嫲嫲辣辣 (已結業)

夜晚唔知食咩好諗起呢間辣野好回味呀今次點左~辣子雞呢個係連骨雞肉一直食開既辣子雞係淨雞肉既見到有骨比較特別份量好似少左DD但係炒得香既雖然肉質有少少鞋呀~油麥菜寛粉大蜆炸魚旦炸豆腐干鍋(麻辣味)上次香辣好似無咁辣但味道係惹味既雖然食落唔算好麻呀又要講下個份量菜真係好少係搵到個底得幾條寛粉都係呀堂食係攬住個肚架外賣真係少左一截建議都係堂食啦

幾時先可以比返個晚市堂食我呀！😩食乾鍋最重要就係個朕鑊氣！外賣乾鍋始終都係爭咁d。不過癮起無辦法啦！遠在東涌收工既我，真係好想食嫲嫲辣辣，於是衝左岀尖沙咀買外賣！晚市嗌係唔多抵，不過鬼叫我想食咩😆嗌左腩肉，肥腸，雞軟骨，蓮藕仔，羊肉，薯條，東風螺！孜然口味，小辣。7樣野加埋total 272蚊！樣樣都唔錯，辣椒夠多，香料夠重口，炒得夠香口。東風螺比想像中好，大大隻又唔韌，一共有8粒！反而薯仔有d失望，生水，一d都唔粉😢。最後結論係，堂食正d，新鮮滾熱辣岀爐既乾鍋迷人好多，外賣始終焗住左一陣有倒汗水，d野食無咁乾身。btw， 點都好啦，我愛乾鍋！❤️

知道自己要去尖沙咀食嘢特登問吓朋友有冇推介我的心水呢就係想食辣嘢但係尖沙咀嘅辣嘢呢其實選擇唔算多朋友們都推介呢一間所以就特別去啦Menu嚟講呢就係得呢兩張紙因為我去嘅時候呢仲係午餐時間所以就可以揀自選嗰個系列佢哋啲坐位呢有少少近但係如果想食辣嘅話呢一入去就知道冇去錯餐廳㗎啦因為呢餐廳嘅辣味呢一入去就已經聞到呀同埋呢餐廳除咗本地人食之外呢都有內地人喺餐廳入邊食緊你會聽到有普通話嘅人講嘢啦我哋兩款嘢食呢都係揀咗自選兩款都係配飯嘅圖2嗰個呢就揀咗麻辣嘅小辣入邊有羊肉片五花腩片牛柏葉而令一款呢就係揀咗孜然嘅小辣入邊有雞件豬粉腸豬頸肉食落口呢兩款真係有唔同個麻辣嗰款真係辣啲嘅兩款都配咗飲可樂我哋大約3:00入去嘅但係入到去坐低冇幾耐佢就已經叫人埋單話要結數係呢樣比較唔好囉其他整體都唔錯

有無人同我一樣好鍾意食煙靭有口感既野🤣🤣黎到依間食辣既餐廳坐低😆第一時間就係揀薯粉食😋😋🍴自選乾鍋 （最少揀四款）有成頁既配料俾你揀😆每款配料都唔同價錢😛個人私心必嗌薯粉同雞軟骨😋😋粗薯粉好好味好彈牙🥰雞軟骨係炸過既好脆😙岩哂同朋友一路吹水一路食👍鍋底有幾隻味同唔同辣度揀✨如果唔驚辣既可以試下麻辣味好香😉🍴酸辣土豆絲 $52係一道好開胃既菜😍炒得好爽口好好食‼️如果無嗌薯粉我一定會嗌一碗白飯🤣🤣

⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️🍴美食資訊🍴肥腸干鍋（中辣）（$98)+田雞（$41)+午餐肉（$36)+牛丸（$34)+雞蛋干（$34)+紅薯粉（$26)+即炸土豆片（$29)先揀好一個鍋底，然後就最少揀4樣餸，最多12款。一上枱勁香嘅味道！干鍋同啲配料真係做到乾，麻，香嘅效果🤯中辣對於我地食開辣嘅人嚟講，尚可接受，其實如果大辣就應該會更惹味啲😛各款配料都好多，唔會因為你揀左葷嘅配料就比少啲，基本上同素嘅配料份量一樣多👍即炸土豆片好驚喜，食落真係同平時食嘅薯片冇分別，仲要冇咁咸，值得一讚🤤🤤泡椒牛肉（$78)牛肉份量超多！泡椒亦令到碟餸帶少少酸味🤤食落酸酸辣辣咁超開胃，值得一試👍👍⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️👑評分味道：4/5環境：3/5價錢：3/5份量：4/5服務：4/5會否推薦：會晚市食比較多人，但等位同上菜都好，都唔算耐。座位都唔算迫，雖然人多店員好忙，但態度都好好😂如果想食啲平靚正嘅辣嘢，呢間真係可以一戰🤘🤘⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️

