媽咪雞蛋仔 (已搬遷) 新店位置

多次買襯媽咪 由以前時新的位置到今日的新鋪朱古力雞蛋仔依然是我的最愛定價10多元比坊間出品高 但質素有保證即叫即製 名符其實 外脆內軟每粒都有朱古力味用料認真味道不會太甜 近幾個月多了很多不同的雞蛋仔店但相信媽咪的人氣亦不會減

今日係紅磡附近口淡淡，醒起紅磡有間媽咪雞蛋仔，可惜去到先知佢搬左入民泰街，雖然比起原先既鋪址冇咁就腳，但都唔算行左好遠，行左一陣總算搵到呢間新舖！門面大左，裝潢都靚左，但我最愛的雞蛋仔依然都係咁好食！去到等左一陣，食媽咪雞蛋仔要排隊應該係常識吧... 但係今日都算幾好彩，等左唔夠十分鐘就食到我想食既朱古力味雞蛋仔嚕，開心！佢既濃郁既朱古力味係我從手上接過黎已經聞到喇，因為果陣蛋味真係好香！當我將放入口中既時候，感受到既唔單止係預想中既朱古力味，仲淡淡蛋香味～加上外脆內軟既雞蛋仔質感，實在令人忘懷～最令我開心的係，D雞蛋仔係有餡，而唔係得個空心脆皮架！！！ 果然名不虛傳！

媽咪雞蛋仔？不外如是，唔好味lor，得個名！我同朋友買左原味同朱古力味，都幾多人，得左十分鍾，冇問題，只要好味！可惜，我失望了，原味冇雞蛋味，食唔到外脆內軟感覺，得個甜字，而且價錢唔平，我食左幾粒就迫我朋友食埋其他另外，原味都咁甜，何況朱古力味！雖然話係朱古力粒粒幾特別，但真係唔好食，何況我係其他冇咁知名嘅小食店都搵到仲好味嘅朱古力粒雞蛋仔，我一定唔會再嚟食，亦都唔會推介朋友食！

雖然唔係第一次食媽咪雞蛋仔，但係相隔幾年後再幫襯，說實在係有啲失望...話說媽咪雞蛋仔嘅招牌菜係"朱古力雞蛋仔"...同一般雞蛋仔用朱古力粉開蛋漿唔同，佢哋係用朱古力粒粒的~令人食落更有口感、朱古力味更香濃。回想第一次食嘅時候的確有種驚為天人嘅感覺...但係今日再食番...好似已經不復當年勇。首先講講個蛋漿，唔知係咪時間嘅關係，整體都比較林，同埋鬆散...略嫌唔夠香脆，缺少咗以前嗰種外脆內軟嘅口感。其次係朱古力，好似落得太重手，得個甜字...食到一半已經好濟了。最令人失望就係...個雞蛋仔食食下會自動分離做"上底" & "下底"，啲朱古力漿漏到成手都係...好狼狽可能係因為要製作過程中要打開雞蛋仔機去落朱古力粒粒...搞到兩邊痴唔實啦...(實在太狼狽，冇影到相)唉...有得揀...我會留返個Quota 試其他野了!

剛搬家到紅磡，想四處覓食，發覺此neighborhood也有很多大街小巷讓我尋幽探秘，到處都是中日韓美食，也有外表光鮮雅致的小型cafes ，蠔吧和酒吧，比之前住的區域更多不同國異國風味而非大型連鎖店的選擇，這大概是因為黃埔花園很多外籍人士居住吧。看到開飯食評，媽咪雞蛋仔很受追捧，我就立馬朝聖了。吃了朱古力雞蛋仔(17港幣)，有創意，吃起來卻一般般，朱古力跟蛋漿混合下來的效果比較硬。不好意思，因有點失望，我沒有拍照啦。最好吃的雞蛋仔還是在石硤尾南山村每逢晚上6 到7點才開始擺檔的雞蛋仔夫婦，6塊錢一底，外皮鬆化，內裡柔軟得像抱枕一樣，揮發出香濃的蛋漿味，沒有吃過他們那一家是不能明白原來此港式街頭美食是可以那麽出神入化的。那麽的便宜，但竟那麽有內涵。簡單中見不平凡，隔壁城市大學的學生就深明此道理，每天有事沒事就排長龍一行10幾20人等買此夫婦的出品，趕project的耐心都花在等買雞蛋仔了，嘻嘻。不過，如果想吃進化版的雞蛋仔，媽咪雞蛋仔確是不錯的選擇。如你細心留意，此雞蛋仔分店同一條街有另外一檔（台灣街頭冰茶外賣店貢茶隔壁）在賣有紅豆/芋頭蓉，甚至是芝士涵的雞蛋仔，很特別。我嘗試了芋蓉（

青蛙已是多次光顧《媽咪雞蛋仔》,每次經過都必定會買一底朱古力雞蛋仔來吃~當然今次亦不例外啦 ^^索價17個大洋的一底雞蛋仔,其實並不便宜........不過為了止痕, 多多錢都願意花呀!!等了約5分鐘,新鮮即整的朱古力雞蛋仔就送到我倆的手上喇!!!青蛙急不及待的拿了一粒來吃~熱辣辣、雞蛋仔的邊邊夠脆、朱古力味濃而不會太甜,遺憾今次的朱古力大多溶了並分佈在邊邊裡,未能嚐到粒粒朱古力入口即溶的感覺~

我同老公食完晚餐行到去呢邊,突然想食雞蛋仔,於是去咗呢間買咗個原味,其實之前喺總店買過粒粒朱古力雞蛋仔,都不錯,只係個人覺得比較甜,我都係鐘意食原味多D,由於新鮮即叫即做,原味味道唔太甜,同埋幾鬆脆,KEEP到仲好好味呀

搬到紅磡四年多, 每次經過媽咪雞蛋仔舊舖也沒有停下來試一試有名雞蛋仔. 今日做完GYM經過民泰街看見新舖, 沒有想就直接order 左一餅原味來試.試過後發覺味道很好 , 不是十分甜, 入面有蛋味又軟化, 外面就脆卜卜, 外脆內軟, 有點像西灣河果檔. 味道不會像是用炭爐烘做出來的雞蛋仔, 內裡實心鬆化有口感.邊食邊行回家時, 想起細個有得食雞蛋仔的開心感覺, 確實那些年.....結論： E間舖可以一試，然後再試.

