嫲嫲辣辣 (已結業)

依間嫲嫲辣辣有3間分店，分別係尖沙咀同深水埗，主打麻辣乾鍋，午市乾鍋有4款鍋底選擇(香辣，麻辣，孜然，蔥爆)，而辣度側有5個程度選擇(微辣，小辣，中辣，大辣，火爆辣)，午市套餐奉送白飯及罐裝汽水/豆漿。——————————————♥———————————————- - - - - - - - - - - - - - - - - - - - - - - - - - - - - - - - - - - - 一上菜，同朋友兩個嘩左聲，小辣都咁多辣椒🌶️實辣死，點知相當溫和，比起三哥十小辣總要輕微，下次可以叫中辣/大辣。♥️ 自選乾鍋 麻辣小辣 $69朋友揀左五花腩、肥腸、鮮茶樹菇，五花肉比較乾身，茶樹菇吸味一流，極力推薦肥腸👍🏻，每一舊肥腸都夠入味，冇豬臊味，表皮脆香，令人有種食完想再食既衝動。♥️ 自選乾鍋 麻辣小辣 $69我就揀左牛肉片、豬頸肉、黑木耳，份量都幾多，牛肉片同豬頸肉唔吸味，只係食到醃肉既味道，咸左小小，黑木耳就係精粹，放係底吸哂麻辣汁精華，送飯一流🤤。- - - - - - - - - - - - - - - - - - - - - - - - - - - - - - - - -

愈來愈鐘意四川的麻辣鮮香，尤其酸菜魚🐟 同老公兩個人可以KO一大碗，呢度魚肉一大片無骨，魚片份量亦多，配埋芽菜、紅薯粉，煙煙韌韌，酸辣夠曬開胃，飽肚度十足！仲有叫了馳名口水雞和炒四季豆！雞肉厚嫩滑又惹味，炒菜穫氣十足，份星也夠，送飯一流！結果全部清曬，食得乾乾淨淨，環境也不錯，不會坐得太近太迫，裝修簡單，價錢合理，挺有風味！可以下次再嚟！🍜：《嫲嫲辣辣》📍：九龍尖沙咀漆咸道南61-65號首都廣場地下5號鋪

如果想試吓食川菜，呢間嫲嫲辣辣 絕對可以俾到你一個意外驚喜～而次主要試左個自選乾鍋，同酸菜魚～抵食又好食！而初嘗川菜又唔喺食得太辣既人，可以試吓餐單上面既小辣今次我地都叫左小辣～個人認為佢嘅小辣唔會話係大家食唔到個款，入口都溫和～建議想試下但又唔係好食得辣嘅人可以叫！而酸菜魚方面味道香 同埋辣味會比酸味突出少少 但整體都唔錯 魚片份量都正常 整體今餐我會比3.5至4分 可能個人口味上唔太食到濃味野

嗰日滿心歡喜諗住去嗰度食餐辣嘅減減壓，呢排返工返到好頭痛，好想食辣食到出身汗咁排放下壓力！同一個食得辣嘅friend係openrice度左揀右揀，睇咗好耐都搵唔到一間正宗嘅川菜，正當有啲失望嘅時候，見到依間有充滿辣椒嘅乾鍋！其實版主本來係未試過乾鍋呢個睇落去咁恐怖嘅菜式，始終啲辣椒真係滿滿咁樣遍布成隻碟！但係原來係假象嚟㗎！我哋最尾叫咗中辣，點知同譚仔十少真係差無幾… 建議大家如果去食嘅話一定要叫大辣

1️⃣肥腸干鍋今次嘅肥腸干鍋我哋加咗萵筍同埋鮮茶樹菇，一上枱嘅時候見到個鍋燒勁多辣椒，成煲野真係紅色嘅，以為會非常非常之辣，我哋仲後悔嗌咗中辣但其實佢嘅辣度係可以接受，絕對符合香港人口味。萵筍佢哋係一條一條咁而唔係平時食開一片片嘅切法，更加有口感同埋爽脆，而鮮茶樹菇嘅份量亦都非常之多，如果可以再入味啲再辣啲就正啦2️⃣雲片白肉非常之似米線錢鋪嘅蒜泥白肉但係每一片嘅白肉更加之薄同大片，而且加咗辣油之後令到成個白肉香味昇華，白肉下面亦都有涼皮配搭，涼皮浸左辣油之後非常掛汁，食白肉食到膩咗可以用涼皮清爽嘅口感做返對沖3️⃣蟠龍古燒茄子首先，呢碟菜嘅份量非常之多，而且佢哋嘅茄子係一條一條用扭紋形式切開再加粉去油炸，之後喺面頭淋上醬汁，所以咬落茄子係外脆內軟，而且非常juicy

