嫲嫲辣辣 (已結業)

📍嫲嫲辣辣 (尖沙咀) Lunch time黎到厚福街搵食~ 見到呢間都幾多人排隊，又有啲想食辣野就決定試試~ 估唔到超有驚喜!! 🤩 午市套餐非常抵食，而且食物質素都好高，❤️好建議想食下辣野既話過嚟試試！𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:▪️午市干鍋客飯 ($69) Lunch Set包咗三款配菜、一碗白飯同埋嘢飲。😽首先要選擇鍋底，我就選擇左孜然小辣，配菜方面我同朋友分別選擇咗五花腩片、炸豆腐、肥腸、羊肉片、豬頸肉同金錢肚。🌶一上到黎嗰陣見到佢成碗咁紅有少少嚇親，以為好辣，但係食落又ok喎，味道好香辣好惹味。🥰 配菜方面都非常出色，特別推介五花腩片同埋肥腸，炸得非常香脆，羊肉片都好香，而且唔會有羶味。有咁香口既配菜白飯食多少少都唔過分啦~𝑨𝑫𝑫𝑹𝑬𝑺𝑺:📍尖沙咀厚福街9號地下J1號舖Shop J1, G/F, 9 Hau Fook Street, Tsim Sha Tsui

閒日估唔到都要排隊，但一D都唔好食！價錢又唔係平！我們點了香鍋，中辣！配菜可以自選！萵筍切得超大舊，難咬，唔入味！薯粉非常粗非常厚非常淡，沒有先炒過所以不入味！白花椰菜有點硬味道淡，同樣沒有先炒過沒有很入味！肥腸無腸味，而且又太乾！雞軟骨相對好一點因為有炸過，不過份量非常少而且因為太細粒不容易找得到！午餐肉非常入味，但其實午餐肉難食有個譜因為是外來食物！不過午餐肉值得一讚因為份量很多！總結，其實香鍋辣味十足，但由於食材沒有做過 pre-process 所以香鍋的辣沒有將辣味融入在食物當中！整體表現大打折扣！但不知道為何還是很多人在外排隊？！其實尖沙咀附近有幾間吃辣餐廳都很不錯，應該不會再來！

LUNCH TIME路過尖沙咀, 見倒有間辣野, 試住試下新野啦, 點知拎張菜單睇, 得干鍋揀, 跟住就好似車仔麵咁, 可以自選三餸+鍋底, 仲送白飯+汽水/豆漿, 看似唔錯, 雖然干鍋我麻麻地, 不過都試下啦.雖然干鍋配午餐肉係絕配, 但係前一晚已經食過, 所以揀其他試下, 有田雞就必叫架啦, 然後較為MATCH既, 應該係豬頸肉同豬粉腸. 外觀唔錯, 個盒超大盒, 今次叫左大辣, 所以辣椒乾都唔少, 田雞件好大件, 亦都唔會炒到乾柴 係唔錯既, 不過豬頸肉可能太薄既關係, 炒到乾晒, 感覺比較柴皮, 而豬粉腸完全無醃過, 一陣水味, 而且D辣入唔倒落去, 但係辣椒粒痴晒係上面, 感覺完全只係食緊辣椒既原味, 本身既辣都食倒, 但係加上直接食辣椒咁, 最尾食到孖潤腸咀, 真係要飲晒杯豆漿先止倒, 都冇理豆漿係咪自家磨或者有冇豆渣喇.

食上癮🤤🤤🤤夜晚整完頭髮 即刻衝過去食😉雖然九點鐘先入座 但係店員態度依然好好唔會覺得你阻住佢哋收工👍🏼敬業樂業嘅態度都買少見少😆例牌要炒返個乾鍋 （流曬口水）🤪今次叫咗中辣 食左口水鼻涕一齊流🤣🤣食辣嘢嘅精髓🤣🤣🤣每次啲叫薯粉 煙煙韌粉好好味😋好有質感 好少地方可以食到😍仲叫娃娃菜 菜吸曬辣汁食一條菜都好刺激味蕾🤣🤣🤣😉正叫咗薯仔 🥔 但係唔算太林 食落仲會索索聲另外叫咗酸辣魷魚🦑都係不及乾炒鍋好味☺️☺️呢間蘋果梳打好少見 食嘢點可以冇飲品😎值得一試 小清新

