媽咪雞蛋仔 (已搬遷) 新店位置

搬在新鋪第一次黎試，舊鋪去過幾次令人懷念外脆內軟既雞蛋仔，個蛋香味出面好難搵到，估唔到新鋪既質素差在甘多，完全無蛋香味，外硬內唔軟，格仔餅不知所謂，超甜唔緊要，仲超硬，做得甘差超級失望，等我山長水遠黎食！ 唉！

久仰大名嘅朱古力雞蛋仔，終於俾我一嘗所願食到喇！係本店買感覺就好似有啲唔同，因為我已經試過銅鑼灣分店嘅朱古力雞蛋仔，但有啲失望朱古力唔夠溶，口感也麻。。。不過，係本店就好似原汁原味啲，朱古力非常多，"meet"第一粒嘅時候朱古力溶漿多到流岀嚟，感覺非常sweet sweet。好味到一粒一粒唔覺唔覺就食晒成底，非常邪惡！不枉我專誠由香港島到坐車去到紅磡，死心不息要試本店。

佢搬左新舖咁耐我先第一次食，無法啦紅磡對我來講實在太遠，我去既時間己經成七點，幾驚佢關門同買晒，去到見佢唔係好多人咋wo, 明顯無以前咁受歡迎，等左五分鐘己經有得拎，認真雞蛋仔，真係周街都有，但唯獨朱古力粒粒雞蛋仔真係”媽咪”呢到先有咁既水準，外面鬆入面軟，朱古力半溶，依家打食評諗起都仲好回味！

食過幾次都覺得朱古力味最好食! 因為佢個BASE已經好好食，好香蛋味，唔會好明顯見到係加好多水同麵粉溝到好稀，烘完出黎，會聞到蛋香。而且佢朱古力俾得好大方，粒粒都食到朱古力粒! 不過真係覺得有小小貴，18蚊一底雞蛋仔… …只可以久不久食一次! 另外係，佢烘完唔俾即刻俾你，會吹一陣先俾你，所以等既時間有D耐。但我希望佢再吹多陣先俾我，因為熱既話,,, 好快會淋。雞蛋仔要外脆內軟先好食。

雞蛋仔-香港的地道小吃之一，周圍都可以食到。在眾多的雞蛋仔之中，有幾間店家做得非常出色用心，受食客歡迎，「媽咪雞蛋仔」就是其中之一。外脆內軟的雞蛋仔，還有陣陣的蛋香，一直保持水準。為了確保雞蛋仔的質素，店家對整個製作流程都非常認真。不論有多少人排隊，當客人點選口味之後都會給一個號碼牌客人。即叫即做，平均需要等候10分鐘。店家特製了吹風機以保持「外脆」的口感，新鮮熱辣的雞蛋仔出爐後，會被放置在風機前進行降溫定型。送到客人手上，已是即可食用的脆口雞蛋仔。芝麻雞蛋仔$17脆口的外層，咬開後就是香濃蛋味綿密軟熟的雞蛋仔，伴著芝麻的香口味道，令人一口接一口，停不了手。價錢較一般雞蛋仔貴少許，但用十數元可以吃到如此有心思的地道小吃，值得推介。店家在口味上都有創新嚐試，粒粒朱古力是好多食客都喜好的口味。店家在銅鑼灣、旺角、尖沙咀都開設了加盟店，不過「還是覺得總店好」，這可能是對總店的心理情意結。

一去到民泰街，已經聞到雞蛋仔既香味，點可以忍到手唔買番份嚟食呢！！香港有過百間雞蛋仔格仔餅，點解呢間特別好食?整一份好既格仔餅，其中一樣最重要既係個熱度，一份夠熱既格仔餅先可以令搽上去既牛油溶到，而呢到既格仔餅就做到呢樣野！除左牛油，煉奶同砂糖既份量亦都唔可以少，呢到既格仔餅兩邊都例滿砂糖，絕不再加上，餅既質地對每個人都有唔同要求，有Ｄ人鐘意脆身Ｄ，有Ｄ人鐘意「林」身Ｄ，而我就鐘意蛋糕Ｄ既格仔餅，圖中既格仔餅充分表現出呢到個Ｄ有幾鬆軟，完美符合左我既要求！同埋，食一份媽咪格仔餅就好似食左一餐飯咁，飯錢都慳番！而且呢到既格仔餅會將餅切成一半，分袋裝，所以食既時候就唔洗怕夾住既醬倒晒出黎，兩個朋友share個時又好方便，每一個小小既幫忙已經帶比食客一個唔同既回憶！

環境 燈火通明，搶眼得黎又吾會好'殘'眼，半開放式廚房(因為d單張遮住曬)食物 名不虛傳😋，粒粒都有好好味既朱古力係入面，雞蛋仔外脆內軟，有機會一定會再去食！服務 我係係佢收鋪前幾分鐘買，但係都要排隊買，等食物既時間都比較長，如果吾洗等咁耐就好，生意一定會更多

起初接觸媽咪雞蛋仔在黃埔街，除左食完川王就過去買底雞蛋仔解辣之外，都試過雞蛋仔當午餐，沒想到這樣就過了數年，黃埔街總店已經因為加租而結業，但民泰街這邊還好客源都較穩定，質素依然更穩定，近月更開始特許經營模式，在旺角鯛魚燒附近同銅鑼灣希雲街插旗，情意結所在，還是只會幫襯紅磡店。朱古力雞蛋仔與芝麻雞蛋仔都係最愛，前者甜而不膩，後者香口，單是這星期就吃了兩次，沒有失手，每次都外脆內裡有點蛋糕感覺，只是民泰街左右可能都有好多舖裝修，行人路也較窄，要等得耐的話就要忍耐忍耐，因為不順序出 所以又唔可以行住等檸檬汁搭雞蛋仔，在這等天氣就無得頂，不過邊吃不能邊飲，所以多半在舖前吃完再拿著飲品離開飲，這也不失為一個兩全其美的方法。這樣吃一吃，價錢可能已經可以吃碟飯，不過現時香港街頭小食的價錢都已經愈來愈高，沒法子，小店反而租金壓力更多，都值得支持的

