影片
更多
2008-12-29
7 浏览
Boxing day, 去完冬日美食嘉年華之後, 就去左跑馬地熟食中心既大排檔食飯, 朋友係常客, 佢話好食喎, 就去試下。咁大個女都未試過去d熟食中心食野既, 環境比想像中乾淨, 同埋乾淨過真係響室外既大排檔喎! 3個人都咁為食, 叫左以下呢幾樣︰1) 雞燉翅 - 叫左一盅試下, 其實一盅都夠我地分3碗。幾十蚊又真係有翅, 都算幾好! 雞係雞脾肉, 所以唔係太"鞋"。2) 醬爆蝦丸 - 所謂醬爆, 係因為裡面有"芝士", 外面果層係蝦肉, 其實冇"醬爆"既感覺, 只係一咬落去有d半液體既野咁解。朋友覺得好似味道怪怪地, 其實係好似有d唔夾, 但係我又覺得ok。3) 魚翅豆腐 - 其實唔記得呢個菜式既真正名稱, 我朋友話食過, 搵勻個menu都冇佢講既野, 問下店員先知, 原來真係有呢個菜, 不過menu印漏左...咁都得.. 而呢個豆腐其實係好似漢堡包咁, 不過呢個係漢堡豆腐, 入面包左d紅蘿蔔、冬菇等等, 最緊要係有一塊魚翅!! 共有6大件, $98。結論係下次唔會叫, 真係好大件, 但係味道好淡。4) 風沙雞(半隻) - 所謂招牌菜之一, 但係我地一致覺得好普通, 冇雞味 (可能
咁大個女都未試過去d熟食中心食野既, 環境比想像中乾淨, 同埋乾淨過真係響室外既大排檔喎! 3個人都咁為食, 叫左以下呢幾樣︰
1) 雞燉翅 - 叫左一盅試下, 其實一盅都夠我地分3碗。幾十蚊又真係有翅, 都算幾好! 雞係雞脾肉, 所以唔係太"鞋"。
2) 醬爆蝦丸 - 所謂醬爆, 係因為裡面有"芝士", 外面果層係蝦肉, 其實冇"醬爆"既感覺, 只係一咬落去有d半液體既野咁解。朋友覺得好似味道怪怪地, 其實係好似有d唔夾, 但係我又覺得ok。
3) 魚翅豆腐 - 其實唔記得呢個菜式既真正名稱, 我朋友話食過, 搵勻個menu都冇佢講既野, 問下店員先知, 原來真係有呢個菜, 不過menu印漏左...咁都得.. 而呢個豆腐其實係好似漢堡包咁, 不過呢個係漢堡豆腐, 入面包左d紅蘿蔔、冬菇等等, 最緊要係有一塊魚翅!! 共有6大件, $98。結論係下次唔會叫, 真係好大件, 但係味道好淡。
4) 風沙雞(半隻) - 所謂招牌菜之一, 但係我地一致覺得好普通, 冇雞味 (可能因為呢輪真係冇生雞啦), 就算係d調味都冇特別喎..
5) 瑤柱豆苗 - 好多瑤柱, 個汁有瑤柱既味, 起碼應該唔係汁有汁, 瑤柱還瑤柱, 仲係我最中意既豆苗, 好味!
另外我地叫左一碗白飯, 3支可樂, 可樂竟然係久違了的大支玻璃樽可樂, 正!
真係好飽, 因為每樣都好大碟!!
食物其實ok, 話哂都有好多明星黎過嘛~ 至於服務, 估唔到的好! 每次拎一碟餸黎, 大叔都會先講果碟係咩餸, 跟住會話「多謝哂!」... 咁既大排檔服務真係第一次見!
张贴