同朋友出去食嘢就突然打風，朋友仔同小編一樣鍾意食辣嘢🌶今次淨係同一個朋友去食所以食嘅份量都唔多，淨係叫咗魷魚鬚同埋干鍋，呢度啲干鍋係可以自選，有成6️⃣0️⃣款選擇，選擇好多，辣度都可以接受，魷魚鬚係油炸過先再炒個人覺得麻麻地，比較喜歡乾炒質感😞

第一次食干鍋！睇人哋啲相好鬼震撼，成碗都係紅色辣椒🌶️仲要大大碗好開心咁😂畫紙仔好多選擇，剔上癮咁咩都想揀😂最後精挑細選左9樣✨🐷自選干鍋 （香辣+9餸）$337揀咗香辣小辣，餸就揀咗五花腩片、雞腎、炸魚旦、魷魚鬚、雞軟骨、豬頸肉、土豆條、紅薯粉、萵筍，每款$27至$40🐽雞腎豬頸肉切到好細粒，食落唔夠爽🥲最有印象係魷魚鬚同紅薯粉，魷魚鬚爽彈，紅薯粉其實係寬粉，同樣都好煙靭🤤平日食開10小辣，但係依度嘅小辣對我嚟講太濕碎🤪下次可以試中辣😉雖然個碗好大🥣但係有一半都係辣椒🌶三個人一邊食一邊傾偈其實都啱啱好食得飽的！環境 🐖🐖🐖🐽 3.5/5食物質素🐖🐖🐖🐽 3.5/5店員態度🐖🐖🐖 3/5人均消費 ～$130嫲嫲辣辣📍尖沙咀厚福街9號地下J1號舖

自從朋友帶我嚟過一次之後，呢到就變咗做我飯堂喇！佢哋乾鍋份量超大，通常我哋唔會額外嗌白飯，齋食啲餸就夠飽。佢哋嘅雞軟骨又脆又好味，薯粉都好煙韌。豬頸肉同腩肉都係我覺得必嗌嘅選擇。嘢飲方面，餐廳都提供好多選擇。例如加多寶、烏龍茶、可樂雪碧等等，仲有豆漿同土耳其果汁可以揀添！

我同朋友嚟呢間餐廳午膳，入座時餐廳大約8成滿，我地填好餐廳嘅嘅落單紙後，就舉手等候侍應收落單紙。我地舉手約兩分鐘，期間一名操唔鹹唔淡廣東話嘅侍應經過我地嘅嗰枱兩次，均無視我地嗰枱，直接到隔離枱收拾碗碟/送餐都隔離枱。直到侍應第三次經過我地枱，我同朋友就揚聲：「唔該落單。」侍應望都唔望我地，一邊行一邊講：「等下先啦。」然後幫隔離枱嘅食客收碟。我同朋友再同呢位侍應講：「咁你可唔可以收左張單先啊唔該？」侍應繼續唔望我地咁講：「禾收左你地張單，你地都係要等嫁啦。」我同朋友忍唔住同侍應理論：「咁你收左張落單紙先，等你得閒先再慢慢入機，又有咩問題呢？」侍應再三無視我地嘅落單要求，行開扮冇事，我同朋友亦唔想幫襯，起身離開呢間餐廳（無視同拒絕食客落單嘅餐廳，仲算唔算係餐廳？）如果享受比人無視/拒絕嘅感覺，呢間餐廳絕對適合貼錢買難受嘅你☺️