好好味呀！路過見到呢間餐飯門口貼滿雜誌推介文章，見到門口又有好幾個人係到排隊等外賣，就入去試下！點知試過一次就番唔到轉頭，呢個係我次次都叫嘅三餸麻辣香鍋，由唔辣到大辣都有，餸菜任選，包一飯同一汽水。我本身係譚仔食3小左右嘅人士，第一次黎呢到點左微辣麻辣，一開始好辣就唔算，但啲辣子（深色波波-加麻用）越食越麻同埋辣，去到後來頂唔順無食晒。第二次來醒目，叫微辣香辣，無左辣子即刻變左10小辣😅，好好多。炒得好香好有鑊氣，又唔會太油，餸果方面我兩次都點左炸🥔片、牛肉同雞軟骨。雞軟骨係最入味的！實在太好送飯，幾下就食晒！大推各位黎試！

好惹味的麻辣干鍋～有朋友推介呢度嘅麻辣干鍋好正 今晚一行四人決定過嚟試一試由於有朋友唔係10分食得辣所以我哋揀咗小辣 大家起勢咁樣揀咗好多唔同嘅喜愛餸菜 有水魷魚 田雞 豬大腸 萵筍 蓮藕等等15分鐘左右就上枱 上咗請大家都嘩一聲 因為真係超級大盆～！呢度嘅食材都幾新鮮 唔太油膩 比較推介嘅係田雞同埋豬大腸～！我哋另外再叫咗個酸菜魚 呢個就一般 唔夠連鎖嘅酸菜魚專門店舖 再叫多個麻辣皮蛋～！由於係小店經營座位都坐得比較迫同埋需要等位 不過性價比唔錯 可以再encore

朋友係尖咀返工既地擔難得有朋友食到辣 當要佢帶我地試啲辣野啦 就揀左厚福街呢間嫲嫲辣辣叫左個自選干鍋 揀左羊肉、豬腸、金針菇辣度比我想像偏辣一點 但辣得好過癮羊肉味道一般 但豬腸拌入辣椒中好香口好好味 金菇都入晒味好正 另外嗌左辣子鯛魚片 呢個好好味 我地都覺得辣度比干鍋更正所以轉眼好快食完 當然品小得尖椒皮蛋 個人都係比較鐘意譚仔既皮蛋呢個一般般 雖然店鋪小小 但野食都幾唔錯 我地較早小小時間六點去唔洗等位但到左七點幾已經人山人海了

2.50 入到黎食啦 個肥佬一黎就態度唔好 明明咩都冇做 但就係態度唔好 之後叫野食 其他樓面都好好之後 3.20 個肥仔係我地食 緊野嘅時候 突然 插隻手埋黎話埋單 dllm 咩服務態度 唔會再黎食個服務態度好有問題 個肥仔趕人走咁樣 之後啦 收錢啦 我準備比錢 佢係到 妖左下 之後叫其他樓面過黎收錢 喂講真一開波就黎咁樣玩 食都冇胃口啦仲有呀 個肥仔口罩 都唔帶好 係咪有d 衛生問題呢？ 對其他客就冇問題 我地呢度 就有問題 超級唔建議大家過黎食 廢時係到受氣

🇭🇰嫲嫲辣辣·呢間明明我地成日經過既 但係就係唔知點解從來都無見過佢🤣🤣個次見佢門口好多人等外賣就決定入去試下😈·干鍋客飯$69佢呢間鋪頭你一入去就會聞到超香既辣椒味 之後佢個干鍋黎到我真係嚇親 佢係超多辣椒 好彩微辣我都食到🌶️😈我平時係食開十小辣既 我覺得面頭個D少D辣油有野飲都食到既 底個D多D辣油就交左比我同事食🤭🤣佢呢度個辣好有層次 超惹味 佢係有D香料同埋麻麻地咁 唔會就咁得個辣味 送飯一流🤤🤤而且佢D送都好出色 佢個牛柏葉好爽口 豬頸肉都唔錯 之後個娃娃菜索曬汁 都好正😛·酸菜炒魚片$68我地再另外叫左呢個客飯分 佢呢個係走甜辣風既 有少少似 我自己幾中意佢個調味 不過佢就同平時食開既酸菜魚唔係好同😂😂·#rbyeat#rby港式#rby尖沙咀 #rby深水埗·📍尖沙咀厚福街9號地下J1號舖📍深水埗福榮街105號地下

