嫦記 (已結業)

同老豆黎做生日，一行六人叫左七個，個數目唔老黎，於是乎叫多一個。其中一款係砵酒焗蠔，餐牌寫住六十零蚊，但個伙記都同我地講番話因話佢轉左用桶蠔，所以貴左，要百幾蚊。咁老實咁有交帶，抵讚！但係d 菜就真係麻麻地，好多人都話個翅好得，但事實就唔係好得！魚翅本身就無味道既，所以個湯就好重要。雖然飲唔到有味精，老媽甚至話甜。但係我就覺得個湯略鹹，結果搶走左其他材料既味。翅就預左佢地用一梳梳既勾翅，所以無失望！魚湯大蜆就只係一ｄ街市貨式既細蜆，細細粒咁都食得唔過癮，最弊既係有沙，點搞？其他食物亦唔見得話特別出色，起碼食完都無乜特別大印象。與其大搞噱頭，整鮑蔘翅肚呢ｄ貴價野，不如在基本既菜式上多下功夫！