嫦記 (已結業)

一行五人，點了雞燉翅、BB骨、風沙雞、金沙椰菜花和蒜蓉粉絲蒸茄子。魚翅正，我一向喜歡魚翅，有好多雞肉，翅就得小小。BB骨好好食。風沙雞皮脆但雞味不重，蒜味郤很濃。金沙椰菜花很野味。蒜蓉粉絲蒸茄子，茄子比較淡，但蒜蓉粉絲郤很好美。衛生：佢地會有水比你洗洗D碗，唔放心大可自己冲冲D碗先！環境：有心理準備，這裡的椅不大好坐。

睇左好多食評，決定試下嫦記雞燉翅：沒有預期咁好味，味道不夠火喉，但翅都算多，價錢平風沙雞：皮脆但雞沒有味，有點失望大鱔煲：一上檯己經不夠熱，沒有煲仔熱辣辣既感覺馬拉炒通菜：最好味係呢個，夠味夠獲氣整體來說，普通的飯局，也許再來

Boxing day, 去完冬日美食嘉年華之後, 就去左跑馬地熟食中心既大排檔食飯, 朋友係常客, 佢話好食喎, 就去試下。咁大個女都未試過去d熟食中心食野既, 環境比想像中乾淨, 同埋乾淨過真係響室外既大排檔喎! 3個人都咁為食, 叫左以下呢幾樣︰1) 雞燉翅 - 叫左一盅試下, 其實一盅都夠我地分3碗。幾十蚊又真係有翅, 都算幾好! 雞係雞脾肉, 所以唔係太"鞋"。2) 醬爆蝦丸 - 所謂醬爆, 係因為裡面有"芝士", 外面果層係蝦肉, 其實冇"醬爆"既感覺, 只係一咬落去有d半液體既野咁解。朋友覺得好似味道怪怪地, 其實係好似有d唔夾, 但係我又覺得ok。3) 魚翅豆腐 - 其實唔記得呢個菜式既真正名稱, 我朋友話食過, 搵勻個menu都冇佢講既野, 問下店員先知, 原來真係有呢個菜, 不過menu印漏左...咁都得.. 而呢個豆腐其實係好似漢堡包咁, 不過呢個係漢堡豆腐, 入面包左d紅蘿蔔、冬菇等等, 最緊要係有一塊魚翅!! 共有6大件, $98。結論係下次唔會叫, 真係好大件, 但係味道好淡。4) 風沙雞(半隻) - 所謂招牌菜之一, 但係我地一致覺得好普通, 冇雞味 (可能

我地booked左六點半，基本上未有其他客人，所以可能因為可能咁關係，我覺得佢地既services唔錯，出又快，叫佢地D野盡量少油，佢地亦都冇問題。雞燉翅 ： 訂的時候同左佢地講話唔要味精，結果都唔錯；分量亦唔少，兩個人分都夠，一個人食晒成盅反而太多，所以$68一盅都算幾抵。蒜蓉粉絲蒸大蟶子：好大隻，亦都好新鮮，唔錯。菠蘿咕嚕肉：細就細碟左D，但都幾好味~風沙雞半隻：半隻都幾多，成一大碟，皮就好脆，但我就覺得D雞肉乾身左D 上湯浸雜菇&白菜仔：幾好，菜冇沙，又係大大碟

嚮銖記個食評提過, 朋友將有段時間出唔到來同小妹食飯, 所以今晚就來個瘋狂雙城(銖記+嫦記)飲食之夜. 狂叫狂試狂打包. 銖記麻麻, 依家講埋嫦記. 試左: 雞燉翅 - 多翅, 湯底鮮甜, $68, 超抵.椒鹽瀨尿蝦 - 好肉鮮甜爽嫩, 超得.魚湯浸大蜆 - 湯底幾鮮甜, 粉皮滑溜, 但主角蜆冇肉又韌, 唔掂.黃金爆醬蝦丸 - 以為係金寶果隻內包蝦膏的, 典知原來係芝士, 而且d芝士唔夠溶又唔滑, 蝦膠又唔彈牙, 唔掂.風沙雞 - 個樣好似好得, 但一d都唔好食, 略鞋又冇味, 唔掂.都係果句, 食物普通, 價錢又唔算平, 試過就算.

