婆婆珈琲屋

营业中

休息中

呢度係一間食環境，食餐具而唔係食物嘅餐廳🤷🏻‍♀️全餐比較出色係抹茶latte 但好多冰…鰻魚好稔，糖心蛋係好食嘅，薯仔沙律正常飯團華御結好食一萬倍～總括依然性價比太低！

呢間餐廳長期都好多人，而且又成日見到網上有foodie推薦，今日咁啱去尖沙嘴索性就上去一探究竟，睇下係未真係咁好味～可能因為我哋比較早去到，所以唔算full，完全唔駛等位就可以食到！同朋友仔一人叫左一個三品料理，即係每個人揀三款送。個人覺得送係婆婆咖哩同菠菜最好味，其他都係中規中矩，個桂花冷番茄其實都比較特別，但係個人覺得配桂花汁不及配沙茶醬咁好味（我地自己參透左個做法返屋企照做一個沙茶醬版本既凍番茄出來，發現味道好味過餐廳食到既😂）飯團🍙其實係賣相靚，打卡一流，但係味道都唔使唔算太特別。總括來講呢間餐廳啲食物係幾特別適合打卡，但係食物味道唔算太特別，而且價錢都唔算平，普通咁一個餐埋單都要一百蚊左右，係美食雲集既尖沙嘴顯得比較普通，不過大家如果未去過不妨去試下打個卡📸

經網上系統預約非常方便但記得唔好約1630尼個時段，因為你得10分鐘時間俾你睇個menu,再趕住落單，俾店員落場休息😮‍💨差啲趕唔切啊～環境同餐具都值100分～好精美既和式風格，打卡一流Order左兩個四品料理，兩熱兩凍。當日既冷盤只有三款小食揀：馬鈴薯沙律、胡麻菠菜、清酒溏心蛋 全部都試晒佢～味道都唔差，雖然冇驚艷既感覺，但全部都正常水準👍🏻熱食： 婆婆咖哩、黑醋唐揚雞、安平牛肉、蟹肉汁煮大根熱食普遍水準唔差！最推薦係安平牛肉同大根牛肉幾香濃，配飯團好夾！大根煮得幾入味 相對地咖喱同唐揚雞就好一般～唔特別飯團： 明太子/三文魚富士山飯團賣相滿分💯好靚既藍色富士山🥰，味道都正常！打卡必食沖繩海鹽富士山。 賣相非常之靚！鹽味既雪糕球同海綿蛋糕好味啊！蛋糕既富士山頂有層cream cheese好正，係成個蛋糕既靈魂總結： 影相效果好靚，餐具真係好精緻，令到食物味道昇華左既！未試過既都可以一試～

見餐廳咁有人氣所以嚟試下。⚠️晚餐menu 得幾款，所以想點三/四品料理嘅話，記得要中午嚟。套餐價錢全部都過百，食啲野好普通，份量又少，純粹用啲碗碗碟碟比較靚咁解。飲品好貴，人氣果杯富士山，要70幾蚊，純粹賣相特別，味道好普通。甜品都係，差唔多成100蚊，都係得細細件蛋糕同雪糕，而且唔係啲咩特別野。所以性價比係超級低。服務又好麻麻，有啲店員唔多醒目，加水，拎餐具，收食完嘅碗碟，樣樣都要叫先有人做。唔洗專登黎試。

📍 文青系朋友對於呢間咖啡館應該熟悉不過珈啡廳以日式懷舊風格🎌作為裝修主軸本身有副線係賣日系精品所以餐廳外面都有唔少精品可供選購最近推出早餐時段 五六日限定order任何一款飲品 可以用優惠價加購早餐早餐除咗有吐司系列 仲有有婆婆の早飯🌀 婆婆の早飯包括富士山明太子飯糰 溏心蛋 手羽雞翼 同柚子汁漬物飯糰中間包住少量辣味明太子味道唔錯 但飯糰口感偏硬而溏心蛋以清酒煮製 晶瑩剔透 蛋味頗濃郁食物幾好食 以早餐嚟講份量啱啱好呢到環境好悠閒好加分 不過長期爆滿午餐晚餐時段記得喺website預約訂座

