩杯飲品，都係over$38，所以要補翻少少差價

今日去了旺角彌敦道這間孖啡cafe ， 整層樓這間cafe 分開兩邊入口， 座位都幾多，加上座位之間的距離寬闊， 絕對是傾計聚會好地方。至於價錢方面，晚餐也不過是一百元鬆啲， 而價錢 也包了一杯價值三十八元的飲品， 雖然套餐選擇不算多，但勝在經濟抵食。 最後分別叫了煙肉卡邦尼長通粉$98元和日式黑椒牛柳粒飯$108。 飲品點了香蕉朱古力和奇異果乳酪。先來煙肉卡邦尼長通粉, 煙肉分量好多,長通粉沾滿了卡邦尼醬， 加上煙煙韌韌口感， 特別好食。而日式黑椒牛柳粒飯， 牛柳粒軟淋淋， 牛柳味道特別香，加上黑椒嘅惹味， 味濃而不辣 ，令牛柳粒味道更佳， 配料有三色椒和洋蔥片， 令整碟牛柳粒飯色香味俱全，汁多飯香，好好味。香蕉朱古力， 補了7元， 濃濃嘅朱古力味配上新鮮即榨嘅香蕉， 甜而不膩。而奇異果乳酪只補6元， 味道好甜,夠Fresh。原來這間cafe食飽後,還可以在兩邊門口擺放著多款不同嘅牌旅遊戲，有些更特別到我從來都未見過， 有時間的話真是可以在這裏消磨多幾粒鐘 ， 下次可以預多一些時間再來幫襯。

近幾年，旺角的樓上Cafe如雨後春荀，的確要立足是不易的。看到孖啡的評價不錯，價錢合理，所以便打算在這兒渡一個悠閒的下午。叫了一個焗豬扒飯，賣相不錯，不過吃下去總覺得味道怪怪的。飯心並沒有全熱，而且飯粒卻蒸得有點糊(水多？)，是有少許失望。汁是類似茄汁焗豆的味道，算合格。還好是厚豬扒為這個飯挽回不少分數，至少份量是還可以的。服務方面，侍應生很充足，美中不足是可能老闆不在，比較被動。不過要注意的是以下幾點：1. 盛餐具的竹籃很污槽，而且沒有餐紙墊著，我真的看到O嘴了，要定期清理竹籃吧。2. 我坐的梳化位一坐下來已發覺扶手位有少許濕的，摸真一點發覺原來整張椅都有些濕，不知是之前清潔未乾還是倒翻了水。3. 點了一杯有蜜的綠茶，結果杯邊至杯耳全是蜜糖液，弄得我全手都係，這種出品是茶餐廳所為，不應該出現在這類型的Cafe吧。旺角的Cafe而言，這間不算是最差，不過衛生真的要多注意。