外脆內軟無論味道，濃度，香味，都非常正襯熱食d朱古力溶溶地 ，味道濃郁一個女仔食一底似乎多左小小，有d滯但經過都會再食入面粒粒朱古力令人食過返尋味仲係即叫即整 新鮮熱辣辣唔似旺角個d放到凍晒硬晒😋😋😋

今日放工，行去紅hum火車站途中見到有間小店有十多人在外面等拎野食，所以就行去睇下，原來係賣雞蛋仔同格仔餅。買雞蛋仔最緊要去一間流量快，起碼確保新鮮即整，見呢間流量都好快下。於是就買一底原味雞蛋仔試下，14蚊。也不算貴。等左十分鐘左右，終於有得拎啦。一拎起上手真係熱辣辣，食落又內脆外軟。最緊要內裡係足料，有d地方賣雞蛋仔內裡係近乎空心，所以呢間算好好味。下次放工會試下朱古力味，因為好似係呢間野既主打。

媽咪雞蛋仔都十分著名，一值都想一試。難得放假有時間，於是同友人一齊嚟一嘗。由於是星期六，都頗多人等待雞蛋仔，我同友人各買原味同朱古力味各一底，都等待左差不多15鍾，不過係新鮮出爐，都值得等。但我同友人都對雞蛋仔味道很失望。原味：甜度正常，但雞蛋味唔多，普通一般雞蛋仔，外脆但內裡較空心，食起較乾身，唔太特別。朱古力粒：用原味漿加朱古力粒制成，太過甜，但有朱古力味，此款沒有原味咁乾身，但太膩，會較飽肚。食後都認為二款雞蛋仔冇特別，不值得一試。PS.大角咀有間賣臭豆腐的小店的雞蛋仔好味過這間，那間都有朱古力粒粒雞蛋仔！

Walking around Caroline Hill area today, I came across several new shops, Mammy Pancakes being one.  Having tried the egglet at Oddies yesterday, I had to try this.Disappointed and here is why:Clearly family are helping to do the preparation.  The egglet is not cooked all the way because they keep opening the waffle maker instead of using a timer.  Stop opening the waffle maker and stop scrapping the goodies off the side as well. This is not necessary and is added pleasure because those bits are

自從天橋底間媽咪雞蛋仔分店摺左之後，真係好耐都有食喇！不過，食過佢地嘅雞蛋仔之後，真係吾會再對其他雞蛋仔有興趣嚕！雖然係星期一，但都幾多人係門口排隊買雞蛋仔啊！我同朋友一齊買一底朱古力雞蛋仔SHARE，＄17一底，價錢合理，不過等左差吾多10幾底先到我地，因為全部雞蛋仔都係即叫即整，吾同其他店舖整家好多底，不過為左確保每底雞蛋仔都有質素，件件都新鮮滾熱辣，等耐小小都值得嘅：）整好喇！就甘睇都見到好多朱古力！真係粒粒都有朱古力！我鍾意媽咪雞蛋仔嘅原因，就係因為佢地嘅朱古力口味唔係用可可粉或者朱古力粉溝個粉漿出黎，而係係原味粉漿再加入好多粒嘅朱古力粒，食到嘅朱古力味一D都吾假嫁：D除左粒粒朱古力，仲有白芝麻，胡麻同原味，吾食朱古力嘅朋友都可以試下其他口味：）另外，雖然冇試過佢地嘅格仔餅，但都見吾少人買。如果大家有日行經紅磡，真係要去試下喇！

今日喺紅磡食完個lunch，就即刻諗住轉角食多個雞蛋仔！講起紅磡嘅雞蛋仔，就自然食諗起媽咪雞蛋仔。望到個鋪位一個人都無，仲諗緊今日係咪未開鋪。不過去到問啲店員，先知原來佢地間鋪搬左去黃埔新邨民泰街！各位諗住去食嘅朋友記住喇。 兜兜轉轉，黎到門口見到都好多人買，就證明好食啦。二話不說買左個朱古力味雞蛋仔！身邊嗰個無得say no！haha朱古力味雞蛋仔$17熱辣辣嘅雞蛋仔好香朱古力味！一望感覺份量比其他地方買到嘅多啲，雞蛋仔外脆內軟，朱古力味唔會搶晒原有雞蛋仔隻蛋香。因為今日食完lunch無耐，想試多隻味都無能力喇，唯有下次再黎食！

完全難以想象舊店會被如此高評。（我完全沒有試過舊店）先講等，太耐。雖然有高科技的等候叫號碼，但還是太耐。而且差不多完全睇唔到佢點做，無曬雞蛋仔風味。（仲要店員戴洗碗Look的膠手套......我接受唔到，我寧願佢唔戴）我之前食過幾次大沽那邊的另一雞蛋仔小店，所以今次是故意買來比較。格仔餅，這邊價錢更貴，但完全唔掂。裡頭的奶油醬糖一味夠多，太多了，水浸，幾分鐘內全個格仔餅都濕曬。而且味道太濃，食完肯定想買野飲先得。你完全唔會知格仔餅本身係咩味的。你可以話這店唯一好處是看起來很整潔...不過雞蛋仔從來是走鬼檔小食......咁搞返而無曬風味。