成日去厚福街都會食嫲嫲辣辣，最鐘意叫佢地的自選香辣干鍋😍佢地自選鍋底有四款，我最鐘意食香辣，勁惹味!選完鍋底就可以選自選辣度，我唔係特別食得辣，所以通常都會叫微辣。但係有時候個辣度唔係甘穩定，今次個微辣特別辣....😭要留意每次叫干鍋都要最少4款，如果想追加就要再重新叫過一個干鍋我地兩個人食，叫咗4款(豬頸肉,肥腸,田雞,篙筍)+兩碗飯，都已經好飽。我次次都會叫肥腸，口感咬落脆脆地，應該有炸過田雞:比較多骨，唔太推薦，但味道ok之前有試過大蜆，海鮮黎講最推薦呢款，超入味，同埋無乜沙不過舖頭座位唔算太多，有小小逼，比較啱2-4人用餐下次大家經過尖沙咀可以試下😋

今日同幾個朋友想食辣野，經過厚福街呢街嫲嫲辣辣，見到門口有四川麻辣香鍋，就入去試下，下午茶時段都見到入面有一半客人，坐低睇下菜牌，有午市套餐，主要食麻辣香鍋，見到客人主要都係食呢個，所以我地一行四人，叫左幾個鍋，包括麻辣，香辣及孜然，揀選左唔同嘅配料，再加左一份涼菜-麻辣牛肚，等左一陣好快有野食，麻辣牛肚，其實無味，因為啲牛肚好似整熟左就淋個辣醬上去咁，至於其他三個鍋，都係普通，唔太好食，入口唔夠辣唔夠香，同真正大陸食嘅香鍋真係差好遠，完全食唔到果種風味，店舖環環好迫，又好似污污地糟咁，試過呢次一次唔會再黎，四個人埋單$580，老實講，價錢唔係貴，但以$580食呢啲唔太好食嘅下欄配菜，性價比相當低

嫲嫲辣辣(尖沙咀)聽朋友仔講好好食，今次終於試到🤣麻辣香鍋最少要4餸起巨量辣椒同香料做底料一齊炒逼曬啲辣味出嚟😼配料有: 牛肉 牛柏葉 炸枝竹 同埋 薯粉薯粉好索味之餘唔會炒到一 pat pat揀佐麻辣味 小辣 都食到有少少辛苦😹😹😹另外仲叫佐一個涼拌皮蛋但黃金皮蛋味道都ok 個涼拌汁都夠重口味整體都可以🤣總結：💛要支持，依家開餐廳好唔容易但見到佢哋仲堅持要我地要一齊加油💪🏻

酸菜魚極度酸，味道差乾煱燶味蓋過一齊，淨係食到辣味最正常係：- 涼拌青瓜- 清炒土豆絲*警告*廁所環境惡劣，極度污糟，見到都想嘔可以肯定公廁環境比它好數百倍已入黑名單👎🏿👎🏿👎🏿

本來去某間食酸菜魚，服務差。行下食咩好見到唔錯，岩岩想食川菜，就試試。酸菜魚少辣：個湯酸酸地，好濃有層油，魚滑有些骨，酸菜好味，湯底有麻薯粉，好煙韌，好滑，好開胃，叫左碗飯送。自選干鍋（蝦🦐、粉腸、羊肉和蓮藕條）：呢個好野味，來到好大盆，叫左香辣（少辣），蝦好新鮮，大隻，鮮甜，皮脆多汁。粉腸不過不失，蓮藕條甜甜酸酸脆脆，好好味。羊肉好大塊好入味又多，唔韌，成盆食唔曬。泡淑炒肥腸：好好食，腸好肥，一路食一路出汁，大大舊，愈食愈好味，個汁好正，酸甜辣混合咁既味道，好有獲氣。四個人加一食左$504都幾抵！😬