.麻麻辣辣🌶🌶厚福街出名多野食😆✨同朋友🧒🏻約去尖沙咀睇戲🎬睇戲前緊係要食飽飽先啦🤤本身想食祥仔辣辣😝但唔記得帶 coupon!! 就行左去厚福街🤤………..我地👩🏻‍🦰🧒🏻2個人叫左一個乾鍋🌶🥘+🍚我地自選左7️⃣款配菜!!!😝推薦炸薯仔片!!!午餐肉!!!🐷食完今次之後幾日😂我都朝思暮想再食午餐肉🤤🤤🧒🏻唔太食到辣🌶🙈所以我地叫左小辣😝…………人均💰$150左右味道：🌕🌕🌕🌕🌑4/5性價比：🌕🌕🌕🌑🌑3/5回頭率：🌕🌕🌕🌕🌕5/5環境：🌕🌕🌕🌕🌑4/5衛生：🌕🌕🌕🌑🌑3/5整體：🌕🌕🌕🌗🌑3.5/5………..

嫲嫲辣辣個名的確吸引，我地食中午既，叫左個自選3餸揀左中辣，確實系好大碟（乾辣椒🌶️都佔左一半😂）熱就夠熱，不過吾辣吾麻，下次可以叫大辣！炒得好乾身，我個人就麻麻地，食到個咀好痛😂朋友就叫左個麵，吾夠熱同份量的確小！

干煱，辣人至愛辣到你爆炸，原汁原味辣到你爆炸，香噴噴聞到口水流，睇到都急不及待愛不釋手食唔停，辣到爆炸時再飲一啖凍冰冰啤酒人生一大樂事，勁正聚舊痛快暢談，邊飲邊食，有邊度好得過去尖沙咀厚福街麻麻辣辣，食得過癮勁，開懐食都係幾百蚊，抵

今晚同朋友聚會 大家都鐘意食辣所以揀呢間試下我哋叫左個蜆鍋 另外加左萵筍 闊薯粉 雞腎同埋牛栢葉佢每一樣配料份量都多 而且好入味加多碗白飯 2個人岩岩好👍🏼呢間舖夜晚9點半仲有宵夜時段價錢平啲夜收工可以多個選擇🌶🌶🌶

Pot Base + 2 Toppings 🥘✨1. Base: Spicy Hot2. Base: Fried w/ Scallions (not spicy)📍: 嫲嫲辣辣, 9號 Hau Fook St, Tsim Sha Tsui, Hong Kong💰: $69⭐️: 8/10Review : I don’t like spicy food, especially mala 🌶❌ so I would say I prefer the fried with scallions base. It is sweet with lots of onions 😍 and we can choose any toppings we want! (beef, pork, tofu, frog, etc) Lots of ppl say that the mala taste good, so give it a try! It includes drink and rice too 🤤✨

之前晚市都嚟過呢間麻麻辣食乾窩， 雖然當時味道都係唔夠濃烈， 但都炒得乾身， 都算好食🤣今次經過見到原來午市都有乾鍋， 諗住幾十蚊咁平， 上次食過又唔差， 就入去食個lunch啦😐唔知係咪lunch time時間人多嘅關係（但係上次晚市都人多）， 乾鍋炒到濕鍋咁，食落去冇味應覺得好奇怪， 一睇個底...見到全部水嚟嘅？ 除咗牛肉吸味少少， 魷魚同埋薯仔完全唔得👎🏿👎🏿👎🏿薯仔完全係烚熟咗再放喺個鍋度， 食落去又冇味又淋？！完全吸唔到味wo😑 最奇怪嘅係， 點解部分薯條仲要酸酸地？？？？魷魚都係同薯仔狀態差唔多， 都應該係烚熟咗再放喺個鍋度， 所以都冇咩味道😢成個餐最好食就係牛肉啦， 都仲有啲炒過嘅味道😆😆😆整體來講其實抵嘅， 不過食乾鍋嘅材料真係要慎重挑選🤣下次再選過其他食材~~~#麻麻辣辣 #麻辣 #麻辣鍋 #麻辣香锅 #麻辣乾鍋 #乾鍋 #牛肉 #魷魚 #薯仔 #尖沙咀美食 #香港特色 #香港美食 #黃怪獸 #黃怪獸覓食 #hk90s #hkfood #hkfoodie #foodie #foodiehk #正