位於山林道以昭和風格裝潢，復古和洋卡位、掛牆電話、玻璃吊燈及木牆，處處都是打卡位。另外，店內另設時裝店及雜貨店。餐單大致分為三品、四品及五品3款料理套餐，可按個人喜好挑選配菜。揀咗四品料理，半熟流心清酒溏心蛋、胡麻菠菜、照燒雞扒同金平牛肉。自家製漬物，啤酒柚子蘿蔔漬，味道清新開胃，口感爽脆。金平牛肉，微辣嘅牛肉肥瘦均勻，夠惹味，配上爽口嘅蓮藕令口感更加豐富。最期待嘅明太子富士山飯糰🍙失望，內餡明太子分量少，味道普通。總括嚟講餐廳🍴打上一流，但食物質素一般

位於山林道嘅樓上日系復古昭和風cafe🤤新開張嗰陣一枱難求 依家都仲係旺到要最少一日前快快手喺佢哋網上book🏃🏼🏃🏼如果唔係walk-in當日星期日應該要等9個字左右🥲🧎🏻‍♂️聽朋友仔講早餐幾好食，但由於起唔到身所以就揀左午餐～🙌🏻佢有分三品、四品、五品料理，俗稱三餸四餸五餸，另外都會附送一個飯團或烏冬，仲有小小醒胃菜🥳咁大食肥仙緊係揀返五品啦～唔好睇佢樣樣都細細份咁，食落都真係幾飽🌞山賊汁雞卷🦑原本覺得塊雞睇落少老，但點知食落口都唔太乾～最欣賞嘅係佢個山賊汁，少少甜又有少少黑椒味，唔會好澀tat tat咁都唔會好膩🤤私心如果多幾塊就好🥲🥲明太子富士山飯團🗻白色嘅部分其實全部都係飯😂下半部分嘅明太子都唔太辣，可能會比較啱唔食得辣嘅你🥲🙌🏻食落明太子味冇話好出色 但意外地發現啲飯點落婆婆咖哩入面好好味！！婆婆咖哩🍛係日式嘅甜咖哩，入面有雞粒有薯仔有蘿蔔，雞肉入口好滑，而薯仔唔會太爽亦都唔會太冧，即使平時唔太中意蘿蔔但都覺得蘿蔔嘅質感有少少似平日煲湯好味嘅嗰種感覺🥺佢嘅咖哩煮得相當唔錯，唔會太甜又帶有少少辣味，去到最後直情拎起咗隻杯飲😂😂😂辛口明太子手羽🍗一啖咬落去啲汁同入面啲明太子爆出

2021 08 婆婆珈琲屋當時試業聞名已經係熱門食店。等到肺炎時期比較沒咁嚴重，終於約到朋友時間一齊來啦。早一個月網上預訂好位，唔怕打唔通電話/唔中意打電話。。為左唔好咁熱，由尖沙咀坐地鐵去佐敦D出口。約左12點，但11點45分已到店。不過原來未開門，所以又落番去樓下附近bossini涼下先。。店內走廊闊，但茶水邊既2人位超窄。兩張枱距離20cm都無，我45kg160cm唔肥，但都要條裙抹哂左右兩張枱邊先埋到窗邊位坐。。坐底之後，發現張枱同我裡面個位左右偏離，坐到個人s形咁。。我地星期六12點坐底，11點45分沒開燈，咁我地應該係頭一轉客🤔但張枱竟然係黏黏既，有d唔知咩漬係度！！！。之後食野時，我既筷子係咁撞到個（肺炎所以隨開人既）透明膠枱，食野都頂住頂住，由心到身都好唔舒服。。呢個2人位真係好差既位置。呢餐要119蚊，但同茶餐廳d位差唔多咁渣。。買食物要出去叫，但收加1服務費呢樣我一早openrice見到，所以都沒咩驚訝。但d staff資質真係只算普通🤔門口招呼進門果個超細聲，要講2-3次先知佢講咩。埋左位介紹飲品同餐牌果個都講野唔清楚，大概係店內音樂太大聲啦🤔加上旁邊客人距離好近