食左1. 4-6人份既雞煲翅5個人飲每人有2-3小碗,雞煲到好lam,d湯好有雞味(or雞粉味?)2. 鱔球好似有d蝦膠響入面,不過不失3. 風沙雞皮唔夠脆,一般貨色4. 腐乳炒通菜好乾,而且唔夠腐乳味5. 大良炒鮮奶難食,完全冇味

Heard a lot about this place and finally got a chance to check it out yesterday, but what a disappointment! NOTHING SPECIAL! The best dish is the steam fish, very fresh and well cooked. The rest are just usual stuffs, in which I don't think it worth traveling all the way to Happy Valley for.

一行十三人山長水遠咁黎．．．菜膽＆雞湯翅：＄６８一盅，雖然話係一人份量，但其實兩個人ｓｈａｒｅ都夠，味道都唔錯，翅係普通散翅，當然咁既＄要求唔可以太高啦豉椒炒蟶子：幾大隻，尚算新鮮，唔錯風沙雞：招牌菜，但令人失望，ｄ雞肉係幾滑，但係ｄ蒜蓉炸到過晒火，苦到根本食唔到，扣晒分明太子釀雞翼：雞翼裡面釀左ｄ蝦膠黎炸，幾香口煱貼小棠菜：又係炸的，喜歡香口菜的人都應該幾啱食黃金蝦：ｄ蝦幾新鮮，炒得鹹香，送酒唔錯炒鮮奶：炒得幾滑，算係幾夠工夫蝦仁帶子炒蛋：蝦仁帶子份量唔太多，而且幾鹹炒牛河：普通，可以不試總括黎講鍾意食香口野既人呢度都唔錯，而且一人百幾蚊都幾抵食，係隻風沙雞令人失望左ｄ

有人要送人回香港有人怕狗怕得要命種種因素加起來結果沒有在南丫島吃過海鮮就回來了於是一上船就打電話訂了檯再留了雞和翅到了碼頭待人家辦妥正經事後便飛的過來星期天晚上人多得不得了五個人要擠在電梯口旁的位置附送不斷的現場爭客表演吵上加吵雞鮑翅以清湯翅來說做得很好特別是很足料雞和翅都是大片大片的翅和翅湯都自然地索滿鮮雞和配料的味道當然對大自然好一點如無必要的話魚翅還是少吃為妙吃過一次好吃的之後就不要主動再吃了風沙雞厚厚的炸蒜蓉蓋著脆皮的炸子雞口氣會很大但再加上濃濃的南乳醬(?)通通都與很有雞味的雞十分匹配炒鮮奶有點兒像賽螃蟹可惜實在太甜不好拌飯應該列為甜品會較好黃金蝦的蛋漿沒有東寶豐富蛋香和油香稍欠但當然是健康點比較適合一家大小(如有的話)豆苗也算翠綠鮮甜整體而言只論吃是東寶好些要服務賓至如歸我就選尖咀妹記但朋友相聚的話這兒氣氛相對較好價格也合理好吃固之然是錦上添花不過重申一次就是好朋友才可熟不拘禮地吃大排檔相聚一刻的感覺才是實際

星期四帶了一位食家去嫦記品嘗，他們喜歡熱鬧，跑馬地熟食中心真是理想地方，我們預先訂好位，到了之後，嫦記跟珠記兩方整晚都在上演搶客記，真不能相信他們加枱的技巧，已經是滿座，還可以加到枱。我們叫了紅燒鮑翅－濃湯而翅比較細，炒蜆－大只OK，砵酒蠔-沒有彭慶記的好味但也不錯，風沙雞－非常好味半只都好大，避風塘辣蟹excellent肉質非常新鮮，我們叫了膏蟹，十分多膏。加埋菜和一枝啤酒，三人埋單只是800多元，十分抵！下次要試吓一樣多人的珠記比較一下。