買完三文魚,來到媽咪雞蛋仔買懶人檸檬茶.沒有冰粒.拮好的檸茶我在大澳喝過.茶的味道不似紅茶.茶味反而感到薄弱.什至不似飲茶.味道真係相當酸,種酸慢慢也可接受,成杯也滿佈檸檬的渣,相當真材實料.埋單13元.也好過甜度什高的茶記..

媽咪雞蛋仔近日在同區開了分店，這日就來吃件原味雞蛋仔。新店的門面裝修等和舊店風格一貫。除了3款口味的雞蛋仔（原味，白芝麻和朱古力）和夾餅，亦有提供檸檬汁和檸檬茶。店員服務亦同樣有禮。我想，唯一不一樣的是這店人氣還不及本店，曾路過多次，都看過最多只有3、4人在等，有時更不用等，就如我這日光顧也是唯一顧客。等幾分鐘雞蛋仔就做好了，熱辣辣香噴噴！ 每一粒雞蛋仔也飽滿完整，甜甜的，好吃！只是稍嫌偏甜一點，如能減點甜會更合我口味。

三年前，川王附近開來一間雞蛋仔店，靠著時新川王，三店因著學生與上班族而致天橋底人流不絕兩頭走。今天，川王變質，時新默守，媽咪求變。在紅磡另一食街開設分店，主要吸納原區居民為客源，店面更光鮮明亮，店面分配與本店走同一路線，電腦化。今時今日，$12以下的雞蛋仔在市場上只佔兩三成，連屋村小店都賣$12，店方總有不同的理據，不爭論了。這裡原味$13、朱古力與芝麻為$15，也有自家製的檸檬汁與檬檬茶。拿著雞蛋仔又要拿飲品會很不便，但反正今日就只因路過想一喝爆檸降溫。店主謂這是改良版的檸檬茶，未知茶底有否轉過，但至少裡邊多了果肉果皮等碎屑，喝起來有輕輕的嚼勁，茶味也濃縮不變，不過心目中最佳的預凍檸茶出品，還是大澳其記的出品最為濃郁穩定。雞蛋仔以外，路過買杯Lemonade等都是這個夏日最佳的消暑工具，總好過光顧台茶店，大家不妨一試。不過紅磡現時路面工程多，無論總店分店附近都有工程，希望不會因此影響人流，下次路過再吃雞蛋仔!

街角原來已有一間同類店舖，但那間總是弄得大量材料四圍漏，給人凌亂感覺，所以從沒光顧，而且見它較一般貴，更不會試。這間名店的新分店開張以來客人也不多，至少此街沒有總店那邊的人流，光顧的人自然少些，況且走此街的不是住客便是來吃正餐的食客，前面所提的同類店也主要以附近學生為主。無論新舊店我也沒光顧過，這次是別人買了請我吃的，因為同一價錢可在深水埗和荃灣買到兩底了！荃灣的我沒吃過，但深水埗喜喜$7底的就吃過了，跟’媽咪’的$13底原味的實在水準相差不遠，反而貴的那間沒有那麼熱和脆，大底是客人不多，做好了沒即時有人要。以此區店租之貴，買比其他區質素相若，但價錢貴多了的食物，讓我感覺像是付錢交貴租，而不是食物水準的改善！同區南洋銀行側橫街有間近年從以往不遠處搬來現址的同類店，出售的肉鬆pancake就真的很正了！可惜近來一再加價，由$6加2次，變成$8!

人氣老店已光顧過無數次 水準不容置疑 近日終於在民泰街開張新店新店的門面比以往更有 “雞蛋仔” feel, 招牌字眼更清楚鮮明給人一種既正面的感覺所有雞蛋仔和格仔餅的價格維持跟本店一樣 (一樣的貴 XD)幸好價貴自有因 因為新店的出品成功維持一貫水平白芝麻雞蛋仔 ($15)跟以往一樣 所有食物即叫即燒 絕不會求快捷而事先整好 事實上新鮮出爐的雞蛋仔既熱噴噴又脆卜卜 實在找不出失敗的理由或許這份簡單直接的堅持 正正就是媽咪雞蛋仔致勝之道是日選擇了白芝麻味由於是即燒的出品 因此需等待七至八分鐘 苦等過後 拿上手果然熱烘得燙手 第一口咬下去感覺略軟 有少少少許失望但片刻過後 雞蛋仔稍稍降溫後 外層即時變得又香又脆每一口雞蛋仔內都包涵了份量適中的芝麻粒 不多又不少 每一口雞蛋仔都充斥著濃烈的蛋香 更重要是每一口雞蛋仔的口感都達到外脆內軟小弟午飯後已有9成飽 但吃過第一粒後 實在難以忍手 哈哈最後只花了15分鐘 便一掃清空 真是130%飽!結論~ 15元一底雞蛋仔確是叫人摸不著頭腦 但只要食過一次便會明白 是物有所值的 ^^