今日特登同老婆試一試呢間婆婆珈啡屋，試之前只係係openrice求其search下，後來老婆話呢間係打卡食店。 不過可能我係男人關係，去到又唔覺特別好影😅今日叫左兩個定食，一個係牛肉定食，一個係豚肉生薑燒定食。牛肉定食嘅牛肉薄，香，牛肉汁味道亦好。定食入面仲有菜，柚子粒，糖心蛋，湯。 糖心蛋味道較咸，較少會食到呢個味道。 其餘3樣就普普通通。豚肉生薑燒定食嘅豚肉味道都好好，其餘配菜一樣。定食飲品要左凍蜜糖牛奶，熱特濃朱古力。 蜜糖牛奶嘅牛奶味濃，慢慢滲出甜甜嘅蜜糖味，味道唔錯。 朱古力味道濃香，有dd令人放鬆嘅苦味，係真朱古力嘅味道！味道總結：佢地嘅肉幾好食，飲品亦好，配菜就麻麻服務方面，侍應上菜態度唔錯，會講清楚邊份係牛，邊份係豬。人手好足，好易叫到人！用餐時間限時1粒鐘，基本上都夠，我地食左30分鐘就食完，但想坐定定傾下計就要諗諗時間la

四品料理🍱$108叫咗兩個四品料理咗四個熱食四個凍食每一份都唔算好大份😊但係就可以試到唔同嘢😁特別想highlight1.富士山明太子飯團首先個樣超靚已經加分啦😆同埋佢明太子份量算多😝啲飯唔算好硬又唔算好軟😊有日本嘅感覺2.日式咖喱雞肉呢個咖喱係典型嘅日本咖喱😍唔算辣但係有啲啲香味😀佢仲加咗超甜薯仔同埋紅蘿蔔☺️同個雞幾配搭幾夾😊雞肉都滑嘅3.照燒雞扒幾鍾意佢個醬汁偏甜😌但係同個雞扒好襯4.日式薯仔沙律哈哈一開始以為係雪糕🥰點知係薯蓉嚟嘅😌唔多覺佢有好多沙律醬😂所以就偏健康好Fresh😇😇沖繩海鹽・富士山🗻$98呢個富士山蛋糕勁正😁表面白色係啲cream☺️同個戚風蛋糕超級夾😂戚風蛋糕鬆軟香口😃幾鍾意佢個海鹽雪糕😻單獨食又得😝撈蛋糕食😀有別有一番風味

見朋友嚟影咗咁多靚相，我又過嚟婆婆咖啡屋打下卡先！😍無book位walk in，等咗大約15分鐘就入得。餐廳入邊有雅緻嘅裝修，的確係坐得幾舒服。坐底即刻點咗個蜂蜜蘋果咖喱烏冬、三文魚富士山飯團🍙，當然唔少得佢個招牌「富士山」飲品喇！嘢食送上之後排好位打卡真係幾靚架！🤩影完靚靚就要試一試D嘢食嘅水準。平心而論，食物嘅味道就真係普普通通。如果餐廳可以係E方面下功夫，相信就可以內外都咁具吸引力！👀

裝修有氣氛 ， 餐具精緻，食物賣相吸引 ，職員態度友善 ，是打卡的好地方。 食物味道及質素 也可，唯價錢略貴，但值得一試。最好係可以網上訂位， 不用現場等位。餐廳外還有些日用雜貨售賣，餐後也可順道看看。