約左好耐啦...琴日終於去左嫦記食飯啦, 我地6個人叫左8樣野, 有魚湯浸大蜆啦, 翅啦, 雜菇扒豆苗啦, 芝士蝦丸啦, 風沙鷄啦, 黃金蝦啦, 一品鍋啦, 雞腳啦....不過我地食得晒wo...因為好食lor...d野食全部都係水準之上, 尤其係個魚湯蜆, d湯真係好好飲好甜~~除左食物, 呢到有別於一般大排當, 因為出奇地乾淨...仲有, 呢到d service都幾好呀, 又有禮貌, 唔該前唔該後, 又成日講多謝, 真係俾錢都俾得開心d~~我地叫左甘多野食都係1070, 都幾抵食呀,下次一定再黎~

跑馬地人稱明星餐廳之一...不過隔離比這間較出名,可惜上次太多人,所以唯有試一試這間.點了風沙雞(好滑,好入味,好味過炸子雞),砵酒焗蠔(大大o舊肉,d汁滲晒入蠔),酒煮花螺(d肉好硬..唔知係咪over左...)

本人昨晚1行8人訂左朱記，因為家人不熟就被帶到嫦記坐位，嫦記問我們點了什麼，就回答，點了翅，子母蝦和雞。但嫦記肥仔伙記話我們沒有單，話立刻幫我們做。其實嫦記那有子母蝦，嫦記肥仔伙記聽完應該知道我們坐錯位。直至，朱記打電來問，我們才醒覺。我們太笨了，所以上天就罰我們食了A貨的子母蝦，非原盅燉的翅。發覺嫦記真的沒辦法和朱記比。倆會事。嫦記自己反醒點解生意差人把啦，用晒這些低庄手法，以後BACKLIST。系啊，嫦紀肥仔伙記你那名片掉了在台底你自己執返啦。

10月5日晚,1行18人來,因同事升職,請了我哋豪食咗:1)椒鹽瀨尿蝦x 12隻-每隻開3-用好大量炸過的蒜蓉蓋住,肥大肉厚,結實又爽,有鮮味,不過無膏,但唔介意,1樣食得好開心-不愧是我喜愛的菜色2)醬爆蝦丸-蝦膠彈口,因儲熱性好高,內裡的芝士己溶透,就算攤咗1陣,仍好燙嘴,小心3)水晶雞-有同事猛話碟雞好難食,等佢食晒佢,咁講即喺代表隻雞好唔錯啦-肉好滑,但雞味普通4)豬寸骨-每條用錫紙包住個尾-肉質腍,入味,個汁”杰”身,剛好包住d肉,不過就嫌佢個汁過甜5)蠔仔餅-薄身,蠔仔唔算多,ok啦6)翅x 2窩-夠鹹味,內有雞+瘦肉-翅是魚唇位,唔粗,當然啦,只是$300多元1窩-心水清的同事說這窩翅非燉出嚟,而是煲啫7)脆饍球-好大件,起初都唔知喺饍, 入口無泥味,個汁帶甜,-很不俗,平時少食,出街食飯亦唔會叫,因通常都食到d泥味8)豉椒炒蜆-個汁惹味,蜆d size唔細,不過炒得耐咗,帶”un”9)窩貼小棠菜-蝦膠太薄身,嫌少了份口感-1般10)椒鹽鮮魷-魷魚質素唔錯,只是炸得唔夠挺身11)蒜蓉西蘭花: 正常12)蒜蓉芥蘭: 正常13)飲品-大啤: 約14枝-汽水: 約12枝-因為人

同老豆黎做生日，一行六人叫左七個，個數目唔老黎，於是乎叫多一個。其中一款係砵酒焗蠔，餐牌寫住六十零蚊，但個伙記都同我地講番話因話佢轉左用桶蠔，所以貴左，要百幾蚊。咁老實咁有交帶，抵讚！但係d 菜就真係麻麻地，好多人都話個翅好得，但事實就唔係好得！魚翅本身就無味道既，所以個湯就好重要。雖然飲唔到有味精，老媽甚至話甜。但係我就覺得個湯略鹹，結果搶走左其他材料既味。翅就預左佢地用一梳梳既勾翅，所以無失望！魚湯大蜆就只係一ｄ街市貨式既細蜆，細細粒咁都食得唔過癮，最弊既係有沙，點搞？其他食物亦唔見得話特別出色，起碼食完都無乜特別大印象。與其大搞噱頭，整鮑蔘翅肚呢ｄ貴價野，不如在基本既菜式上多下功夫！