冇咩胃口 食香辣野開胃😳真係好正 寫寫下食評都好想出去食🤣🤣🤣服務態度好好👍🏼店員驚我哋太辣食唔到強烈要求我哋要少少辣😆😆🤣點知上菜 我哋覺得唔係太辣 唔夠味啊！店員即刻幫我哋拎入廚房加辣椒🌶️再次出泥 d香味撲鼻 口水流出來啦😋😋可以自己揀辣度～同埋要邊款辣 有香辣/麻辣/等等之後下面好多配菜俾你任君選擇我哋揀咗紅薯粉（超煙韌&粗身）好好味 正👍🏼仲有揀咗豬大腸椰菜秋葵🥬仲叫咗泡椒田雞酸酸辣辣真係好開胃呀😆田雞好滑 加埋泡椒好正真係好好送飯😆飲品：有氣蘋果汁🍹&有氣檸檬汁🍋呢兩個都唔係大牌子嘅飲品但係飲落10分有驚喜😳非常之小清新 淡淡的水果味湧出食辣嘢點可以唔飲嘢㗎😀你返兩支藍妹就差唔多😜😜😜

千祈唔好叫大蜆 千祈唔好叫大蜆其他係滿意 叫左個蔥爆汁 加大蜆 大尾魷 枝竹 蝦 瓜等等...一打開 好香好惹味 點知一食 woo每一啖有海灘感覺 一口枝竹一口沙一口沙一口蝦 大蜆重有隻死 食完立即刷牙🪥係好食 不過大蜆敗筆下次會再食 不過唔嗌大蜆

特登去嫲嫲辣辣買乾鍋外賣，好足料同好好味🤤第一次食就叫左香辣海鮮什錦干鍋 中辣，諗住什錦咩都可以一次過食晒🤣🤣🤣一打開已經見到個蟹蓋鋪面，外賣都排得咁靚👍🏻，入面啲海鮮有蟹、有鮑魚、有蜆仲有東風螺，樣樣都大隻多肉好味，配埋個中辣真係好惹味！另外我哋都有叫埋啲配菜，羊肉片、田雞、金錢肚、炸支竹等等，全部加晒入去乾鍋度都炒得好入味再加埋佢炒完都唔會好油，呢個真係要讚一讚但呢個分量兩個人都食唔晒 哈哈哈如果可以配埋碗白飯食就正啦😍😍😍

本來想去食光榮雞扒飯，但去到厚福街見到嫲嫲辣辣無人龍，博一博先，第一張檯就到，good fit la😍食餐佢都係晏就來，$69三餸抵食夾大件，tick 呀 tick, 美女們唔食辣就tick蔥爆，選好三餸扭轉背後選飲品，凍熱豆漿/汽水唔駛加錢，轉支裝細津路+$5，掂晒啦👍先上檯係我個個，超大兜😂小麻辣鯛魚片，羊肉雞軟骨，我去親都唔會揀蔬菜類，因為麻辣配肉類內臟好食好多架唔好比D超多超紅超爆的辣椒嚇親，小麻辣好香好麻唔太辣，不過食過幾次都唔敢挑戰中辣，下次會試試配來一碗白飯，老實講唔夠架，辣辣地一啖餸一啖飯可能食到3碗飯，不過唔好睇少D餸，份量好足架再來美女一號食蔥爆鯛魚片腩肉芋頭條，大量並蔥洋蔥唔駛講成為我囊中物，好正好正好正呀，芋頭我麻麻地無食，腩肉好食美女二號食的係。。。燈燈燈鄧！蔥爆鯛魚片金錢肚午餐肉金錢肚爽淋，午餐肉切條好食有無發覺到一個餸我地三個都有叫架呢？無錯喇！就係鯛魚片！肉質彈牙爽爽地唔梅口，無論蔥爆同麻辣都好匹配，最緊要無骨架！大家有機會來食試下佢啦😆

之前食晏食過不過好快落場所以要好早過嚟食。所以今日放假就夜晚過咗嚟食啦～發現原來晏晝好食過夜晚個喎！可能lunch 人冇咁多，變咗唔使咁快手，有啲質素1.叫左個麻辣炒田雞：沒有分辣度，味道真係好普通，冇乜特別有少少辣咁樣囉～又不是特別香。2.另外叫咗個唔知咩魚炒秋葵：反而呢個幾好食清清地。魚又滑不過入得黎梗係諗住食麻辣好食㗎啦，點知反而清清地嗰個幾好食喎！🤣如佢嘅嘢飲因為都16蚊一杯、寧願叫一支啤酒$20真係唔知係咪人多嘅關係呢平時食晏呢我都好鍾意食㗎！大約$68至$78.1個套餐，最緊要仲可以揀孜然粉呀！😍如果食晏來講真係好難得有呢隻味！唔係個個人都鍾意㗎我就超鍾意！ ＊孜然粉＊鍾意食嘅人都可以order呢隻味呀！