呢間book mark咗好耐一直都想去😍據說開業初期大排長龍，今次終於有機會試到啦！（不過真係記住要訂位)⭐️四品料理（2冷2熱) $108四品料理嘅意思即係可以揀四款小碟！肥妹自從減肥之後胃口收細咗好多，所以食四品就啱啱好😚 除咗2冷2熱，大家都可以揀3冷1熱嘅小店，隨你所選🤩仲有三品呢個選項提供，但係我又好貪心想試多啲！😂 而如果大家想食多啲唔同款式嘅小碟，可以揀五品㗎😛 另外可以點飲品，主餐牌半價，不過我就冇揀到飲品啦，同埋聽講甜品都係好受歡迎嘅！下次有機會試咗再同大家分享！小碟款式間中都會有變化，如果想減肥就盡量揀少啲醬汁嘅小碟好了😎😎料理附送一小碟前菜，我嗰日嘅前菜係柚子醬蘿蔔粒，蘿蔔粒細細粒，大約四至五粒左右，甜甜地幾好食，估算唔超過20卡路里😋冷菜方面，我揀咗桂花冷蕃茄、烏麻菠菜！桂花冷蕃茄嘅酸酸甜甜都幾開胃，識落有淡淡嘅桂花味😋 揀烏麻菠菜就因為想有多啲纖維，我拜託咗店家烏麻醬另上，點少少嚟食都已經好開心！須知道烏麻醬好邪惡喔可以慳返唔少quota呢。🥳而熱菜就揀咗蟹肉汁煮大根、照燒雞扒🥰 大根咬落去軟硬度剛剛好，蟹肉汁嘅鹹度適中，最重要係大根嘅卡路里低，又有飽肚感，係一

呢間小店近期超hit 除左係因為佢嘅懷舊裝修 仲因為menu勁日本風 每個set可以自行搭配自己想食嘅野 樣樣都細細碟但又可以試幾樣野 滿足哂我呢d貪心嘅人😜 餐廳係自助形式點餐 坐低後可以自行出收銀台點餐 隨時服務員會將食物送到我地嘅座位 我地叫左2個4-course嘅set 有溏心蛋 飯團 炸雞塊等等 食物整體都好食 不過份量唔大而價錢略貴 食完之後都唔算飽 (可能係我大食🤣) 可能下次要叫5-course會好d🙈This café is a popular one! The interior design is rather nostalgic and vintage, with some dried flowers on each table. The meal sets are in Japanese style, in which you can choose a few dishes on the list. The portion of each is small, but you get to try different ones! ☺️We got two 4-cou

朋友生日特登book左間靚靚cafe打卡影相，樣就靚啦但食物質素真係好麻麻😕┄┅┄┅┄┅┄┅┄❦ 豚肉生薑燒定食 $138D豚肉乾到。。汁又冇乜，不過洋蔥就好入味。個飯我本身仲以為係d糙米定五穀飯，但其實根本就係未煲熟，食落飯芯仲硬嘅！-其他配菜都ok，菠菜同麻醬都幾夾；酸蘿蔔粒配柚子醬好清新；味噌湯幾足料但偏淡；溏心蛋幾好食，但唔夠醬油味。評分：🌕🌗🌑🌑🌑-❦ 蜂蜜蘋果咖喱烏冬定食 $128呢個好食好多。。雞肉甜甜地，入味而且好嫩滑，但烏冬略嫌軟身。評分：🌕🌕🌕🌗🌑-❦ 北海道三文魚奶油燉菜定食 $148汁好香奶油味，燉菜好腍同入味！不過三文魚偏乾，同埋d飯都係未熟😂評分：🌕🌕🌕🌘🌑-❦ 富士山明太子飯團 +$18個樣就幾靚，整到成個富士山咁，但成個飯團都係冇味。明太子少到冇咁滯 (last pic)，同埋都係冇味😂評分：🤢🤢🌑🌑🌑-❦ 特濃朱古力 +$21應該係溶左舊朱古力落去，但唔算特濃，味道普通。評分：🌕🌕🌕🌑🌑-❦ 蜂蜜牛奶 +$18早餐飲嘅牛奶味道😂 蜂蜜味冇乜。評分：🌕🌕🌕🌘🌑-雖然食物一般，但服務好好！生日仲送張即影即有～