呢間係川菜為主的小店，有干鍋，水煮，酸菜，辣子，川炒等系列，非常吸引。自選干鍋好夠鍋氣入味，配料都有好多得揀，味道主要有麻辣，香辣，之然等...老乾媽炒大蜆香辣夠火喉，蜆肉肥美！辣子雞經油炸過一樣夠香辣，肉質脆口👍最後干扁四季豆水準正常

lunch行過見到呢間餐廳好多人幫襯，所以入去試吓。點知成兜乾鍋得個樣，最神奇係叫咗麻辣但一啲都唔麻同唔辣！！！🤔🤯 呢間餐廳嘅乾鍋又唔香又唔乾，同平時食嘅好大分別，個白飯又一pat pat咁......配菜自選三款，腩肉好乾，cheap cheap 口感，萵筍普通，唯一係雲南花菜唔錯。另外叫咗個酸菜炒鯛魚，佢話係招牌，但食落真係一言難盡，鯛魚嘅質地同味道...... 令我食咗一啖就唔想食。本身諗住po埋相，最後都係刪咗，我都係唔想再見到碟嘢😣

鍾意食麻辣ge朋友出動！！話說最近口痕想吃乾鍋，終於比我搵到一間比我享下口福😍😍豬腸粉+鯛魚片+肥腸（$69）其實叫左田雞，但係可能落錯單，變了肥腸！豬腸粉口感幾好😂鯛魚片新鮮又彈牙，個辣有孜然味，好香！✌🏻想encore😍唔好見佢好似好多辣椒咁樣，其實唔係超級辣㗎唔係咁得人驚，我自己就覺得啱啱好，魚片吸左啲辣味落去，仲更加香！另外麻婆豆腐都幾滑，（$40）呢個又唔算好辣，其實叫一個啱啱好中和干鍋嗰個辣未😻

朋友介紹，於是去試一試，不設訂位，walk in 試試，7點去到，3位立即有位，現場都仲有兩三張4位枱。見現場大部份人都係食干煱，咁一於淨叫一個干煱算了。揀咗麻辣中辣，揀咗9款餸。牛肉、豬腸、雞腎、鷄翼尖、炸枝竹、紅薯粉、福花菜、魷魚鬚、雞軟骨。中辣冇咩辣度，似平時食嘅小辣咁，而佢哋唔同辣度唔同價錢，覺得比貴左。麻味完全唔覺，最失望。牛肉、豬腸正正常常鷄腎好細片好碎，唔多搵到。鷄翼尖肥嘟嘟，唔錯。紅薯粉唔夠淋、偏硬。其他食物都普普通通，整體都係唔太吸引。

去到尖沙咀成日都會係厚福街搵野食今次食呢間 因為上次行過見人多無去食所以今次就去食首先叫左個乾鍋 簡左孜然味小辣咁就自己選擇葷菜啦 雞軟骨 魷魚 午餐肉....好多野簡 咁味道好夠味 小辣都覺得夠因為我唔係幾食得辣孜然粉令到所有食物好香口 好似食緊大陸串燒咁 麻辣牛展可以！夠大塊 又雪到冷涼咁又辣辣哋！好爽每次食川菜都會必點土豆絲有無人同我一樣好鍾意食酸酸辣辣其實算多餸 有好多款小菜 價錢又合理

我同男朋友相識第一日佢就帶咗我過嚟食嫲嫲辣辣！！！所以呢間餐廳真係充滿回憶。❤️麻辣干鍋（微辣）+羊肉片、雞軟骨、秀珍菇、油麥菜、紅薯粉已經食過第三次，每次都係咁樣叫😂因為真係好好餸飯，下次有機會多啲人可以叫其他一齊食！❤️好想試佢嗰個酸菜魚！！！如果食得辣嘅話，除咗干鍋之外，仲有好多其他選擇！！！水煮魚、口水雞、地獄辣鍋⋯⋯好期待下次再過嚟食！人均消費：130HKD（晚市）（大概呢間店係我同寶寶相遇、相識嘅回憶❤️）